Wani mutum ya kira wa alade ‘yan sanda a Amurka


Hakkin mallakar hoto
North Ridgeville Police Department

Image caption

Wani dan sanda ya samu ya daure aladen a bayan motar ‘yan sandan, kuma har ma ya dauki hoton aladen

‘Yan sanda sun saba da samun kira daga wajen jama’a, amma kiran da wani mutum ya yi musu a wata safiyar Asabar a Jihar Ohio ta Amurka, ya sha bamban da sauran.

Jami’ai sun yi tunanin cewa mutumin ba ya cikin hayyacinsa ko mafarki yake ko kuma ya sha giya ya bugu ne a lokacin da ya ce wani alade ‘mai naci’ na bin sa gida.

“Mun amsa kiran mutumin wanda muka yi tsammanin a buge yake, yayin da yake komawa gidansa daga mashaya da misalin karfe 5.26 na safe,” a cewar ‘yan sandan kamar yadda suka wallafa a shafinsu na Facebook.

Amma a yayin da suka isa sai suka samu wani mutum da ke cikin hayyacinsa, wanda bai damu da kawo naman alade gida ba.

Rundunar ‘yan sanda ta Arewacin Ridgeville, ta ce tabbas aladen ya yi ta bin mutumin, wanda ba a gano ko wanene ba, kuma mutumin ya rasa yadda zai yi da aladen.

Wani dan sanda ya samu ya daure aladen a bayan motar ‘yan sandan, kuma har ma ya dauki hoton aladen.

Sai aka kai aladen wani keji da ake ajiye karnukan ‘yan sanda – kafin daga bisani a mayar da shi wurin mai gidansa ranar Lahadi da safe.

‘Yan sanda sun ce: “Za mu fadi wani abun al’ajabi dangane da aladen da aka sa a motar ‘yan sanda, don duk wanda ke ganin kamar almara ce cewa aladen ya nace da bin mutumin to ya sake tunani.”

Tattalin arzikin Najeriya ya ja baya


Hakkin mallakar hoto
DEJI YAKE

Image caption

Gwamnatin Najeriya na yunkurin rage dogaron da arzikin kasar ke yi da man fetur

Tattalin arzikin Najeriya ya ja baya a rubu’in farko na bana, a cewar wani rahoto da Hukumar Kididdiga ta Kasa (NBS) ta wallafa a kan yawan arzikin da kasar, wato GDP.

Rahoton na NBS dai ya nuna cewa a rubu’in na farkon 2018 yawan arzikin da Najeriya ta samar ya karu da kashi 1.95 cikin dari idan aka kwatanta da bara warhaka; ya kuma yi kasa da kashi 0.9 cikin dari idan aka kwatanta da rubu’i na hudu na bara.

Wannan ne dai karo na farko da tattalin arzikin kasar ya dan yi kasa tun bayan farfadowar kasar daga koma-bayan da ya afka mata a shekarar 2016.

A cewar hukumar ta NBS, daukacin arzikin Najeriya a rubu’in na farkon 2018 ya kama Naira tiriliyan 28.464, yayin da yawan arzikin idan aka yi la’akari da hauhawar farashin kayayyaki ya tashi Naira tiriliyan 16.106.

Rahoton dai ya kasa arzikin da kasar ke samu gida biyu: da wanda aka samu ta hanyar fitar da danyen man fetur da kuma wanda aka samu ta wadansu hanyoyin.

Shugaba Muhammadu Buhari dai ya kuduri aniyyar yaye kasar daga dogaron da tattalin arzikinta ya yi da man fetur, amma wannan yunkuri na fuskantar kalubale.

A cewar hukumar NBS, a rubu’in na farkon 2018 bangaren man fetur ya bunkasa da kashi 14.77 cikin 100 idan aka kwatanta da rubu’in farkon 2017, yayin da bangaren da ba na man fetur ba ya bunkasa da kashi 0.76 cikin 100 a daidai wannan lokaci idan aka kwatanta da rubu’in farko na 2017.

Harkar noma ce dai kashin bayan ci gaban da ake samu a bangaren da ba na man fetur ba, sai dai ita ma ta fuskanci koma-baya da kashi 1.23 cikin dari idan aka kwatanta da rubu’in karshe na 2017, ko da yake ta bunkasa da kashi 3 cikin 100 idan aka kwatanta da rubu’in farko a 2017.

Ana auna yawan arzikin kasa ne (wato abin da ake kira GDP) ta hanyar yin raskawanar abin da daidaikun mutane suka kashe, da abin da kudin shigar gwamnati, da cinikin da ‘yan kasuwa da masana’antu suka yi, da kuma kudin da aka samu ta hanyar fitar da kayayyaki waje.

Me ya sa babu wanda ya damu da rikicin Zamfara?


Hakkin mallakar hoto
AFP

Image caption

Zamfara ta dade tana fama da rashin shugabanci nagari

Daga cikin jerin wasikun ‘yan jarida daga Afrika, Kadaria Ahmed ta duba matsalar rikicin jihar Zamfara a Najeriya, wanda masana suke ganin zai iya yin kama da tashin hankalin da aka gani a rikicin Boko Haram.

A tasowata kusan shekaru 50 da suka gabata a jihar Zamfara yankin arewa maso yammacin Najeriya, ban taba tunanin makomar yankin za ta kai ga matsanancin talauci da tashin hankali ba.

Gusau babban birnin jihar Zamfara, ya kasance gari mai wadata. Kamfanin Birtaniya John Holt, yana da cibiya ta tattara fata da gyara domin fitar wa zuwa Turai.

Akwai cibiyar kamfanin sikari ta Tate & Lyle na Birtaniya. Sannan akwai babban kamfanin masaka da kamfanonin gurzar auduga da kuma kamfanin gurzar gyada domin samar da mai da kuli-kuli.

Lokacin da muna yara, wurin da muka fi sha’awa shi ne kamfanin minti da wasu ‘yan kasar Lebanon suke yi, wanda a lokacin ke gamsar da bukatunmu da ‘yan kudaden da muke da su.

Akwai babbar tashar jirgin kasa da ke jigilar kaya zuwa sassan Najeriya, wanda yawanci masana’atun yankin ne ke cin gajiyarsa.

Hakkin mallakar hoto
AFP

Image caption

Zamfara a shekarun baya ta kasance cibiyar kasuwanci a arewa

Gusau, ta kunshi kabilu da dama da suka hada da Yarabawa da ‘yan kabilar Igbo daga kudancin Najeriya da kuma Indiyawa da ‘Yan Lebanon. Wannan ne ya haifar da burin yankin na samun jiha, bukatar da ta tabbata a shekarar 1996.

Iyaye a lokacin suna da zabi na makarantun gwamnati masu kyau da kuma makarantun mishan domin ilimin ‘ya’yansu.

Ba mu taba tunanin rashin shugabanci nagari ba.

Matsala ce da ta yi tasiri sosai a jihohin arewacin Najeriya, wadanda ke ci gaba da fama da tabarbarewar tattalin arziki, al’amarin da ya yi tasiri ga rayuwar mutanen yankin wadanda yawanci makomarsu ta fi karkata ga kishirwar samun shugabanci nagari.

Wannan matsala ce a bayyane, musamman ta fuskar rashin samar da ayyukan ci gaba daga filin noma da Allah ya albarkaci jihar da arzikin ma’adinan kasa da kuma yawan jama’a.

Sannan babu wani kokari na rage tasirin sauyin yanayi da ake fama da shi. Maimakon tattalin arzikin da Allah ya albarkaci yankin da shi domin taimakawa jama’a tare da ilmantar da ‘ya’yansu amma ‘yan siyasa sai dai su wadatar da kansu.

Karin bayani game da Zamfara:

  • Kashi 67.5 ke rayuwa cikin talauci
  • Iya karatu da rubutu: Kashi 54.7
  • Take: Noma tushen arzikinmu
  • Yawancin mutanen jihar manoma ne daga Hausa Fulani
  • Yawan jama’a: Miliyan hudu da rabi (Alkalumman shekarar 2016)
  • Musulmi ne mafi yawa
  • Jihar da aka fara kaddamar da Shari’a – a 2000
  • Madogara: Shafin alkalumma na Najeriya da wasu

Gwamnatocin da suka mulki kasar a jejjere sun ta yin buris wajen kawo maslaha ta dindindin kan matsolin da ke addabar jihar.

A yayin da matsalar barayin shanu ta zama bala’i ga jihar Zamfara, Gwamna Abdulaziz Yari ya samar da kungiyar ‘yan kato da gora don yakar maharan a shekarar 2013.

Sai dai ba a dauki dogon lokaci ba mazauna yankin suka fara korafi kan ‘yan kato da gorar, wadanda a yanzu su ma suke gallabar mutanen da ya kamata su kare da sace-sace.

Hakan ta sa kauyukan da ke fama da matsalar barayin shanu da ‘yan kato da gora suka fara kokarin ganin sunkare kansu da duk abun da ya kamata.

Daga haka sai rikicin ya kara ruruwa ta hanyar kai hare-hare da daukar fansa. A haka sai a ka kasa cimma kokarin shirin yin afuwa da aka so gabatarwa.

A yanzu dai muna ganin yadda rikici ke kara bazuwa da karuwa kuma ga alama ba a san hanyoyin da za a bi a shawo kansa ba.

Abun da yake a bayyane kawai shi ne yadda dumbin mutanen da ba su ji ba ba su gani ba ke ci gaba da mutuwa.

Gwamman mutane sun mutu a ‘yan watannin da suka gabata sakamakon hare-haren da aka kai wasu kauyuka a jihar Zamfara.

Sai dai saboda rashin isassun maso kawo bayanai, zai yi wahala a fadi adadin mutanen da suka mutu a rikicin da aka shafe shekara shida ana yi.

A ranar 28 ga watan Maris ne wasu mahara a kan babura suka yi wa a kalla mutum 28 yankan rago a kauyen Bawar Daji, mai nisan kilomita 90 daga Gusau.

Wadanda aka kashe din dai suna halartar wata jana’iza ce ta wasu mamatan da aka kashe su ma a irin wannan hari.

Hakkin mallakar hoto
AFP

Image caption

Rikicin da ake ta samu ya jawo asarar dumbin rayuka a Zamfara

A tsawon shekarun da suka gabata ana ci gaba da samun matsalolin satar mutane don kudin fansa da kuma fyade a wasu kauyuka na jihar Zamfara.

Ba a ba da rahotan abin sosai saboda ba a cika damuwa da wadanda abun ya shafa a kasa ba: talakawa ne, mutanen kauye, wadanda suka dogara da noma da kiwo kawai a yankunan da ke nesa da inda gwamnati take.

Rikicin ba irin fito-na-fiton da kafofin yada labarai na Najeriya ke sahukin bayar da labarinsa ba ne; tun da ba rikici ba ne a tsakanin Kiristoci da Muslumi, ko tsakanin Arewa da Kudu, ko tsakanin Hausa-Fulani da wasu kabilu.

Ke nan ba labari ba ne da za a iya bayar da shi don kafa hujja game da bambance-bambancen addini da kabilanci da ke tsakanin al’ummar Najeriya ba, saboda al’ada da adinnin maharan da wadanda ake kai wa hari galibi daya ne.

Wannan yana nuna irin gazawar gwamnatin taryya ne wacce ta kasa iya yin abun da ya kamata na kare mutanenta. Don haka an bar mutanen Zamfara da irin kaddarar da ta same su.

A fadin Najeriya akwai manyan wurare da yawa wadanda ake samun rikice-rikice sakamakon rashin matakan tsaro.

Dajin Rugu babban daji ne da ya ratsa yankuna da dama da suka hada da jihar zamfara har kan iyakar Jamhuriyyar Nijar.

Ana ganin dajin tamkar na Sambisa da ke jihar Borno, wanda ya zama maboyar mayakan kungiyar Boko Haram a shekarun baya-bayan nan.

Wani kwararre da ya san yankin sosai Chris Ngwodo, ya ce yanayin da ake fama da shi a jihar Zamfara iri daya ne sak da wanda jihar Borno ta samu kanta a ciki a tsakanin 2009-2010, yayin da kungiyar Boko Haram ta kaddamar da hare-hare masu muni.

“Abun da ke faruwa a Zamfara yanayi ne da zai iya samar da wani rikicin da zai iya ci ya ki cinyewa.” in ji Mista Ngwodo.

An fitar da ‘yan wasan da za su buga wa Spaniya kofin duniya


Hakkin mallakar hoto
Getty Images

Image caption

Alvaro Morata ya buga wa Spaniya wasa na karshe ne a watan Nuwambar 2017 a lokacin da ya ci Costa Rica a wasan sada zumunta

Babu dan wasan Chelsea Alvaro Morata a jerin ‘yan wasa 23 da Spaniya ta fitar da za su wakilce ta a gasar cin kofin duniya ta Rasha 2018.

Dan kwallon mai shekara 25 ya zura kwallo 11 a kakar farko da ya yi a Stamford Bridge kuma sai a mintin karshe aka sako shi a wasan karshe na cin kofin FA da Chelsea ta buga ranar Asabar.

Koci Julen Lopetegui ya bayyana sunayen ‘yan wasa hudu da ke taka-leda a gasar Firimiya da suka hada da David De Gea, David Silva, Cesar Azpilicueta da kuma Nacho Monreal.

Spaniya za ta fara wasanta na farko da Portugal a ranar 15 ga watan Yuni a birnin Sochi.

Ga jerin ‘yan wasan da Spaniya za ta fita da su fagen daga:

Masu tsaron raga:

David de Gea (Manchester United), Pepe Reina (Napoli), Kepa Arrizabalaga (Athletic Bilbao).

Masu tsaron baya:

Jordi Alba (Barcelona), Nacho Monreal (Arsenal), Alvaro Odriozola (Real Sociedad), Nacho Fernandez (Real Madrid), Dani Carvajal (Real Madrid), Gerard Pique (Barcelona), Sergio Ramos (Real Madrid), Cesar Azpilicueta (Chelsea).

‘Yan tsakiya:

Sergio Busquets (Barcelona), Isco (Real Madrid), Thiago Alcantara (Bayern Munich), David Silva (Manchester City), Andres Iniesta (Barcelona), Saul Niguez (Atletico Madrid), Koke (Atletico Madrid).

Masu cin kwallo:

Marco Asensio (Real Madrid), Iago Aspas (Celta Vigo), Diego Costa (Atletico Madrid), Rodrigo Moreno (Valencia), Lucas Vazquez (Real Madrid).

‘Yan sanda sun cire hodar ibilis 106 a cikin wata mata a Indiya


Hakkin mallakar hoto
Getty Images

Image caption

‘Yan sanda na farautar wani dan Najeriya wanda shi ne matar za ta mika wa kwayar

‘Yan sanda a Indiya sun ce sun yi nasara wajan cire kwayoyin hodar ibilis 106 daga cikin wata mata wadda ake zargi da kokarin shigar da kwayar ta haramtaciyyar cikin kasar.

An kama matar mai hekara 25 wadda bakuwa ce, a filin jirgin saman kasar da ke Indiya a Delhi, a ranar 14 ga watan Mayu bayan da wani ya tsegunta wa hukumomi, a cewar ‘yan sanda.

Rahotanni sun ce sai da ta yi mako guda a asibiti inda ta rika karbar magani, domin ta murmure daga kwayar hodar ibilis din da ta hadiya.

An yi kiyasin cewa kudin hodar ibilis din da ta sha ya kai rupees miliyan 50 kwatankwacin dala dubu 734.

‘Yan sanda sun yi amannar cewa matar ta hadiye kwayar ce a garin Sau Paulo, da ke Brazil, kuma an ba ta umurnin mika hodar ibilis din ga wani dan Najeriya da ke Delhi.

Jami’ian hukumar yaki da masu ta’ammuli da miyagun kwayoyi ta kasar sun fadawa jaridar Hindustan Times cewa; “ba su taba samun kwayar hodar ibilis mai yawa irin wannan ba” da aka cire daga cikin bil adama .

Sun kara da cewa hodar ibilis din da suka kwace mai inganci ce, wadda da aka samo daga Colombia, ba kamar sauran kwayoyin hodar ibilis da ake sayarwa a farashi mai rahusa ba, wadanda su ne aka fi kwacewa a mafi yawan lokuta.

‘Yan sanda na farautar wani dan Najeriya wanda shi ne matar za ta mika wa kwayar.

Iniesta ya yi wa Barcelona wasan karshe


Hakkin mallakar hoto
Getty Images

Image caption

Barcelona ta yaba wa Andres Iniesta da wani dogon shiri bayan wasan

Andres Iniesta ya kammala taka leda a Barcelona, inda kungiyar ta samu nasara a kan Real Sociedad a wasansa na karshe.

Dan wasan tsakiyar na Spaniya, mai shekara 34, zai bar zakarun La Liga ne a karshen wannan kakar, bayan ya lashe manyan wasanni 22 da manyan ‘yan wasan kulob din cikin shekara 16.

‘Yan kallo sun rika daga wani sako da ke cewa: “Sai Iniesta har abada” kafin a fara wasan.

Iniesta ya taka rawa daidai gwargwado yayin wasan, inda Barcelona ta kammala kakar da nasara ta hanyar kwallon da Philippe Coutinho ya zura a raga.

Tsohon dan wasan tsakiyar Liverpool din ya zura kwallo a raga ne a minti na 57.

Shin ina Andres Iniesta zai koma ne?

Messi da Iniesta sun ci kofi 30 a Barcelona

An maye gurbin Iniesta, wanda ya jagoranci kungiyar, a minti 82 da fara wasan, inda ya rungumi dukkan ‘yan wasan kungiyarsa kuma ya gai da magoya bayansu a Nou Camp, a cikin hawaye.

Bayan an kammala wasan, filin wasan ya yi duhu kafin fitulu su dawo lokacin da ‘yan wasan Barcelona suka fito suna sanye da rigar Iniesta domin su yi masa tsayuwar ban girma.

Daga nan sai Iniesta da kansa ya fito waje kuma ya daga kofin La Liga da na Copa del Rey.

Karo na hudu ke nan da ya lashe dukkanninsu a cikin kaka daya, kafin ya gabatar da wani jawabi ga jama’a.

“Wannan wata rana ce mai wuya a gare ni, amma na shafe shekara 22 masu ban mamaki a nan,” in ji shi.

“Ina cike da alfahari da farin ciki domin kare da kuma wakiltar wannan kulob din, wanda a gare ni shi ne ya fi ko wanne a duniya.”

Hakkin mallakar hoto
Getty Images

Image caption

Magoya bayan Barcelona sun rubuta sako mai cewa ‘Iniesta har abadan’ kafin a fara wasan

Hakkin mallakar hoto
Getty Images

Image caption

Iniesta was substituted in the 82nd minute of his 674th Barcelona game

Hakkin mallakar hoto
Getty Images

Image caption

The 2017/18 La Liga title was Iniesta’s 32nd trophy with Barcelona

Me ya sa ‘yan Kenya suka biya $10,000 don kallon auren Yarima Harry?


Hakkin mallakar hoto
Reuters

Image caption

Baki sun biya shiling miliyan daya daidai da naira miliyan 3.6 don kallon bikin

Wata kafar watsa labarai ta Kenya ta ruwaito cewa baki a wani otel din da ke babban birnin kasar, sun bugi kirji sun biya shillings miliyan daya, daidai da $10,000 ko naira miliyan 3.6, don kallon bikin auren masarautar Birtaniya a kan wani babban majigi.

Rahotanni sun ce an sayar da dukkan tikitin da aka tanada don shiga wajen nuna taron bikin, wanda aka yi a otel din Windsor Golf da Country Club, da ke wajen birnin Nairobi.

An wadata baki da abinci iri-iri, san nan washe-gari kuma suka shiga jirgi mai saukar ungulu zuwa Tsibirin Mount Kenya don yin karin kumallo.

Wasu saurayi da budurwarsa sun ce sun je ne domin samun dabarun da za su yi amfani da su yayin bikin aurensu.

“Za mu yi aure kwanan nan, saboda haka mun zo don samun dabaru na yadda za mu aiwatar da bikinmu. Wannan taron ya kasance mai dadi kuma wanka ya biya kudin sabulu”, kamar yadda suka shaida wa Jaridar Standard.

Wannan taron ya jawo suka da ce-ce-ku-ce sosai saboda yadda aka biya irin wannan makudan kuddade kawai don kallon biki a talbijin, a kasar da miliyoyin mutane ke rayuwa cikin talauci.

Hakkin mallakar hoto
EPA

Image caption

An sayar da dukkan tikitin da aka tanada don shiga wajen nuna bikin, wanda aka yi a otel din Windsor Golf da Country Club, da ke wajen birnin Nairobi

Hakkin mallakar hoto
Reuters

Image caption

Wata bakuwa ta sanya rigar amare ta kuma shiga wajen da aka nuna bikin tana tikar rawa

Amsoshin tambayoyinku kan rikicin Iran da Isra’ila


Hakkin mallakar hoto
AFP

Ana ci gaba da fuskantar tashin hankali a yankin Gabas ta Tsakiya, bayan Isra’ila ta kai wa Iran hari da makami mai linzami a Syria, a matsayin martani ga harin rokoki da aka kai a yankin Golan Heights da Isra’ilar ta mamaye.

Kasashen duniya da dama sun yi Allah-wadai da harin rokokin, wanda Isra’ila ta zargi Iran, kamar yadda Amurka ta zargi Iran da kokarin haifar da yaki a Gabas ta Tsakiya.

To ko me zai iya faruwa nan gaba a yankin, me ya sa kasashen ke rikici da juna. Wakilin BBC da ke aiko da rahotanni kan diflomasiya Jonathan Marcus, ya amsa wasu daga cikin tambayoyin da galibi kuka aiko.

Me ya sa ake rikici tsakanin Isra’ila da Iran?

Ko shakka babu Iran kasa ce da ke kyamar Isra’ila, kuma da ke kokarin ganin an kawar da Yahudawa. Iran tana goyon bayan wasu kungiyoyin da suka dade suna adawa da Isra’ila, amma yanzu saboda yakin Syria, Iran ta samu damar kai wa ga iyakokin Isra’ila.

Samun nasarar shugaban Syria Bashar al Assad, yanzu babbar dama ce ga Iran.

Iran na kara samun karfi a Gabas ta Tsakiya. Tana kokarin tabbatar da tasirin karfin sojinta a Syria. Wannan kuma ya bambanta da shirin nukiliya, wani bangare ne da ya kasance babbar barazana ga Isra’ila.

Na’urarku na da matsalar sauraren sauti

Kafar Talabijin ta Syria ta nuna yadda Isra’ila ta kai hari a Damascus

Ko Isra’ila za kai hari Tehran idan har Iran ta kammala mallakar makaman kare-dangi?

Batun nukiliyar Iran na sake ruruwa, domin tun kafin yarjejeniyar nukiliyar Iran da Trump ya yi watsi da ita, Isra’ila da Iran suka kama hanyar abka wa cikin yaki, yayin da ake fargabar Isra’ila da Amurka na iya kai hari cibiyar nukiliyar Iran.

Me kasashen duniya suke domin hana ruruwar rikicin?

Yayin da kowa ke nuna damuwa tare da kiran a kai zuciya nesa da yin taka-tsantsan, wasu kasashen daga waje tasirinsu yana da iyaka. Isra’ila da Iran na kan hanyar gwabza yaki da juna.

Rasha wadda daya ce daga cikin kasashen da ke taka rawa a rikicin Syria, ta yi biris da yadda Isra’ila ke amfani da sararin samaniyar Syria, saboda tana ganin ba nata ba ne, lamarin da ya saba wa bukatun Iran a Gabas Ta Tsakiya.

Hakkin mallakar hoto
Reuters

Image caption

Firaministan Isra’ila Benjamin Netanyahu da shugaban Amurka Donald Trump sun taba ganawa a Washington a watan Maris na 2018

Amurka kuma ta rage karfin fada ajin da take da shi a yankin, yayin da Shugaba Trump ya fi karkata da nuna goyon baya ga Isra’ila.

Shin Isra’ila ce ke takalar fada?

Wakilin BBC ya ce ba shi da masiniya game da wannan. Amma ga alama Isra’ila tana hannunka mai sanda ne ga Iran ta sauya tunani. Iran tana kallon abubuwan da Isra’ila ke yi a Syria a matsayin takalar fada.

Isra’ila na adawa da rawar da sojojin Iran ke takawa a kan iyakokinta.

Baya ga MDD da NATO, wa Birtaniya za ta goyi baya a rikicin Isra’ila da Iran?

Ba ni da wani tabbas game da “goyon baya na hakika”. Amma ko shakka babu Birtaniya ba ta jin dadin rawar da Iran ke takawa a yankin da kuma fargaba game da shirin nukiliya.

Sai dai ba kamar Amurka ba, Birtaniya tana son ta ci gaba da mutunta yarjejeniyar nukiliya da aka kulla da Iran.

Wakilin BBC ya ce yana ganin kusan dukkanin gwamnatoci da wasu hukumomi na kasashen duniya za su yi kokarin guje wa duk wani rikici tsakanin Isra’ila da Iran.

A martanin da Birtaniya ta mayar a harin daren Laraba, sakataren harakokin wajen kasar Boris Johnson ya ce: “Birtaniya ta yi Allah-wadai da harin roka da Iran ta kai kan sojojin Isra’ila. Mun goyi bayan Isra’ila ta dauki matakan kare kanta.”

Ya bukaci Iran ta kaucewa duk wani abun da zai kara haifar da matsalar tsaro a yankin.

Ko akwai tattaunawa da aka taba yi tsakanin Isra’ila da Iran?

Wakilin BBC ya ce zai yi mamaki idan har akwai wata tattauna ta kai-tsaye da aka yi.

Wani lokaci wasu ke shiga tsakani – misali kamar Rasha – amma “sako” daga Isra’ila zuwa ga Iran, ana gabatar da shi ne a fili kai-tsaye.

A zamanin Sarkin Iran Mohammed Reza Shah, akwai kyakkyawar dangantaka tsakanin Isra’ila da Iran.

An rusa dangantakar ne bayan juyin juya halin musulunci a 1979, ko da yake an yi tunanin Isra’ila za ta ci gaba da sayar wa da Iran da makamai a yayin da take yaki da Iraki. Daga baya dangantakar kasashen biyu ta kara rincabewa.

Manufofin Iran dai na da karfi ga kyamar Isra’ila da Yahudawa.

Iran ta inganta karfin soji sosai, ba wai ga mayakan Hezbollah na Lebanon ba, ana ganin ta tallafa wa kungiyoyi masu dauke da makamai domin yakar Isra’ila da Yahudawa – zargin da Iran ta sha musantawa.


Nigeria ta fara daukar mataki a filayen jirgen sama kan Ebola


Hakkin mallakar hoto
Getty Images

Image caption

Za a tsawwala matakai ne domin kariya daga yaduwar Ebola

Hukumomi a Najeiya, sun ce sun dauki tsauraran matakan kariya daga bazuwar cutar Ebola a filayen jiragen sama na kasar, ta hanyar gyara naurorin auna dumin jikin fasinjoji.

Jami’an kula da filayen jirage na kasar, sun dauki wannan mataki ne tun bayan samun bullar cutar Ebola a Jamhuriyar Dimokradiyyar Congo.

Hukumar kula da lafiya ta majalisar dinkin duniya ta ce, mutane 45 ne suka kamu, inda 25 suka mutu sanadiyyar cutar a kasar ta Congo.

Mai magana da yawun hukumar kula da filayen jiragen sama ta Najeriya, ta ce an farfado da na’urori masu auna zafin jikin dan’adam a dakin isowar baki na filayen jiragen saman kasar, wadanda aka girka tun a lokacin baya da aka samu bullar cutar a kasar.

Na’urar za ta yi kara domin ankarar da jami’ai da zarar dumin jikin mutumin da ke wucewa ta karkashinta ya zarta 38 a ma’aunin yanayin zafi.

Ta kuma ce akwai asibitoci da aka tanada a filayen saukar jiragen saman wadanda za su bincika domin tantance lafiyar duk wani mutum da dumin jikinsa ya zarta yadda aka kayyade.

Kasar Najeriya dai na iyaka ne da Kamaru, wadda ita kuma ke iyaka da Jamhuriyar Dimokradiyyar Congo, inda aka gano bullar cutar ta Ebola.

A wannan karo dai, har yanzu ba a gano wani da ya kamu da cutar ta Ebola a Najeriya ba.

Sannan babu jirgi da ke tashi kai-tsaye daga Najeriya zuwa kasar ta Congo.

Manyan filayen jiragen saman kasar ta Najeriya da aka sanya wa irin wadannan na’urori na auna dumin jikin dan’adam, sun hada da na Legas, da Abuja, da Kano, da Enugu, da kuma na Fatakwal.

‘El-Rufa’i ne matsalar APC’ – BBC News Hausa


Hakkin mallakar hoto
Getty Images

Image caption

Yan sabuwar PDPn sun yi barazanar ballewa, idan APC ba ta dauki mataki a kan zargin da suka yi cewa ana mayar da su `yan bora ba

A Najeriya, yayin da jam`iyyar APC mai mulkin kasar ke sauraron korafi daga wani bangaren `ya`yanta da ake wa lakabi da`yan sabuwar PDP, wadanda suka hade gabanin zaben 2015, kalaman da wasu jiga-jigan jam`iyyar ke yi cewa shugaba Buhari zai yi nasara a zaben 2019 ko da su, ko ba su na harzuka `yan jam`iyyar.

`Yan sabuwar PDPn sun yi barazanar ballewa, idan APC ba ta dauki mataki a kan zargin da suka yi cewa ana mayar da su `yan bora ba, barazanar da gwamnan jihar Kaduna, Mallam Nasiru El-rufa`i ya ce babu wani tasirin da za ta yi a kan zaben shugaban kasa mai zuwa.

A yau ne dai ake sa ran shugabannin APC za su gana da wakilan sabuwar PDPn game da wa’adin da suka bayar na ballewa.

To sai dai kuma, wani jigo a bangaren ‘yan sabuwar PDPn, wanda kuma jigo ne a Kwankwasiyya a Jihar Kano, Hon Danburam Nuhu, ya ce maganar da ake yi cewa ko da su, ko ba su za a ci zabe a 2019, ba abu ne da ya dame su ba, domin ba yau aka fara ba, in ji shi.

Hon Danburan, ya ce matukar ba a tsaya an duba matsalolin da ke cikin jam’iyyar APC ba, to akwai matsala.

Kazalika ya ce gwamnan jihar Kaduna, Malam Nasir El-Rufa’i, na daga cikin matsalolin jam’iyyar APC.

Ya ce, babu wani dan siyasar da ya san siyasa da zai fito ya ce ‘duk wanda ba zai bi yadda muke so ba ya kama gabansa, ai ba a dole a siyasa.’

Dangane da batun fita daga jam’iyyar APC, Danburan ya ce ‘ To idan an gyara fa ni’ima sai mu runguma mu tafi kawai, daman mu abinda muke nema shi ne ta yi kyau.

Danburan ya ce ya kamata a gane cewa ba jam’iyya za a yi ba a 2019, mutane za a yi.

Eden Hazard zai iya barin Chelsea – Steve Clarke


Hakkin mallakar hoto
Getty Images

Image caption

Eden Hazard ya taimakawa Chelsea lashe kofin FA bayan ya ci Man Utd a faneriti

Chelsea na iya sayar da Eden Hazard don ta samu kudaden sayen sabbin ‘yan wasa, a cewar Steve Clarke tsohon mataimakin kocin Kulub din.

Hazard mai shekara 27 shi ne ya taimaka wa Chelsea daukar kofin FA a Wembley a ranar Asabar bayan da ya zura kwallo a bugun fanariti a ragar Manchester United inda aka tashi 1-0.

Chelsea ba za ta buga gasar Zakarun Turai ba kaka mai zuwa bayan kammala Premier tana matsayi na shida a tebur.

Tsohon mataimakin kocin kungiyar Steve Clarke ya ce dole Chelsea na bukatar zubin sabbin ‘yan wasa.

Mista Clarke ya ce abu mai yiyuwa ne Hazard ya bar Chelsea idan an bude kasuwar musayar ‘yan wasa.

Shekaru biyu suka rage yarjejeniyar Hazard ta kawo karshe da Chelsea.

A shekarar 2012 ne Chelsea ta dauko Hazard daga Lille. Dan wasan na Blegiumya karbi kyautar gwarzon dan wasan Ingila a shekarar 2015 da ya lashe kofin Premier.

Tuni golan Chelsea Thibaut Courtois ya bukaci shugabannin Kulub din su yi zubin sabbin ‘yan wasa.

Akwai yiyuwar golan dan kasar Belgium zai bar Chelsea idan kwangilar shi ta kawo karshe da kungiyar.

Yadda Magajin Gari ya sha duka hannun mutanen gari


Hakkin mallakar hoto
EPA

Image caption

Da kyar aka kwaci Magajin garin Yiannis Boutaris

Magajin garin Thessaloniki birni na biyu mafi girma a Girka na karbar magani a asibiti bayan ya sha duka a hannun wasu mutanen gari.

Yiannis Boutaris, mai shekara 75, an dake shi a kai da kafufunsa kuma an buga ma sa kwalba.

Magajin garin ya sha duka ne hannun wasu gungun ‘yan kishin kasa da suka fusata kan bayyanarsa a wani babban taron tunawa da kisan da dakarun Turkiya suka yi wa kabilun Girka a zamanin yakin duniya na farko.

Boutaris, mutum ne mai adawa da ra’ayin ‘yan kishin kasa.

Gwamnati da wasu manyan ‘yan siyasar Girka sun yi Allah-wadai da harin.

Hakkin mallakar hoto
EPA

Da kyar aka kwaci Mista Boutaris daga hannun mutanen bayan sun bukaci dole sai ya fice daga wajen taron da aka gudanar a Thessaloniki ranar Asabar.

Calypso Goula daya daga cikin shugabannin Thessaloniki, ya ce ya ga mutane maza da yawa suna jifar Mista Boutaris da kwalabe tare da kai ma sa noshi a kai da harbinsa da kafa har sai da ya kai ga faduwa kasa.

Wata kafar watsa labarai a shafin intanet ta ambato Mista Boutaris na cewa: “Mutane da dama ne suka kai min hari, sun dake ni a ko ina.”

Mataimakansa ne dai suka kwace shi daga hannun mutanen, suka garzaya da shi zuwa asibiti.

Hakkin mallakar hoto
EPA

A cikin wata sanarwa, Firamnistan Girka Alexis Tsipras, ya ce mutanen za su fuskanci hukunci kan abin da suka aikata.

Haka ma babbar jam’iyyar adawa, New Democracy ta yi Allah-wadai da harin tare da yin kiran a gaggauta kama mutanen.

‘Yan bindiga sun sace matan wani dan kasuwa a Birnin Gwari’


Wasu ‘yan Bindiga da ba a tantance ba sun yi garkuwa da matan wani dan kasuwa su guda uku a karamar hukumar Birnin Gwari da ke cikin jihar Kaduna.

‘Yan bindigar sun kai harin ne a garin Maganda cikin dare kafin wayewar safiyar Lahadi suka sace matan Alhaji Ado Nakwana guda uku.

Wani mazauni Maganda makusanci ga dan kasuwar ya shaida wa BBC cewa ‘yan bindigar sun shiga kauyen kusan karfe biyu na dare, kuma kai tsaye suka isa gidan dan kasuwar suka bude wuta a kofar gidansa.

Ya ce sun tafi da matansa guda uku bayan ba su iske shi ba ya gudu a lokacin da suka shiga gidan.

“Amma daga sun sako daya daga cikin matan tare da sakon number waya ta kawo wa mijinta”, a cewarsa.

Ya kuma ce sun harbi wani matashi makwabcin dan kasuwar, bayan ya bude daki ya fito a lokacin da suka kai harin. Ya ce an tafi da shi asibiti a Kaduna.

Uwar gidan dan kasuwar da wadda ke bi ma ta ne yanzu ke hannun ‘yan bindigar bayan sun sako ta uku.

BBC ta yi kokarin jin ta bakin ‘yan sanda amma kakakin rundunar ‘yan sandan jihar Kaduna ASP Aliyu Mukhtar bai dauki waya ba.

Wannan na zuwa a yayin da wasu rahotanni suka ce ‘yan bindiga sun kaddamar da hari a kan hanyar Birnin Gwari zuwa Kaduna inda suka sace wani direba kafin daga bisani ya tsere daga hannunsu.

Yankin Birnin Gwari a Kadna na cikin yankunan arewa maso yammaci da ake yawan samun matsalar sace-sacen mutane domin kudin fansa.

Dama matan ‘yan China na aurar bakaken fata?


Image caption

Xu Jing da mijinta dan kasar Kenya Henry Rotich, ke na wanda suka shafe shekara 10 suna matukar son juna

Xu Jing, ta ce sun fara soyayya, to amma da farko sun sha wuya.

Sun hadu ne a wani kebantaccen waje a wani otel na Fairmont da ke Nairobi.

Xu ta ce ‘ Iyayena ba su san Afirka sosai ba. Ba su taba zuwa Kenya ba, don haka suka kasance cikin damuwa.’

Masoyan biyu sun fara soyayya ne bayan da aka tura Henry zuwa China domin ya koyo yaren Mandarin a wani bangare na sabon aikin da ya samu.

Ya kwashe tsawon lokaci yana koyon yaren, kafin daga bisani suka hadu da mahaifin Jing bayan ya je wajen su inda suka ba shi abinci, sannan kuma ya nemi ya sa masa albarka a kan abin da ya kawo shi kasar.

Henry ya ce “Mahaifin Jing bai ce komai ba, sai na shiga damuwa a kan abinda ya ke tunani, shin ko ya ji dadin abincin da muka bashi?”

Bayan shekara 10, Henry ya kware a yaren Mandarin, daga baya sai ma’auratan suka koma Nairobi, babban birnin kasar Kenya da zama, inda kuma suka haifi yara biyu.

Yanzu haka Jing tana koyar da yaren Mandarin a wata jami’a a Nairobi.

Jita-jita

Labarin Jing da Henry ya samu nasara, to amma dangantakar da ke tsakanin ‘yan kasar China da ke Kenya tana tangal-tangal.

Hakkin mallakar hoto
AFP

Image caption

China ta zuba jarin biliyoyin kudi a ayyukan gina ababan more rayuwa a Afirka

A kan hanyar Thika, wani kamfanin kasar China ya gina wata babbar hanya da ta hada zuwa Nairobi daga garin na Thika, inda ake kiran wajen Thika babies.

A cewar wasu ma su tsegumi, ma’aikatan da ake aiki a kamfanin gine-gine na kasar ‘yan China sun yi wa da yawa daga cikin matan da ke zaune a wajen ciki kafin su bar wajen.

Kafafen yada labarai sun rawaito labarin wata yarinya ‘yar makaranta da wani ma’aikaci dan kasar China ya yi wa ciki wadda kuma ta kasa gane shi a cikin daruruwan ma’aikatan kamfanin gine-ginen da ke Thika.

Haka dai ake ta yada jita-jitar cewa ‘yan kasar Chinan da ke aikin ginin hanya a yankin Thika, suna yi wa mata ciki, abin da ba za a iya tantancewa ba.

Wani wanda ya ke fassara yaren China a Kenya, wato Thatcher da ake zaune a kusa da hanyar Thika, ya ce yana ganin nan da shekara 15 zuwa 20, idan yaran da aka haifa da ake zargin ‘yan kasar Chinan ne suka yi cikinsu suka girma har suka je makaranta, za a gano gaskiyar lamarin.

Yadda yanayi ke canzawa a Afirka

Bacewar iyaye maza ba ita ce matsala ba a yawancin gidajen Kenyan da ‘yan kasar China suka yi wa wata ciki.

To amma ga Jing, wadda ta girma a lokacin da ake da dokar haifar da daya a China, ta ce wani lokaci tsabagen yawan dangi kan zama babban lamari.

Hakkin mallakar hoto
AFP

Image caption

Nan wata ‘yar majalisar Hong Kong ce ta kai ziyara Kenya domin taimakawa wajen yaki da farautar haurin giwa a ranar 13 ga watan Satumbar 2014

Henry ya ce ‘Mu mun saba da tara iyalai, ko kuma kaga gida akwai iyalai da yawa, wani lokaci ko da gidanka kai kadai ne sai matarka da yaranka, ‘yan uwanka kan zo su zauna da kai, wani lokaci su jima a wajenka.’

Ya ce to amma ‘A China, ba su da wannan al’ada ko dabi’a. saboda ba su da yawan iyalai, su a kasarsu, ‘yan uwanka kan zo wajenka su zauna da kai ne na dan gajeren lokaci.’

Irin wadannan al’adu, shi ya banbamta mu da su, haka akwai kuma wasu al’adunma da suka banbamta mu da dama, inji Henry.

Yanayin girma da fadin China da Kenya

Girma

  • Kenya: 580,000 km² (224,000 sq miles)
  • China: 9,597,000 km² ( 3,700,000 sq miles)

Yawan al’umma

  • Kenya: Miliyan 48
  • China: Biliyan 1 da miliyan 300

Ma’aunin tattalin arzikin kasa

  • Kenya; $3,500
  • China: $16,600

Ilimi

A kasar Kenya, mutane na daukar komai cikin sauki, domin suna more rayuwarsu, ba kamar a kasar China ba.

‘Yan kasar China na zuwa Kenya tare da cimma abin da suke so, suna aiki na tsawon sa’oi, sukan dauki lokacin hutu kadan, sannan sukan yi aiki ba dare ba rana domin su tabbatar da sun kammala komai cikin sauki.

Abin da Jing da Henry suka fahimta ke nan a tsakaninsu.

Jami’ar da Jing ke aiki wato The Confucius Institute, na daya daga cikin makarantun da gwamnatin China ke daukar nauyi, kuma ta yi hakan ne domin ta kara karfafa dangantaka tsakaninsu da China.

Hakkin mallakar hoto
AFP

Image caption

Shugaban kasar Kenya Uhuru Kenyatta da takwaransa na kasar China Xi Jinping na son ci gaba da kulla dangantaka tsakaninsu

Yawancin iyaye mata a Nairobi na son magana da Xu da kuma ‘ya’yanta idan sun ganta, idan an ganta akan ce ga uwa ‘yar China.

Henry ya ce ‘Yaranmu na kama da ‘yan kasar Kenya, a saboda haka idan na fita tare da su, mutane kan tambaye ni wane yare suke yi?’.

‘Idan na ce mu su Chinese, su kance me? Abin ya kan burge mutane har sukan so su rinka yin mana tambayoyi, wani sa’in ma sukan zama abokanmu’ inji Henry.

A nata bangaren kuwa wato Jing, cewa ta yi ‘ Na kan yi kewar kasata ta asali wato China, amma Kenya yanzu ita ce gidana.’

Hotunan muhimman abubuwan da suka faru a Afirka a makon jiya


Wasu daga cikin hotunan abubuwa mafi kyau da suka faru a wurare daban-daban na Afirka da ‘yan Afrika awasu wurare a duniya a makon da ya gabata.

Hakkin mallakar hoto
AFP

Image caption

Wasu ‘yan Afirka ta Kudu sun taru a wajen ofishin jakadancin Isra’ila a birnin Johannesburg ranar Talata, don nuna rashin amincewa da mutuwar Falasdinawa masu zanga-zanga.

A protester carries a doll as she and others march towards a restaurant after a female client was allegedly thrown out for breastfeeding and not covering up in Nairobi"s Central Business District on May 15, 2018Hakkin mallakar hoto
AFP

Image caption

Wasu mata ‘yan Kenya sun taru a titunan birnin Nairobi domin yin Allah-wadai da hana wata mata shayar da jaririnta a wani kantin cin abinci.

People navigate the the waterways of Makoko waterfront community in Lagos on May 15, 2018. Members of various waterfront communities and the Nigerian Slum/Informal Settlement Federation have protested on the day marking one year anniversary of the forced eviction of the Otodo Gbame community, a Lagos shanty town,Hakkin mallakar hoto
AFP

Image caption

A wani bangaren nahiyar Afirka, masu fafutuka a birnin Lagos na Nigeria sun yi zanga-zanga bayan cika shekara daya da aka tilasta musu barin yankin Otodo Gbame – da a baya suke rayuwa a gabar teku.

A man pushes a wheelbarrow through the streets as Somaliland celebrates its independenceHakkin mallakar hoto
AFP

Image caption

A ranar Talata kuma, mutane sun yi bikin shekaru 27 na samun ‘yancin kan da Jamhuriyyar Somaliland ta ayyana kanta, kwanaki uku kafin a fara azumin Ramadan.

A supporter of Kenya's Gor Mahia poses before the friendly football match Kenya"s Gor Mahia vs England"s Hull City at the Kasarani stadium in Nairobi on May 13, 2018.Hakkin mallakar hoto
AFP

Image caption

Mutane sun kasance cikin annashuwa a birnin Nairobi na Kenya, a ranar Lahadi, yayin da ‘yan wasan kwallo Gor Mahia suka buga wasan sada zumunici da ‘yan wasan kungiyar Hull City ta Ingila.

Zimbabwe War veterans sing and dance ahead of a consultative meeting between the veterans of Zimbabwe"s liberation war and leaders of Zimbabwe ruling party Zimbabwe African National Union Patriotic Front (ZANU PF) in Harare on May 11, 2018.Hakkin mallakar hoto
AFP

Image caption

A ranar Juma’a, ‘yan mazan jiya na Zimbabwe sun yi ta rawa da waka kafin taron tattaunawa da shawarwari na Jam’iyyar Zanu-PF.

Supporters cheer for Union for the Republic and Democracy (URD) leader Soumaïla Cissé at a rally during the launch of his presidential bid in Bamako on May 12, 2018.Hakkin mallakar hoto
AFP

Image caption

A ranar Talata a Mali, Shugaban kungiyar adawa na Jam’iyyar Republica da democradiyya (URD), Soumaila Cisse, ya kaddamar da aniyyarsa ta tsayawa takarar shugaban kasa a wani babban gangami.

A woman casts her vote at a polling station in Ciri, northern Burundi, on May 17, 2018 during a referendum on constitutional reforms that, if passed, will shore up the power of incumbent President and enable him to rule until 2034.Hakkin mallakar hoto
AFP

Image caption

A ranar Alhamis ne, mutanen Burundi suka kada kuri’a don yanke shawara a kan sauya kundin tsarin mulki- wanda zai bai wa shugaban kasa, Pierre Nkurunziza ci gaba da kasancewa a mulki har 2034.

Burundian singer and member of the Feature Film Jury Khadja Nin arrives on May 16, 2018 for the screening of the film "Burning" at the 71st edition of the Cannes Film Festival in Cannes, southern France.Hakkin mallakar hoto
AFP

Image caption

Kwana guda kafin a yi wannan, wata mawakiya a Burundi Khadja Nin ta ja hankalin mutane yayin da ta hau jar daddumar da aka shimfida wa baki a bikin Cannes, a Faransa.

Hakkin mallakar hotuna AFP da Getty Images da Reuters da EPA.

Me ya kamata a kauracewa a shafukan sada zumunta lokacin Ramadan?


Image caption

Shafukan sada zumunta na ci gaba da karbuwa a wajen Musulmi

Shafukan sada zumunta da muhawara na zamani wasu hanyoyi ne da al’umma ke amfani da su domin cimma bukatu daban-daban: wasu na neman ilimi, wasu kasuwanci, wasu kuwa na yin amfani da su ne domin watsa labaran karya da kuma cin zarafin jama’a.

Mutanen da suka samar da wadannan shafuka irinsu Facebook da Twitter da WhatsApp da Instagram da makamantan su sun sanya sharuddan amfani da su, cikinsu har da hana cin zarafin wani ko wasu, hana sanya hotunan batsa ko yin kalaman batanci da na batsa da dai sauransu.

Da ma dai tsarin zamantakewar Musulmi, wanda akasari addini ke jan linzaminsa, ya sanya sharuddan zaman tare.

Addinin Musulunci yana gaba-gaba wajen tabbatar da ‘yancin dan adam da kuma tsawatarwa kan abubuwan da ba su dace ba, don haka ne malamai ke kara yin kira ga masu amfani da shafukan sada zumunta su kiyaye dokokin addinin a lokacin da suke yin amfani da shafukan.

Mun tattauna da Malam Musa Sani, limamin daya daga cikin masallatan rukunin gidaje na Efab da ke Abuja, babban birnin Najeriya, kuma ya yi mana karin bayani:

Ƙarya

Hakkin mallakar hoto
Reuters

Image caption

Watan azumi lokaci ne da Musulmi ke dagewa wajen yin addu’o’i

Ƙarya na cikin manyan abubuwan da addinin Musulunci ke ƙyamar su. Ayoyi da dama a cikin Al-Ƙur’ani mai tsarki sun yi gargaɗi a kan karya, inda suke bayyana irin azabar da Allah ya tanadar wa maƙaryata.

Kazalika, hadisai da dama sun bayyana makaryata a matsayin mutanen da ba a bukatar azuminsu.

Misali, wani hadisi da Abu Huraira ya rawaito ya ambato Manzon Allah tsira da amincin Allah su tabbata a gare shi yana cewa: “Duk mutumin da bai daina karya ba, Allah ba ya bukatar sa da ya daina cin abinci ko shan abin sha (wato Allah ba zai karbi azuminsa ba.)”.

Haka kuma wani hadisin na cewa, “Na hore ku da ku guji yin karya, domin mai yin karya za a rubuta sunansa a matsayin makaryaci.”

Da alama masu amfani da shafukan sada zumunta na zamani da dama ba sa yin la’akari da irin wannan hadisi a lokutan azumi, ganin yadda suke watsa labarai na karya.

Yada jita-jita

Masu amfani da shafukan sada zumunta da muhawara sun yi fice wajen yada jita-jita, lamarin da sau da dama kan haifar da mummunan sakamako.

Manzon Allah, tsira da amincin Allah su tabbata a gare shi, ya ce, “Ya ishi mutum zunubi a ce duk labarin da ya ji sai ya yada shi.”

Hakan na nuna cewa ya kamata mutanen da ke amfani da wadannan shafuka su rika yin kaffa-kaffa wajen irin kalaman da suke watsawa.

Batsa

Image caption

A kwanakin baya ne ‘yan majalisar dattawa suka so yi wa gyaran fuska kan yadda ake amfani da shafukan zumunta a Najeriya, sai dai hakan bai yiwu ba saboda sukar da suka sha.

Hotuna da bidiyo da kuma kalaman batsa na daga cikin abubuwan da suka mamaye shafukan sada zumunta da muhawara.

Haka kawai, babu kunya, za ka ga masu amfani da shafukan suna sanya batsa, kuma suna yin tsokaci a kansu.

Yawancin lokuta ma sukan tura su ga abokansu da ke shafukan, ko da kuwa ba su nemi a tura musu ba. Hakan yakan fusata mutane da dama.

Addinin Musulunci yana matukar kyamar wannan mummunar dabi’a, wacce Allah da Annabinsa Muhammadu (SAW) suka haramta

Jin kade- kade

Jin kade-kade da wake-wake na cikin abubuwan da aka yi hani da su a Addinin Musulunci idan ba a wasu lokutan kebabbu ba, musamman inda aka amince mata su yi kida da waka a lokutan biki.

Ko su ma ba a yarda su bayyana al’aurarsu a lokacin da suke waka ba.

Don haka masu amfani da shafukan zumunta na zamani su guji fadawa irin wannan tarko, ganin yadda shafin intanet ya cika makil da kade-kade da wake-wake wadanda wasunsu ma na batsa ne.

A takaice dai, za a iya cewa dukkan abubuwan da Musulunci ya yi hani da su a lokutan da ba a azumi, su ne kuma wadanda ya yi hani da su a lokacin azumi.

Kuma babban abin da za a yi la’akari da shi shi ne fadin Manzon Allah Muhammad (SAW) cewa, “Ku fadi alheri ko ku yi shiru”. Don haka ya kamata masu amfani da shafukan zumunta su tambayi kansu: shin abubuwan da zan wallafa, ko na kalla, ko kuma na fada, suna da gurbi a Addinin Musulunci?

Kazalika, idan wani ya zungure su domin neman fada ko maganar da ba ta dace ba, ya kamata su ce masa “Mu muna azumi”, kamar yadda Manzon Allah ( SAW) ya bukaci a yi.

An sabunta wannan makala ce daga wacce aka rubuta ranar 10 ga watan Yunin 2016.

‘Yan Najeriya sun fi wasu ‘yan kasashen Afirka tsawon rai’


‘Yan Najeriya sun fi ‘yan Afirka ta Kudu tsawon rayuwa kamar yadda wasu sabbin alkalluman da aka fitar a shekarar 2016 suka nuna.

Alkalluman sun nuna cewa tsawon rayuwar ‘yan Najeriya masu shekara 18 ya dara na takwarorinsu na Afirka ta Kudu da shekara 8.

Wannan kadan ne daga cikin abubuwan da BBC ta gano ta kalkuletar da ke hasashen shekarun da mutum zai yi a duniya, bisa alkalluman daga wani binciken cibiyar nazari ta IHME.

Najeriya da Afirka ta Kudu su ne kasashen da suke kan gaba a fagen tattalin arziki a nahiyar Afirka.

Kalkuletar ta nuna cewa mutum mai shekara 18 a Najeriya zai iya kai shekara 77 a duniya, yayin da mace mai shekara 18 za ta iya kai shekara 78 a duniya, bisa hasashen wani rahoton tsawon rayuwa da BBC ta wallafa.

Sai dai kuma masu shekara 18 da haihuwa kuma a Afirka ta Kudu za su iya kai shekara 69 a duniya bisa hasashen na tsawon rai da aka yi. Kuma a wannan matakin na masu shekara 18, kasar Afirka ta Kudu ita ce ta 183 cikin kasashe 198.

Rahoton dai ya kuma nuna cewa masu shekara 18 din za su iya yin kashi 85% cikin 100 na tsawon rayuwarsu cikin koshin lafiya.

Tsawon rai dai ya karu ne a Najeriya da shekara hudu daga shekarar 1990.

Ga mutane masu shekara 18, Najeriya ita ce kasa ta 116 a duniya cikin kasashe 198 akan tsawon rayuwa.

Sai dai kuma a kasar Kamaru, masu shekara 18 za su iya kai wa shekara 70 a duniya, kuma kasar ta Kamaru ita ce kasa ta 179 cikin kasashe 198 kan hasashen tsawon rayuwa.

Sai dai kuma a kasar Ghana masu shekara 18 suna da hasashen tsawon rayuwar shekara 73, yayin da kasar ke ta 152 cikin jerin kasashe 198 da aka yi wa hasashen tsawon rayuwa.

Su kuwa ‘yan kasar Chadi masu shekara 18 za su iya kai shekara 71 a duniya, yayin da kasarsu ke mataki na 168 cikin kasashe 198.

Wadanda suka kai shekara 30

Har wa yau wadannan sabbin alkalumma ne da aka fitar a 2016 sun nuna cewa dan Najeriya mai shekara 30 zai iya kai shekara 75 a duniya, kuma ‘yar Najeriya mai shekara za ta iya kai shekara 76 a duniya.

Sai dai kuma a kasar Afirka ta Kudu wandanda suke da shekara 30 a duniya hasashen tsawon rayuwarsu ya nuna cewa za su iya kai shekara 69 a duniya.

Kuma ita kasar Afirka ta Kudu ita ce kasa ta 178 daga cikin kasasshe 198 a tsawon rayuwa na wadanda suka kai shekara 30 a duniya.

Ku yi hasashen tsawon shekarunku.

Za ku iya hasashen iya shekarun da suka rage muku a duniya ta wannan kalkuletar.

Kiyasi kan tsawon rai a duniya tun daga haihuwa shi ne shekara 72, wato 70 ga Maza 75 kuma ga Mata. Amma a kan samu sauyi saboda shekaru. Misali, Wanda ke da shekaru 69 na iya kara yin wasu shekaru 17.

India da Pakistan na fada a kan kasafin ruwa


Hakkin mallakar hoto
Getty Images

Image caption

Narendra Modi

Firaministan India Narendra Modi, ya kaddamar da fara aikin cibiyar samar da wutar lantarki da ke kan wata madatsar ruwa mai cike da rudani.

Pakistan dai na adawa da aikin madatsar ruwar ta India, kasancewar tashar samar da wutar lantarkin an yi ta ne kan wani rafi da ya ratsa kasashen biyu, inda Pakistan ke fargabar cewa ruwan da ke kwararowa zuwa cikin ta zai ragu.

Akwai rafuka da dama wadanda suka taso daga yanki mai tsananin sanyi na India suka ratsa ta lardin Punjab mai yawan al’umma a kasar Pakistan.

A Pakistan, rayuka da dama sun dogara ne kan wadannan rafuka, domin kashi 80 cikin 100 na amfanin gona da ake samarwa a kasar, sun dogara ne kan wadannan rafuka da suka fito daga makwaftan kasashe.

Sai dai India ta fara gina madatsun ruwa kan wadannan rafuka, inda ta ce tana bukatar samar da tashoshin samar da wutar lantarki domin cike gibin karfin wutar lantarki da take bukata.

Pakistan dai ta kai karar India a gaban kotun laifuka ta duniya, sai dai hukuncin da kotun ta yanke a shekarar 2013, ya nuna goyon baya ne ga India.

Har yanzu dai akwai yarjejeniyar kasafta ruwan wadannan rafuka da kasashen biyu suka sanya wa hannu tun shekarar 1960, sai dai al’ummar Pakistan na ci gaba da fargabar cewa, India za ta iya amfani da wadannan rafuka a matsayin makami a wani lokaci nan gaba.

An samu raguwar haihuwa a Amurka


Hakkin mallakar hoto
Getty Images

Image caption

Ana samun raguwar haihuwa a Amurka

Kwararru sun ce an samu raguwar haife-haife a Amurka a cikin shekara 30, saboda jan kafar da mata ke yi wajen kasancewa iyaye.

A shekarar 2017, an haifi jarirai kusan miliyan hudu a Amurka , wadanda suka kasance adadi mafi kankanta tun shekarar 1987.

Kwararrun sun ce wannan yanayi ba ya rasa nasaba da raguwar haihuwa daga mata masu karancin shekaru.

An dai samu raguwa sosai a yawan haihuwa ne saboda yadda kasar ke kara samun ci gaba a koda yaushe.

Raguwar yawan haihuwar da aka samu a Amurka ya fi na Birtaniya, amma duk da haka Amurka ce ke da yawan matan da ke haihuwa.

Yayin da aka samu raguwar haihuwa a tsakanin mata matasa a Amurka a bara, an samu karuwar mata da shekarunsu ya kai 40 zuwa 44 da suke haihuwa.

Donna Strobino, wadda malama ce a jami’ar Hopkins ta ce, an samu wannan sauyi na raguwar haihuwa a Amurka ne saboda yadda mata ma’aikata ke kin haihuwa da wuri saboda yanayin aiki.

Malamar ta ce, yanzu mata na kara zurfi a karatunsu, sannan ga su ma’aikata, don haka sukan fi mayar da hankali kan ayyukansu maimakon su rinka haihuwa.

Donna Stobino, ta ce rashin kwararan manufofi da za su taimaka wa mata ma’aikata a kan samun cikakken hutun haihuwa, zai kara sa a ci gaba da samun raguwar haihuwa a Amurka, har sai an gyara.

Amurka dai ita ce kadai kasar da ta ci gaba da ba a bayar da hutun haihuwa ga mata.

PDP ta zargi APC da ‘murkushe abokan hamayyar siyasa’


Hakkin mallakar hoto
Getty Images

Jam’iyyar PDP da ke adawa a Najeriya ta zargi gwamnatin APC da yunkurin murkushe abokan hamayyar siyasa saboda zaben 2019.

A cikin wata sanarwa da ta raba wa manema labarai, PDP ta zargi gwamnatin Tarayya da yin bita da kullin siyasa ga ‘yan adawa.

Ta kuma ce matakin ya shafi karya duk wani wanda ya ki goyon bayan takarar shugaba Muhammadu Buhari a zaben 2019.

BBC ta yi kokarin tuntubar bangaren APC game da zargin amma kakakin jam’iyyar Bolaji Abdullahi bai amsa kira ba.

A cikin sanarwarta, PDP ta ce shugabanta Uche Secondus na samun sakwanin barazana ga rayuwarsa tun lokacin da jam’iyyar ta aika kokenta ga Majalisar Dinkin Duniya da ke dauke da bayani kan barazanar APC ga ci gaban dimokuradiyar Najeriya.

Sanarwar ta fadi cewa, “PDP tana son ‘yan Najeriya da al’ummar duniya su san wadanda za a kama da laifi idan har shugabanninta da wasu ‘yan adawa suka samu kansu a yanayi na kisa da mummunan hatsari da fashi da makami ko kuma suka yi batan-dabo.

Sannan PDP ta zargi gwamnatin APC da murkushe ‘yan adawa ta hanyar zarginsu da cin amanar kasa, baya ga amfani da yaki da rashawa domin karya su.

Daga karshe, PDP ta ce APC ta sa ma ta ido ne saboda ganin yadda farin jininta ya farfado tsakanin ‘yan Najeriya, a matsayin wani mataki da zai yi tasiri ga samun nasararta a zaben 2019.

Hotunan auren Yarima Harry da Meghan Markle


Hakkin mallakar hoto
Getty Images

An daura auren Yarima Harry da Meghan Markle, auren da aka dade ana jira.

An daura auren ne a Windsor inda ma’auratan suka yi wa juna alkawali tare da sanya wa juna zobe.

An gudanar da auren ne a gaban Sarauniyar Ingila da kuma baki 600 da aka gayyata.

Daruruwan mutane ne suka halarci bikin daurin auren, yayin da miliyoya suka kalli bikin kai tsaye a Talabijin

Yanzu Yarima Harry da amaryarsa Meghan za a kira su da sarautar Duke da Duchess na Sussex.

Ga wasu daga cikin hotunan bikin auren da aka gudanar a ranar Asabar.

Hakkin mallakar hoto
Getty Images

Hakkin mallakar hoto
Getty Images

Hakkin mallakar hoto
Getty Images

Hakkin mallakar hoto
Getty Images

Hakkin mallakar hoto
Getty Images

Hakkin mallakar hoto
Getty Images

Hakkin mallakar hoto
Getty Images

Hakkin mallakar hoto
Getty Images

Yadda mata ke fuskantar matsin lamba su gaggauta yin aure


Mata da dama ne ke bayyana damuwa game da yadda suke fuskantar matsin lamba daga iyayensu kan batun gaggauta yin aure ta ko wane hali tun kafin su kai shekara 30.

Tsananin matsin lambar har ya kai wani lokaci iyaye na cin zarafin ‘ya’yansu mata da nufin su ji takaici har su gaji su yi aure.

Yadda wasu iyayen ke nuna kamar ana sayar da mazan aure ne a kasuwa, ‘ya’yansu kuma sun ki mallakar nasu.

Shirin na wannan makon ya tattauna ne kan wannan batu musamman halayyar da wasu iyayenmu da ke tilasta wa ‘ya’yansu yin aure a lokacin da ba su tashi ba.

Shin ko wannan tabi’a ce mai kyau? Ko kwalliya na biyan kudin sabulu?

Bidiyon auren Yarima Harry da Meghan Markle


Auren Yarima Harry da Meghan Markle a masarautar Birtaniya, auren da ake kira na shekara.

Daruruwan mutane ne suka isa Windsor domin kallon bikin auren, yayin da miliyoyin mutane a sassan duniya ke kallon bikin kai-tsaye.

Shugaban Cocin Ingila, Archbishop na Canterbury, Justin Welby ne zai daura auren Yarima Harry da Markle.

Ana gudanar da bikin auren ba tare da mahaifin Amarya ba, Thomas Markle, saboda yana jinyar rashin lafiya.

Yarima Charles ne zai yi tafiya da amarya a wajen daurin auren a madadin mahaifinta.

Da misalin karfe 12 na rana ake sa ran za a daura wa Yerima Harry da Meghan Markle aure a cocin St. George da ke Windsor, inda nan ne aka daura auren Yerima Peter Philips da Autumn Kelly a shekarar 2008.

Mutune 600 aka tura wa goron gayyata, kuma an tura wa karin mutane 200 da goron gayyata domin halartar liyafar cin abincin da aka shirya wa ango da amaryarsa da za a yi a da yamma, ciki har da Spice Girls, da suka yi fice a fagen waka.

Sai dai daga cikin wadanda aka gayyata babu shugaban Amurka Donald Trump da tsohon shugaban kasa Barack Obama da matarsa duk da abokan Yarima ne.

Wanne kaya amaryar Yarima Harry za ta sa?


Ku latsa hoton da ke sama don kallon bidiyon:

A ranar Asabar, 19 ga watan Mayu da misalin karfe 12 rana za a daura wa Yerima Harry da Meghan Markle aure a cocin St George da ke Windsor, inda nan ne aka daura auren Yerima Peter Philips da Autumn Kelly a shekarar 2008.

Shawarar da masoyan suka yanke na yin aure a ranar Asabar ta sabawa al’ada, saboda ‘ya’yan masauratar Birtaniya sun fi yin aure a cikin mako, ba karshen mako ba.

AS Roma za ta mara wa Najeriya baya a Russia 2018


Hakkin mallakar hoto
Getty Images

Kungiyar kwallon kafa ta AS Roma ta kasar Italiya ta ce za ta goyi bayan ‘yan wasan Super Eagles a Gasar Cin Kofin Duniya wanda za a fara a watan Yuni mai zuwa.

Italiya tana daya daga cikin kasashen da ba za su je gasar ba ta bana wadda za a yi a kasar Rasha.

Sai dai Najeriya tana cikin kasashen nahiyar Afirka biyar da suka samu gurbin zuwa gasar.

Kungiyar AS Roma ta bayyana a shafinta na Twitter cewa za ta goya wa ‘yan wasan Najeriya baya a lokacin gasar.

Akwai dan Najeriya Sadiq Umar wanda yake taka leda a kungiyar Roma kodayake yanzu haka an ba da shi aro a kungiyar NAC Breda a kasar Netherlands.

Masu sharhi kan wasanni suna ganin matakin kungiyar zai kara mata farin jini a idon ‘yan Najeriya.

Najeriya tana rukunin D ne a gasar wanda ya kunshi kasashen Croatia da Iceland da kuma Argentina.

Moqtada Sadr: Hadakar Jam’iyyun ‘yan Shi’a sun lashe zaben Iraki


Hakkin mallakar hoto
Reuters

Image caption

Moqtada Sadr ba zai iya zama firaiminista ba

Hadakar jam’iyyun siyasa a karkashin jagorancin tsohon shugaban kungiyar mayaka ‘yan Shi’a Moqtada Sadr ta lashe zaben majalisar Iraki.

Sakamakon karshe da hukumar zaben kasar ta fitar ya nuna cewa hadakar mai suna Saeroun ta lashe kujera 54, inda jam’iyyar firaiminista mai ci Haider Abadi ta zo ta uku da kujeru 42.

Mista Sadr ba zai iya zama shugaban gwamnati ba da kansa saboda bai tsaya takara ba.

Amma ana sa ran zai taka muhimmiyar rawa a kan yadda za a kafa sabuwar gwamnatin.

Mista al Sadr ya dade yana sukar kasar Iran.

Wannan zaben shi ne na farko tun bayan da Irakin ta fatattaki kungiyar IS a watan Disamba.

Hakkin mallakar hoto
AFP

Image caption

Magoya bayan Mista Sadr sun fito tituna suna nuna farin cikinsu bayan da aka bayyana sakamakon zaben

Jam’iyyun da suka goyi bayan Mista Sadr sun gudanar da yakin neman zabe ne bisa turbar yaki da cin hanci da rashawa.

Priyanka Chopra na halartar bikin masarautar Birtaniya


Hakkin mallakar hoto
Indian Express

Jaruma Priyanka Chopra ta isa birnin Landan domin halartar kasaitaccen bikin masarautar Birtaniya da za a yi a ranar Asabar, 19 ga watan Mayun, 2018 na Yarima Harry da amaryarsa Meghan Markle.

Priyanka wadda ta zazzaga wasu kasashen duniya a kwana-kwanan nan domin wasu aikace-aikace, da kuma hutun da taje tare da mahaifiyarta dama ‘yan uwanta, ta isa birnin na Landan ne a ranar Jumma’a.

Jarumar ta ce tana ganin amaryar wato Meghan Markle, zata zamo gimbiya ta kowa.

Priyanka Chopra ta taba bayyana cewa sun taba haduwa da amarya Meghan a wajen wani taro shekara uku zuwa hudu da ta wuce, kuma sun shaku sosai.

Sannan ta ce sun taba haduwa a lokacin da ta je shirin fim a Canada, inda itama Meghan din taje shirin nata fim din.

Priyanka ta kuma rubutawa amaryar wata ‘yar karamar wasika a mujallar Time, a lokacin da ta fito a ciki.

Bayan isarta birnin na Landon, jarumar ta dauki hoton kanta ta leka taga ba tare da kwalliya ba tana shan hantsi, inda ta wallafa a shafinta na instagram.

Priyanka dai zata kasance a bangaren kawayen amarya a wajen bikin.

Yanzu haka dai magoya bayanta na ta zumudin ganin irin kwalliyar da wannan jaruma zata sheka a wajen kayataccen biki na masarautar Birtaniya.

Priyanka Chopra, shahararriyar jarumar fina-finan Indiya ce, wadda kuma ta ke fitowa a wasu fina-finan na kasashen turai.

Kazalika, ta taba cin gasar sarauniyar kyau ta duniya, wato Miss World a shekarar 2000.

Hakkin mallakar hoto
Getty Images

Daga cikin fina-finanta da suka yi fice akwai, Aitraaz da Barfi da Gunday da Krishh da Don da kuma Fashion.

Cuba: Fiye da mutum 100 sun halaka a hatsarin jirgin Cuba


Hakkin mallakar hoto
AFP

Image caption

Hayaki na tasi a wurin hadarin

Fiye da mutane 100 ne suka mutu bayan da wani jirgin sama kirar Boeing 737 ya fado kusa da filin jirgin sama na Jose Marti International da ke Havana, babban birnin kasar Cuba.

Mutum uku sun tsira da rayukansu amma suna cikin wani mawuyacin hali, kamar yadda jaridar kwaminisanci ‘Granma’ ta ruwaito.

Jirgin na dauke da fasinjoji 104 da kuma ma’aikatan jirgin guda tara.

Shugaban Cuba Miguel Diaz-Canel ya ziyarci wurin da jirgin ya fadi, kuma ya bayyana hadarin a matsayin abin jimami:

“Wannan hadarin abin tayar da hankali ne. Da alama babu mutane da yawa wadanda suka tsira da rayukansu.”

Tashar talabijin mallakin gwamnatin kasar ta ce jirgin ya taso ne daga babban birnin kasar zuwa birnin Holguin a gabashin tsibirin.

Hakkin mallakar hoto
AFP/Getty Images

Image caption

Ma’aikatan agajin gaggawa sun isa wurin domin ceton rayuka

Kalli hotunan ‘yan wasan Chelsea da za su kara da Man Utd


Hakkin mallakar hoto
Getty Images

Image caption

Conte da Mourinho za su nemi karkare wannan kakar da ci kofi daya. Sai dai kuma daya ne kawai daga cikin masu horar da ‘yan wasan za su sami cin wannan kofin

Kalli wasu daga cikin hotunan atisayen ‘yan wasan Chelsea da Manchester United da za su fafata a wasan karshe na lashe kofin FA.

A yanzu haka dai ‘yan wasan kungiyoyin biyu suna jiran lokaci ne kawai.

Hakkin mallakar hoto
Twitter/@chelseaFC

Hakkin mallakar hoto
Twitter/@ChelseaFC

Hakkin mallakar hoto
Twitter/@ChelseaFC

Hakkin mallakar hoto
Twitter/@ChelseaFC

Hakkin mallakar hoto
Manunited.co/news

Hakkin mallakar hoto
AFP

Hakkin mallakar hoto
Manunited.co/news

Hakkin mallakar hoto
Manunited.co/news

Nasarar Ronaldo ta harzuka wasu magoya bayan Man Utd


Hakkin mallakar hoto
PA

Image caption

Sau uku Ronaldo ya dauki kofin gasar firimiya a Old Trafford

Magoya bayan kungiyar kwallon kafa ta Manchester United sun zabi Cristiano Ronaldo a matsayin dan wasan ya fi taka rawa a tarihin kungiyar a gasar Firimiya.

Sai dai kuma al’amarin ya harzuka wasu magoyan bayan kulob din, wadanda suke ganin zabin bai dace ba.

Machester United ce ta nemi magoya bayanta su kada kuri’a kan rukuni hudu da ta ware kafin ta buga wasanta na 1000 a Firimiya a karawar karshen gasar bana da ta yi da Watford.

An tambayi magoyan bayan Manchester a kan wanda ya fi zira kwallo mafi kyau a raga, da hana kwallo shiga raga mafi tsauri, da wasan da ya fi birge su tun bayan watan Agusta na shekarar 1992.

Sai dai babu wata jayayya a rukunin uku na farko inda aka zabi Wayne Rooney saboda kwallon da ya zura a wasan da suka doke Manchester City 4-3 a 2009. An kuma zabi wasan a matsayin wanda ya fi kayatar da magoya bayana kungiyar.

Hana kwallo shiga raga da David de Gea ya yi wanda Juan Mata ya buga a shekarar 2012 ya kasance shi ne wanda magoya bayan kungiyar suka fi so.

Sai dai an rika ce-ce ku-ce game da sakamakon da aka fitar a kan Ronaldo, inda magoya baya da dama ke ganin cewa akwai ‘yan wasa da suka fi taka rawa fiye da shi.

Ronaldo ne ya zo na farko, Ryan Giggs ya zo na biyu yayin da Paul Scholes ya zo na uku.

Hakkin mallakar hoto
Getty Images

Image caption

Wasu kuma sun nuna damuwa kan yadda aka watsi da Eric Cantona a zaben

Wasu magoyan bayan United sun bayyanna ra’ayoyinsu a Twitter inda suka ce akwai alamar tambaya game da sakamakon, inda wasu suka ce ya kamata a dubi yawan kofin da Giggs da Scholes suka dauka a Firimiya kuma a kwatanta su da yawan kofin da Cristiano Ronaldo ya dauka.

Wasu kuma na ganin rawar da Eric Cantona ya taka ta fi ta Ronaldo wanda ya yi shekara shida yana taka leda a kungiyar daga shekarar 2003 zuwa 2009.

Amma kuma idan ana son yi wa dan wasan na Real Madrid adalci, sau uku ya dauki kofin Firimiya, kuma a 2008 ya lashe kyautar Balon d’Or da kuma gwarzon dan wasan kwallon kafa na FIFA a Manchester United.

Kuma Ronaldo ya zamo dan kwallon da ya fi kowa zura kwallo a gasar a kakar 2007-08.

Ana ce-ce-ku-ce kan hoton Buhari a wurin tafsiri


Hakkin mallakar hoto
Facebook/Nigeria Presidency

Image caption

Shugaba Buhari ya halarci tafsirin ne a ranar farko ta fara azumin Ramadan a kasar

‘Yan Najeriya suna ci gaba da bayyana ra’ayoyinsu game da wani hoton Shugaban Kasar Muhammadu Buhari da aka wallafa lokacin da ya halarci tafsirin Al-Kur’ani a fadarsa da ke Abuja.

A ranar Alhamis, wato ranar farko ta fara azumin watan Ramadan, fadar shugaban ta yada hoton a shafukan sada zumunta.

BBC ta samu dimbin ra’ayoyin jama’a a shafukanmu na sada zumunta bayan wallafa hoton musamman a shafinmu na Facebook.

Wasu ‘yan kasar sun bayyana halartar tafsirin da cewa siyasa ce kawai, ganin cewa zabe ya karato kuma shugaban na neman wa’adi na biyu.

Yayin da magoya bayan shugaban suke kare halartar tasa, suna masu yaba masa da kuma yi masa addu’ar samun nasara da karin lafiya.

Adams Babangida cewa ya yi:

“Ko me yake saurare oho… A gaya masa gidajen talakawa da yawa yanzu haka an sha ruwa ba su da abin kai wa baki, sakamakon irin tashin gauran zabi da abubuwan masarufi suka yi kawai don an cire talafin da a baya yake talafa wa talakawan.”

Hakazalika shi ma Frankling Auwal nuna damuwarsa ya yi game da halin da talakawan kasar suke ciki:

“Ina ruwan talaka da jin tafsirin shi, ya sauke nauyin mutane da ke kan shi, talaka bai zabe shi ba don a nuno shi ya je tafsir ba.”

Amma Hassan Muhammad shi nuna farin cikinsa ya yi dangane da batun:

“Alhamdulillah wannan irin abin farin ciki da ba zai misaltuba. Ga shugaban kasata yana sauraron tafsir. Allah Ya kara maka lafiya. Allah Ya baka ikon ci gaba da ayyukan alheri. Mun gode da ganinka a cikin wannan yanayi mai ban sha’awa.”

Ga sauran wadansu ra’ayoyin jama’a – ku ma za ku iya bayyana ra’ayoyinku a shafin namu na Facebook:

Hakkin mallakar hoto
Facebook

Karanta karin wasu labaran

Mata-maza za su iya aure har da haihuwa – Sheikh Daurawa


Ku latsa alamar lasifikar da ke sama don sauraron cikakkiyar hirar da Halima Umar Saleh ta yi da shaikh Aminu Daurawa.

Mata-maza mutane ne da ake haifarsu da al’aurar maza da kuma ta mata.

A wasu kasashen gabashin Afirka, iyayen da suka haifi mata-maza kan dauka cewa an yi musu baki ne, don haka su kan kalli lamarin a matsayin abin kunya ko ma abin neman tsari.

Mas’alar mata-maza al’amari ne mai sarkakiya, amma kuma tuni addinin musulunci ya tanadi hukunce-hukunce kan hakan sannan kuma bai yarda da tsangwamar da ake nuna wa mata-maza ba, a cewar Sheikh Aminu Ibrahim Daurawa, malamin addinin Musulunci, kuma Shugaban Hukumar Hisbah ta Jihar Kano.

Mayar da mata-maza jinsi daya bai saba wa Shari’ar Musulunci ba, inji Shaikh Aminu Daurawa

Hasali ma, inji malamin, Musulunci ya yi bayani sosai a kan mas’alar mata-maza da kuma hukunce-hukunce game da su.

“Addinin Msulunci ya yi bayani kan yadda za a yi rabon gado ga mata-maza, da lamarin aure da na shugabanci, kuma addini bai yarda a dinga musguna musu ba tun da ba su suka halicci kansu ba,” inji shi.

Malamin ya kara da cewa ta fuskar hukunce-hukunce, malaman Fikihu sun kasa mata-maza kashi uku: mai halittar mata da maza, amma ta mata ta fiyawa; da mai halittar mata da maza, amma ta maza ta fi yawa; da kuma mai halittar mata da maza, kuma dukkansu sun yi daidai da daidai.

“In an je likita ya tabbatar cewa wannan gaskiya mace ce—yana al’ada, zai iya daukar ciki—amma kuma wasu halittu da ake samu a jikin namiji sun fito masa—dabi’unsa da halayensa duk na namiji ne—to wannan sai a yi masa hukunci a matsayin namiji.

“A Shari’ance za a ba shi gadon namiji, sannan shi zai aura, sannan zai yi limanci, duk wasu abubuwa da ake yi na addini zai iya yi”.

Shaikh Daurawa ya kara da cewa, “Kamata ya yi mutane su dinga jawo su a jiki tare da kwantar musu da hankali don kar su dauki matakin kashe kansu.”

Hamshakin attajirin Najeriya ya shiga bas da talakawa


Hakkin mallakar hoto
Instagram/@FemiOtedola

Ana yada bidiyon attajirin dan kasuwan Nigeriya, Femi Otedola, a shafukan sada zumunta bayan ya shiga mota bas tare da talakawa a jihar Legas.

A cikin bidiyon da aka wallafa a shafin Instagram na Mista Otedola a ranar Laraba, an gano biloniyan tare da fasinjoji a cikin wani tsohon bas wanda ake kira “Molue”.

Hakkin mallakar hoto
Instagram/FemiOtedola

Image caption

Ko watan jiya ma attajirin ya hau bas a birnin Landan domin ya je ya gai da tsohon malaminsa

Yana tafiya ne daga unguwar Sango zuwa Agege a birnin kasuwancin na Najeriya, Legas, bisa ga bayanin da aka wallafa tare da bidiyon.

Babu wani fasinja da ya gane biliyoniyan har sai bayan da ya sauko daga motar.

Bidiyon da aka wallafa a shafin Instagram na Mista Otedola bai bayyana dalilin da ya sa ya hau bas din ba, amma mutane da yawa sun yi ta bayyana ra’ayoyinsu game da bidiyon a kan shafin Twitter:

Auren masarautar Birtaniya 2018: Yarima Harry da Meghan Markle


Hakkin mallakar hoto
Getty Images

Image caption

Yerima Harry da Meghan Markle

A ranar Asabar, 19 ga watan Mayu da misalin karfe 12 rana za a daura wa Yerima Harry da Meghan Markle aure a cocin St George da ke Windsor, inda nan ne aka daura auren Yerima Peter Philips da Autumn Kelly a shekarar 2008.

Shawarar da masoyan suka yanke na yin aure a ranar Asabar ta sabawa al’ada, saboda ‘ya’yan masauratar Birtaniya sun fi yin aure a cikin mako, ba karshen mako ba.

A ranar Juma’a ce aka daura wa Duke da kuma Duchess na Cambridge watau Yarima William da Catherine Middleton aure kuma a ranar Alhamis ce aka daurawa sarauniya Elizabeth aure

A ranar ce kuma za a yi gasar cin kofin kwallon kafa ta FA a filin Wembley, wasan daYerima William, wanda shi ne shugaban kungiyar kwallon kafa ta kasar ya ke halarta domin ya bada kofi ga kugiyar da ta yi nasara.

Duk da cewa an ba ma’aikata hutu a ranar da Yarima Charles ya auri Diana Spencer a 1981, da ranar auren Yarima William da Catherine Middleton a 2011, da kuma ranar auren gimbiya Anne da Mark Phillips a shekarar 1973,ranar da Yarima Harry da Meghan suka zaba domin yin aure ya kawar da da duk wani surutu da ake yi a kan ko ya kamata a bada hutu a ranar auren ko kuma aa.

Shin wanene HARRY?

Shi ne autan mai martaba Yarima Charles da marigayayi gimbiyar Wales Diana, kuma Yarima Harry shi ne na shida a jerin wadanda za su gaji saurauta tun bayan da aka haifi gimbiya Charlotte.

A ranar 15 ga watan Satumba ta shekarar 1984 ne aka haifi Yarima Harry a asibitin St. Mary da ke Paddington a birnin Landan, inda yanzu shekarasa 33.

Sai dai duk da cewa an fi sninsa da Harry ,amma Henry Charles Albert David na yankin Wales shi ne cikakken sunansa , a kan haka a hukumance shi ne yerima Henry na Wales’

Yarima Harry ya halarci makarantar Mrs. Mynors, da yanzu ta koma Wetherby da ke birnin London kafin daga bisani ya je wurin da yayansa ya ke karatu watau makarantar Ludgrove da ke Berkshire kafin ya wuce kwalejin Eton.

Bayan da bar makaranta, ya yi aiki a kungiyoyin masu zaman kansu daban-daban a kasashen Australia da Argentina da kuma nahiyar Afrika.

Bayan da ya dawo gida ya wuce kwalejin horas da sojoji ta Sandhurst.

Yana goyon bayan kungiyar kwallon kafa ta Arsenal kuma ana ganinsa a wassannin da kungiyar ke bugawa.

Hakkin mallakar hoto
Getty Images

Image caption

Fadar Kensington

Shin wacece Amaryar?

A ranar 4 ga watan Augusta ta shekarar 1981 aka haifi Meghan Markle, wadda jaruma ce a wasan kwaikwaiyon da ake nunawa ta kafar talabijin a Amurka.

Ta girma a Los Angeles kafin daga baya ta koma da zama birnin Toronto.

Iyayen Meghan sun rabu ne lokacin da ta ke da shekara shida.

Ta yi karatu a wata makarantar Firamare mai zaman kanta kafin ta wuce kwalejin mata na cocin darikar katolika. Daga bisani ta kammala karatun digiri a jami’ar Northwestern inda ta karanta aikin sadarwa a shekarar 2003.

Wasan kwaikwayo na farko da ta fara fita a Amurka shi ne “General Hospital”a shekarar 2002.

Ta kuma fito a wasannin kwaikwayo na “CSI” da”Without a Trace” da “Castle”.

Ta fito a wasu fina-finan Hollywood da suka hada da “Get Him to the Greek” da “Remember Me” da kuma “Horrible Bosses”.

Wannan dai ba shi ne auren Miss Meghan na farko ba – a shekarar 2011 ta auri Trevor Engelson wanda furodusa ne na fim amma bayan shekara biyu da aure suka rabu.

Banbancin shekaru

Meghan ta girmi Yarima Harry wanda za ta aura mijinta da shekara uku. A ranar 4 ga watan Augusta aka haife ta a shekarar 1981, yanzu shekararta 36.

A ranar 15 ga watan Satumba na shekarar 1984 aka haifi Yarima Harry, yanzu shekararsa 33.

Akwai tazarar shekara 13 tsakanin mahaifiyarsa gimbiya Diana da kuma mahaifinsa Yerima Charles.

Su wanene zasu halarci daurin auren?

Mutune 600 aka tura wa goron gayyata, kuma an tura wa karin mutane 200 da goron gayyata domin halartar liyafar cin abincin da aka shirya wa ango da amaryarsa da za a yi a da yamma, ciki har da Spice Girls, da suka yi fice a fagen waka.

Sai dai yawan mutanen da aka turawa goron gayyata bai kai yawan wadanda suka halarci daurin auren Yarima William da kuma Kate ba, inda aka daura auren a gaban baki dubu 1,900.

Ko da yake adadin bai kai na bakin da suka halarci daurin auren sarauniya Elizabeth ta biyu da kuma Yarima Philip ba wadanda suka gayyaci baki 2,000 a daurin aurensu da aka yi a shekarar 1947.

Iyayen Meghan, watau Thomas Markle da Doria Ragland, za su isa Birtaniya a makon da mu ke ciki domin su gana da sarauniya da Yarima Charles da kuma sauran ‘yan uwa da abokan arziki.

Fadar Kensington ta tabbatar da cewa mijin sarauniya, zai halarci daurin auren duk da cewa a yana murmure daga aikin da aka yi ma sa a kwankwaso.

Dukkanin yan uwan mahaifiyarsa su uku za su je daurin aure watau Lady Jane Fellowes, da Lady Sarah McCorquodale da kuma Earl Spencer.

Firaministar Birtaniya Theresa May da kuma jagoran ‘yan hamayya Jeremy Corbyn ba sa cikin bakin da aka tsara za su halarci daurin auren, wannan ya biyo bayan matakin da aka dauka a kan cewa a hukamance ba za a fitar da sunayen ‘yan siyasa da aka turawa goron gayyata .

Fadar Kensington ta ce matakin na nufin cewa shugaba Donald Trump na Amurka ba zai halarci daurin auren ba, kuma an yanke wannan shawara ce bayan da aka tuntunbi gwamnatin kasar, kuma an yi haka ne saboda an yi la’akari da cewa shi ne na shida a jerin masu jiran sarauta a Birtaniya.

An kuma tabbatar da cewa Barack da Michelle Obama, wadanda abokan Yarima Harry ne ba su sami goron gayyata ba.

Amma akwai yiyuwar cewa shahararriyar ‘yar wasan Tennis Serena Williams, da kuma makwaki Elton John da tsohon dan wasan kwallon kafa David Beckham za su halarci daurin auren.

Za a baje kolin takalmin Mohamed Salah


Image caption

Za a baje kolin takalmin Salah tare da mutum-mutumi na sarakunan Masar da kuma sauran kayan kufai

Gidan adana kayan kufai da aka tattaro daga Masar na Birtaniya zai baje kolin takalmin kwallon kafa na dan wasan gaba na kungiyar kwallon kafa ta Liverpool Mohammed Salah.

Zaa baje kolin takalminsa ne gabanin karawar da Liverpool za ta yi da Real Madrid a wasan karshe na gasar zakarun Turai, wanda za a yi a ranar 26 ga watan Mayu.

“Takalmin kwallon kafar za su ba da labarin shahararen dan wasan kwallon kafa da ya fito daga Masar, wanda ya ja hankali sosai a Birtaniya da kuma duniya baki daya”, in ji Neal Spencer jami’i a gidan adana kayan kufai na Birtaniya.

Bajintar da dan wasan kwallon kafa na Masar ya nuna a kakar wasanni ta bana ta sa an ba shi kyautar wanda ya fi cin kwallo a duniya bayan kwallaye 32 da ya zura a raga.

Karanta abubuwan da ‘ke sa mutum ya dade a duniya’


Mata sun fi maza dadewa a duniya a kasashe 195, kuma a Rasha sun fi su da shekara 11.

‘Yan kasar Ethiopia suna fin wadanda suka yi rayuwa a shekaraun 1990 da shekara 19, kuma mutanen da suke kasashen da suka ci gaba sun fi mutanen da suka fi karancin shekaru a shekarun 1990 da shekara 34.

Wannan kadan ne daga cikin abubuwan da BBC ta gano ta kalkuletar shekarun da ake hasashen mutum zai yi a duniya, wadda ta yi amfani da alkaluma daga binciken tasirin cututtuka ko Global Burden of Disease Project, wadda cibiyar da ke nazari a kan lafiya ta IHME ta gudanar.

Ga abubuwan da aka gano a nan.

1.Tsawon rayuwarmu na karuwa

Tsawon rayuwar mutane a duniya ya karu da sama da shekaru bakwai tun shekarun 1990, wanda ke daidai da samun karin shekara cikin ko wacce shekara uku da rabi.

Mutane daga sassan duniya suna kara tsawon rayuwa saboda raguwar mutuwa kan cututtukan zuciya a kasashen da aka fi samun kudaden shiga, da kuma raguwar mutuwar yara a kasashen da aka fi karancin kudaden shiga.

Ingantancen shirin kiwon lafiya da tsaftace muhalli da kuma cigaba wajen maganin cututtuka sun bayar da gudumawa wajen kara tsawon rayuwar.

Tsawon rayuwa mai lafiya – adadin shekarun da za ka iya yi kana cikin koshin lafiya – shi ma ya karu da shekara 6.3. Sai dai kuma, iya adadin karuwar tsawon lokacin na duniya kuma ya fara raguwa.

2. Kasashen Yammacin Turai sun fi yawa a sama

Goma sha hudu daga cikin kasashe 20 masu yawan tsawon rayuwa suna Turai ne, sai dai kuma yankin Asiya ta Gabas tana gaban kowa: mutanen da aka haifa a yau a Japan da Singapore za su iya sa ran kai wa shekara 84 a duniya.

Game da kasashen Birtaniya kuwa, Ingila ta shiga cikin kasashe 20 da ke kan gaba da tsawon rayuwa da ya kai shekara 81, yayin da yankin Arewa na Ireland yana ta 32, shi kuma da yankin Wales ke na 34, dukkansu da shekara 80.

Scotland ce ta 42 cikin kasashe 198 da tsawon rayuwa na shekara 79.

3. Kasashen Afrika ne suka fi yawa a kasa

Dukkan kasashe 20 din da ke kasa, in ban da guda biyu, daga Afirka suke.

Yaran da aka haifa a shekarar 2016 a Lesotho Jamhuriyar Tsakiyar Afrika – wadda yakin basasa ya daidaita – suna da tsawon rayuwa na shekara 50, suna kasa da na ‘yan Japan da shekara 34.

Shekarun da aka shafe ana yaki da kuma rashin doka a Afghanistan, wadda ita ce kasar Asiya daya tilo da take kusa da kasa, sun sa tsawon shekaru a kasar yana kan 58.

4. Mata sun fi dadewa a duniya

Mata sun fi maza a kasashe 195 cikin kasashe 198, inda suke fin su da kimanin shekara shida.

Duk da haka, a wasu kasashe wannan ratar ta kai shekara 11.

Kamar yadda taswirar da ke kasan nan ta nuna, mafi yawan ratar da ake samu tsakanin maza da mata suna kasashen gabashin Turai ne da Rasha, inda aka yi bayanin cewar shan barasa da kuma rashin wurin aiki mai kyau ke rage tsawon rayuwar maza.

Kasashen uku da maza suka fi mata dadewa a duniya su ne Jamhuriyar Congo da Kuwait da kuma Mauritaniya.

5. A kasar Habasha, tsawon rayuwa ya karu da shekara 19

Tun shekarar 1990, tsawon rayuwa ya inganta a kashi 96 cikin dari na kasashen duniya.

A wancan lokacin, ba a tsammanin mutanen da aka haifa a kasashe 11 su wuce shekara 50 ba, duk da haka ko wacce kasa ta kai ga wannan muhimmin matakin a shekarar 2016.

Shida daga cikin wadannan kasashen da aka samu samu wannan cigaban suna yankin kudu da hamadar Afirka ne.

Kasar Habasha da har shekarar 1990 ke farfadowa daga fari tana da tsawon rayuwa da ya kai shewkara 47.

Za a iya tsammanin ‘ya’yan da aka haifa a wurin a shekarar 2016 su dara na da da shekara 19 saboda muhimmin raguwar da aka samu a cututtukar numfashi da kuma gudawa kamar cutar kwalera.

6. Sai dai kuma, tsawon rayuwa ya fadi a kasashe takwas

Duk da cewar tana cikin yankunan da suka fi samun yawan tsawon rayuwa, yankin Afirka na kudu da Sahara yana da kasashe hudu da cikin kasashe takwas din da tsawon rayuwa ya ragu tun shekarun 1990.

A Lesotho ne a ka samu raguwar tsawon rayuwa mai yawa, a inda bisa kiyasin Majalisar Dinkin Duniya, ko wane daya daga cikin mutum hudu ke da cutar HIV – wuri na biyu da aka fi yawan matsalar a duniya.

Yaran da aka haifa a Afirka ta Kudu a shekarar 2016 za su iya tsammani su rayu zuwa shekara 62 – shekara biyu kasa da takwarorinsu da aka haifa a shekara 25 da ya wuce cikin shekarar 1990. A wannan lokacin, kasar ta yi fama da tasirin annobar HIV.

7. Bambance-bambancen da suka dara kan iyaka

Tsawon rayuwa ka iya zama abun da ya kebanta a wuri daya – wasu kasashen makwabta suna da kusan shekara 20 tsakaninsu.

Alal misali, idan aka tsallake daga China zuwa Afghanistan, tsawon rayuwa zai fadi da sama da shekara 18.

Kuma kasar Mali – wadda ta shafe shekaru tana fama da ta’addanci da kuma tashe-tashen hankula a cikin ‘yan shekaru goman nan – tana da tsawon shekara 62 ne kawai, amma mutanen da aka haifa a kasar Aljeriya mai makwabtaka za su iya fatan kaiwa shekara 77a duniya.

8. Yaki na da mummunar tasiri

A shekarar 2010, an saka Syria a matsayin kasa ta 65 a duniya a fagen tsawon rayuwa, cikin kashi daya cikin uku na kasashe, wadanda suke kan gaba.

Sai dai kuma shekarun da aka shafe ana yake-yake sun sa kasar ta koma ta 142 a shekarar 2016.

A lokacin da ake kan kisan kiyashin Rwanda a shekarar 1994, tsawon rayuwa bai wuce shekara 11 ba.

9. Kamar yadda fari da bala’i ke yi

Koriya ta Arewa ta fuskanci fari mai matukar muni tsakanin shekarar 1994 da kuma shekarar 1998 wanda ya rage tsawon rayuwar mutanenta da shekaru har zuwa farkon shekarun 2000.

Sama da mutane 200,000 aka kiyatsa cewa sun mutu girgizar kasar da aka yi a Haiti a shekarar 2010. Sai dai kuma tsawon rayuwa ya sake karuwa a shekarar 2001.

Gina Haspel: Mace ta farko da za ta shugabanci CIA


Hakkin mallakar hoto
Getty Images

Image caption

Gina Haspel ta jagoranci wata cibiya ta sirri da aka rika gallazawa wadanda ake tsare da su azaba

Majalisar Dattijan Amurka ta amince da nadin mace ta farko a matsayin shugabar kungiyar leken asiri ta CIA duk da rawar da ta taka na jagorantar gallazawa wadanda ake tsare da su azaba.

Amma anyi gumurzu tsakanin ‘yan majalisar bayan da aka yi ta sukar shirin gallazawa wadanda ake tsare da su a lokacin mulkin shugaba George W Bush.

‘Yan majalisar sun kada kuri’u 54-45.

Gina Haspel tsohuwar ma’aikaciyar CIA ce wadda ta taba jagorantar wata cibiyar sirri da ke Thailand bayan hare-haren 11 ga watan Satumbar 2011.

Za ta maye gurbin Mike Pompeo wanda a yanzu shi ne sakataren harkokin wajen Amurka.

Sanata John McCain – wanda dan jam’iyyar Republican ne, wanda kuma aka taba azabtar da shi na fiye da shekara biyar – a lokacin da ake tsare da shi wani kurkukun kasar Vietnam ya soki nadin matar.

A ranar Alhamis sanatoci shida ‘yan jam’iyyar Democrat suka goyin bayan ‘yan Republican, dalilin da ya sa ta sami hayewa.

Isa A Isa shi ne gwarzon jaruman Kannywood


Na’urarku na da matsalar sauraren sauti

Saurari hira da gwarzon Kannywood, Isa A Isa

Jarumin fina-finan Kannywood, Isa A Isa, shi ne aka zaba gwarzon jarumai na bana a bikin karrama mawaka da ‘yan wasan kwaikwaiyon arewa na Arewa Music and Movie Award AMA.

Malam Isa, wanda ya fito a fim din “Uwata ce” ya shaida wa BBC cewa karramawar ta zo ma shi da ba zata.

“Toh a gaskiya na tsinci kaina cikin wani farin ciki da ban ta ba zata zan samu a rayuwa ta ba saboda lokacin da na je wurin ance na fito a cikin jerin mutane bakwai da suka tsaya takarar kuma ban taba kawo wa ni zan samu ba”, in ji shi.

Cikin jaruman da suka tsaya takarar sun hada da Ali Nuhu da Sadik Sani Sadik da Rukadawa da Ado Ahmed Gidan Dabino.

Fim din “Uwata ce” labari ne da ke son ya isar da sako kan manyan mata masu budurwar zuciya, kuma wadanda suka shirya shi sun ce a lokacin karamar salla ce za a saki fim din.

An dai yi bikin ne a karshen makon daya wuce.

Lambar yabo ta gwarzon jarumai na cikin manyan lambobin da ake alfahari da su a duniyar fim ba wai kawai a Kannywood ba.

Ana jimamin mutuwar jarumar Nollywood Aisha Abimbola


Hakkin mallakar hoto
Instagram/ronkeodunsanya

Ana ci gaba da jimamin mutuwar jarumar fina-finan Nollywood Aisha Abimbola a wani asibiti da ke kasar Canada ranar Laraba.

Marigayiyar wadda Musulma ce, ta fara yin fice ne a fim din Omege Campus na harshen Yarbanci a shekarar 2001.

Sai dai har yanzu ba a san dalilin mutuwarta ba daga iyalanta.

‘Yar wasan fina-finan Nollywood Bisola Badmus ce ta fara bayyana labarin mutuwarta a shafinta na Instagram.

Daga nan ne sai sauran abokan sana’arta suka fara bayyana sakon ta’aziyyarsu kamar haka:

Jaruma Ronke Odusanya, wadda aka fi sani da Flakky Ididowo ta ce “ta dimauta” bayan samun labarin mutuwar.

Jaruma Opeyemi Aiyeola ta ce mutuwar Aisha abu “mai wuyar daukar dangana.”

Arteta ya cancanci ya gaje ni – Arsene Wenger


Hakkin mallakar hoto
Rex Features

Image caption

Mikel Arteta ya koma Arsenal karkashin Arsene Wenger daga Everton a 2011 sannan ya yi ritaya 2016

Arsene Wenger ya ce Mikel Arteta na da duk abubuwan da ake bukata domin ya gaje shi a matsayin kocin Arsenal.

Tsohon kyaftin din kulob din Arteta na cikin wadanda ake sa ran za su maye gurbin Wenger, wanda ya bar kungiyar a karshen wannan kakar bayan shafe shekara 22.

Dan kasar Spaniya, mai shekara 36, ya buga wasa 150 a Arsenal kuma a yanzu yana daya daga cikin kociyoyin Manchester City.

“Jagora ne na gaske, yana sha’awar wasan, ya fahimci kulob din kuma ya san abin da ke da muhimmanci a kungiyar,” a cewar Wenger.

Arteta, wanda bai taba jagorantar wata kungiya ba, ya karbi aiki a karkashin kocin City Pep Guardiola a 2016.

Wenger, mai shekara 68, ya shaida wa Bein Sports cewa: “Idan ka yi la’akari da lamarin baki daya za ka ga cewa yana da duk abin da ake bukata, amma ba na so na fadi hakan a bainar jama’a.”

Arsenal ta kuma tuntubi wani tsohon dan wasan nasu Patrick Vieira, a wani yunkuri na neman wanda zai maye gurbin Wenger.

Kulub din na sa ran nada wanda zai gaji Bafaranshen kafin a fara gasar cin kofin duniya a ranar 14 ga watan gobe.

‘Yan fashi sun ‘kashe mutum 10’ a Birnin Gwari


Image caption

Yankin Birnin Gwari

Kungiyar wanzar da tsaro da kyakkyawan shugabanci ta Birnin Gwari ta ce ‘yan fashi sun afkawa wasu kauyukka hudu a yankin, inda suka kashe akalla mutum 10 a ranar Talata.

Kauyukan sun hada da Mashigi da Dakwaro a gundumar Kakangi a yankin Birnin Gwari da ke jihar Kaduna.

A wata sanarwa da ta fitar, kungiyar ta ce an kai harin ne a mazabar wani dan majalisar tarayya Hon. Hassan Adamu Shekarau wanda ya gabatar da wani kuduri mai sosa rai gaban majalisar wakillan kasar kan rashin tsaro a yankin nasa ‘yan sa’o’i bayan da ya gabatar da kudurin.

Rahotanni sun ce da misalin karfe biyar na ranar Talata ne maharan suka afkawa garin kuma sun shafe sa’o’i fiye da uku a cikin kauyukan.

Wani dan banga mai suna Malam Umar ya shaida wa kamfanin yada labarai na PR cewa an gano gawawwakin “mutum 10 a yanzu.”

Dan majalisar Hon. Hassan ya tabbatarwa da BBC faruwar al’amarin.

Sai dai ya ce akalla mutum takwas ne suka rasa rayukansu sanadiyyar harin.

Rahotanni sun kuma ce ‘yan fashi sun kona gidaje da dama da kuma kayan abinci.

An tura da jami’an tsaro da kuma ‘yan banga zuwa wuraren da lamarin ya faru domin tabbatar da adadin wadanda aka kashe.

Lamarin na zuwa ne bayan harin da ‘yan fashi suka kai kauyen Gwaska, inda suka hallaka mutum fiye da 40.

Haka kuma a baya-baya nan ne ‘yan bindiga suka sace mutum fiye da 80 a kan wata babbar hanya da ta hada arewaci da kudancin kasar a yankin Birnin Gwari.

A farkon watan da muke ciki ne Shugaba Muhammadu Buhari ya ba da umarnin kafa sansanin soji na dindin a yankin.

Sai dai har yanzu ‘yan bindigar na ci gaba da kai wa mazauna yankin hari.

‘Yan bindiga sun kashe manajan kamfanin Dangote


Hakkin mallakar hoto
THE REPORTER

Image caption

An kashe Deep Kamara ne a lokacin da suke dawowa daga babban birin kasar Addis Ababa

An kashe manaja da ma’aikata biyu na kamfanin simintin attajirin da ya fi kowa kudi a Afirka, Aliko Dangote, a yankin Oromia na kasar Habasha.

Manajan wanda dan kasar Indiya ne mai suna Deep Kamara ya mutu ne tare da wadansu ‘yan kasar Habasha biyu.

Wata sanarwa ta ce suna kan hanyarsu ta dawowa daga babban birnin kasar, Addis Ababa, ne a lokacin da lamarin ya faru.

Akwai rahotannin da ke cewa Dangote zai kai ziyara kasar a ranar Alhamis.

Jaridar Addis Standard ta Habasha ta bayar da rahoton cewar attajirin zai yi ganawar gaggawa da shugabannin masana’antar hada simintin.

Hakkin mallakar hoto
Getty Images

Yankin Oromia ya shafe shekara biyu yana fama da tashe-tashen hankali masu nasaba da matsin tattalin arziki da siyasa daga matasan Oromo- wadanda su ne suka fi yawa a kasar.

An kafa kamfanin simintin Dangote ne a watan Mayun shekarar 2015 kuma masana’antar ce mafi girma a kasar.

Kwanan nan ne aka tilasta wa hukumomin kasar su soke sabunta lasisin mahakar zinari na wani biloniya wanda dan Habasha da Saudiyya ne bayan zanga-zangar mazauna Oromia.

Yanzu dai kasar tana cikin dokar ta-baci ne, wadda aka ayyana a watan Fabrairu wato rana daya bayan Farai ministan Hailemariam Desalegn, ya yi murabus.

Abiy Ahmed ne ya maye gurbinsa a matsayin firai minista daga kabilar Oromo, wadda ta fi rinjaye.

Gianluigi Buffon: Zai buga wasansa na karshe a Juventus


Hakkin mallakar hoto
Getty Images

Image caption

Gianluigi Buffon ya fi kowa lashe kofin Serie A a Italiya.

Golan Italiya Gianluigi Buffon ya sanar da cewa zai buga wasansa na karshe a Juventus a ranar Asabar bayan shafe shekaru 17 a kulub din.

Kaftin din na Juventus mai shekara 40 zai karbi kofin gasar Seria A a karo na tara a karawar da za su yi da Hellas Verona a karshen mako.

Golan ya ce ya sauya tunani game da ritayarsa kwanaki 15 da suka gabata, saboda yadda ake tuntubarsa da wani aikin a ciki da wajen fili.

Buffon ya sanar da yin ritaya daga buga wa Italiya wasa bayan sun kasa samun tikitin zuwa gasar cin kofin duniya da za a yi a Rasha.

“Makon gobe, kwana biyu zuwa uku, zan yanke shawara,” in ji Buffon.

Golan na Juventus na fuskantar barazanar dakatarwa daga hukumar kwallon Turai Uefa saboda kalaman da ya furta wa lafarin Ingila Michael Oliver bayan ya ba shi jan kati a karawarsu da Real Madrid a gasar Zakarun Turai.

A lokacin da yake zantawa da manema labarai a ranar Alhamis, Buffon “ya nemi gafara.”

Ya ce: “Idan muka sake haduwa da lafari, zan rungume shi mu gaisa da juna.”

Buffon wanda Juventus ta karbo daga Parma a 2001, ya ce ba zai iya koma kama gola a wata kungiyar Italiya ba, inda ya ce yana son ya samu hutu na akalla wata shida.

Buffon ya jagoranci Juventus a matsayin kaftin ga nasarar lashe kofi bakwai na Seria A da Coppa Italia hudu a jere.

Ya ce ranar Asabar ne zai buga wa Juventus wasan karshe.

Tsohon golan Arsenal Wojciech Szczesny, ake sa ran zai gaji Buffon a Juventus a kaka mai zuwa.

Hakkin mallakar hoto
Getty Images

Image caption

Buffon ya lashe kofin duniya a 2006

‘Yan matan da ake bayar da su ga ababen bauta a Ghana


Latsa alamar hoton da ke sama don kallon bidiyon:

An shafe daruruwan shekaru ana bautar da dubban mata a fadin Afirka ta Yamma ta hanyar bin wata al’ada da ake kira Trokosi.

Brigitte Sossou Pereny na daya daga cikin irin wadannan ‘yan mata, har sai zuwa lokacin da wani Ba-Amurke ya dauke ta ya mayar da ita Amurka.

Bayan shekara 20 Brigitte ta koma kasarta don yin bincike akan dalilin da ya sa ake al’adar Trokosi, a karkashin wani sashen binciken kwakwaf na BBC Afirka, don sanin dalilin da ya sa danginta suka bai wa abun bauta ita.

Burundi: Nkurunziza na neman wa’adi na shekara 7


Hakkin mallakar hoto
AFP

Image caption

Tun shekarar 2005 Pierre Nkurunziza ke mulkin kasar Burundi

Mutanen Burundi na shirin jefa kuri’a a wani zaben raba grdama da ke cike da takardama, kuma zaben na iya ba Shugaba Pierre Nkurunziza damar tsawaita mulkinsa har shekara ta 2034.

Ga dalilan da ya sa zaben ke cike da matsaloli a kasar:

Wanene Shugaba Nkurunziza?

Nkurunziza tsohon jagoran wata kungiyar ‘yan tawaye ne wanda ya dare karagar mulkin kasar Burundi bayan yakin basasar kasar da ya kare a 2005.

Takarar da ya tsaya ta neman shugabancin kasar a shekarar 2015 ta janyo tashin hankali da rikicin siyasa da kuma yunkurin juyin mulki da sojojin kasar suka dakile.

Wannan rikicin ya kuma janyo mutuwar daruruwan mutane, kuma Majalisar Dinkin Duniya ta ce fiye da mutum 400,000 sun tsere daga kasar.

Hakkin mallakar hoto
AFP

Image caption

Ana nuna wa ‘yan Burundi cewa shugaban mai son jama’a ne

Dalilin gudanar da zaben raba gardama

‘Yan Burundi za su kada kuri’ar suna so, ko basa son a tsawaita wa’adin mulkin shugaban kasa daga shekara biyar zuwa shekara bakwai.

A yanzu ana amfani da tsarin wa’adin shugabanci sau biyu ne ga shugaban kasa.

Amma wannan sauyin na iya ba Mista Nkurunziza damar sake tsayawa zabe a shekarar 2020, kuma yana iya sake maimaita wa’adin a karkashin sabuwar dokar domin za a manta da wadancan shekarun da ya shafe yana mulki.

Hakkin mallakar hoto
Reuters

Image caption

Majalisar Dinkin Duniya ta ce kimanin mutum 400,000 ne suka tsere daga Burundi a 2015

Cutar Ebola ta yadu har zuwa birnin Mbandaka


Hakkin mallakar hoto
AFP/Getty

Image caption

An tura Jami’an kiwon lafiya yankin da cutar ke yaduwa domin ceto rayuka

Ma’aikatar lafiya a Jamhuriyar Demokradiyar Congo ta ce an sake samun masu dauke da cutar Ebola a birnin Mbandaka da ke arewa maso yammacin kasar.

Akwai miliyoyin mutane da ke rayuwa a yankin, kuma samun masu dauke da cutar na bayyana yadda ta ke yaduwa a wani sabon yanayi cikin gaggawa.

Mutum 23 aka bada rahotan mutuwarsu tun sake bullar cutar a farkon wannan watan na Mayu, a wani kauye mai nisan kilomita kusan 150 da garin na Mbandaka.

Wannan dai shi ne karo na 9 da ake samu bullar Ebola a Congo tun shekara ta 1967.

A cewar ministan lafiyar kasar, Oly Ilunga Kalenga tun a jiya Laraba, hukumar lafiya ta Majalisar Duniya Duniya ta aike da dubban alluran rigakafi na gwaji zuwa kasar.

”Ya ce za ayi wa mutane da suka yi mu’ammala da masu dauke da cutar, da wadanda ma ba sa dauke da cutar allurar rigakafin, gida-gida za a bi domin gudanar da wannan aiki don ceto rayuka.”

‘An sake samu bullar cutar Ebola a Congo’

Ebola: Nigeria na ɗaukar matakan riga-kafi

Ana dai yi nasara a gwajin alurar rigakafin da aka yi bayan yaduwar Ebolar a wasu kasashen yammacin Afirka daga shekara ta 2014.

Cutar dai ta kashe fiye da mutum dubu 11 a yammacin Afrikan a 2014.

Hakkin mallakar hoto
AFP/getty

Image caption

Mutum 23 sun mutu zuwa yanzu a DR congo

Kun san yadda ake haifar mata-maza?


Ku latsa alamar lasifikar da ke sama don sauraron cikakkiyar hirar da Halima Umar Saleh ta yi da Dr Anas Yahaya.

Mata-maza mutane ne da ake haifarsu da al’aurar maza da kuma ta mata.

A wasu kasashen gabashin Afirka, iyayen da suka haifi mata-maza kan dauka cewa an yi musu baki ne, don haka su kan kalli lamarin a matsayin abin kunya ko ma abin neman tsari.

Sai dai a cewar masana akwai bayani a kimiyyance game da yadda halittar mata-maza ke kasancewa.

Dokta Anas Yahaya, kwararren likita ne kuma malami a Sashen Nazarin Halittar Dan-Adam da ke Jami’ar Bayero ta Kano, ya ce mata-maza halitta ce da ke samuwa sakamakon matsalolin sinadaran da ke taimakawa wajen halitta.

“Alal misali”, inji shi, “lokacin da kwan namiji da na mace suka hadu suke ba da halitta ta namiji ko mace, to a lokacin ake samun matsala ta yadda kwan mace kafin ya hadu da na namiji… kan rabe gida biyu; idan aka yi [rashin] sa’a maniyyin namiji guda biyu suka hadu da rababben kwan na mace, shi ke nan sai a samu mata-maza.”

Masanin ya kuma ce ba gadon halittar ake yi ba, ko da yake akwai wadansu dalilan da kan haddasa hakan, baya ga rabewar kwan mace kafin haduwarsa da na namiji.

Sannan kuma, a cewar Dokta Yahaya, zai yi wuya a iya gane cewa jaririn da ke ciki mata-maza ne ta hanayr amfani da gwaje-gwajen da aka saba yi wa masu ciki—sai dai ta hanyar wani gwaji na musamman, inda za a debi ruwan cikin mai juna-biyu a auna.

Kalli yadda dan Marcelo ya nuna bajinta a cikin ‘yan wasan Real Madrid


Idan mahaifinka na taka-leda a Real Madrid, kuma kana bukatar mutanen da za su taimaka maka yin atisaye domin nuna kwarewarka a fagen kwallo, to hakika ka caba.

Kalli wannan bidiyon na dan gidan Marcelo Vieira, inda ya rinka gara kwallo da ka da shi da ‘yan wasan Real Madrid a dakinsu na canza kayan kwallo!

Dan kwallon na Real Madrid ya wallafa bidiyon a shafinsa na Instagram yana mai cewa ya yi matukar alfahari da bajintar dan nasa.

Kawo yanzu miliyoyin mutane ne suka kalli bidiyon a shafukan sada zumunta.

Abin da zai dauki mutum wani dan lokaci yana gwaji kafin ya iya yin hakan:

Mai sayar da takalmi ya sha alwashin kai Yahya Jammeh gabn kotu


Image caption

Mista Martin Kyere

Wani dan kasar Ghana na jogarantar wani kamfen domin ganin an gurfanar da tsohon shugaban kasar Gambiya Yahya Jammeh gaban shari’a kan zargin kisan da aka yi wa wasu ‘yan cirani saboda an dauka cewa suna cikin wadanda suka yi juyin mulki.

Wakiliyar BBC Alex Duval Smith ta ce a wancan lokacin Martin Kyere ya fado ne daga wata motar kwashe kaya da dadare. An bude ma sa wuta lokacin da ya gudu cikin daji a Gambiya. Ya ta faduwa a lokacin da ya yi kokarin kauce wa fitilar sojoji masu farautarsa.

Ya sha alwashin cewa zai ci gaba da gwagwarmaya har sai Yahya Jammeh ya fuskanci shari’a.

Shekara 13 ke nan da aukuwar lamarin kuma yanzu yana zaune ne a kasarsa Ghana.

Mista Kyere shi ne shaida a kokarin da kasashen duniya suke yi wajen ganin sun gurfanar da tsohon shugaban kasar ta Gambiya a gaban shari’a kan zargin laifuka da suka shafi kisa mafi girma da aka yi a kasar a shekaru 22 da Jammeh ya yi yana mulki.

Tun a watan Janairun shekarar 2017 ne Yahya Jammeh ya koma da zama a kasar Equatorial Guinea.

Yana gudun hijirar ne a kasar karkashin matsayar da aka cimma lokacin da shugabannin yankin yammacin Afrika suka shiga tsakani bayan ya sha kaye a hannun Adama Barrow a zaben 2016.

Tafiya zuwa Turai

Mista Kyere shi kadai ne ya tsira a cikin ‘yan kasashen yammacin Afrika 56 yawancinsu ‘yan Ghana da Najeriya, wadanda aka kashe a Gambiya a ranar 22 ga Yulin shekarar 2005.

“Alhaki ya rataya a wuyana, a madadin abokan tafiya na, muna son a yi muna adalci” kamar yadda Mista Kyere, mai shekara 37 ya shaidawa BBC a gidansa da ke wani gari a tsakiyar Ghana.

Hakkin mallakar hoto
AFP

Image caption

‘Yan Gambiya sun rika fariciki lokacinda Yahya Jammeh ya sha kaye a zabe

Mista Kyere ya yi sana’ar sayar da takalmi a Ghana da Ivory Coast a shekarar 2005, bayan ya tara kudi ne ya tafi zuwa Senegal da nufin tsallaka wa zuwa Turai.

Ya shiga kwale-kwale daga Dakar babban birnin kasar Senegal, kuma sun kawo Gambiya ne man fetur ya kare mu su. An kama matafiyan kuma aka tsare su har na tsawon mako guda a Banjul abban birnin kasar inda suka sha duka.


“Mun tambayi ‘yan sanda dalilin da ya sa aka kama mu, sai suka fada mana cewa shugabanninsu ne suka ba su umurni. Mun dauka za a mayar da mu gida.”

Sai dai an mika su ne ga jami’an tsaro da ake kira “the junglers” wadanda aikinsu na azabtar da mutane da kisa ya yi tasiri ga dorewar gwamnatin Jammeh har tun bayan juyin mulkin da ya yi a ranar 22 ga Yulin shekarar 1994.

Wasu sun yi tunanin cewa gabanin sauyin da aka samu, ana kallon ‘yan ciranin a matsayin sojojin haya da masu juyin mulki suka shigo da su cikin kasar.

Image caption

Reed Brody lauyan kungiyar kare hakkin bil’dama ta Human Rights Watch

Mita Kyere ya yi bayani a kan abin da ya faru a wannan rana: ”Takwas daga cikinmu sun shiga motar daukar kaya. Sun yi amfani da igiya domin daure hannayen mutaune hudu ta baya.

“Wani dan Najeriya wanda musulmi ne ya rika yin kabbara yana cewa “Allahu Akbar”. Wannna ya ba su haushi, suka sari bayansa da adda. Bai sake motsi ba.

“Motar ta ci gaba da kutsawa cikin kungurmin daji. Daya daga cikinmu ya yi korafin cewa hannunsa yana yi ma sa ciwo. Sai wani soja ya sari dayan hannunsa da adda kuma ya tambeye shi yanzu wane hannu ne ya fi ciwo?’ Motar da muke ciki ta cika da jini. Mun san cewa dukaninmu za mu mutu kuma mun yi kokarin ganin cewa mun kubatar da kanmu.”

Mita Kyere dai ya yi nasara: “Sauran sun fada mani cewa ka je ka fadawa duniya abin da Jammeh ya aikata. Na yi tsalle daga cikin motar kuma na ji wata murya da ta ce – “wane ne wannan?” – amma ban sake kallon baya ba, na ci gaba da gudu, harsasai na bi ta kai na.

”Na ji ihun da aka yi a cikin harshen Twi, ”awu rade gye yen” (Ubangiji ka karemu), kuma daga nan sai na ji barin wuta – kuma ta nan ne na fahimci cewa an kashe su”.

Mista Kyere ya buya a cikin dajin saboda fargabar za a iya ganinsa kuma a sake kama shi.

Bayan wasu ‘yan kwanaki ya nemi taimako a wani kauye inda aka nuna ma sa hanyar zuwa iyakar Senegal.

Image caption

Iyalin Peter Mensah har yanzu suna cikin damuwa

A karshe Mista Kyere ya koma Ghana, inda ya nemi taimakon hukumomi kuma ya kuduri anniyar kaddamar da sabon baluguro duk da cewa ba shi da kudi a hannunsa zuwa wasu garuruwa a kasarsa domin neman dangin abokan tafiyarsa da suka hallaka. Ya zuwa yanzu ya gano dangi 25 ciki har da na Peter Mensh wanda ya bar mata daya da ‘ya’ya uku.

Reed Brody, lauya ne a kunguyar kare hakkin bil’adama ta Human Rights Watch kuma yana goyon bayan gwagwarmayar Mista Kyere da kuma shari’ar da kasashen duniya za su yi wa Yahya Jammeh.

Kuma ya ce Ghana ita ce kasar da ta dace a yi masa shari’a saboda bangaren shari’ar kasar na tasiri sosai kuma za ta iya gurfanar da wadanda suka tilasta salwantar duk wani dan kasar Ghana a fadin a duniya .

Sai dai idan Yahya jammeh zai fuskanci shari’a, zai zama tilas sai lauyoyi sun yi nasara wajan taso keyarsa daga Equatorial Guinea.

Atletico ta lashe Europa League


Hakkin mallakar hoto
Getty Images

Image caption

Diago Simeone ya taba lashe wa Atletico Madrid Europa League a kakar 2011/12

Kungiyar Atletico Madrid ta lashe kofin Zakarun Turai na Europa a bana, bayan ta ci Marseille 3-0 a wasan da suka kara a Lyon.

Wannan shi ne kofi na uku da Atletico ta lashe kofin, ita kuwa Marseille ba ta taba cin kofin ba.

A ranar 26 ga watan Mayu ne za a buga wasan karshe a babbar gasar Zakatun Turai tsakanin Liverpool da Real Madrid a birnin Kiev din Ukraine.

Wasu hotunan yadda ‘yan wasan Atletico suka yi murna a Lyon.

Hakkin mallakar hoto
Getty Images

Image caption

Kwallo biyu Antoine Griezmann ya ci a ragar Olympique Marseille

Hakkin mallakar hoto
Getty Images

Hakkin mallakar hoto
Getty Images

Hakkin mallakar hoto
Getty Images

An ga watan azumin Ramadan a Najeriya


Hakkin mallakar hoto
Getty Images

Image caption

Mai alfarma Sarkin Musulmin Najeriya, Sultan Sa’ad Abubakar III

Al’ummar Musulmi a Najeriya za su tashi da Azumi a ranar Alhamis bayan sanar da ganin jinjirin watan Ramadan a wasu sassan kasar.

Mai alfarma Sarkin Musulmin Najeriya, Sa’ad Abubakar III, ne ya sanar da ganin jinjirin watan na Ramadan.

Kamar Najeriya, haka ma kasashen Musulmai da dama, da suka hada da Saudiyya za su fara azumin na watan Ramadan ne a ranar Alhamis.

Sai dai kuma an soma azumin a wasu kasashen kamar Nijar tun a ranar Laraba.

Duk shekara, batun ganin watan Ramadan na janyo ce-ce-ku-ce a Najeriya sannan ana yawan samun sabanin fara azumi tsakanin Najeriya da makwabciyarta Nijar.

Azumin watan Ramadan na daya da cikin shika-shikan musulunci. Ana kwashe kwanaki ashirin da tara ko talatin ana yin azumin.

Kuma Musulmi kan kaurace wa ci da sha da kuma saduwa da iyali daga fitowar alfijir har zuwa faduwar rana.

Ramadan wata ne mai alfarma da ake son musulmi ya siffatu da bautar Allah da addu’o’i tare da neman gafara ga Mahalicci.

An tura tsohon gwamnan jihar Flato gidan wakafi


Hakkin mallakar hoto
Premuim times

Image caption

Sanata Jonah Janga

Tsohon gwamnan jihar Filato Jonah Jang ya bayyana a gaban wata babbar kotu da ke jihar Flato bi sa zargin almundahana da ake yi masa.

Hukumar yaki da masu yi wa tattalin arzkin kasa ta’anati (EFCC) ce ta gurfanar da shi a gaban kotu kan tuhumar almundahana da kudi fiye da naira biliyan shida lokacin da yake rike da mukamin gwamna.

Ana zargin Jonah Jang wanda yanzu sanata ne a majalisar dattawan Najeriya da yin sama da fadi da naira biliyan 2 na talafin da babban bankin Najeriya ya bada domin bunkasa kananan masana’antu a jihar, watani biyu kafin wa’adinsa kan mulki ya zo karshe a shekarar 2015.

Hukumar EFCC na kuma zarginsa da wawure kudi fiye da naira biliyan hudu daga asusun gwamnati ta hanyar amfani da ofishin sakataren gwamnati na wancan lokaci Yusuf Gyang Pam wanda ake tuhumarsa tare.

Sai dai tsohon gwamnan da Mista Pam din sun musanta zargin da ake yi musu bayan da aka karanta tuhumar.

Lauyan hukumar EFCC, Rotimi Jacobs ya nemi kotu akan ta ba su damar ci gaba da tsare mutanen biyu har zuwa ranar da za ta saurari bukatar belin da aka shigar a gabanta.

Amma lauyan da ke kare Jonah Jang, Robert Clarke ya nemi kotun a kan ta ba da belinsa saboda tsohon gwamnan ne a lokacin mulki soja da kuma mulkin dimokradiya kuma yanzu dan majalisar dattawa ne.

A karshe alkalin kotun Mai Shari’a Daniel Longji ya yi watsi da bukatar Jonah Jang kuma ya ba da umarnin ci gaba da tsare shi a gidan wakafi har zuwa lokacin da zai sake saurarar bukatar neman belin.

A ranar 24 ga watan Mayu ne kotu za ta saurari bukatar tasa.

Kwankwaso ba zai iya hana Buhari cin kano ba – El-Rufa’i


Hakkin mallakar hoto
facebook KD GOVT HOUSE

Image caption

Nasir El-Rufa’i ya ce Kwankwaso ba zai iya hana Buhari cin Kano a 2019 ba

Gwamnan jihar Kaduna Nasir El-Rufai ya ce barazanar ficewar da wasu jigan-jigan jam’iyyar APC ke yi daga jam’iyyar ba zai hana Shugaba Muhammadu Buhari yin nasara ba a zaben 2019.

A kwanakin baya ne wasu manyan ‘yan siyasa da suka canza sheka daga PDP zuwa APC a 2014 suka yi zargin cewa ba a damawa da su tare da barazanar daukar mataki idan har ba a biya bukatunsu ba.

Manyan ‘yan siyasar sun hada da tsoffin gwamnonin Kano, Rabiu Musa Kwankwaso da na Sokoto, Aliyu Magatakarda Wamakko, da na Rivers, Rotimi Amaechi, da na Gombe, Danjuma Goje, da na Kwara Bukola Saraki.

Sai dai Gwamna el-Rufa’i ya ce, “‘yan siyasar ba su da wani tasiri, kuma Shugaba Buhari zai lashe dukkan jihohinsu a zaben 2019.”

Wasu na ganin wannan wani sabon rikici ne ya kunno kai a jam’iyyar APC, baya ga rikice-rikicen da ta ke fama da su na cikin gida a jihohi.

Kuma suna ganin zai iya yi wa jam’iyyar illa a zabukan na badi.

Da yake magana da manema labarai ranar Talata bayan ganawa da Shugaba Buhari a Abuja, Gwamna Nasir el-Rufai, ya ce “tun shekarar 2003 shugaban ke lashe zabe a Kano.”

Gwamnan ya kara da cewa, ko da sun yanke shawarar ficewa daga jam’iyyar APC, hakan ba zai hana shugaba Buhari tasiri a jihohin tsoffin gwamnonin ba.

“Shugaba Buhari zai yi nasara a jihohin Sakkwato da Kwara da Adamawa cikin sauki, kuma ya riga ya gama samun nasara a jihar kano,” a cewar el-Rufa’i.

Gwamnan na Kaduna kuma ya ce idan aka dubi yadda dubban mutanen da suka fito domin yi wa Shugaba Buhari maraba, za a ga cewa Kano wuri ne da shugaban ya ke da magoya baya sosai.

Ya kuma ce, hakan ya faru ne ba tare da tawagar Tsohon Gwamna Rabi’u Kwankwaso ba.

Image caption

Ana ganin Sanata Kwankwaso na cikin wadanda za su kalubalanci Buhari amma kawo yanzu bai bayyana aniyarsa ta tsayawa takara ba

Sai dai gwanan ya ce akwai bukatar duba koke-koken da jiga-jigan jam’iyyar ta APC suka rubutawa uwar jam’iyyar da idon basira saboda siyasa, “harka ce da ke bukatar karuwar jama’a ba raguwa ba.”

Amma ya ce bai kamata manyan ‘yan siyasar su yi barazanar ficewa daga jam’iyyar ba.

A baya-baya nan ne tsoffin gwamnonin wadanda suka koma jam’iyyar daga PDP suka soki yadda APC ta ke tafiyar da harkokinta da kuma gwamnatin Shugaba Buhari.

‘Yan siyasar sun yi zargin cewa ba a “damawa da su a harkokin jam’iyyar da kuma gwamnati, sannan ana nuna mu su wariya da kokarin dakile su ta kowacce hanya.”

Sun ce “Rotimi Amaechi da kuma Jummai Alhasan ne kawai aka bai wa manyan mukaman siyasa a cikin gwamnatin Shugaba Buhari.”

Wadannan kalaman na kunshe ne a wata wasika ta suka aika wa shugaban jam’iyyar da kuma Shugaba Buhari, wadda Alhaji Kawu Baraje da Olagunsoye Oyinlola (wanda tuni ya fice daga jam’iyyar ta APC zuwa ADC) suka sa wa hannu a ranar 17 ga Afrilu, inda suka ce ya kamata a ji kukansu idan har ana son yin nasara a zaben 2019.

A ranar Talata ne wa’adin da suka ba jam’iyyar APC ya kawo karshew, sai dai kawo yanzu ba su bayyana mataki na gaba da za su dauka ba.

Majalisa ta amince da kasafin kudin Najeriya na 2018


Hakkin mallakar hoto
Reuters

Majalisar dokokin Najeriya ta amince kasafin kudin kasar ta shekarar 2018.

Wannan ya zo ne a lokacin da majalisar ta kara kasafin kudin da kasar za ta kashe zuwa naira triliyan 9.1 daga naira triliyan 8.6.

A watan Nuwamban shekarar 2017 ne dai Shugaba Buhari ya gabatar da kasafin kudin a gaban majalisar.

Kasafin kudin da majalisar ta mince da shi ya fi naira triliyan 8.6 da Shugaba Muhammadu Buhari ya gabatar ga majalisar a watan Nuwamba.

‘Yan majalisa dai sun ce an kara kasafiun kudin domin hasashen da ake yi na cewa kudin gangar danyen mai zai karu zuwa $51, sama da dala 45 da ke cikin kasafin kudin da Shugaba Buhari ya gabatar, in ji kamfanin dillancin labarai na Reuters.

Amma nan gaba sai an mayar da kasafin kudin ga Shugaba Buhari ya rattaba hannu a kansa kafin ya zama doka.

Bangarorin da za a fi kashewa kudi a kasafin

A karkashin kasafin kudin na bana, ma’aikatar Wutar Lantarki, Ayyuka da Gidaje ce ta sami kaso ma fi tsoka na Naira biliyan 555.88.

Shugaba Buhari ya bayyana dalilin ba wannan ma’aikata kaso mai yawa: “Gwamnati na son samar da sabbin ayyuka da za su kawo cigaban tattalin arziki da raya kasa.”

Ma’aikatar Harkokin Cikin Gida ce ke ta biyu, inda aka ware mata Naira biliyan 510.87, daga nan sai ma’aikatar Ilimi da zata sami Naira biliyan 435.01.

Daga nan kuma sai ma’aikatar Tsaro da zata sami Naira biliyan 422.43, sai ma’aikatar Kiwon Lafiya da aka ware mata Naira biliyan 269.34.

Ma’akatar Sufuri an ware mata Naira biliyan 263.10, inda aka ba ma’aikatar Noma da Raya Karkara Naira biliyan 118.98.

Sai kuma ma’aikatar Albarkatun Ruwa da za ta sami Naira biliyan 95.11, sai kuma ma’aikatar Ma’aikatu da Cinikayya da Zuba Jari mai kason Naira biliyan 82.92

Amma ana sa ran gibin dake tsakanin kasafin kudin shiga da ainihin wadanda za su shiga lalitar gwamnati zai ragu daga Naira tiriliyan 2.36 na kasafin kudin bara zuwa 2.005 a kasafin kudin bana.

Kasafin kudin dai zai zama doka ne kawai idan ‘yan majalisar kasar suka amince da shi.

Bangaren gwamnati da na majalisa sun sha kai ruwa rana kan kasafin kudi musamman wanda ya gabata, al’amarin da har ya kai ga tonon silili tsakanin ‘yan majalisar.

An fara azumin Ramadan a Nijar


Hakkin mallakar hoto
Getty Images

Image caption

Sai ranar Laraba ne za a fara azumi a mafiya yawan kasashen Musulmi

Al’ummar Musulmi a Jamhuriyar Nijar sun fara azumin watan Ramadan ranar Laraba bayan ganin jinjirin watan a wadansu yankuna na kasar a ranar Talata.

Firai Ministan kasar Briji Raffini ne ya sanar da ganin jinjirin watan azumin a wadansu yankuna na kasar.

Sai dai ba a fara azumin ba a makwabciyar kasar ba, wato Najeriya, saboda a ranar Laraba ne za a fara neman jinjirin watan bayan Majalisar Koli ta Addinin Musulunci ta bukaci hakan a farkon makon nan.

Ita ma kasar Saudiyya za ta fara azumin ne a ranar Alhamis bayan hukumomin kasar sun sanar da cewa ba a ga watan ba a fadin kasar a ranar Talata, wadda ta kasance 29 ga watan Sha’aban.

Hakazalika sauran kasashen Musulmin ciki har da Indonisiya za a fara azumin ne a ranar Alhamis.

Batun fara azumi da ajiye shi yana yawan jawo ce-ce-ku-ce a kasashen duniya musamman a Najeriya.

Ramadan dai wata ne da Musulmi suke kauracewa ci da sha da kuma jima’i daga fitowar alfijir zuwa faduwar rana, inda suke matsa kaimi wurin ibada da addu’o’i.

Hotunan jana’izar Falasdinawan da sojin Isra’ila suka kashe


An zabi ‘yan wasan da za su buga wa Ingila gasar kofin duniya


Kocin Ingila Gareth Southgate ya fitar da jerin ‘yan wasa 23 da za su buga wa kasar gasar cin kofin duniya a Rasha.

Tawagar da kunshi matasa da wasu manyan ‘yan wasa da suka hada da Gary Cahil da kuma matashin dan wasan baya na Liverpool Trent Alexander-Arnold

Golan Ingila Joe Hart da Jack Wilshere na cikin ‘yan wasan da kocin ya ajiye.

Ingila za ta fara fafata wa da Tunisiya ne a rukuninsu na G a ranar 18 ga watan Yuni kafin ta fafata da Panama da kuma Belgium.

Ga jerin sunayen ‘yan wasan:

Masu tsaron gida: Jack Butland ( na Stoke), Jordan Pickford ( na Everton), Nick Pope ( na Burnley).

Tsaron baya:

Trent Alexander-Arnold (na Liverpool), Gary Cahill (na Chelsea), Kyle Walker da John Stones (na Manchester City), Harry Maguire (na Leicester), Kieran Trippier da Danny Rose (na Tottenham Hotspur), Phil Jones da Ashley Young (na Manchester United).

‘Yan wasan tsakiya:

Eric Dier da Dele Alli (na Tottenham Hotspur), Jesse Lingard (na Manchester United), Jordan Henderson (na Liverpool), Fabian Delph (na Manchester City), Ruben Loftus-Cheek (na Chelsea).

‘Yan wasan gaba:

Jamie Vardy (na Leicester), Marcus Rashford (na Manchester United), Raheem Sterling (na Manchester City), Danny Welbeck (na Arsenal) Harry Kane (na Tottenham).

Jiran tsammani:

Tom Heaton da James Tarkowski (na Burnley), Lewis Cook (na Bournemouth), Jake Livermore (na West Brom) da kuma Adam Lallana (na Liverpool).

Messi da Suarez sun kawo ziyara Afirka


Hakkin mallakar hoto
Twitter/@FCBarcelona

Image caption

Kungiyar Barcelona ce ta lashe gasar Laliga ta bana

‘Yan wasan kungiyar Barcelona sun isa kasar Afirka ta Kudu inda za su buga wasan sada zumunci da kungiyar Mamelodi Sundowns ranar Laraba.

Tawagar ta ‘yan wasan dai ta samu rakiyayar jami’an tsaro a lokacin da suka isa filin jiragen sama na OR Tambo da ke birnin Johanesburg.

Kuma jerin mutane sun taru a filin jirgin saman domin ganin shahararrun ‘yan wasan, kuma sun yi ta daukar hotunan ‘yan wasan.

Hakkin mallakar hoto
Getty Images

Image caption

Jami’an tsaro sun raka ‘yan wasan cikin filin jirgin saman da suka sauka a lokacin da suka isa Afirka ta Kudu

Kungiyar Barcelona dai ita ce lashe gasar La Liga a bana, inda saura kadan ta karkare gasar ba tare da shan kaye ba.

Hakkin mallakar hoto
Twitter/@FCBarcelona

Image caption

A ranar Laraba ne ‘yan wasan Barcelona suka sauka a Afirka ta Kudu

Hakkin mallakar hoto
Twitter/@FCBacelona

Image caption

Masu sha’awar kwallon kafa sun rika daukar ‘yan wasan hoto da wayoyinsu na salula a lokacin da suka isa birnin Johanesburg

Hakkin mallakar hoto
Twitter/@FCBarcelona

Image caption

Tuni dai ‘yan wasan suka fara hutawa a kasar ta Afirka ta Kudu

Sam Allardyce ya raba-gari da Everton


Hakkin mallakar hoto
Reuters

Image caption

Ana hasashen cewa tsohon kocin Watford Marco Silva ne kan gaba a jerin wadanda za su maye gurbin Allardyce

Everton ta raba-gari da koci Sam Allardyce bayan ya shafe wata shida kacal a kulob din.

Kocin mai shekara 63 ya sanya hannu kan kwantiragi har zuwa shekarar 2019 a lokacin da ya koma kulob din a watan Nuwamba bayan da aka kori Ronald Koeman.

Everton, wacce ke mataki na 13 a teburin Firimiya lokacin da Allardyce ya karbi aikin, ta kare a mataki na takwas bayan kammala gasar.

Sai dai magoya baya sun soki salon wasan Allardyce tun lokacin da ya karbi ragamar kungiyar.

Everton ta ce matakin rabuwa da kocin wani bangare ne na tsarin da suke da shi “kan makomar kungiyar”.

Ana hasashen cewa tsohon kocin Hull City da Watford Marco Silva ne kan gaba a jerin wadanda za su maye gurbin Allardyce.

Dan kasar ta Portugal mai shekara 40 shi ne mutumin da mai Everton Farhad Moshiri ya so ya maye gurbin Koeman tun farko.

Everton ta kuma nuna sha’awarta ta daukar kocin Shakhtar Donetsk Paulo Fonseca – duk da cewa yana cikin wadanda ake ganin za su iya maye gurbin David Moyes a West Ham.

Malaysia: An saki Anwar Ibrahim daga gidan kaso


Hakkin mallakar hoto
Reuters

Image caption

Tsohon firaiministan Malaysia Anwar Ibrahim

An saki tsohon shugaban ‘yan hamayya Malaysia, Anwar Ibrahim, wanda ya samu afuwa daga sarkin kasar Sultan Muhammad V.

Shekara Uku data wuce aka daure shi a karo na biyu, wanda ya ce kasafi ne laifin da aka ce ya yi.

Mista Anwar, mai shekara 70, shekara 20 data gabata aka aike shi gidan yari na farko, zamanin Friministan Mahathir Mohamad, wanda ya kore shi daga gwamnatinsa.

Yanzu kuma da sukayi sulhu, mutane biyu suyi aiki tare wajen samun nasarar mamaki a zaben kasar makon daya gabata, wanda ya kawo karshan mulki jam’iyya mai mulki a karo farko.

Mista Mahathir yace zai sauka ya bar wa Anwar mulki a ciki shekara biyu mai zuwa.

Mista Anwar dai yana da yakinin cewa Malaysia na kan turbar sabon babi sauyi, duk da cewa demokradiya na fuskantar koma baya a wasu wurare.

Gaskiya Kwankwaso ya taimake ni – Ganduje


Na’urarku na da matsalar sauraren sauti

Hirar Ibrahim Isah da Gwamnan Kano Dr Abdullahi Ganduje

Gwamnan jihar Kano Dr Abdullahi Umar Ganduje ya ce hakika tsohon Gwamna Sanata Rabi’u Kwankwaso ya taimake shi a shekarun da suka shafe suna siyasa tare.

Ganduje ya shaida wa BBC cewa sun shafe fiye da shekara 20 suna tafiyar siyasa tare da tsohon mai gidan nasa.

“Mun shafe shekaru muna siyasa tare… kuma ya taimake ni, ni ma na taimake shi, a zaman da muka yi,” in ji Ganduje.

Manyan ‘yan siyasar na Kano ba sa ga-maciji da juna tun bayan zaben shekarar 2015, inda tsohon Gwamnan na Kano Kwankwaso ya goyi bayan mataimakinsa Ganduje.

Bangaren Kwankwasiyya dai na zargin Ganduje da cin amanarsu da bita-da-kulli ta hanyar yin watsi da tsarin asalin gwamnatinsa.

Sai dai Gwamna Ganduje ya ce “a ganinmu ba a ci amanarsa ba sai idan shi ne bai fahimci abin da ake nufi da cin amana ba.”

“Idan yana nufin cin amana shi ne, shi ya ba ni mulkin jihar Kano, ba Allah ba, to ina ganin wannan akidar da ya dauka haka ne.”

Ya kara da cewa; “idan kuma ya dauka cewa ya taimake ni na zama gwamnan jihar Kano, amma kuma yana mun tadiya yadda gwamnati na ba za ta yi nasara ba, shi yake nufi da cin amana, to mu ba ma kallonsa a matsayin shi ne cin amana.”

Da aka tambayi Ganduje kan dalilin da ya sa ya kori ‘yan Kwankwasiyya daga gwamnatinsa, sai ya ce, “na yi watsi da su ne saboda yadda suka dinga yi wa gwamnat na zagon-kasa.”

Ganduje ya ce “babu gwamnan da zai yarda ana ma sa zagon kasa a gwamnati, ko Kwankwaso ba zai yarda da haka ba.”

Har ila yau Ganduje ya ce ba kamar yadda ‘yan Kwankwasiyya ke nuna wa ba, shi kwararren dan siyasa ne.

“A ganinsu ba Allah ne yake ba da mulki ba, goyon bayansu ne, kuma ni a zaune kawai nake aka dauko ni aka ba ni, amma ni ma gogaggen dan siyasa ne,” a cewar gwamnan, wanda ke shirin neman wa’adi na biyu.

Na’urarku na da matsalar sauraren sauti

‘Ni ne kashin bayan jar hula’

Gwamnan ya ce babu yadda za a yi mutum ya haifi da, “daga baya kuma ya dawo ya ce zai dauki wuka ya yanka dan.”

Rikicin Ganduje da Kwankwaso ya raba Jam’iyyar APC gida biyu a Kano, tsakanin bangaren da ke ganin yana takama da karfin gwamnati da kuma bangaren da ke ikirarin rinjayen goyon bayan jama’a.

Ganduje da magoya bayansa sun dage cewa babu wata illa da wannan rikici zai yi ga nasarar jam’iyyar a zabe mai zuwa, kuma za su iya lashe zabensu ba tare da wata matsala ba.

Sai dai wadansu masana na ganin akwai sake, inda suke cewa jam’iyyar APC za ta iya fuskantar babbar matsala matukar bangarorin biyu ba su shawo kan matsalolinsu ba.

Tsawon shekara nawa za ka rayu a duniya?


Adadin shekarun da mutane kan rayu a duniya na karuwa. Mutanen da aka haifa a shekarar 2016, ana hasashen a taikaice za su yi tsawon rai fiye da wadanda aka haifa shekara 25 da ta gabata.

Sai dai akwai wasu abubuwa da ke taka muhimmiyar rawa a tsawon shekarun da mutum zai iya yi a duniya wadanda suka hada da kasar da mutum ya ke da kuma jinsinsa.

BBC ta tsara wannan ma’aunin da zai ba ku damar sanin hasashen tsawon shekarun da za ku yi a duniya.

A don haka mai zai hana ku jarraba wa:

Kiyasi kan tsawon rai a duniya tun daga haihuwa shi ne shekara 72, wato 70 ga Maza 75 kuma ga Mata. Amma a kan samu sauyi saboda shekaru. Misali, Wanda ke da shekaru 69 na iya kara yin wasu shekaru 17.

Hanyoyin da aka bi wurin hada rahoton

Wadannan sabbin alkalumma ne da aka fitar a 2016. Wannan ya shafi hasashen adadin shekarun da mutum zai yi a duniya bisa la’akari da shekarunsa da jinsinsa da kuma kasarsa.

Yaya tsawon rayuwarku za ta kasance cikin koshin lafiya, ana kiyastawa ne daga yawan shekarun da ake hasashen mutum zai yi cikin koshin lafiya, wanda aka nuna a matsayin hasashen adadin shekarun da suka rage.

Kun san mutanen da suka fi karfin iko a duniya a 2018?


Latsa hoton da ke sama don kallon bidiyon mutane 10 da suka fi karfin iko a duniya a 2018:

Shugaban China Xi Jinping ne mutumin da ya fi kowa karfin iko a duniya a wannan shekarar, a cewar mujallar Forbes ta Amurka.

Shugaban mai shekara 64 kuma mai mulkin kasar da ta fi ko wacce yawa ya samu damar zama wanda ya fi kowa karfin ikon ne a karon farko.

Cikin mutum 75 da aka zaba, biyar ne kacal mata.

To ko su waye mutum 10 na farko da suka fi karfin iko? Kalli wannan bidiyo.

South Korea ta soke taron koli


Hakkin mallakar hoto
EPA/Getty

Koriya ta Arewa ta soke taron kolin da aka shirya yi tsakaninta da Koriya ta Kudu saboda ta ce wani atasayen soji da Amurka ke yi tare da Koriya ta Kudu a kusa da iyakar kasar wani shirin yaki ne.

Kamfanin dillancin labarai na Koriya ta Arewa ya fitar da wata sanarwa wadda ta kuma gargadi Amurka cewa taron da aka shirya yi tsakanin shugaba Trump da shugaba Kim Jong-un na iya samun tangarda.

Tun da farko Koriyoyin biyu sun shirya tattaunawa a kan kyale iyalen da yakin Koriya ya raba.

Korea ta Arewa ce ma ta bada shawarar yin wannan taron, amma a yanzu an soke gudanar da shi gaba daya.

Kamfanin dillancin labarai na Koriya ta Arewa ya ce atasayen hadin gwuiwa da sojojin Amurka ke yi da na Koriya ta Kudu a matsayin dalilin soke taron. Koriya ta Arewa ta kuma ce atasayen wani mataki ne na tsokanar fada.

Hakkin mallakar hoto
Getty Images

Image caption

Amurka da Koriya ta Kudu sun sha cewa atasayen da suke yi na kariya ne kawai.

An dai fara gudanar da atasayen na sojoji mai suna Operation Max Thunder a ranar Jumma’a, kuma ya kunshi jiragen yaki guda 100 da suka hada da manyan jiragen yaki masu jigilar bama-bamai na B52 da kuma jiragen yaki na F15K.

Sanarwar ta kuma yi shaguben cewa ana iya soke taron da aka shirya gudanarwa tsakanin shugaba Kim Jong-un da shugaba Trump na Amurka, idan aak cigaba da atasayen.

Masu adawa da shirin kwance damarar kera makaman nukiliyar Koriya ta Arewa zasu kafa hujja da wannan halayyar da kasar ta nuna, cewa Koriya ta Arewa ba kasa ce da ya kamata a yarda da ita ba.

Hoton Ozil da Erdogan ya bar baya da kura


Hakkin mallakar hoto
EPA

Image caption

Mesut Özil (daga hagu) ya bai wa Shugaba Erdogan kyautar rigarsa ta Arsenal

Hukumar Kwallon Kafar kasar Jamus (DFB) ta soke yadda dan wasan Arsenal Mesut Özil da kuma Ilkay Gündogan na Man City suka dauki hoto tare da Shugaban Turkiyya Recep Tayyip Erdogan.

Duka ‘yan wasan biyu wadanda aka haifa a kasar Jamus kuma suke da asali a Turkiyya, sun bai wa Mista Erdogan kyautar riguwa wasansu a Landan ranar Lahadi.

Gündogan ya rubuta: “Ga shugabana mai daraja, wanda nake girmamawa.”

Mista Erdogan yana neman kara tsayawa a zaben shugaban kasar.

Özil da Gündogan duka suna shirye-shiryen taka leda ne a Gasar Cin Kofin Duniya wadda za a fara watan Yuni a kasar Rasha.

Sai dai kasar Turkiyya ba ta samu damar zuwa gasar ba.

Hakkin mallakar hoto
Reuters

Image caption

‘Yan wasa ukun wadanda ‘yan asalin Turkiyya ne (Ilkay Gündogan na Man City da Mesut Özil na Arsenal da kuma Cenk Tosun na Everton sun dauki hoto da Mista Erdogan

‘Yan siyasar Jamus da dama sun soki ‘yan wasan, inda suke sa alamar tambaya game ga biyayyarsu ga akidojin dimokradiyyar Jamus.

Shugaban Hukumar DFB Reinhard Grindel ya ce: “Kwallon Kafa da Hukumar DFB suna da wadansu akidojin wadanda Mista Erdogan ba ya mutuntawa.

“Saboda haka bai kamata ‘yan wasanmu su bari a yi amfani da su wajen kamfen din siyasa. Abin da ‘yan wasan suka yi, bai taimaka wa hukumar DFB ba wajen hadin kan jama’a.”

A lokacin da yake matashi a shekarun 1990, Mista Erdogan ya taba taka leda a kungiyar Kasimpasa wadda take birnin Istanbul.

An gurfanar da Sheikh Zakzaky a gaban kotu a Kaduna


Hakkin mallakar hoto
PR Nigeria

Image caption

Zakzaky lokacin da ya isa harabar kotun a ranar Talata

Shugaban kungiyar ‘yan uwa Musulmi ta ‘yan Shi’a (IMN) Sheikh Ibrahim el-Zakzaky da matarsa sun bayyana a gaban wata babbar kotu da ke jihar Kaduna ranar Talata.

Gwamnatin jihar Kaduna na tuhumarsa da kisan wani soja lokacin wani rikici da magoya bayansa suka yi da sojoji a garin Zariya a shekarar 2015.

Sai dai sauran mutane biyu da ake zarginsu tare wadanda suka hada da Sheikh Yakoub Yahaya Katsina da Sheikh Sanusi Abdulkadair Koki ba su bayyana a gaban kotu ba.

Kotun ta karanta wa jagoran ‘yan Shi’a tuhumar da ake yi masa, sai dai Sheikh Zakzaky ya musanta zargin.

Lauyan da ke kare Zakzaky Barista Maxwell Kenyon ya nemi kotun ta ba da belinsa, sai dai alkalin kotun ya yi watsi da bukatar.

Mai Shari’a Kurada ya nemi lauyan a kan ya gabatar da bukatar neman belin a rubuce.

Lauyan masu shigar da kara Daris Bayero ya nemi kotun ta amince wa jami’an tsaro ta ci gaba da tsare jagoran a hannunta.

Kotun ta amince da hakan, san nan daga bisa an mayar da Sheikh Zakzaky Abuja.

Daga nan kotun ta dage zamanta zuwa ranar 21 ga watan Yuni.

Na’urarku na da matsalar sauraren sauti

Kalli bidiyon hirar Zakzaky da ‘yan jarida a karon farko

Sai dai a cikin sanarwar da kungiyar ‘yan Shi’a ta fitar ta ce ta yi watsi da matakin da gwamnatin jihar Kaduna ta dauka.

Sanarwar da ke dauke da sa hannun daya daga cikin shugabannin kungiyar Sheikh Abdulhamid Bello ya ce sun dauki matakin a matsayin takalar fadan magoya bayan malamin.

Ya kuma ce “alhaki na kan gwamnatin tarayya idan wani abu ya faru da Zakzaky.”

A karshe Sheikh Abdullahi Bello ya ce mambobin kungiyarsu za su ci gaba da zanga-zangar neman a sako musu jagoransu.

An kama ‘wacce ta kashe’ jami’in diflomasiyyar Najeriya a Sudan


Hakkin mallakar hoto
Getty Images

Ma’aikatar harkokin wajen Najeriya ta ce hukumomin Sudan sun kama Mis Inas Khalid Maikano, wadda ake zargi da kashe wani jam’in shige da ficen kasar Habibu Almu.

Marigayin dai yana aiki ne a ofishin diflomasiyyar Najeriyar da ke birnin Khartoum.

A sanarwar da ma’aikatar ta fitar ta ce an kama dalibar, wadda haifaffiyar kasar Sudan ce, amma ‘yar asalin Najeriya da ke karatu a kwalejin hadin gwiwa ta Sudan da Canada, bayan an same ta da wasu kayayyaki na mamacin da ake zargin ta sace, ciki har da kudi.

Ana zargin Inas da kashe Habibu a gidansa da ke Khartoum ta hanyar daba masa wuka.

Zuwa yanzu dai Inas ba ta ce komai ba dangane da zargin.

Amma hukumomin Sudan dai na ci gaba da tsare dalibar, yayin da ake ci gaba da bincike kafin a gurfanar da ita a gaban kuliya don fuskantar tuhuma.

A ranar Alhamis din da ta gabata ne dai aka tsinci gawar mamacin a gidansa da ke Khartoum.

Wannan lamarin dai ya kai ga kama wasu mutanen da ake zargi ciki har da dalibar.

Tun da fari dai ‘yan sandan birnin sun shaida wa kamfanin dillacin labarai na Reuters cewa kisan ba shi da alaka da siyasa ko ta’addanci.

An dai fara shirye-shiryen dawo da gawar jami’in gida Najeriya domin yi masa jana’iza.

An fidda sunayen masu buga wa Najeriya gasar cin kofin duniya


Hakkin mallakar hoto
Getty Images

An fitar da sunayen ‘yan wasa 30 cikin wadanda ake sa ran za su wakilci Najeriya a gasar cin kofin duniya da za a yi a watan Yuni.

Cikin ‘yan wasa dai akwai manyan ‘yan wasa irin su Victor Moses da ke taka leda a Chelsea da Ahmed Musa da ke CSKA Moscow da kuma Shehu Abdullahi da ke Busarpor a Turkiyya.

Ana sa ran cewar cikin wadannan ‘yan wasan ne dai za a dauki ‘yan wasa 22 da za su buga gasar cin kofin duniya a Rasha.

Ga jerin sunayen mutanen:

Masu tsaron gida:

Ikechukwu Ezenwa da Daniel Akpeyi da Francis Uzoho da kuma Dele Ajiboye

Masu tsaron baya:

William Ekong da Leon Balogun da Ololuwa Aina da Kenneth Emeruo da Bryan Idowu da Chidozie Awaziem da Abdullahi Shehu da Elderson Echiejile da Tronne Ebuehi da kuma Stephen Ezeh.

‘Yan wasan tsakiya:

Mikel Obi da Ogenyi Onazi da John Ogu da Wilfred Ndidi da Uche Agbo da Oghenekaro Etebo da Joel Obi da kuma Mikel Agu.

‘Yan wasan gaba:

Odion Ighalo da Ahmed Musa da Victor Moses da Alex Iwobi da Kelechi Iheanacho da Moses Simon da Junior Lokosa da kuma Simeone Nnwakwo.

Mata sun yi zanga-zanga kan hana mace shayarwa a kantin cin abinci


Hakkin mallakar hoto
Getty Images

Wasu mata masu cike da fushi a Kenya, sun yi zanga-zanga a wani kantin sayar da abinci da ke Nairobi babban birnin kasar, domin nuna fushinsu kan abun da suka kira ‘wulakancin’ da aka yi wa wata mata mai shayarwa.

Matan sun je kantin cin abinci mai suna Olive, inda a can ne matar ta yi zargin cewa an hana shayar da ‘yarta mai shekara daya.

Matar, wadda ta bayar da labarin wanan lamarin a wani shafi na iyaye mata a Facebook, ta bayyana cewa an matsa mata dole ta shiga ban-daki don shayar da ‘yarta, inda hakan ya yi matukar bata mata rai kuma ya zama wulakanci.

Wanan labarin ya yadu sosai a Nairobi da ma wasu wuraren, wanda ya sa aka shirya yin zanga-zanga zanga da safiyar ranar Talata.

Jaridar Daily Nation ta wallafa bidiyon zanga-zangar a shafinta na Twitter, wadda aka fara ta daga Freedom Corner kafin daga bisani zu je majalisar dokoki su kuma wuce kantin sayar da abincin.

Shugabannin gidan cin abincin sun yi kira da a kwantar da hankali yayin zanga-zangar matan, sun kuma roki a dan ba su lokaci kadan don daukar matakin da ya dace.

‘Bazan iya shayarwa a cikin ban daki ba’

Ms kim ta gaya wa BBC cewa ma’aikatan wajen sun taso ta gaba bayan da ta fara shayar da ‘yar tata.

“Ina cikin jiran abincin da na siya na miyar nama da kabeji nikakken dankali, sai kawai wata ma’aikaciyar wajen mara mutunci wadda ta na umarta ta kawo min abincin, ta zo ta ce min in daina shayarwa ko in rufe jikina.”

“Na kadu sosai da jin hakan saboda na sha shayarwa a cikin mutane, sannan kuma a wannan ranar ma ruwan sama akenyi, don haka ba inda zan je na fake.”

Ms Kim ta ce ‘yarta tana ta faman kuka don haka ba ta da mafita sai dai ta ba ta nono.

“Na yi tunanin cewa bari kawai in ci gaba da ba da nonon sai wannan ma’aikaciyar daban ta ce abin da nake ba kyau.

“Sai na tambaye ta cikin kwanciyar hankali cewa to a ina take so na je na shayar da ‘yata, sai kawai ta nuna min bandaki.

“A lokacin sai na ji na muzanta har na daina ba da nonon.”

A yanzu Ms Kim tana fatan shugaban kantin ya ba ta hakuri a kan abin da ya faru.

Yadda gwaggon biri ya kai wa ‘yar shekara daya hari a Zimbabwe


Hakkin mallakar hoto
Getty Images

Image caption

Wannan al’amari dai sh ne na baya-baya kan irin rikicin da ake samu tsakanin mutane da birrai a Chinotimba da ke kusa da koramar Victoria

Wata uwa a zimbabwe ta bayar da labarin tashin hankalin da ta shiga a yayin da wani gwaggon biri ya kafa hakoransa a fuskar ‘yarta a harabar gidansu.

Matar mai suna Jean Gama ta shaida wa kafar watsa labarai ta Bulawayo24 cewa ala tilas ta rufe birin da duka da wani rodi don ta tursasa shi ya sake mata ‘yar tata mai shekara daya, wacce ta galabaita kuma jini yake ta fita a jikinta.

Wannan al’amari dai shi ne na baya-baya kan irin rikicin da ake samu tsakanin mutane da birrai a Chinotimba da ke kusa da koramar Victoria.

A takaice dai Ms Goma ta ce, a lokacin da suka isa asibiti, ta ga wani mutum da shi ma birin ya ciza yana jira a yi masa magani.

An yi amannar cewa birin ya kai wa yarinyar hari ne, wacce ke wasa a waje tare da yayanta, saboda birin ya so ya kwace ‘yar tsanar yarinyar.

Reuben Dube, wanda ke zaune a yankin, ya ce a yanzu iyaye kan raka ‘ya’yansu zuwa makaranta saboda irin yadda dabbobi ke tunkarar su.

Ya shaida wa Bulawayo24 cewa: “Mun yi ta kai korafi ga Hukumar Kula da Gandun Daji ta Zimbabwe wato (Zimparks), amma har yanzu ba su yi komai a kai ba.”

Wani mai magana da yawun ZimParks ya ce hakkin mazauna yankin ne su kare kansu daga hadarin da suke fuskanta.

Russia 2018: Super Eagles ta fitar da sunayen ‘yan wasa 30


Hakkin mallakar hoto
Getty Images

Image caption

A ranar 4 ga watan Yuni ne Najeriya za ta aiikewa hukumar Kwallon Kafa ta Duniya (FIFA) sunaye ‘yan wasa 23

Kocin tawagar kwallon kafar Najeriya Gernot Rohr ya fitar da kwarya-kwaryar sunayen ‘yan wasa 30 wadanda daga cikinsu ake saran za su wakilci kasar a Gasar Cin Kofin Duniya wanda za a fara a watan Yuni a kasar Rasha.

Cikin ‘yan wasan akwai tsohon dan wasan Chelsea Mikel Obi da Ahmed Musa da Odion Ighalo da Victor Moses da dai sauransu.

A cikin wadannan ‘yan wasan ne kocin Super Eagles din zai zabi ‘yan wasa 23 wadanda za a tafi kasar Rasha da su don fafatawa a gasar wadda za a fara ranar 14 ga watan Yunin bana.

A ranar 4 ga watan Yuni ne kocin zai aikewa hukumar Kwallon Kafa ta Duniya (FIFA) sunaye ‘yan wasa 23.

Najeriya tana rukunin D ne wanda ya kunshi kasashen Croatia da Iceland da kuma Argentina.

A shirye-shiryen tunkarar gasar, tawagar kasar za ta yi wasannin sada zumunci da DR Congo a ranar 25 ga watan Mayu, sai karawa da Ingila a ranar 2 ga watan Yuni.

An kashe Falasdinawa 55 yayin da Amurka ke bude sabon ofis


Hakkin mallakar hoto
EPA

Image caption

Falasdinwa sun rika zanga-zanga dangane da ofishin jakadancin Amurka da aka mayar Kudus

Akalla falasdinawa 55 ne sojojin Israila suka harbe a zirin Gaza bayan mumunar arangamar da aka yi a kan iyakar yankin da Isra’ila, a cewar jami’an Falasdinu.

Tashin hankalin na zuwa ne gabanin ofishin jakadancin Amurka, wanda aka bude a birnin Qudus, abin da kuma ya harzuka Falasdinawa.

Sun dauki al’amarin a matsayin cewa Amurka na goyon bayan Isra’ila akan mamayar da ta yi wa garin baki daya.

Falasdinawa sun yi ikikarin cewa gabashin garin nasu ne .

Manyan jami’an Amurka, ciki har da diyar Shugaba Donald Trump da mijinta sun halarci bikin bude ofishin jakadancin.

Kungiyar Hamas da ke mulkin Gaza ta jagoraci gagarumar zanga-zanga da aka rika yi, wacce ka yi wa lakabi da “Great March of Return” watau “Marchin dawo da birnin Qudus” a makonni shidda da suka gabata.

Isra’ila ta ce masu zanga-zangar sun rika kokarin hawa kan katangar da ke kan iyakar.

Wani saurayi mai shekara 14 na cikin wadanda aka kashe a ranar Litinin yayin da fiye da 900 suka ji raunuka, a cewar ma’aikatar lafiya ta Hamas.

Falasdiwa sun rika jifa da duwatsu yayin da sojojin Isra’ila suka rika harbi daga boye lokacin da hayaki ya rika tashi sakamakon tayoyin da ke ci da wuta.

Rundunar sojin Isra’ila ta ce mutum 10,000 ne suka taru a katantagar da ke tsakanin kan iyakar domin yin zanga-zanga kuma sojojinta sun bi ka’ida a matakin da suka dauka wajan maida martani.

Shin mene yake faruwa?

A kowane mako falasdinawa sun rika zanga zanga a zirin Gaza, wanda daga bisani ya koma tashin hankali, gabanin ranar tunawa da shekarar da aka kafa Israila da ake kira Nakba inda duban falasdinwa suka gudu daga gidajensu kokuma sun rasa gidajen sakamakon kasar Israila da aka kafa a ranar 14 ga watan Mayu 1948 .

Tun bayan da aka fara zanga zangar Falasdinawa fiye da sittin ne aka kashe yayin da dubbai suka ji raunuka

Kungiyar Hamas, wadda bata ga maciji da Israil , ta ce za ta karfafa zanga-zangar da ta ke yi kafin ranar Talata lokin da za a gudanar da ranar ta Nakba.

Ta ce tana son ta ja hankalin duniya kan abinda Falasdinawa suke ganin shi ne hakkinsu na komawa gidajensu na asali da yanzu sun koma karkashin Israila

Wani malamin kimiyya a zirin Gaza mai suna Ali ya shaida wa Reuters cewa: “Yau babbar rana ce da za mu tsallaka katanga mu fada wa Israila da duniya cewa ba zamu lamunta da mamayar da ake yi mana ba.”

Isra’ila ta ce an shirya zanga-zangar ne domin tayar da husuma a bakin iyaka inda aka tsaurara wa tsaro kuma domin a kai wa yahudawa makwabta hari.

Shin me yasa ofishin jakadancin ke janyo cece ku ce?

Kasashen duniya ba su amince da mamayar da Israila ta yi wa birnin Kudus ba kuma a yarjejeniyar zaman lafiya da aka cimma tsakanin Israila da Falasdinu a shekarar 1993 ya kamata a ce an yi magana game da makomar birnin a tattauanawar zaman lafiya da za a yi daga baya.

Tun daga shekarar 1967 ne Israila ta mamaye gabashin birnin Kudus lokacin da aka yi yaki a gabas ta tsakiya. Sai dai ba bu wata kasa da ta amince da haka sai lokacin da shugaba ya ayyana aniyyar kasarsa a watan Disambar shekarar 2017.

Hakkin mallakar hoto
Raffi Berg

Image caption

An rika sayar da hulunan Yahudawa masu hoton Trump da ke goyon bayansa a birnin Kudus

Tun daga shekarar 1967, Israila ta gina matsugunai da dama ga yahudawa 200,000 a gabanshin Kudus. Sai dai dokokin kasa da kasa ba su amince da matsugunan ba kodayake Israila na da ja da hakan.

Akwai wasu kasashe da suke da ofishohin jakadanci a birnin kudus amma daga baya sun tashi bayan da Israila ta amince da wata doka a shekarar 1980 da ta ayyana Kudus a matsyin babban birnin kasar

Shawarar da shugaba Trump ya yanke na amincewa da Kudus a matsayin babban birnin Israila ta sabawa matakin ba ruwa na Amurka da ta shafe shekaru da dama tana dauka kan batun kuma hakan ya s ta samu sabani da kasashen duniya.

Hakkin mallakar hoto
Getty Images

Image caption

Karmin ofishin jakadancin Amurka da za a yi amfani da shi a matsayin ofishin jakancin kasar na wucin gadi a birnin Kudus .a

Hakkin mallakar hoto
Reuters

Image caption

Ivanka Trump ta gaisa da jakadan Amurka David Friedman kuma tana tare da mijinta Jared Kushner a filin jirgin sama na Ben Gurion

Hotunan bindigogin da aka lalata a jihar Zamfara


Hotunan bindigogin da aka lalata a jihar Zamfara – BBC News Hausa

]]>

Hakkin mallakar hoto
BBC HAUSA

Image caption

Gwamna jihar Zamfara Abdulaziz Abubakar Yari da wasu manyan baki

Hakkin mallakar hoto
BBC hausa

Image caption

Gwamna Yari a gaban na’urar da ke lalata bindiga

Hakkin mallakar hoto
BBC hausa

Image caption

An lalata bindigogi karkashin wani shirin yin afuwa da gwamnati jihar ta bullo da shi a bara

Hakkin mallakar hoto
BBC hausa

Image caption

Wani jami’in soja a filin da za’a lalata bindigogin

Hakkin mallakar hoto
BBC HAUSA

Image caption

Bindigogi fiye da dubu biyar aka karbo daga hannun ‘yan fashin shannu da kuma ‘yan banga

Hakkin mallakar hoto
BB HAUSA

Image caption

Wani jami’in kungiyar Tarayyar Turai a taron lalata bindigogi fiye da dubu biyar

Hakkin mallakar hoto
HAUSA

Image caption

Wadansu bindigogi lokacin da ake shirin lalata su

Buhari bai iya mulki ba – Shekarau


Image caption

Malam Ibrahim Shekarau ya ce zai sauya fasalin yadda ake gudanar da mulki idan ya zama shugaban kasa

Tsohon gwamnan Kano kuma jigo a jam’iyyar adawa ta PDP ya ce gwamnatin Shugaba Muhammadu Buhari bata tabuka wani abun azo a gani ba a tsawon fiye da shekara uku da ta yi kan mulkin kasar.

Malam Ibrahim Shekarau, wanda ke neman jam’iyyar ta tsayar da shi takarar shugaban kasa a zaben 2019, ya shaida wa BBC cewa gwamnatin Buhari na tafiyar da mulki “tamkar ba ta san abin da take yi ba”.

“Hatta wadanda suke adawa da gwamnatin sun yi mamakin yadda ta gaza wurin aiwatar da abubuwan da ta yi alkawari,” in ji Shekarau, wanda a baya ya yi tafiyar siyasa tare da Shugaba Buhari.

Ya kara da bayyana rawar da gwamnatin ta taka da cewa ba yabo ba fallasa.

Sai dai ana ta bangaren, gwamnatin APC tana bugar kirjin cewa ta farfado da tattalin arzikin kasar, wanda jam’iyyar PDP ta “ruguza” a shekara 16 da ta shafe tana mulki.

Sannan ta ce ta sanya kasar a kan turbar dogaro da hanyoyin samun kudaden shiga daban da man fetur.

A ‘yan kwanakin baya ne Shugaba Muhammadu Buhari ya bayyana aniyarsa ta neman wa’adi na biyu a zabe mai zuwa.

Sai dai masana na ganin zai fuskanci zazzafan kalubale ganin yadda wasu jama’a da dama suka yi dawo daga rakiyar yadda ya ke gudanar da gwamnatinsa.

Tsohon gwamnan jihar ta Kano ya ce zai sauya fasalin yadda ake gudanar da mulki idan ya zama shugaban kasar.

Ya kuma musanta zarge zargen cewa yana da hannu a rarraba kudaden da ake zargin an wawure gabannin zaben 2015.

Ana shirin sabuwar zanga-zanga a Gaza


Hakkin mallakar hoto
EPA

Image caption

kimanin mutum 2,700 ne suka samu raunuka a tarzomar

Al’ummar Falasdinawa na shirin gudanar da sabuwar zanga-zanga ranar Talata kwana guda bayan dakarun Israila sun kashe mutane 55 a Gaza.

A ranar 15 ga watan Mayun ne kowace shekara ce ranar da Falasdinawa suka yiwa lakabi da Nakba, wato ranar da aka shaida mummunar bala’i .

A ranar ce dubban jama’a suka fice daga gidajen su yayin da aka kafa Israila a shekarar 1948 wanda ke cika shekaru 70.

An dai fuskanci tashe tashen hankula ne sakamakon bude ofishin jakadanci Amurka a birnin Kudus.

Jami’an Falasdinawa sun ce baya ga wadanda aka kashe akwai kimanin mutum 2,700 da suka samu raunuka a tarzomar.

Ana kallon tarzomar a matsayin mafi muni a Gaza tun bayan yakin shekarar 2014.

Sauya wa ofishin matsuguni daga Tel Aviv dai ya yi matukar harzuka Falasdinawa wadanda ke kallon matakin da Amurka ta dauka a matsayin nuna goyon baya ga Israila na iko da birnin.

Sai dai Firai ministan Israila Benjamin Netanyahu ya ce sojoji na kare kansu ne daga mayakan Hamas wanda ya ce suna son wargaza Israila.

Tuni wasu kasashen duniya suka yi alla-wadai da kashe kashen inda Kuwait ta bayyana abun daya faru a matsayin babban abun takaici.

Tsohon jagoran ‘yan shi’a Moqtada al-Sadr na gab da lashe zaben Iraqi


Hakkin mallakar hoto
Reuters

Image caption

Tun ranar litinni magoya bayan Moqtada al-Sadr ke bikin nasara a birnin Bagadaza

Hadakar da tsohon shugaban mayakan shi’a ke jagoranta a Iraqi, Moqtada al-Sadr, na kan hanyar lashe zaben kasar da aka gudanar a karshan mako, bayan sanar da sama da kashi 90 na kuri’un da aka kada.

Mista Sadr dai bai tsaya takarar Firaminista ba, sai dai nasarar mamaki da hadakarsa za ta samu zai bashi daman tasiri wajen zaben wanda zai samu wannan mukami.

Wakilin BBC ya ce wannan babban nasara ce ga Moqtada al-sadr, wanda ya bayyana kansa a matsayin fitacce da ke adawa da rashawa, kuma ya yi fice wajen nuna adawa ga Amurka da kuma Iran.

Firai ministan mai-ci Haider Abadi, ya gaza kai wa abinda aka yi tsanmani, duk da nasarar da Iraqi ta yi a kan kungiyar IS a karkashinsa.

Al-Abadi ya bukaci dukkanin jam’iyyun siyasar kasar da su mutunta sakamakon zaben.

‘Yan wasan Afirka na da tasiri a gare ni – Wenger


Hakkin mallakar hoto
Getty Images

Image caption

Wenger ya ce ‘yan wasa kamar su Yaya Toure da Kolo Toure da Eboue da Gervinho, duk daga wajensa suka fito daga makarantar da ya bude

Kocin Arsenal, Arsene Wenger, ya bayyana yadda yake matukar kaunar ‘yan wasan kwallon kafa da suka fito daga nahiyar Afirka a wani taron manema labarai na karshe da ya yi a matsayinsa na manajan kulob din.

A kalaman Mista Wenger ya ce ‘yan wasan Afirka sun yi matukar ba shi gudunmawa a yayin da yake jagorantar kungiyar Arsenal.

“Na yi mu’amala da ‘yan wasan Afirka duk tsawon rayuwata. Na bude makaranta a Afirka da daya daga cikin abokaina. Mutane kamar su Yaya Toure da Kolo Toure da Eboue da Gervinho, duk daga wajena suka fito daga wannan makarantar,” a cewar Wenger.

Ya kara da cewa: “Ina tare da George Weah tun yana karami da kuma Fofana da Ivory Coast. Ina da Lauren daga Kamaru. A koyaushe a tawagata akwai ‘yan wasan Afirka. Sun bayar da gudunmawarsu matuka.”

A wajen ‘yan wasan Afirka da dama dai musamman wadanda suka yi aiki karkashinsa, matsayin Wenger ya wuce na koci kawai.

Dakarunsa daga cikin ‘yan wasan Afirka sun hada da Emmanuel Adebayor na Togo da Emmanuel Eboue daga Ivory Coast, da Gervinho daga Ivory Coast, da Alex Song daga Kamaru da Lauren Etame Mayer daga Kamaru da sauran su.

Wenger ya jagoranci wasansa na karshe a Arsenal inda suka kara da Huddersfield. Tawagar tasa ta samu nasara ci 1-0 a wannan wasan.

An yi ta nuna masa kauna ta hanyar aika masa da sakonnin taya murna a lokacin da kuma bayan kammala wasan.

Dukkan magoya bayan Huddersfield da na Arsenal sun yi ta shewa a yayin da ya isa filin wasan.

Kafin a fara wasan, ‘yan wasan kungiyoyin biyu sun yi masa wata tsayuwa ta ban girma a filin wasan.

Hakkin mallakar hoto
Getty Images

Ya dauki dan lokaci kadan kafin ya yi jawabin ban kwanansa na karshe ga ‘yan wasan Arsenal din da za su koma gida.

A yayin da ake wasan, dukkan magoya bayan kungiyoyin biyu sun mike tsaye suna shewa don girmama shi a yayin da aka yi minti 22 da fara wasan, wato daidai tsawon shekarun da ya shafe yana jan ragamar kungiyar.

Haka kuma wani karamin jirgi dauke da sakon taya murna ga kocin, ya yi ta shawagi a saman filin wasan kafin a tafi hutun rabin lokaci.

Wenger ya bayyana wasan a matsayin wani “biki” da kuma “rana ta musamman” a gare shi.

Wenger ya bar Arsenal bayan da ya ja ragamar wasanni 1,235, inda ya samu nasara sau 717 da kuma cin kwallaye 2,298.

Har yanzu dai kungiyar Arsenal ba ta bayyana wanda zai gaje shi ba tukuna.

Sai dai kocin ya ce zai ci gaba da harkar tamaula, amma har yanzu bai bayyana inda zai koma ba.

Babbar mota ta kashe gwamman mutane a Zariya


Rahotanni daga birnin Zariya na jihar Kaduna a arewacina Najeriya na cewa, wasu mutane sun rasa rayukansu bayan da wata motar tirela ta kwace daga hannun direban ta bi ta kan su a wata tashar mota da ke birnin.

Wani ganau ya shaida wa BBC cewa fiye da mutum 10 ne suka mutu a nan take a tashar motar wadda ke da cunkuson mutane a ko yaushe.

Al’amarin ya faru ne da safiyar ranar Litinin.

Rundunar ‘yan sandan jihar Kaduna ta tabbatar da faruwar lamarin, amma ba ta bayar da adadin yawan wadanda suka mutu ba.

Sai dai akwai fargabar cewa yawan wadanda suka mutun zai iya karuwa.

Kawo yanzu bayani kan abin da ya haddasa wannan hatsarin.

Ana yawan samun afkuwar hadurra a Najeriya, yawanci kuma wadanda suka hada da manyan motoci su kan faru ne sakamakon rashin burki.

A karshen watan Afrilu ma an yi wani mummunan hatsari a birnin tarayyar Najeriya Abuja, inda burki ya kwace wa wata babbar motar daukar yashi ta bi ta kan wasu motocin tasi biyu.

Mutane da dama ne kuma suka rasa rayukansu.

Bam ya tashi a ofishin ‘yan sanda a Indonesia


Hakkin mallakar hoto
Reuters

Image caption

‘Yan sanda a harabar ofishin bayan tashin bam din

An samu fashewar bam a babban ofishin ‘yan sanda na Surabaya, gari na biyu mafi girma a Indonesia.

Bam din ya tashi ne kwana guda bayan ‘yan kunar bakin wake sun hallaka mutane 13 a wasu hare-hare da suka kai kan wasu majami’u a birnin.

Rahotanni sun nuna cewa wani dan kunar bakin wake ne da ke kan babur ya kai harin na baya-bayan nan.

Mai magana da yawun ‘yan sanda a birnin ya ce al’amarin ya rutsa da jami’in dan sanda akalla daya.

Wani mutum Muhammad Wahibul Fadli da ke magana a wajen wata coci a Surabaya ya ce akwai bukatar gwamnati ta kara zage damtse.

Yadda wani mata-maza ya kusa kashe kansa saboda takaici a Kano


Image caption

Mai yiwuwa tsangwama da kyara ne kan sanya mata-maza su boye halin da suke ciki

Tun lokacin da ya fara wayo, Misbahu (ba sunansa na asali ba ke nan) ya fahimci cewa halittarsa ta sha bamban da ta sauran yara.

Tun a lokacin ne kuma yakan shiga damuwa ya koma gefe ya yi ta kuka.

Sai dai kamar yadda za a karanta a wannan rahoto na musamman da Halima Umar Saleh ta rubuta, ashe kukan targade yake yi, karaya na nan tafe.

A duk lokacin da aka samu karuwa ta haihuwa akan yi murna da farin ciki. Amma Umma da Tunau (ba sunansu na asali ba ke nan) murnar su ta koma ciki lokacin da suka fahimci cewa jaritin da suka haifa na da al’aurar maza da ta mata. Matsalar ita ce: namiji aka haifa ko mace? Ba su tabbatar ba.

“Lokacin da aka haifi yaron nan — shekara 24 da suka gabata — na shiga damuwa kwarai da gaske”, inji Tunau.

Da Tunau da maidakinsa suka garzaya asibiti don a warware musu zare da abawa, sai likitoci suka ce ba za a iya komai a kan wannan lamari ba sai yaron/yarinyar ya/ta yi kwari.

Don haka suka dawo gida jikinsu a sanyaye.

“Ba don zuciya irin ta Musulunci ba, da na hallaka kaina don na daina ganin wannan abun bakin ciki.

“Daga baya da na yi tunani na ga duk yadda Allah Mahalicci ya so haka zai yi a kan mutum, sai kawai na fawwala masa lamarin na dauki dangana”, a cewar Tunau.

Bayan tuntubar limamin kauyensu da wan Tunau, ma’auratan sun yanke shawara su sanya wa jaririn suna Misbahu.

Mai yiwuwa wannan shawara ta mahaifansa ta yi tasiri wajen zabin jinsin da Misbahu zai so ya karkata a gaba, amma ya ce tasowar da ya yi yana komai a cikin maza ita ta ja hankalinsa.

Galibi dai wanda bai san su ba, ba zai gane mata-maza da ganin su ba, har sai sun fara girma. Sai dai duk da haka Misbahu ya sha shiga wani irin hali idan ya dubu halitarsa ya ga ta yi daban da ta sauran yara ‘yan uwansa.

“Gaskiya na shiga tashin hankali sosai saboda yadda na tsinci kaina…sai dai in koma waje daya in yi ta kuka”, inji shi.

Amma fa wannan tashin hankalin nafila ne idan aka kwatanta da wanda ya shiga lokacin da ya fara girma kuma, kamar ko wata ‘yar budurwa, ya fara kirgen dangi—ma’ana, nono ya fara bayyana a kirjinsa—sannan ya fara al’ada.

“Wallahi na shiga damuwa lokacin da na fara al’ada, ta kai ta kawo duk wata idan zan yi al’ada sai na yi ta fama da ciwon ciki mai tsanani,” inji Musbahu.

Tsangwama da kyara

A wasu sassa na duniya, masu halittar da ba a saba ganin irinta ba kan fuskanci tsangwama da kyara.

Image caption

Tsangwama kan sanya mutane su shiga mummunan hali, inji Dokta Bulus Yaksat

Shi ma Musbahu ya fuskanci irin wannan tsangwama daga wajen mutane musamman ma abokansa.

“Da yawa akwai wadanda muke mu’amala da su, ko da ba na gun sai sun yi da ni, ko kuma ina zuwa gurin wasu za su kama yi min dariya…. Ko na bar gun wasu abokan arzikina za su gaya min”, inji Misbahu.

Daga karshe dai wannan tsangwama da kyara suka hana shi ci gaba da karatu.

“A da ina zuwa makaranta amma ganin yadda ake yawan tsokanata ko na je ba na mayar da hankali kan karatun, sai kawai na daina zuwa makarantar.

‘Na kusa kashe kaina’

Sakamakon wannan hali na kunci da ya shiga, sai da Misbahu ya yi tunanin kashe kansa: “Akwai lokacin da na yi tunanin da ma ban zo ba, ko kuma in kar kaina….

“Akwai lokacin da na so in [kashe kaina] kawai [abin da ya hana ni shi ne] na gaya wa mahaifiyata [sai] ta ce in yi hakuri, duk abin da Allah Ya yi, komai ya yi farko zai yi karshe”.

Wannan na cikin hadurran da tsangwama da kyara ke haifarwa ga mutane irinsu Misbahu, a cewar Dokta Bulus Yaksat, malamin Nazarin Halayyar Dan-Adam a Tsangayar Ilimi ta Jami’ar Abuja.

“[Tsangwama] kan iya sa mutum ya yi tunani daban-daban—[ya tambayi kanshi, ‘Me ya sa na zo haka? Ko ya tambayi kanshi me ya sa Allah Ya yi shi haka”.

Dokta ya kara da cewa, “Kai, tunani ma yakan iya shiga har ma mutum ya kasa cin abinci, ya kasa yin abin da zai taimaka wa kansa, ya kuma kasa yin abin da zai taimaka wa al’umma….

“Wannan tunani [kuma] zai iya sa mutum ma ya kashe kansa, ko ya gudu ya bar unguwarsa, ko iyalinsa, ko gidansa”.

Matsayin Musulunci

Galibin al’ummar da Misbahu da iyayensa ke zaune a cikinsu Musulmi ne.

Amma Musulunci bai yarda da tsangwamar da Misbahu ya ce an nuna masa ba, a cewar Sheikh Aminu Ibrahim Daurawa, malamin addinin Musulunci, kuma Shugaban Hukumar Hisbah ta Jihar Kano.

Image caption

Mayar da mata-maza jinsi daya bai saba wa Shari’ar Musulunci ba, inji Shaikh Aminu Daurawa

Hasali ma, inji malamin, Musulunci ya yi bayani sosai a kan mas’alar mata-maza da kuma hukunce-hukunce game da su.

“Addinin Msulunci ya yi bayani kan yadda za a yi rabon gado ga mata-maza, da lamarin aure da na shugabanci, kuma addini bai yarda a dinga musguna musu ba tun da ba su suka halicci kansu ba,” inji shi.

Malamin ya kara da cewa ta fuskar hukunce-hukunce, malaman Fikihu sun kasa mata-maza kashi uku: mai halittar mata da maza, amma ta mata ta fiyawa; da mai halittar mata da maza, amma ta maza ta fi yawa; da kuma mai halittar mata da maza, kuma dukkansu sun yi daidai da daidai.

“In an je likita ya tabbatar cewa wannan gaskiya mace ce—yana al’ada, zai iya daukar ciki—amma kuma wasu halittu da ake samu a jikin namiji sun fito masa—dabi’unsa da halayensa duk na namiji ne—to wannan sai a yi masa hukunci a matsayin namiji.

“A Shari’ance za a ba shi gadon namiji, sannan shi zai aura, sannan zai yi limanci, duk wasu abubuwa da ake yi na addini zai iya yi”.

Shaikh Daurawa ya kara da cewa, “Kamata ya yi mutane su dinga jawo su a jiki tare da kwantar musu da hankali don kar su dauki matakin kashe kansu.”

Yaya aka haihu a ragaya?

Image caption

Babu alkaluman da ke nuna yawan mata-maza, amma Dokta Anas Yahaya ya yi kiyasin cewa a wani babban asibiti a Kano ana iya haifar daya a cikin haihuwa 2,000

A wasu kasashen gabashin Afirka, iyayen da suka haifi mata-maza kan dauka cewa an yi musu baki ne, don haka su kan kalli lamarin a matsayin abin kunya ko ma abin neman tsari.

Sai dai a cewar masana akwai bayani a kimiyyance game da yadda halittar mata-maza ke kasancewa.

Dokta Anas Yahaya, malami a Sashen Nazarin Halittar Dan-Adam da ke Jami’ar Bayero ta Kano, ya ce mata-maza halitta ce da ke samuwa sakamakon matsalolin sinadaran da ke taimakawa wajen haliita.

“Alal misali”, inji shi, “lokacin da kwan namiji da na mace suka hadu suke ba da halitta ta namiji ko mace, to a lokacin ake samun matsala ta yadda kwan mace kafin ya hadu da na namiji … kan rabe gida biyu; idan aka yi [rashin] sa’a maniyyin namiji guda biyu suka hadu da rababben kwan na mace, shi ke nan sai a samu mata-maza.”

Masanin ya kuma ce ba gadon halittar ake yi ba, ko da yake akwai wadansu dalilan da kan haddasa ta baya ga rabewar kwan mace kafin haduwarsa da na namiji.

Sannan kuma, a cewar Dokta Yahaya, zai yi wuya a iya gane cewa jaririn da ke ciki mata-maza ne ta hanayr amfani da gwaje-gwajen da aka saba yi wa masu ciki—sai dai ta hanyar wani gwaji na musamman, inda za a debi ruwan cikin mai juna-biyu a auna.

Tiyata

Cigaban zamani dai ya zo da abubuwa da dama, ciki har da dabarun sauya halittar dan-Adam ko yi mata kwaskwarima.

Don haka ne ma idan mata-maza na sha’awa za a iya yi masa tiyata a mayar da shi namiji sak ko mace sak.

Kuma kamar yadda muka ambata tun da farko, mahaifan Misbahu sun je asibiti tun yana jariri, likitoci suka shaida masa cewa ana iya tiyata a mayar da yaron nasu namiji sak, amma sai ya yi kwari.

Sai dai kuma saboda rashin wadata, ba a iya yi masa aikin ba har sai da ya shekara 24.

Tuni dai, bayan samun tallafi daga al’ummar gari, an yi masa kashi biyu bisa uku na aikin da zai mayar da shi namiji sak.

“Zuwa yanzu an yi tiyata mataki biyu—ta farko an cire masa nonon da ke kirjinsa, ta biyu kuma an tsayar da haila—amma ba a cire masa al’aurar mata ba don kuwa har yanzu ba mu da isassun kudin yin hakan”, inji Tunau.

Ya kuma kara da cewa, “Gaba daya abin da ake nema na aikin naira 250,000 ne. Ana kuma bukatar naira 70,000 don yin aiki na karshe amma wallahi kudin da muka samu ba su taka kara sun karya ba shi yasa har yanzu ba a kammala aikin ba”.

Man City ta yi bajintar da ba a taba yi ba a Premier


Hakkin mallakar hoto
Getty Images

Image caption

City ta lashe kofi ana saura wasanni biyar a kammala Firimiya

Manchester City ta kafa tarihin da babu wata kungiyar da ta taba kafa wa a kakar wasa a gasar Firimiya a Ingila.

Tun a 15 ga Afrilu Manchester City ta lashe kofin Firimiya na bana, kuma kofin gasar na farko da Pep Guardiola ya lashe a kakarsa ta biyu a kulub din.

Baya ga kofin da City ta lashe kuma ta shafe wasu tarihin da aka taba kafa wa a gasar Firimiya, kamar haka:

Maki 100

Manchester City ta kammala kakar bana da maki 100 a teburin Firimiya, tarihin da ba a taba kafa wa ba a tarihin gasar.

City ta doke Southampton ci 1-0 a fafatawar ranar karshe a Firimiya.

Ana dab da hure wasa Gabriel Jesus ya ci wa City kwallon a ragar Southampton, wanda ya taimaka City kafa tarihin da yawan maki 100 a Firimiya a bana.

Hakkin mallakar hoto
Getty Images

Image caption

Gabriel Jesus ya ci wa City kwallo 20 a wasa 39

Yawan kwallaye

City ta shiga kundin tarihin gasar Firimiya, inda ta kammala kaka da yawan kwallaye 106.

City ce ta fi yawan cin kwallaye a raga a kaka daya a tarihin Firimiya.

City ta karya tarihin da Chelsea ta kafa na yawan kwallaye 103 a zamanin Carlo Ancelotti a kakar 2009/10.

Yawan nasara

Manchester City ta buga wasanni 32 ba doke ta ba a gasar Firimiya a bana.

Ta shafe tarihin da Chelsea ta kafa a kakar 2004-05.

Ta karya tarihin da Tottenham ta kafa a shekaru 57 a matsayin kungiyar da ta fi yawan samun nasara a kakar wasa a Firimiya.

Haka kuma ba a doke City ba a wasanni 16 da ta kai ziyara a Firimiya, tarihin da babu wata kungiya da ta taba kafawa a gasar.

A bana Manchester City ta buga wasanni 18 a jere ba tare da an doke ta ba.

Yawan tazarar maki

Manchester City ta kammala kaka da tazarar maki 19 tsakaninta da Manchester United da ke matsayi na biyu a teburin Firimiya.

Wannan ne maki mafi tazara a tarihin Firimiya kuma City ta kafa tarihin kan abokin hamayyarta Manchester United da ta doke Watford ci 1-0 a Old Trafford.

Yawan tazarar ya nuna yadda Manchester City ta yi wa abokan hamayyarta fintikau a bana.

Kevin De Bruyne

Hakkin mallakar hoto
Getty Images

Dan wasan na Belgium ya kafa tarihin da babu wani dan wasa da ya taba kafa wa a gasar Premier.

De Bruyne ya taimaka an ci kwallo sau 16 a kaka daya.

Sannan shi ne dan wasan da ya fi yawan samun nasara a wasannin Firimiya a kaka daya inda ya buga wasanni 31 da City ta yi nasara.

Pep Guardiola

Pep Guardiola ya lashe lambar yabo da ake bayarwa wata wata sau hudu a jere a gasar Firimiya.

Kocin da ya jagoranci City ga nasara a bana, ya ce yana ganin za a dauki lokaci kafin a karya tarihin da ya kafa na samun maki 100 a gasar Firimiya.

Guardiola ya taba kammala gasar La liga da maki 99 a kakar 2009-10 a lokacin da yana Barcelona.

Hakkin mallakar hoto
Getty Images

Image caption

Kofi 26 Guardiola ya lashe a Spain da Jamus da Ingila

APC ‘ta rabu biyu’ a wasu jihohi


Hakkin mallakar hoto
Getty Images

Rikicin cikin gida a wasu jihohi da dama na APC ya yi tasiri a zaben shugabannin jam’iyar a mataki na kananan hukumomi.

Wasu bangarori na APC a jihohin Kano da Zamfara da Adamawa sun gudanar da nasu zaben na daban na shugabanin jam’iyyar a kananan hukumomi.

A ranar Lahadi ne bangaren Kwankwasiyya suka gudanar da nasu zaben a Kano bayan daya bangaren da ke mulki a jihar ya gudanar da zaben a ranar Asabar.

Bangaren Sanata Marafa da ke wakiltar Zamfara ta tsakiya sun yi ikirarin gudanar da nasu zaben a ranar Asabar, daidai lokacin da bangaren APC da ke mulki a jihar ya gudanar da nasa zaben.

Uwar Jam’iyyar dai ta sha nanata cewa kan ‘yayanta a hade yake, amma har yanzu babu sanarwa da ta fitar game da rabuwar kan da aka samu a zaben shugabannin jam’iyyar.

BBC ta yi kokarin jin ta bakin shugabannin uwar Jam’iyyar amma ba su amsa sakwannin da aka tura ma su ba.

Kwamred Aminu Abdussalam Gwarzo daya daga cikin shugabannin tafiyar Kwankwasiyya ya shaida wa BBC cewa jinkirin da suka samu wajen samun fom ne ya sa suka dage gudanar da zabensu zuwa ranar Lahadi maimakon Asabar.

A zaben shugabannin APC a matakin mazabu ma da aka gudanar a makon da ya gabata, bangaren Kwankwasiyya sun gudanar da nasu zaben ne na daban.

Bangaren Sanata Marafa, da ke hamayya da bangaren gwamnati da ke mulkin jihar Zamfara sun yi zargin cewa an shirya gudanar da zaben shugabannin APC ba tare da tuntubarsu ba, dalilin da ya sa suka shirya nasu zaben na daban.

“Mutanenmu sun fito suna sha’awar takara amma gwamnati ta zo tana dauki-dora” kamar yadda kakakin bangaren Sanata Marafa, Muhammad Bello Soja Bakyasuwa Maradun ya shaida wa BBC.

Sai dai kuma shugaban kwamitin gudanar da zaben gwamnati na nada Hon. Sanusi Garba Rikici ya ce ba ya da wata masaniya da wani zabe na daban a jihar, illa wanda ya jagoranta.

Ya ce sun gudanar da zaben a kananan hukumomi 14 na Zamfara ba tare da wata matsala ba tare da musanta ikirarin da bangaren Sanata Marafa suka yi game da hana ma su sayen fom.

Rahotanni sun ce wani bangare na APC a jihar Adamawa ya gudanar da zaben shugabanninsa na daban a jihar, kuma dukkanin bangarorin na ikirarin sahihancin shugabanninsu da suka zaba.

APC dai ta rabu biyu a Adawama tsakanin bangaren Sakataren gwamnatin Tarayya Boss Mustapha da kuma bangaren tsohon Sakataren gwamnati Babachir David Lawal.

Rahotanni a jihar Filato ma sun ce an dage zaben shugabannin jam’iyyar a karamar hukumar Langtang ta kudu sakamakon rikici tsakanin magoya bayan Ministan wasanni da ci gaban matasa Barista Solomon Dalung da kuma bangaren gwamnan jihar Simon Lalong.

Rikicin bangarori a jihohin APC da ke mulki a Najeriya ya kara fito da girman kalubalen da ke gabanta a zaben 2019.

Kuma masharhanta siyasa na ganin rigingimun jam’iyyar da ta ke fama da su a jihohi na iya yi wa jam’iyyar illa sosai a zaben 2019.

Damben Roget da Shagon Aleka


Wasu sakamakon wasannin da aka dambata a safiyar Lahadi a gidan wasa na Ali Zuma da ke unguwar Dei-Dei a Abuja, Nigeria.

Damben da aka yi kisa:

  • Dogon Sadauki daha Arewa ya buge Shagon Dangero Guramada.
  • Shagon Bahagon ba matsala Guramada ya yi nasara a kan Shagon Shamsu Kanin Emi daga Arewa.
  • Bahagon Dan Sama’ila daga Kudu ya buge Shagon Shagon Lawwalin Gusau daga Arewa.
  • Shagon Bahagon Dan Katsinawa daga Arewa ya buge Shagon Bahagon Dan Kanawa daga Kudu.

Wasannin da aka yi canjaras:

  • Shagon Matawallen Kwarkwada daga Kudu da Shagon Shagon Lawwalin Gusau daga Arewa.
  • Dogon Aleka daga Kudu da Garkuwan Dangero Guramada.
  • Shagon Bahagon Kanawa daga Kudu da Bahagon Alin Tarara daga Arewa.
  • Autan Bahagon Maru daga Arewa da Shagon Idi Guramada.
  • Shagon Autan Faya daga Kudu da Autan Bahagon Maru daga Arewa.
  • Bahagon Audu Argungu daga Arewa da Autan Faya daga Kudu.
  • Dogon Bahagon Sisco daga Kudu da Autan Fafa daga Arewa,

Ko akwai tsama tsakanin Salman, Aamir da Shahrukh Khan?


Hakkin mallakar hoto
Desimartini

Image caption

Shahrukh Khan da Salman Khan da Aamir Khan ba su da wata alaka ta jini amma suna kamanceceniya ta wasu bangarori

Shahrukh Khan da Salman Khan da kuma Aamir Khan manyan jarumai ne da suka yi suna a fina-finan Bollywood na Indiya, sannan kuma sun kafa tarihi a duniya baki daya saboda yadda fina-finansu suke tashe a kasashen duniya.

Ana ganin cewa sun kankane masana’antar shirya fina-finai ta Indiya, wato Bollywood.

Akwai abubuwa da dama da suke kamanceceniya misali, dukkanin su su ukun an haifesu a shekara guda wato 1965, sai dai kuma kowanne da watan da aka haife shi.

Aamir Khan – An haifeshi a ranar 14 ga watan Maris, 1965.

Shahrukh Khan – An haife shi 2 ga watan Nuwamba, 1965.

Salman Khan – An haifeshi a ranar 27 ga watan Disamba, 1965.

Abu na biyu kuma da ya sa suke kamanceceniya shi ne kasancewar dukkansu musulmai, sannan kuma dukkansu suna amfani da sunan uba daya wato Khan.

Sai dai duk da wannan kamanceceniya, babu wata dangantaka ta jini a tsakaninsu ‘The Three Khans’ din.

Sannan kuma wata dangantakar da ke tsakaninsu ita ce yawancin fina-finansu duk na soyayya ne, in ban da dai-daiku.

Yadda suka fara fim

Aamir Khan

Hakkin mallakar hoto
Getty Images

Image caption

Aamir Khan abi cika kwaramniya ba za a iya cewa shi dan ba ruwana ne

Aamir Khan ya fara fim ne tun yana karami dan shekara hudu, saboda kawunsa Nasir Hussain darakta ne, sai ya saka shi a fim din Yaadon ki Baraat.

Fim na farko da ya taka cikakkiyar rawa, ma’ana ya fito a cikakken jarumi shi ne, ‘Qayamata se Qayamat Tak’ wanda aka yi a shekarar 1988.

Tun daga nan kuma Aamir ya ci gaba da fitowa a fina-finai har zuwa yanzu.

Daga nan ne kuma a hankali shi ma ya fara shirya nasa fina-finan, inda ya kafa nasa kamfanin mai suna Aamir Khan Production a shekarar 1999.

Fim din ‘Laagan’ shi ne fim na farko da kamfanin ya fara shiryawa, kuma ya samu karbuwa sosai.

Yabo

Daga nan kuma sai ya ci gaba da shirya fina-finai, wanda kuma yawancinsu duk sun samu karbuwa

Daga cikin fina-finan da kamfanin Aamir Khan ya shirya, akwai ‘Taare Zameen Par da Dangal’ da kuma ‘Secret Superstar.’

A tsawon shekaru fiye da 30 da Aamir ya yi a cikin masana’antar Bollywood, ya samu lambobin yabo da dama, ciki har da gwarzon jarumai a fina-finan Dil da Raja Hindustani.

Kazalika, fina-finan da kamfaninsa ya shirya ma sun samu lambobin yabo.

Shahrukh Khan

Hakkin mallakar hoto
Getty Images

Image caption

An yi ittifakin cewa Shahrukh Khan ya fi sauran takwarorinsa ‘ya’yan Khan arziki

Shahrukh Khan ya fara fim ne bayan da ya fito a cikin shirye-shiryen da ake nunawa a gidajen talbijin na Indiya wato Series.

Daga nan ne sai aka ga cewa ai zai iya yin fim ma, saboda yadda aka lura cewa yana taka rawa mai kyau a wadannan shirye-shiryen.

Fim na farko da Sharukh Khan ya fito a ciki, shi ne Deewana, wanda aka yi a shekarar 1992.

Shahrukh Khan ya fito a fina-finai da dama da suka yi tashe sosai kamar ‘Kuch Kuch Hota Hai’ da ‘Baazigar’ da ‘Dilwale Dulhania Le Jayenge’ da ‘Dil To Pagal Hai’ da kuma ‘Kabhi Kushi Kabhi Gham.’

Shi ma ya bude kamfaninsa na shirya fina-finai mai suna Red Chillies Entertainment, wanda hadin gwiwa ne da matarsa Gauri Khan.

Daga cikin fina-finan da kamfaninsa ya shirya akwai ‘Chalte-Chalte’ da ‘Main Hoon Na’ da ‘Om Shanti Om’ da’ Ra.One’ da ‘Chennai Express’ da kuma ‘Dilwale.’

Fina-finan da kamfaninsa ya shirya ma sun samu lambobin yabo.

Salman Khan

Hakkin mallakar hoto
Getty Images

Image caption

Salman Khan

Salman Khan ma ya fara fim ne 1989, da fim din ‘Maine Pyar Kiya.’

Salman Khan ya yi fina-finai masu kyau da suka yi tashe, kamar ‘Baaghi’ da ‘Hum Apke Hain Koun’ da ‘Hum Saath Saath Hain’ da kuma ‘Hum Dil De Chuke Sanam.’

Salman ya iya soyayya a fim, don kusan fina-finansa duk na soyayya ne.

Shi ma kamar sauran takwarorinsa ‘yan gidan Khan, yana da nasa kamfanin na shirya fina-finan SKF, wato Salman Khan Film.

Daga cikin fina-finan da kamfaninsa ya shirya, akwai ‘Bajrangi Bhaijaan’ da ‘Hero’ da ‘Tubelight’ da kuma ‘Race 3.’

Abubuwan da suka banbamta ‘yan gidan Khan

Daukaka

Ta fuskar daukaka, dukkan jaruman su uku kowa na da tasa daukakar, to sai dai kuma idan aka zo batun tasiri, ana ganin cewa Shahrukh Khan ya fi sauran biyun tasiri.

Ta fiuskar yawan fina-finai kuwa, Salman Khan ne ya zarta sauran biyun, sai Shahrukh Khan sannan Aamir Khan.

A bangaren yawan magoya baya, Salman Khan ya fi sauran biyu yawan magoya baya a kasarsu wato Indiya.

Shi kuwa Shahrukh Khan, ya fi sauran biyun yawan magoya a Amurka da Afirka da kuma kasashen Turai, yayin da Aamir khan kuma ya fi sauran biyun yawan magoyan baya a China.

Masoya a kafafen sada zumunta

A bangaren kafafan sada zumunta kuwa, a shafin Facebook Salman Khan ne kan gaba wajen magoya baya, inda yake da mabiya miliyan 36.

Shahrukh Khan kuma yana da mabiya miliyan 28 a Faceboo, yayin da Aamir Khan ke da mabiya miliyan 15 shi ma a Facebook.

A Twitter kuwa shahrukh Khan ne ya fi dumbin mabiya inda mutum miliyan 35.3 ke bin sa.

Sai Salman Khan mai mutum miliyan 33.2, yayin da Aamir Khan ke da mabiya miliyan 23.3.

A shafin Instagram kuwa Salman Khan ne kan gaba da mabiya miliyan 16, Shahruk Khan yana da mabiya miliyan 12.7, sai Aamir Khan mai mabiya miliyan 841,000.

Masu gidan rana

A bangaren arziki kuwa Sharukh Khan duk ya fi su kudi, sai Salman Khan sannan kuma Aamir Khan.

Ko ya jituwa ta ke tsakaninsu?

Da fari dai akwai kyakkyawar jituwa tsakanin Salman Khan da Sharukh Khan, domin sun yi fina-finai fiye da uku tare, kamar ‘Karan Arjun’ da ‘Hum Tum Hare Hai Sanam’ da kuma ‘Har Dil Jo Pyar Karega.’

Hakkin mallakar hoto
Getty Images

Image caption

Shahrukh Khan da Salma Khan

Amma a shekarar 2003 zuwa 2004, Salman Khan da Sharukh Khan sun taba samun sabani a lokacin da Shahrukh Khan ke shirya fim dinsa na Chalte-Chalte.

Da farko an shirya fim din a kan cewa Aishwarya Rai ce za ta kasance jarumar fim din har kuma an fara daukar fim din.

Ana cikin daukar fim din ne, sai Salman Khan da ya ke a lokacin suna soyayya da Aishwarya sai ya je wajen shirin fim din ya rinka daukarta suna fita, dole kuma komai ya tsaya.

Shahrukh ya yi masa magana a kan cewa yana janyo musu tsaiko, amma sai Salman ya ji haushi a kan don me zai ce masa haka.

Hakan ya sa har Sharukh Khan ya fusata ya ce a cire Aishwarya daga cikin fim din a maye gurbinta da Rani Mukherjee, da ya ke fim din na kamfaninsa ne.

Wannan matsalar haka ta yi ta ruruwa, har sai da kusan Bollywood ta rabu gida biyu, wato akwai ‘yan banagaren Salman Khan da na Shahrukh Khan.

Da kyar dai bayan shafe shekara 8 zuwa 10, aka shirya su, kuma har yanzu suna ci gaba da abota.

To amma a bangaren Aamir Khan, za a iya cewa kusan shi dan ba-ruwana ne, sai dai kawai idan an hadu za a gaisa, amma daga bisani sun zo suna shiri da juna.

Aamir Khan dai bai taba fitowa fim tare da Shahrukh Khan ba, amma kuma sun yi fim tare da Salman Khan wato ‘Andaz Apna Apna.’

Hakkin mallakar hoto
Getty Images

Image caption

Salman Khan tare da Aamir Khan

Abubuwa biyar da za su iya hana PDP tsayar da Sule Lamido


Hakkin mallakar hoto
AFP

Image caption

Sule Lamido zai yi takara a PDP da wasu manyan ‘yan siyasa na jam’iyyar

Tsohon Gwamnan Jigawa Alhaji Sule Lamido na cikin manyan ‘yan siyasar Najeriya da suka bayyana aniyar tsayawa takarar shugaban kasa a jam’iyyar adawa ta PDP a zaben 2019.

Sai dai kuma ana ganin jam’iyyar PDP da tsohon gwamnan zai nemi ta tsayar da shi, ba za ta yi sakaci ba wajen zaben tumun-dare a matsayin dan takararta, a yunkurin da take na kwace mulki daga hannun APC.

A shekarar 2015 ne Shugaba Muhammadu Buhari ya kayar da Goodluck Jonathan na PDP, kuma tun daga lokacin ne jam’iyyar ke ta fadi-tashin ganin ta farfado. A don haka babban kalubalen da ke gaban PDP shi ne tsayar da dan takarar da zai kawar da gwamnatin APC ta shugaba Buhari a zaben 2019.

Za mu rinka yin nazari kan kalubalen da masu neman takarar shugabancin kasar za su iya fuskanta, inda a wannan karon muka duba muhimman abubuwa biyar da za su iya zama barazana ga takarar Sule Lamido a jam’iyyar ta PDP:

1. Yana fuskantar shari’a

Alhaji Sule Lamido na fuskantar shari’a kan zargin almundahana da kudaden al’umma a lokacin da yana gwamnan Jigawa.

A 2015 ne Hukumar Yaki da Cin Hanci da Rashawa ta EFCC ta gurfanar da shi a kotu da wasu ‘ya’yansa biyu kan laifuka 27 da suka kunshi sama da fadi da kudaden jama’a.

Ko da yake tsohon gwamnan ya musanta dukkanin zarge-zargen da ake ma sa, kuma har yanzu kotu ba ta kai ga yanke hukunci kan shari’ar ba.

Amma wasu masu sharhi na ganin wannan zai iya zama matsala ga aniyar Sule Lamido ta samun tikitin jam’iyyar PDP.

Suna ganin PDP ba za ta yarda ta tsayar da dan takarar da za ta zo tana kokarijn kare wa ba, musamman ganin cewa ba a san yadda shari’ar za ta kaya ba.

Jam’iyyar za ta nemi ta tsayar da dan takarar da ba ya da wani kalubale a kotu, domin kada ‘yan adawa su yi amfani da wannan damar su bata tafiyar jam’iyyar, musamman ganin yadda batun cin hanci da rashawa ya taka rawa a zaben 2015 wanda jam’iyyar ta sha kaye.

Hakkin mallakar hoto
PIUS UTOMI EKPEI

Image caption

Sule Lamido ya rike mukaman siyasa da yawa a Najeriya

2. Ra’ayin kansa

Masharhanta siyasar Najeriya na kallon Sule Lamido a matsayin mutum da ke da ra’ayin kansa. Kuma ba kasafai ake iya tursasa shi ba.

Suna ganinsa a matsayin mutum da yake nuna isa, musamman yadda yake nuna ba ya da wani uban gida da zai iya yi masa hanzari.

Wasu kan yi amfani da yadda rayuwa ta kasance tsakaninsa da tsohon mai gidansa marigayi Abubakar Rimi, wurin nuna cewa yana da nuna isa.

Amma daga bisani tsohon gwamnan ya sasanta da mai gidan nasa, kuma ya bayyana Rimi a matsayin wani jigo na siyasa a Najeriya.

Sai dai wasu na ganin za a iya cewa Olesegun Obasanjo unban-gidansa ne kuma yana fada masa ya ji.

Ita dai jam’iyyar PDP za ta so ta tsayar da dan takarar da za ta iya tankwasawa, tare da mutunta bukatunta, musamman ganin halin da ta smau kanta a ciki.


Masu neman takara a PDP

  • Alhaji Atiku Abubakar
  • Ayo Fayose
  • Malam Ibrahim Shekarau
  • Sule Lamido

Ahmed Makarfi (bai bayyana ba kawo yanzu)


3. Karbuwa a Arewa

Ganin yadda Shugaba Muhammadu Buhari ke da magoya baya a arewacin Najeriya, PDP za ta so ta tsayar da dan takarar da zai iya ja da shugaban.

Sule Lamido, yana cikin manyan ‘yan adawa da ke sukar gwamnatin Shugaba Buhari da jam’iyyar APC.

Amma wasu na ganin a matsayinsa na gogaggen dan siyasa a Najeriya, yana iya adawa da Buhari amma ta hanyar da tsohon gwamnan zai samu farin jinin jama’a.

Kamar yadda wasu suka bada misali da irin mamayar da Donald Trump ya yi a Amurka wajen sukar gwamnati ta hanyar da mutane suke so.

Yadda tsohon gwamnan yake adawa da Buhari, wasu na ganin ya kara jawo masa bakin jini a tsakanin wasu ‘yan arewar.

Duk da ana ganin farin jinin Shugaba Buhari ya ragu a arewa amma wasu na ganin Sule Lamido ba ya da karbuwar da har zai iya ja da shi.

PDP za ta yi kokarin tsayar da dan takarar da zai yi gogayya da Buhari wanda zai wawuri wasu daga cikin kuri’un da shugaban ya samu a 2015.

Masu sharhi na ganin duk dan takarar da zai ka da Buhari, to wajibi ne ya samu kuri’u masu gwabi a arewa.


Wane ne Sule Lamido

Hakkin mallakar hoto
Getty Images

Image caption

Sule Lamido na sahun gaba wurin adawa da Buhari da APC a arewacin Najeriya

  • An haife shi a shekarar 1948 a garin Bamaina, Karamar Hukumar Birnin Kudu a Jigawa
  • Shekararsa 69
  • Tsohon dalibin Barewa College ne
  • Tun yana matashi ya ke siyasa
  • An zabe shi dan majalisa a jamhuriya ta biyu a karkashin jam’iyyar PRP
  • Yana cikin mutanen farko da suka kafa jam’iyyar PDP
  • Ya kasance Ministan harkokin wajen Najeriya daga 1999-2003
  • Ya kasance Gwamnan Jigawa daga 2007 zuwa 2015
  • An taba daure shi a zamanin mulkin Janar Sani Abacha
  • EFCC ta gurfanar da shi Kotu kan zargin halatta kudaden haram, zargin da ya musanta

4. Alakarsa da gwamnoni

Jam’iyyar PDP na kokarin farfado da martabarta ga ‘yan Najeriya ne a yanzu bayan ta sha kaye a zaben 2015 bayan shafe shekara 16 tana mulki, lamarin da ya so ruguza jam’iyyar.

Wasu na ganin gwamnonin PDP ne za su kasance alkiblar jam’iyyar, musamman wajen zaben dan takarar shugaban kasa a babban taronta na kasa.

Kuma duk wanda jam’iyyar za ta tsayar dole sai ya samu karbuwa da goyon bayan gwamnonin jam’iyyar.

Amma masharhanta na ganin alakar tsohon gwamnan na Jigawa da gwamnonin PDP tana da rauni, saboda ba ya kan mulki yanzu, kuma yawancin gwamnonin ba ‘yan arewa ba ne.

Haka ma alakarsa da Tsohon Shugaban kasa Goodluck Jonathan ba tada kyau sosai. Kuma ana ganin har yanzu Mr Jonathan na da karfi a jam’iyyar.

Gwamnan jihar Gombe Ibrahim Dankwambo duk da bai fito ya bayyana aniyarsa ba ta tsayawa takarar shugaban kasa, amma ana ganin idan har ya fito ya nuna yana so, to gwamnonin PDP na iya mara ma shi baya.

  • 1979 Ya zama dan majalisar tarayya a Legas a karkashin PRP

  • 1999 – 2003 Ya zama ministan harkokin wajen Najeriya a karkashin jam’iyyar PDP

  • 2007 – 2015 Ya mulki jihar Jigawa a matsayin gwamna a PDP

  • 2018 Ya fito takarar shugaban kasa a jam’iyyar PDP

Getty

5. Karfin Iko

Kwace mulki daga jam’iyyar APC mai mulki shi ne babban kalubalen jam’iyyar PDP.

Jam’iyyar adawar ta Najeriya za ta so ta tsayar da dan takara mai kudi da karfin fada aji, wato dan takarar da ke rike da wani madafin iko.

Za ta so ta tsayar da dan takarar da zai iya tallafawa sauran ‘yan takararta da kuma jam’iyyar domin yakar APC a zaben gwamnoni, ‘yan majalisa da na shugaban kasa.

Hidimar daukar nauyin wakilan jam’iyya a babban taron fitar da dan takara, harka ce da ke bukatar kudi, kuma hakan zai yi tasiri ga zaben dan takarar jam’iyyar.

Masana siyasa na ganin PDP ba za ta so ta tsayar da wanda za ta sha wahala da shi ba musamman wajen yakin neman zabe da hidimar magoya baya.

Ana ganin Sule Lamido ba shi da karfin yin hakan, musamman ganin ba ya rike da wani mukami yanzu. Kuma za a cewa zai fuskanci kalubale wurin nemo gudummawa da jan hankalin masu hannu da shuni.

Matasa na barin addinin Musulunci a Turkiyya


Image caption

Wata malama mai kalabi a cikin aji

“Wannan shi kadai ne abinda ya rage a alakar da ke tsakanina da musulunci,” a cewar Merve, wadda ta nuna min kallabinta mai launi ja.

Merve na koyar da da darasin addini ga yara a wata makarantar firamare da ke Turkiyya. A baya mai tsatsauran ra’ayin Islama ce .

“In ban da a baya-bayan nan ba na musabaha da maza,” ta fada mani haka a wani kantin shan shayi da ke Istanbul. “Amma yanzu ban tabbatar ko akwai Allah ko ba bu shi ba, kuma ban damu ba.”

A cikin shekaru 16 da jam’iyyar shugaba Recep Tayip Erdogan ta yi kan mulki, an samu karuwa a yawan makaratun sakandare na addinin musulunci a kasar Turkiyya.

Ya rika magana a kan bukatar ganin cewa matasa sun tashi da tarbiyya ta addinin musulunci.

Sai dai a cikin makonnin da suka gabata, ‘yan siyasa da malaman addinin musulunci sun rika tattaunawa a kan ko matasa musulmi masu ibada na barin addininsu.

A rana daya rayuwar Merve ta sauya, bayan ta tashi cikin damuwa ta kuma shafe sa’oi tana kuka amma ta yanke shawarar yin addu’a a kan lamarin.

Sai dai yayin da ta rika yin adduar sai ta fahimci cewa tana tababa game da wanzuwar Allah.

“Na dauka zan kamu da ciwon tabin hankali ko kuma zan kashe kaina,” in ji ta. “Washe gari sai na fahimci cewa na rasa imanina.”

Ba ita kadai ba ce ta tsinci kanta a cikin yanayi irin wannan.

An ambaci wani farfesa na cewa akwai gomman dalibai mata da suka zo wurinsa da kallabi a kansu wadanda suka bayyana masa cewa sun fara bin tafarkin wadanda ba su yarda da wanzuwar Allah ba a cikin shekarar da ta gabata ko fiye da haka.

Bekir, dalibi mai karatun addini

Image caption

Wani zanen hoton Bekir

“In banda yanzu, a baya ni mai goyon bayan kungiyoyi masu tsattsauran ra’ayin addinin musulunci ne irinsu kungiyar IS ko Al Qaeda. A yanzu ban yadda da cewa akwai mahalicci ba.

Da farko na so na samu wata hujja a musulunci amma na kasa samunta . Daga nan ne na fara tantama game da wanzuwar Allah.

Na rika goyon bayan gangamin raya addinin musulunci da aka rikayi anan. Sai dai daniyya tana haifar da juyin hali . Sun so su rika yi mana danniya kuma daga nan ne muka fara nuna mu su cewa ba zamu amince da wannnan ba”.

Sai dai akwai wasu daliban da suka karbi wani addini daban bayan wadanda ba su yadda da cewa akwai Allah ba.

A wani taron bita da aka yi a Konya, daya daga cikin birane masu tsattsauran ra’ayin addinin musulunci a Turkiyya, an samu wasu da suka yi ikirarin cewa akwai wasu dalibai a makarantun addinin musulunci da suke barin addini suna koma wa wani addini daban da ake kira Deism, saboda abinda suka kira “sabanin da ake samu a cikin addinin Islama,” a cewar rahotanin da aka wallafa a jaridun ‘yan hammaya.

Addinin Deism ya samo asali ne daga al’adar Girkawa. Magoya bayan addinin sun yarda da cewa akwai Allah, amma ba su amince da sauran addinai ba.

Ministan Ilimi Ismet Yilmaz, ya ce ikikarin da wasu suka yi a taron bitar, magana ce da ba ta da tushe, kuma ya musanta rahotanni da ke cewa al’ummar kasar da aka yi wa tarbiyar addinin musulunci sun fara kauce wa hanya.

Sai dai duk da cewa babu wani bincike ko ra’ayoyin jama’a da aka tattara game da haka, amma an samu wasu da suka hadu da masu wannan ra’ayi kuma wannan ya isa ya janyo damuwa tsakanin shugabannin Turkiyya.

Leyla, daliba a wata kwaleji

Wata rana ina tafiya a kan hanya domin na je kasuwa, Sai na cire kallabin da ke kaina kuma ban sake daura kalabin ba.

Mahaifina bai san cewa na karbi addinin Deism ba. Idan ya san da haka, ina fargabar cewa watakila zai hana kanwata kammala kartunta na digiri.

“Yaruwarkii ta je jami’a kuma wannan shi ne abinda ya faru da ita.Watakila ya ce ba ni ne na fadawa Ubangiji ya halicce ni ba, a kan haka Ubangijina ba zai nemi wani abu daga wuri na ba . Ina da yanci na yi rayuwuta yadda nake so.”

Wani babban malamin addinin musulunci a Turkiyya wanda shi ne shugaban ma’aikatar addini ta kasar Ali Erbas, shi ma ya musanta yadda ake samun karuwa a yawan masu addinin Deism da kuma wadanda ba su yadda da wanzuwar Allah ba a tsakanin matasan kasar masu tsattsauran ra’ayi.

“Babu wani dan kasarmu da zai nuna dabi’a irin wannan,” a cewarsa.

Shi ma Farfesa Hidayet Aybar, wannan malami wanda yana koyar da addini ne a wata jami’a ya nanata cewa, ba a samu wasu da suka koma addinin Deism ba.

“Deism ya yi watsi da koyarwar addinin musulunci. Bai amince da littafin Kur’ani mai tsarki ba, kuma bai yadda da Annabi Muhammad SAW ba.

Mabiya addinin ba su yadda da cewa akwai aljanna da wutar jahanama ba, da mala’iku da kuma ranar hisabi. Duk wadannan shika-shikan adinin musulunci ne. Addinin Deism ya yadda da wanzuwar ubangiji ne kawai,” in ji shi .

A cewar wani masanin falsafa na addinin Deism, Ubangiji ya halicci duniya da kuma dukkanin halittu amma ba bu ruwansa da abubuwan da suke faruwa a rayuwar halitarsa kuma be giciyya masu kaidoji ko dokoki ba.

“Ina son na tabbatar maka da cewa babu masu irin wannan tunani a tsakanin matasanmu masu tsattsauran ra’ayi,” in ji shi.

Omer, wani ma’aikacin gwamnati da aka kora daga aiki

Image caption

Zanen hoto

Ni tsohon ma’aikacin gwamnati ne.Bayan yunkurin juyin mulkin soja da bai yi nasara ba da aka yi a shekarar 2016, aka kore ni daga aiki .

A baya ni mai tsatsauran ra’ayi ne wanda yake goyon bayan manufofin jam’iyya mai mulki.Lokacinda aka kore ni sai da na rika tambayar Ubangiji a kan dalilin da yasa hakan ta faru da ni.

Hakan ta sa na shiga cikin wani mawuyacin hali. Koda yake har yanzu ban karbi addinin Deism ba. Fatana shi ne na inganta alakar da ke tsakanin na da addinin musulunci amma ban san ko hakan zai yiwu ba.

Sai dai kungiyar wadanda ba su yadda da wanzuwar Allah ba a Turkiyya ta yi ammanar cewa akwai kuskure a bayyannin farfesa Aybar kuma sun yi ikirarin cewa a cikin limamin addinin musulunci akwai wadanda basu yadda da wanzuwar sa ba

“A nan akwai shirye-shiryen da ake gabatarwa a talibijin inda ake muhawara a kan matakin da ya kamata a dauka a kan wadanda ba su yarda da wanzuwar Allah ba,” a cewar kakakin kungiyar, Saner Atik.

“Akwai wasu da ke cewa ya kamata a kashesu, a yankasu gunduwa-gunduwa,” in ji Saner Atik.

“Abu ne da ke bukatar kwazo ka fito ka ce kai ba ka yadda da Ubangiji ba a yanayi irin wannan.

Akwai wasu mata da suka saka nikabi wadanda suka bayyana cewa ba su yarda da wanzuwar Allah ba amma a cikin sirri, sai dai ba za su iya cire nikabinsu ba saboda suna tsoron iyalinsu da kuma sauran al’umma.”

Mun sake haduwa da Merve a karo na biyu a gidanta. Mun gaisa ba tare da ta rufe gashinta da kallabi ba.

Ta amince ta rika barin gashinta a bude a cikin gida ko da ya kasance cewa akwai maza a wurin.

“Sai da na ji wani iri a lokacin da na hadu da wani namiji ba tare da kallabi ba,” in ji ta.

“Amma yanzu na saba da haka, kuma ta haka ne nake son na bayyana kaina a yanzu.”

An dai sauya dukkannin sunnayen mutanen da aka yi hira dasu wadanda basu yarda da wanzuwar Allah ba, da kuma mabiya addinin Deism

Wani mahari ya kashe mutum guda da wuka a Paris


Hakkin mallakar hoto
AFP

Image caption

Yankin Opera ya shahara wajen da mutane ke zuwa yawon dare

An kashe akalla mutum guda yayin da aka raunata wasu mutane hudu lokacin da wani mutum ya caka musu wuka akan titi a birnin Paris.

Jami’an ‘yan sanda dai sun harbe mutumin daya kai harin, inda hukumomi a Faransa suka ce suna suna kallon al’amarin a matsayin wani aiki na ta’addanci.

Hukumomi a kasar Faransa dai sun ce an kai harin ne da misalin karfe tara da rabi na maraice a yankin Opera da ke birnin Paris, daya daga cikin yankunan da aka fi samun zirga zirgar jama;a.

Shaidu sun bayyana yadda mutane suka kidime inda suke ta kokarin boyewa a gidajen sayar da abinci da kuma gidajen da ake shaye-shaye.

Wasu shaidu da dama dai sun ce da farko ‘yan sanda sun yi kokarin harbin mutumin ne da harsashin roba, amma kuma daga bisani suka harbe shi har lahira.

Jami’ai a Faransa sun ce kawo yanzu ba’a kaiga tantance dan asalin wace kasa bane.

Shugaban kasar Emannuel Macron ya jinjina wa ‘yan sanda kan yadda suka hana mutumin ci gaba da dabawa mutane wuka.

Kungiyar IS dai ta dauki alhakin kai harin koda yake bata yi karin bayani ba kan ikirarin nata.

Kasar Fransa dai na cikin kasashen dake sahun gaba da ke cikin shirin ko takwana sakamakon hare haren ta’addanci da wasu suka rika kaiwa a shekaru uku da suka gabata.

Kwankwaso da Ganduje wa ya ci amanar wani?


Na’urarku na da matsalar sauraren sauti

Hirar Ibrahim Isah da Gwamnan Kano Dr Abdullahi Ganduje

Gwamnan jihar Kano Dr Abdullahi Umar Ganduje ya ce ba cin amana tsakanin shi da Sanata Rabiu Musa Kwankwaso.

Manyan ‘yan siyasar na Kano ba sa ga-maciji da juna tun bayan zaben shekarar 2015, inda tsohon Gwamnan na Kano Kwankwaso ya goyi bayan mataimakinsa Ganduje.

Mutanen biyu sun shafe shekaru suna tafiya tare a siyasance kafin su raba-gari.

Gwamna Ganduje ya shaida wa BBC cewa “a ganinmu ba a ci amanarsa ba sai idan shi ne bai fahimci abin da ake nufi da cin amana ba.”

‘Idan yana nufin cin amana shi ne, shi ya ba ni mulkin jihar Kano ba Allah ba, to ina ganin wannan akidar da ya dauka haka ne.”

Ya kara da cewa; “idan kuma ya dauka cewa ya taimake ni na zama gwamnan jihar Kano, amma kuma yana mun tadiya yadda gwamnati na ba za ta yi nasara ba, shi yake nufi da cin amana, to mu ba ma kallonsa a matsayin shi ne cin amana.”

Ganduje ya bayyana dangantakarsa da Kwankwaso a siyasance fiye da shekara 20, inda yace sun taimaki juna, don haka batun cin amana bai taso ba.

Gwamnan ya ce babu yadda za a yi mutum ya haifi da, daga baya kuma ya dawo ya ce zai dauki wuka ya yanka dan.

Hakkin mallakar hoto
Kano State Government

Image caption

Kwankwaso da Ganduje sun shafe shekaru suna tafiya tare a siyasance kafin a raba-gari

Da aka tambayi Ganduje kan dalilin da ya sa ya kori ‘yan Kwankwasiyya daga gmamnatinsa, sai ya ce ya yi watsi da su ne saboda yadda suka dinga yi wa gwamnatinsa zagon-kasa.

Bangaren Kwankwasiyya dai na zargin Ganduje da cin amanarsu da bita-da-kulli ta hanyar yin watsi da tsarin asalin gwamnatinsa.

Amma Ganduje ya ce “babu gwamnan da zai yarda ana ma sa zagon kasa a gwamnati, ko Kwankwaso ba zai yarda da haka ba.”

Rikicin Ganduje da Kwankwaso ya raba Jam’iyyar APC gida biyu a Kano, tsakanin bangaren da ke ganin yana takama da karfin gwamnati da kuma bangaren da ke ikirarin rinjayen goyon bayan jama’a.

Yadda Akuyar Najeriya ta zama abar kallo a Amurka


Hakkin mallakar hoto
Getty Images

Mutanen Amurka sun shaku da Akuyar Najeriya kamar sauran dabbobin gida irinsu Kare da Mage.

Dalibai na gudanar da wasannin motsa jiki tare da Akuyar ta Najeriya a wuraren da aka ware domin motsa jiki.

Wasannin motsa jiki tare da Akuyar ta Najeriya yanzu abu ne da ake gudanarwa a sassan Amurka.

Bayanai sun ce Tun a 1950 aka tafi da gajerun Awakin zuwa Amurka wadanda mafi yawanci aka fi samu a kudancin Najeriya.

Ana amfani da Akuyar wajen samar da madara da kuma wasanni a gida saboda kankantarta.

Ga wasu hotunan yadda ake wasannin motsa jiki da gajerun Awakin a biranen Los Angeles da Califonia na Amurka.

Hakkin mallakar hoto
Getty Images

Hakkin mallakar hoto
Getty Images

Hakkin mallakar hoto
Getty Images

Hakkin mallakar hoto
Getty Images

Hakkin mallakar hoto
Getty Images

Kalli wasu abubuwan da suka faru a Afirka a makon jiya


Wasu daga cikin hotuna mafi kyau da aka dauka a wasu kasashen Afirka a karshen mako

Image caption

A ranar Juma’a ne dubban mutane suka taru a unguwar Goron Dutse domin halartar jana’izar shugaban darikar Tijjaniya a Najeriya Khalifa Isyaka Rabi’u, a Kano.

Hakkin mallakar hoto
AFP

Image caption

Wasu mutane a Libya sun yi shigar gargajiya a faretin sojoji da aka yi a gabashin Benghazi.

Image caption

Sahun Sallar Jana’izar Marigayi Isyaka Rabiu a masallacin gidansa

Hakkin mallakar hoto
Zaidu Bala facebook

Image caption

Gwamnan jihar Kano Dr Abdullahi Umar Ganduje na cikin mutanen da suka tarbi gawar marigayin yayin da ta iso Kano.

Hakkin mallakar hoto
Aisha Buhari Twitter

Image caption

Matar shugaban kasar Najeriya, Hajiya Aisha Buhari ta kai ziyarar ta’aziyya ga iyalan marigayin a ranar Juma’a a Kano.

Hakkin mallakar hoto
AFP

Image caption

Wata mai tallan kayan kawa ta saka tufafin da Yemi Shoyemi ya dinka a makon tallata kayan kawa na amare da aka yi a birnin Lagos na Najeriya

Hakkin mallakar hoto
Reuters

Image caption

A nan kuma wani Ango ne yake rawa a ranar daurin aurensa a birnin Lagos na Najeriya.

Hakkin mallakar hoto
Reuters

Image caption

Wadannan matan sun sha ado da kwaLliya a wajen bikin daurin aure A lAGOS

Hakkin mallakar hoto
EPA

Image caption

A birnin kasuwanci na Johannesburg na kasar Afrika ta Kudu, an yi bajekolin wasu hotunan da suka nuna yadda aka rika fuskantar wariyar launin fata da aka kawo karshesa a shekarar 1994.

Hakkin mallakar hoto
AFP

Image caption

Wani zane da aka gano a kabarin Janar Iwrya a makabartar Saqqara da ke Masar. Iwrhya soja ne a lokacin mulkin Fir’auna Seti na I da firauna Ramesses na II.

Hakkin mallakar hoto
Reuters

Image caption

Wasu masu raye-raye daga Rasha na rawa a wurin yawon bude ido na Suez…

Hakkin mallakar hoto
Reuters

Image caption

Julia Anderson ‘yar Birtaniya ce da ke rawar Larabawa kuma ana samun karuwa a yawan ‘yan kasashen waje da ke rawar Larabawa da ake kira Belly dancing a Masar.

Hakkin mallakar hoto
AFP

Image caption

Idan muka koma garin Cape Town na kasar Afrika ta Kudu, wani mutum na shan tabar wiwi a zanga-zangar neman halatta shan tabar.

Al’ummar Iraqi na zaben ‘yan Majalisar dokoki


Hakkin mallakar hoto
Getty Images

Image caption

Ana tunanin cewa Firai minista mai ci Haider Al-Abadi ne zai lashe zaben

Al’ummar Iraqi na zaben ‘yan Majalisar dokoki a karon farko tun bayan da gwamnatin kasar ta bayar da sanarwar cin galaba kan kungiyar IS.

Ana tunanin cewa Firai minista mai ci Haider Al-Abadi ne zai lashe zaben duk da cewa akwai alamun zai fuskanci adawa mai tsauri.

Zaben na zuwa ne a wani lokaci mai sarkakiya da kasar ke ciki, inda ake kokarin sake gina kasar bayan kwashe shekara hudu ana yaki da mayakan kungiyar IS.

Duk wanda ya yi nasara a zaben dai zai fuskanci babban aikin tabbatar da hadin kan al’ummar kasar, yayin da ake samun rashin jituwa tsakanin kungiyoyi da kuma ‘yan aware, wanda hakan ke iya sake raba kan al’ummar kasar.

Firai minista Al-Abadi ya samu yabo bisa kokarin sa na yaki da kungiyar IS da kuma yadda aka samu ingantuwar harkar tsaro a fadin kasar.

Sai dai guiwar wasu ‘yan kasar da dama ta yi sanyi saboda karuwar cin hanci da rashawa da suka yi katutu, da kuma tabarbarewar tattalin arziki.

An samu rarrabuwar kawuna a bangaren mabiya akidar Shi’a na kasar, wadanda a cikin su ne firaminstan ke da rinjyen magoya baya, abinda ya kara haifar da kalubale sosai a lokacin yakin neman zabe.

Bugu da kari zaben na zuwa ne jim kadan bayan da shugaban Amurka Donald Trump ya sanar da janyewar kasarsa daga yarjejeniyar nukiliyar Iran.

Wasu daga cikin al’ummar Iraqi dai na ganin cewa kasarsu ka iya shan shiga wani mawuyacin hali da zarar aka samu wani takun-saka tsakanin Amurka da Iran mai makwabtaka da Iraqin.

Abubuwa hudu da za a iya tuna Khalifa Isyaka Rabi’u da su


Image caption

Dubban mutane ne suka halarci jana’izar marigayin a birnin Kano

Marigayi Khalifa Isyaka Rabi’u, wanda ya rasu a ranar Talata a birnin London, sannan aka yi jana’izarsa a birnin Kano ranar Juma’a, mutum ne da ya shahara kan abubuwa da dama.

Allaha ya yi masa tsawon rai inda ya rayu shekara 93, kuma duk da cewa ya yi fama da rashin lafiya musamman ciwon kafa, za a iya cewa ya ci gaba da gudanar da al’amuransa na rayuwa har lokacin da ya koma ga Allah.

Ya rasu ya bar mata hudu da ‘ya’ya 63 da kuma jikoki da dama cikinsu har da Alhaji Abdussamad Isyaka Rab’iu, wanda shi ne shugaban hadakar kamfanin BUA.

Mun yi nazari kan wasu daga cikin abubuwan da za a iya tuna marigayin da su:

1. Karatun AlKur’ani

Marigayi Khalifa Isyaka Rabi’u ya yi karatun AlKur’ani da na adidni a birnin Kano, kafin daga bisani aka tura shi birnin Maiduguri na jihar Borno domin kara karatu.

Hafizi ne kuma malami ne domin ya karantar da dalibansa, sannan ya yi suna wajen hada kan almajiransa a karatun AlKur’ani a kodayaushe, bayan sauka da ake yi kusan a kullum a gidansa.

Ya yi kokari sosai wajen bunkasa karatun AlKur’ani, hakan ya sa har aka yi masa lakabi da Malam mai Tabaraka.

Shi ne malamain da ya gina babban masallacin da har ake sallar Juma’a a cikin gidansa.

Ficensa a ilimin Alku’ani da yi masa hidima ne ya sa ake masa lakabi da “Khadimul Kur’an”.

2. Kasuwanci da Malanta

Shi ne malamin da ya hada kasuwanci da malanta, ba kamar sauran malamai ba da suke rike malanta kawai.

A farko 1950 Mallam Isyaka Rabi’u ya fara kasuwanci, duk da cewa bai bar koyarwa ba.

Ya kafa wani kamfani mai suna Isyaku Rabiu & Sons a 1952.

Hakkin mallakar hoto
Family

Image caption

Khalifa Isyaka Rabi’u tare da abokinsa shararrarren dan kasuwa Marigayi Nababa Badamasi

Da farko kamfanin ya fara da zama dilan kayan kamfanin UAC ne, wanda a wancan lokacin yake kasuwancin kekunan dinki, da litattafan addinin Musulunci da kuma kekuna.

A 1958, kamfanin ya sami bunkasa bayan da aka kafa masakar Kaduna Textile Limited kuma kamfanin na Isyaku Rabiu & Sons ya zama daya daga cikin dilolinsa na farko.

Marigayin ya zama babban dilan kamfanin na UAC a arewacin Najeriya, kuma a 1963 shi da wasu ‘yan kasuwa daga Kano suka hadu don kafa Kano Merchants Trading Company.

Wannan kamfanin ya jure wa gasa daga kamfanonin da ke shigo da kayayyaki daga kasashen waje. Ya kuma kafa wani kamfani mai dinka kayan sawa a 1970.

3. Taimakon al’umma

Marigayi Khalifa Isyaka Rabi’u ya samu daukaka a rayuwarsa ta fannoni da dama, ciki har da taimakon al’umma.

Khalifan ya yi amfani da kudinsa wajen yi wa addini hidima ta hanyar gina masallatai da makarantu a birnin Kano da kewaye.

Marigayin ya kuma yi suna wurin tallafawa marayu da marasa galihu, inda har gina gidaje ya ke ga almajiransa da ma marasa karfi.

Marigayin, wanda amini ne ga marigayi Sarkin Kano Ado Bayero, da Alhaji Aminu Dantata, yana daga cikin fitattun dattawan da suka rage a jihar.

4. Hada kan Musulmi

Hakkin mallakar hoto
Family

Image caption

Khalifa Isyaka Rabu’u da shugaban kungiyar ‘yan Izala na Najeriya, Sheikh Bala Lau, a wata ganawa da suka yi

An ba shi mukamin Khalifan darikar Tijjaniya a Najeriya a shekarar 1994, saboda irin gudummawar da yake bayarwa a wannan fage.

Hakan ya ba shi damar fada aji da kuma kokarin hada kan musulmai daga dariku daban-daban.

Ya taka muhimmiyar rawa wajen tabbatar da cewa mutanen da suke bin dariku daban-daban kamar Izala da Kadriyya da Tijjiniya sun hada kansu sun zauna da juna lafiya.

Yana kuma nusar da su cewa duk addini daya ake bi na Musulunci.

Karin labaran da za ku so ku karanta game da Marigayin

Tarihin Kahlifa Isyaka Rabi’u

  • Bayanai sun nuna cewa an haifi marigayin ne a 1925
  • Ya yi karatun AlKur’ani da na adidni a birnin Kano
  • Kafin daga bisani a tura shi birnin Maiduguri na jihar Borno domin kara karatu
  • Ya koma Kano inda ya ci gaba da koyar da karatun Kur’ani da na addini
  • Daga baya ne kuma ya fara harkokin kasuwanci inda ya kafa kamfanin Isyaka Rabiu & Sons
  • Ya yi fifce matuka a fagen kasuwanci da na karatun Alkur’ani
  • Daga bisa ni an nada shi Khalifan Darikar Tijjani a Najeriya
  • Harkokin kasuwancin da ‘ya’yansa suka gada kuma suka ci gaba da samun daukaka a kai

Bayani kan darikar Tijjaniya

Hakkin mallakar hoto
Getty Images

  • An kafa darikar ne a kasar Aljeriya a shekarar 1784
  • Sheikh Ahmad ibn Muhammad al-Tijjani ne ya kafa ta
  • Ta yadu zuwa sassan duniya daban-daban, inda ta ke da mafi yawan mabiyanta a Arewaci da kuma Yammacin Afirka
  • Tana kuma da karin mabiya a Afirka Ta Kudu, da Indunisiya da kuma sauran sassan duniya
  • Akwai sauran dariku na Sufaye a addininin Musulunci amma Tijjaniya ta fi kowacce girma
  • Sun ce suna da muhimman ayyukan ibada guda uku a kowace rana:
  • Neman gafarar Allah; Yin salati ga Annabi Muhammad (SAW) da kuma kadaita Allah
  • Sai dai ana zarginsu da wuce gona da iri wurin nuna soyayya ga Shehunnansu, lamarin da wasun su ke musanta wa
  • Ana alakanta Sheikh Ibrahim Nyass da farfado da darikar a karni na 20 bayan ta kwanta dama
  • An haife shi a kasar Senegal kuma jama’a kan yi tattaki daga sassan nahiyar da dama domin ziyartar kabarinsa
  • Darikar Tijjaniya ta kasu kashi-kashi musamman a kasashe irin su Najeriya inda suke da mabiya sosai