Man Utd ta kai wasan karshe bayn doke Tottenham 2-1


Hakkin mallakar hoto
Reuters

Image caption

United ta kai wasan karshe na cin kofin cikin gida (Ingila) a karo na 29, fiye da kowa ce kungiya a Ingila

Ander Herrera ya ci wa Mnchester United bal din da ta sa ta kafa tarihin zuwa wasan karshe na cin kofin FA a karo na 20, tare da fitar da Tottenham a gasar a wannan mataki karo na takwas a jere, da ci 2-1.

Tottenham ta fara wasan ba kakkautawa abin da ya sa ta shiga gaban United minti 11 da bal din da Dele Alli ya zura.

Kungiyar ta Jose Mourinho ta jure hare-haren har hakarta ta cimma ruwa a minti na 24, bayan da Alexis Sanchez ya farke da ka da wata bal da Paul Pogba ya aika masa, wadda ta kasance ta takwas da ya ci a filin na Wembley a wasansa na takwas a can.

Hakkin mallakar hoto
Reuters

Image caption

Rabon da Tottenham ta yi nasara a wasan kusa da karshe na kofin FA tun 1991

Can a minti na 62 ne Herrera ya ci wa Manchester United bal din da ta kai kungiyar wasan karshe da za ta yi tsakanin wadda ta yi galaba a karawar ranar Lahadi ta Chelsea da Southampton, ran 19 ga watan Mayu.

Rashin nasarar ya sa Pochettino ya yi kaka hudu ke nan a Tottenham ba tare da ya ci kofi ba.

Barcelona ta duki Copa del Rey bayan lallasa Sevilla 5-0


Hakkin mallakar hoto
Getty Images

Image caption

Sevilla ba ta doke Barcelona ba a haduwarsu sau tara ta karshe

Barcelona ta dauki kofin Copa del Rey karo na hudu a jere bayan da ta lallasa Sevilla da ci 5-0, ranar Asabar, a filin Atletico Madrid, Wanda Metropolitano.

Tun kafin tafiya hutun rabin lokaci Barcelona ta ci 3-0, inda Luis Suarez ya fara daga raga a minti na 14, bayan da Philippe Coutinho ya saka masa kwallon.

Lionel Messi ne ya zura ta biyu, kuma bal dinsa ta 40 da ya ci wa kungiyar a bana a minti na 31 da fara wasa.

Suarez ya kara ta uku bayan da Messi ya saita masa bal din ana saura minti biyar a tafi hutun rabin lokaci.

Hakkin mallakar hoto
Reuters

Image caption

Kyaftin din Barcelona Andres Iniesta zai bayar da sanarwar inda zai koma bayan da ake rade-radin tafiyarsa China

Bayan an dawo daga hutun rabin lokaci a minti na 52 Andres Iniesta ya ci bal ta hudu, kafin kuma Philippe Coutinho ya ci ta biyar da bugun fanareti, wand hakan ya sa Barcelona daukar kofinta na farko tun lokacin da kociynta Ernesto Valverde ya kama aiki a watan Mayu.

Sevilla wadda ta doke Atletico Madrid ta samu gurbin wasan na dab da na karshe ba ta yi wani katabus ba a wasan da Barcelona ta mamaye a filin Atletico na Wanda Metropolitano.

Barcelona za ta iya daukar kofi na biyu inda za ta daga na La Liga a ranar Lahadi, idan ta biyu a tebur Atletico Madrid ta sha kashi a hannun Real Betis, a karawar da za su yi da karfe 7:45 na dare agogon Najeriya.

Hakkin mallakar hoto
EPA

Image caption

Kyaftin din Barcelona Andres Iniesta ya ci kyakkywar bal kafin a sauya shi.

A haduwa tara da suka yi a karshen nan Sevilla ba ta taba doke Barcelona ba, kuma rabonta da cin wasa tun bayan da ta fitar da Manchester United daga gasar kofin zakarun Turai, ranar 13 ga watan Maris.

Gobara ta kama ofishin hukumar zaben jihar Kaduna


Hakkin mallakar hoto
Muhammad Ibrahim

Image caption

Gobarar ta shafi muhimman sassa a hukumar zaben jihar Kaduna

Gobara ta tashi a ofishin Hukumar zabe ta jihar Kaduna da safiyar ranar Asabar, inda ta yi mummunan ta’adi.

Babu wanda ya mutu ko ya jikkata a gobarar, to amma Shugabar hukumar Saratu Binta Dikko tace gobarar ta shafi gaba daya ofisoshi a hawa na biyu.

“Gobarar ta shafi dukkanin ofisoshi a hawa na biyu, da suka hadar da ofishin shugaban hukumar, da sashin shari’a da sashin kudi, da dakin taro.” Inji Shugabar.

To amma ba abinda ya shafi hawa na daya da kuma ofisoshin da ke kasa.

Har kawo yanzu dai ba a bayyana dalilin gobarar ba, amma Saratu Binta Dikko ta shedawa manema labarai cewa ce tuni ‘yan kwana-kwana da ‘yan sanda suka kaddamar da bincike.

To sai dai shugabar hukumar zaben ta ki amsa tambayoyoin manema labarai bayan jawabin da ta yi musu.

Gobarar ta tashi ne a dai dai lokaacin da ma’aikatan hukumar ke wata ganawar gaggawa a ofishin shugaban hukumar, wanda shi ma ya kone.

Sharhi

Gobarar ta tashi ne kasa da wata daya kafin gudanar da zaben kananan hukumomin jihar, da aka tsara ranar 12 ga watan gobe.

Wannan ka iya kasancewa wani koma baya ga zaben, wanda wasu suka dade suna bukatar gwamnatin jahar ta gudanar.

Akwai dai masu ganin gwamnatin na dari-dari wajen gudanar da zaben, wanda wasu suke dauka a matsayin ma’aunin karbuwar gwamnatin jihar ko akasin haka a wajen jama’a.

A bara gwamnatin ta kori dubban ma’aikata musamman malaman makarantar primary da ma’aikatan kananan hukumomi

Gwamnatin ta ce malama ba su cancanci koyarwa ba, sannan ma’aikatan kananan hukumomi kuma sun wuce yadda ake bukatarsu.

Ko da zaben fidda gwani na ‘yan takarar shugabannin kananan hukumomi da na kansiloli na APC na cike da cece kuce, inda wasu ke zargin gwamnatin jahar da yin karfa-karfa.

To amma gwamna Malam Nasir El-Rufai ya ce ba shi da dan takara, kuma kowa nasa ne.

Gwamnatin ta jihar Kaduna na son yin amfani da na’ura wajen gudanar da zaben.

Kuma ko da ya ke shugabar hukumar zaben Saratu Binta ta ce gobarar ba ta shafi dakin ajiye kayayyakin hukumar ba, sai dai ta ce za a dauki wasu kwanaki kafin a gama gano irin barnar da gobarar ta yi.

Don haka a yanzu babu bayani kan ko gobarar ta shafi na’urorin ko kuwa, kuma sannan hukumomi ba su yi karin haske ga makomar zaben kananan hukumomin jihar ba.

Sarki ya sauyawa Swaziland suna zuwa ‘Masarautar eSwatini’


Hakkin mallakar hoto
AFP/Getty

Image caption

Sarki Mswati III, a tsakiya, yana mulkin kasar tun 1986

Babu mutane da dama a duniya da ke iya sauya sunan kasa. Amma Sarki Mswati yana iyawa. Yana daya daga cikin sarakuna a duniya da ke da cikakken iko.

Sarki Mswati na uku ya bayyana cewa ya sauya sunan kasar Swaziland zuwa “the Kingdom of eSwatini” ma’ana “Masarautar eSwatini”

Sarkin ya bayar da sanarwar sauya sunan ne a wani filin wasa, yayin bikin ranar samun ‘yancin kan kasar, da kuma cikarsa shekara 50 a duniya.

Sabon sunan eSwatini na nufin “Kasar Swazi”. Sauya sunan dai ya zowa jama’a ba zato-ba tsammani, to amma dama Sarki Mswati ya shafe shekaru yana ambatar kasar ta Swaziland da sunan eSwatini.

Shi ne sunan da ya yi amfani da shi lokacin da ya yi jawabi a babban taron Majalisar Dinkin Duniya a 2017, da kuma lokacin da ya kaddamar da majalisar kasar a 2014.

Ya bayyana cewa tsohon sunan yan rikita mutane. “Duk lokacin da muka fita kasar waje sai a ringa kiranmu Switzerland.”

Wakilin BBC a Swaziland ya ce sauya sunan ya fusata wasu ‘yan kasar, wadanda ke ganin kamata ya yi sarkin ya maida hankali kan tattalin arzikin kasar da ke fama da masassara.

Wasu bayanai game da Swaziland

  • Ita ce kadai kasa a Afirka da har yanzu sarakunan gargajiya ke mulki da cikakken iko
  • Karamar kasashe da gaba daya kewayenta tsandauri ne.
  • Sarki Mswati III a yanzu yana da mata 15, wanda ya gada kuwa yana da mata 125
  • Ita ce kasar da aka fi dama da cutar HIV/Aids a duniya
  • ‘Yan kasar ba sa tsawon rai, mafi yawan maza ba sa wuce shekara 54, mata kuma 60

Image caption

An sauya sunan ne a wajen taron murnar samun yancin kan kasar. da kuma murnar cikar sarki shekara 50

Hanyoyi 5 da Arsene Wenger ya sauya kwallon kafa


Hakkin mallakar hoto
JOHN STILLWELL

Image caption

Wenger ya lashe kofin kalubale na FA da na League a shekararsa ta biyu a kungiyar Arsenal

Yayin da kocin Arsenal Arsene Wenger ya sanar da cewa zai yi murabus bayan shafe shekara 22 a kulob din, an yi nazari a kan irin sauye-sauyen da ya kawo a kulob din, da gasar Premier da kuma kwallon kafa kanta.

Gagarumin sauyi a duniya

Gasar Premier wadda Wenger ya shiga a 1996 bayan maye gurbin Bruce Rioch, wanda shi ma ya taka rawar gani, ta sha bambam da wacce zai bari a watan Mayu.

Duk da cewa Wenger Bafaranshe ne, mafi yawancin ‘yan wasan kulob din turawa ne, kuma ya taka muhimmiyar rawa a cikinsu.

Ba a jima da nada Wenger a matsayin kocin Arsenal ba, ‘yan wasa suka samu damar shiga ko ina a kasashen turai ba tare da matsi ba.

Nan da nan kuma ya kware wajen gano ‘yan wasa masu bajinta musamman daga Faransa da kuma kasashen Afirka da ke amfani da harshen faransanci, sannan ba a jima ba ya ya hada hadaddiyar kungiyar da ta kunshi zakakuran ‘yan wasan kwallon kafa.

Shekaru tara bayan kasancewarsa kocin Arsenal, sun lallasa kungiyar kwallon kafa ta Crystal Palace da ci 5-1 a shekarar 2005, daga nan ne ya sauya ‘yan wasansa, inda ba bu wani bature ma a ciki.

Irin abincin da ‘yan kwallonsa ke ci

Hakkin mallakar hoto
Getty Images

Image caption

Arsene Wenger a Monaco

Kulob din da Wenger ya ke kafin ya dawo Arsenal, shi ne Nagoya Grampus 8 da ke Japan, inda Wenger ya gano cewa babu masu kiba a ciki.

Ya ce “Dukkan wata rayuwa ta dogara ne da samun cikakkiyar lafiya. Abincin da ake ci a tsohon kulob din da na bari baya wuce kayan lambun da aka dafa da kifi da kuma shinkafa, a ingila ana cin abinci bil hakki da gaskiya, kuma ana shan siga da nama sosai ba tare da an hada da kayan lambu ba”.

Ya fara wannan tsarin cin abinci da ya bari a baya a sabon kulob dinsa wato Arsenal.

Al’adar shan barasa ta yi kaurin suna a harkar kwallon kafar Ingila, lamarin da ya haddasa matsalolin da suka shahara a kafafen watsa labarai ga Adamas da Merson. Haka kuma cin abinci mai nauyi kafin wasanni batu ne da ya kankane hirarrakin da ‘yan jarida ke yi da ‘yan wasa.

A wasa na farko da Wenger ya jagoranta aka daina ba da cakulet Mars, abin da ya sa ‘yan wasan suka yi dan karamin bore.

Sai dai daga karshe Wenger ne ya yi nasara. Aka daina ba da nau’ikan abinci irin su taliya, aka koma ba da ganyayyaki.

A shekarun 1990 ba a jin batun abinci mai gina jikin ‘yan wasa – amma yanzu ba zai yiwu ba a ce ba a samu kwararru ba suna tsara ko wanne sinadari da ke cikin irin abincin da ‘yan wasa ke ci a gasar Premier.

Ya daukaka wasan kwallon kafa zuwa wani mataki

Hakkin mallakar hoto
PA

Image caption

Arsene Wenger a filin wasa na Emirates

Ba a taba samun kocin da ke da kyakkyawar mu’amala da ‘yan wasansa kamar Wenger ba.

Kungiyar ta yi tashe a karshen 1980 da farkon 1990, inda suka rika amfani da ‘yan wasansu kamar Niall Quinn ko Alan Smith suna zura kwallo a ragar abokan hamayya, sannan kuma sun rika tsaron bayansu da kyau.

Amma shi kungiyar da ya hada daban ta ke da ta baya, saboda suna da ‘yan wasa kamar Thierry Henry da kuma Dennis Bergkamp.

A lokacin da suke tashe, kwallon da suka buga ta rinka burge jama’a saboda yadda suke rike kwallo da mikata ga abokan wasansu.

Sabbin nasarori

Hakkin mallakar hoto
PA/ROTA PA ROTA

Image caption

Wenger da Viera

Labarin kofinsa na farko da ya samu, shi ne lokacin da ya rika kokarin ganin sun buge kungiyar Manchestre United, abin ya birge jama’a sosai kuma ba za a taba mantawa da lokacin da kulob dinsa ya zurawa Manchester kwallo 1-0 a filin wasansu na Old Trafford ba.

Haka kuma a shekarun 2003 zuwa 2004, Wenger ya yi tashe sosai.

Kungiya daya ce – Preston North End ta taba shafe kakar wasa ba tare da ta fadi a wasa ko daya ba.

An dauka abu ne da ba ya yiwuwa a kakar wasa mai wasanni 38.

Amma kuniyar Arsenal karkashin Arsene Wenge ta taka irin wannan rawar. A lokacin yana da masu tsaron baya kamar su Ashley Cole, Kolo Toure da Sol Campbell, kuma Patrick Vieria ne ke jagorantar ‘yan wasan kungiyar.

Arsenal ta buwayi dukkan kungiyoyin da ta kara da su har wasanta na karshe da kungiyar Leicester inda ta lashe wasan da ci 2 da 1.

Babu kungiyar da ta iya kamo wannan kokarin har yanzu.

A kashin gaskiya ma, sun cigaba da cin wasanninsu har sai da suka kai wasanni 49, wanda ya kawo karshe a yayin da ta kara da Manchester United – wanda ya ja hankulan masoya wasan kwallo har aka lakaba ma wannan karawar “pizzagate” a Oktobar 2004, domin wani dan wasa ya jefi Sir Alex Ferguson da fanken pizza.

Fitattun ‘yan wasan da suka bar Wenger a Arsenal

  • Jens Lehmann: Ya bar Arsenal a 2008 ya koma Stuttgart lokacin da kwantiraginsa ta kare a kungiyar daga baya ya yi ritaya. Ya sake koma wa tamaula a 2011 daga nan ya sake shiga Arsenal.
  • Bacary Sagna: Ya koma Manchester City, bayan shekara bakwai da ya yi a Landa.
  • Kolo Toure: Ya koma Manchester City, bayan shekara bakwai da ya yi a Arsenal.
  • Thomas Vermaelen: A shekarar 2014 ya koma Barcelona.
  • Ashley Cole: Ya koma murza-leda a Stamford Bridge ita kuwa Chelsea ta bayar da William Gallas.
  • Patrick Vieira: Ya koma wasa ne a Juventus.
  • Cesc Fabregas: A shekarar 2003 ya koma murza-leda a Barcelona.
  • Marc Overmars: A shekarar 1997 ya koma Barcelona domin maye gurbin Luis Figo.
  • Alexis Sanchez: Ya komaOld Trafford, inda Manchester United ta bayar da Henrikh Mkhitaryan.
  • Robin van Persie: A shekarar 2012 ya koma murza-leda a Manchester United.
  • Thierry Henry: Ya koma buga tamaula a Barcelona a 2000.

Kalaman da aka san Wenger da su

Hakkin mallakar hoto
ODD ANDERSEN

Image caption

Arsene Wenger ya nuna damuwarsa saboda korar da aka yi wa golan Arsenal Jens Lehmann a gasar kofin zakarun Turai ta 2006

Yawancin manajoji na da wasu kalamai da ake alakantasu da su – a misali Bill Shankly ya taba cewa “Wasu mutane sun dauki lamarin kwallon kafa a matsayin na a yi rai ko a mutu… amma lamarin ya fi haka muhimmanci.” – Shi ma Wenger na da kalaman da za su kasance tare da shi har karshen rayuwarsa: “Ban ga lokacin da abin ya faru ba.”

Abin ya fara ne a lokacin Wenger na sabon kocin Arsenal – inda ya ke amfani da kalmomin domin ya kaucewa rashin kamun kan ‘yan wasansa da aka nuna masu jan kati sau 52 a kakar wasa guda 7.

Ya kan rika cewa bai ga lokacin da aka aikata laifi ba, saboda haka ba zai iya cewa komai ba.

Ya rika fakewa da wadannan kalaman domin ya guji sukan ‘yan wasansa a bainar jama’a – amma ya kasance wani abin zunde a gareshi saboda yawan fadin kalaman da ya rika yi.

Amma da alama dabarar ta yi masa amfani. Wasu ma na ganin cewa a fagen rayuwa, ba a fagen kwallon kafa ba ma, manyan mutane kan kaucewa fadawa cikin matsaloli idan suka ce ba su ga abin da faru ba, duk da cewa a gaban idonsu aka aikata abin.

Wa ya san manyan mutane nawa ne suka tsira da mutuncinsu sabili da wadannan kalaman na Wenger?

Hakkin mallakar hoto
Getty Images

Image caption

Arsene Wenger a wajen wani taron

Koriya ta Arewa ta dakatar da shirinta na nukiliya


Hakkin mallakar hoto
Getty Images

Image caption

Kim Jong-Un ya ce ba amfanin sake gwajin makami mai linzami

Shugaban Koriya ta Arewa Kim Jong-un ya sanar da cewa ba zai sake gwajin harba makamai masu linzami ba, kuma zai rufe tashoshin da ake gwajin makaman a kasar.

Sanarwar hakan na zuwa ne mako guda kafin ganawar da Mr Kim zai yi da shugaban Koriya ta Kudu Moon Jae-in.

Kamfanin dillancin labaru na Koriya ta Arewa ya ambato Kim Jong-un na shaida wa kwamitin zartarwa na jam’iyyar Worker’s Party wasu batutuwa shida inda daga ciki ya ce–babu wani muhimmanci a ci gaba da gwajin makaman nukiliya.

Shugaban ya kuma ce zai maida hankali ne wajen bunkasa tattalin arzikin kasar.

Hakan dai ya kara jaddada sakon sa ga ‘yan kasar ne na sabuwar shekara inda a jawabin sa ya ce kasar ta gamsu cewa ita ma tana da karfin nukiliya.

Bayan gwajin makaman nukiliya har sau shida, Koriya ta Arewa na ganin bata bukatar kara fadada girmar nukiliyar ta.

Hakan dai ba yana nufin kawadda makaman nukiliyarta kwata-kwata bane kamar yadda kasashen duniya suka bukata, koda yake Koriya ta Arewa ta ce zata rufe tashoshinta na gwajin makaman, bata yi alkawarin ko zata yi watsi ba da makamanta.

A baya dai Pyongyang ta sha saba irin alkawuran da ta kan yi game da hakan.

Sai dai wannan wani muhimmin ci gaba ne da aka samu gabanin ganawar Kim Jong-un’s shugaba Moon da kuma yiwuwar haduwar su da shugaban Amurka Donald Trump a karshen watan Mayu ko farkon watan Yuni.

Tuni Shugaba Donald Trump ya bayyana jindadin sa da wannan sanarwar.

Commonwealth: Abubuwa 7 da baku sani ba kan kungiyar


Hakkin mallakar hoto
PA

Image caption

Shugabar kungiyar kasashe renon Ingila Commonwealth a taron kungiyar a Indiya a 1997.

Shugabannin kungiyar Common wealth na taro a Landan.

Ga wasu abubuwa bakwai da watakila ba ku sani ba kan wadannan kasashe.

1) Kashi daya cikin uku na mutanen duniya suna kasashen Commonwealth

Kusan mutane biliyan 2.4 daga cikin biliyan 7.4 na al’ummar duniya baki daya, na zaune a kasashen 53 da ke kungiyar Commonwealth.

Kuma akasarin su shekarunsu ba su haura 30 ba.

Kasar da ta fi yawan al’umma ita ce Indiya, sai dai akwai kasashe 31 daga cikin kungiyar wadanda yawan al’umarsu ya kai miliyan 1.5 ko kuma kasa da haka.

2)Wasu mambobin basa cikin daular Birtaniya.

Hakkin mallakar hoto
Reuters

Image caption

Jamus da Belgium ne suka yi mulkin mallaka a Rwanda ba Ingila ba

A shekarar 2009 da 1995 ne Rwanda da Mozambique suka zama ‘ya’yan kungiyar, kuma dukkansu ba su da wata alaka da mulkin mallaka na Birtaniya.

Sai dai a baya akawai wasu kasashe da suka fice daga cikin kungiyar.

Robert Mugabe ya fitar da kasarsa Zimbabwe a shekarar 2003 bayan dakatar da kasar daga cikin kungiyar saboda rahotanin da suka yi zargin cewa an yi magudi a lokacin zabe.

A shekarar 1999 ne aka dakatar da Pakistan bayan juyin mulkin soja amma ta sake komawa cikin kungiyar bayan shekara hudu da rabi.

Kasar Afrika ta kudu ta fice daga kasar ashekarar 1961 bayan da mambobin Commonealth suka soki manufofin kasar kan wariyar launin fata, Sai dai ta sake komawa kungiyar a shekarar 1994.

Sai kuma Maldives wadda ta fice a shekarar 2016 .

3) Sarauniya Elizabeth ita ce shugabar kasa a kasashe 16 na kungiyar

Akasarin kasashe jamhuriya ne kuma shida da ga ciki, Lesotho da Swaziland da Brunei da Darrsusalam da Malaysia da Samoa da Tonga na da sarakunansu.

Hakkin mallakar hoto
Reuters

Image caption

Tonga na da sarkina kanta – Sarki Tupou VI (tskiya)

4) Wuri ne mai fadi

Kungiyar ta mallaki kusan kashi daya bisa hudu na doron kasa.

Mafi girman fadin kasa daga cikinsu ita ce Kanada, wadda ita ce kasa ta biyu mai karfin tattalin arziki a duniya.

Indiya da Austreliya suma suna da fadi sosai.

Sai dai akwai kananan kasashe irinsu tsibirin Nauru da Samoa, daTuvalu da Vanuatu, da Dominica da Antigua da Barbuda wadanda suke yankin Karebiya.

Hakkin mallakar hoto
Getty Images

Image caption

Tsibirin Nauru

5) Ta sauya sunanta

Hakkin mallakar hoto
Getty Images

Image caption

Shugabannin kungiyar Commonwealth sun yi taro a Landan a shekarar 1969

A shekarar 1949 aka kafa kungiyar bayan da aka cire sunan Birtaniya kuma aka cire yi wa masarautar Ingila mubaya’a da ga cikin manufofin kungiyar.

Mutune biyu ne kawai suka taba rike mukamin shugabancin kungiyar, Sarki George na shida da Sarauniya Elizabeth ta biyu.

Duk da cewwa ba gadon mukamin ake ba, amma ana tsammanin cewa Yerima Wales mai jiran gadon Sarautar Ingila shi ne zai gaji mukamin idan ya zama sarki.

Kasashen da suka kafa kungiyar ta Commonwealth sun hada da Austreliya da Kanada, da Indiya, da New Zealand, da Pakistan, da Afrika ta kudu da Sri Lanka da kuma Birtaniya.

A wancan lokaci kungiyar ba ta da kundin tsarin mulki, sai daga bisani a shekarar 2012 inda ta nemi mambobinta su bi manufofinta 16,

Manufofin sun har da bin tafarkin mulkin dimukradiya, da daidato tsakanin mata da maza, da samun ci gaba mai dorewa, da kuma zaman lafiya da tsaro a kasashen duniya.

An dai rika sukar kungiyar a matsyin wani gungun kasashen da Birtaniya ta mallaka bayan kuma kungiyar ba ta da wani tasiri.

A shekarar 2013 Gambiya ta fice daga kungiyar inda ta bayanna ta a matsayin wata cibiyar turawa musu son ci ga da mulkin mallaka.

Magoya bayan kungiyar sun ce alfanun da ake samu daga kungiyar sun hada da zama mamba da nuna goyon baya wajan samar da ci gaba da kuma hadin kan kassahe wajen cimma muradun duniya.

Sakatariyar kungiyar Lady Scotland, ta ce: ” Mambobinmu suna aniyar ganin cewa sun raya kuma sun kare mulkin dimukradiyya da kuma tabbatar da ci gaban rayuwa tare da mutunta yancin kowa da kowa.”

6) Birtaniya ita ce ke da tattalin arzikin mafi karfi a kungiyar Commonwealth

Indiya za ta iya zama ta daya nan ba da jimawa ba, watakila a farkon badi.

Idan aka hada ma’aunin arzikin kasashen su 53 baki daya ke samarwa ya kai dala triliyan 10. kusan karfin tattalin arzikin cikin gida da China ta ke samarwa watau dala triliyan 11.

Sai dai arzikin bai kai wanda Amurka ta samarwa ba wata dala triliyan 19 .

7) Akwai wata kungiya kuma banda Commonwealth

Hakkin mallakar hoto
EPA

Image caption

A baya bayan shugabannin Kungiyar kassahen renion tsohuwat tarayyar Soviet suka yi taro a birnin Minsk, na kasar Belarus

Akwai kungiyar renon Faransa watau La Francophonie masu amfani da harshen Farasanci.

Akwai kuma kungiyar Commonwealth masu ‘yanci wadanda tsoffafin kasashen tarayyar Soviet suka kafa a shekarar 1991 .

Alex Ferguson ya jinjinawa Wenger


Hakkin mallakar hoto
Getty Images

Image caption

Ferguson da Wenger sun shafe shekaru suna hamayya a lokutan da kungiyoyinsu suka mamaye gasar Premier na tsawon shekaru.

Tsohon kocin Manchester United Sir Alex Ferguson ya jinjinawa kocin Arsenal mai barin gado Arsene Wenger.

A ranar Juma’a ne kocin dan kasar Faransa ya bayyana cewa zai bar Gunners a karshen kakar bana.

Wannan na nufin zai tafi shekara guda kafin kwantiraginsa ta kare.

Ferguson ya ce Wenger na “daya daga cikin kociyoyi mafiya kwarewa a tarihin gasar Premier”.

Ya kara da jinjinawa “basirarsa, da kwazonsa da kuma jajircewarsa”.

Ferguson da Wenger sun shafe shekaru suna hamayya a lokutan da kungiyoyinsu suka mamaye gasar Premier na tsawon shekaru.

Wenger ya lashe gasar Pemier uku da kuma kofin FA bakwai – wanda babu wanda ya kaishi lashe kofin na FA.

A nasa bangaren Ferguson ya lashe gasar Lig sau 13 a shekara 26 da ya shafe a Manchester United kafin ya yi ritaya a 2013.

Henry na daya daga cikin wadanda ake hasashen za su iya maye gurbin Wenger.

A yanzu shi ne mataimakin koci na biyu a tawagar kwallon kafa ta kasar Belgium.

Tsohon dan wasan Arsenal Thierry Henry ya ce Wenger ya bar “tarihin da ba za a iya gogewa ba”.

Hakkin mallakar hoto
Getty Images

Image caption

Ferguson ya ce Wenger na “daya daga cikin kociyoyi mafiya kwarewa a tarihin gasar Premier”.

Kun san wanda zai gaji Arsene Wenger a Arsenal?


Wadanda za su iya gadar Arsene Wenger a Arsena

Hakkin mallakar hoto
iStock

Image caption

A shekarar 1996 aka nada Arsene Wenger a matsayin kocin Arsenal .

Wadanda za su iya gadar Arsene Wenger bayan da kocin Arsenal Arsene Wenger ya sanar da cewa zai bar kungiyar a karshen kakar bana bayan shafe shekara 22 a kulob din.

Wenger, wanda aka nada a matsayin kocin Arsenal a watan Oktoban 1996.

Kocin haiffen kasar Faransa ya lashe gasar Premier uku da kofin FA sau bakwai.

Ya kafa tarihi inda ya zamo kocin farko a tahirin gasar da ya lashe Lig a kakar 2003/2004 ba tare da an doke shi ba.

Sai dai Wenger ya fuskanci kalubale a ‘yan shekarun baya-bayan nan, inda ya ka sa ja da kungiyoyi irinsu Chelsea, Manchester City da tsohuwar abokiyar hamayyarsa Manchester United.

Kuma rabon da kulob din ya sake lashe gasar ta Premier tun wannan shekara, abin da ya sa wasu magoya bayan kungiyar da dama ke ta kiraye-kirayen ya tattara inasa-inasa ya kara gaba.

To ko wane ne zai iya maye gurbin kocin?

Ganin shekarun da Wenger ya shafe a Arsenal, da kuma irin rawar da ya taka, inda ya fito da manyan ‘yan wasa da dama kamar su Thierry Henry, Patrick Viera, Ian Wright, Tony Adams, Robin Van Persie da dai sauransu, wasu na ganin da wuya a iya maye gurbinsa cikin sauki.

Patrick Viera

Image caption

Patrick Vieira haifaffen kasar Senegal

Tsohon kyaftin din Arsenal ne wanda ya taka leda a karkashin Arsene Wenger.

Ya lashe kofuna da dama a kulob din.

Tsohon dan wasan na Faransa na da farin jini a tsakanin magoya bayan Arsenal sai dai komawar da ya yi Manchester City daga baya ta dan rage masa kima a idon wasunsu.

Yana da kwarewar aikin koci ganin cewa ya taba zama kocin tawagar matsan City, kuma a yanzu shi ne kocin New York City FC, wanda mallakar mutanen da suka mallaki City ne.

Thierry Henry

Hakkin mallakar hoto
Getty Images

Image caption

Thierry Henry

Thierry Henry:

Shi ne mutumin da ya fi kowa zura kwallo a tarihin Arsenal, kuma ya lashe kufuna da dama a shekara takwas da ya shafe a kulob din.

A yanzu yana sharhi ne a gidan talbijin na Sky Sport.

Arsene Wenger ya so ya nadashi kocintawagar matsan Arsenal amma ba su daidai ta saboda ya ki yarda ya ajiye aikinsa na Sky Sportl

Don haka wasu na ganin ba lallai ba ne a bashi aikin a yanzu ganin cewa Wenger na iya taka rawa a wurin nada wanda zai gaje shi.

A yanzu shi ne mataimakin koci na biyu na tawagar kwallon kafa ta Belgium.

Mikel Arteta

Hakkin mallakar hoto
Getty Images

Image caption

Mikel Arteta

Tsohon kyaftin din Arsenal kuma dan kasar Spaniya.

Ya taka rawar gani sosai a kulob din kuma yana da dangantaka mai kyau da Arsene Wenger da sauran shugabannin kulob din.

A yanzu mataimakin kocin Manchester City ne Pep Guardiola.

Wasu na ganin zai dace da kocin Arsenal, yayin da wasu masu sharhi ke ganin ba shi da kwarewa sosai.

Kuma ba lallai ba ne ya so barin City a yanzu.

Joachim Low

Hakkin mallakar hoto
Getty Images

Image caption

Joachim Low

Kocin twagar kwallon kafa ta kasarJamus, wanda ya lashe kofin duniya a Brazil a 2014.

Ya kuma lashe kofin nahiyoyi na 2017 a kasar Rasha.

Shi zai jagoranci kasar zuwa gasar cin kofin duniya da za a yi a Rasha, kuma wasu na ganin zai iya karbar aikin Arsenal bayan kammala gasar ta Rasha 2018.

Ya kware sosai kuma ya yi suna – wasu na ganin shi ne ya fi kowa dacewa da Arsenal ganin irin salon kwallon da yake buga wa da kuma tahirin kulob din karkashin Wenger.

Carlo Ancelotti

Hakkin mallakar hoto
Getty Images

Image caption

Carlo Ancelotti

Tsohon kocin Bayern Munich, Real Madrdi, Chelsea, AC Milan, yana da kwarewa sosai ganin irin rawar da ya taka a baya da kuma kungiyoyin da ya horas.

Ya kuma taba aiki a Ingila.

Sai dai wasu na ganin ya fara tsufa kuma kwarewar ta fara raguwa idan aka yi la’akari da rawar da ya taka a Bayern Munich, inda aka sallame shi a farkon kakar bana.

Sannan wasu magoya bayan Arsenal na nuna shakku kan irin salon wasan da yake taka wa.

A yanzu dai za a zuba ido daga nan zuwa wani dan lokaci domin ganin irin hukuncin da mahukuntan Arsenal za su dauka.

Babu shakka kuma wannan shi ne babban abin da zai zauna a zukatan magoya bayan kungiyar da kuma masu sharhi kan al’amuran wasanni har zuwa lokacin da za a bayyana sunan wanda zai ga ji Arsene Wenger.

Kuma ko wane ne aka bai wa wannan mukami, to babu shakka zai gaji babban kalubale musamman ganin shekarun da Wenger ya shafe da kuma irin sauyin da ake samu a gasar Premier da ma kwallon kafa ba ki daya.

Arsene Wenger zai bar Arsenal a bana


Hakkin mallakar hoto
Reuters

Image caption

Arsene Wenger ne kocin da ya fi kowa dadewa a kungiyoyin Premier

Kocin kulob din Arsenal Arsene Wenger zai bar kungiyar a karshen kakar bana, bayan da ya shafe kusan shekara 22 a kulob din.

Kocin dan kasar Faransa, zai bar kungiyar ne shekara daya kafin sabuwar kwantiraginsa ta zo karshe.

Kulob din dai shi ne na shida a teburin Premier kuma akwai yiwuwar ba za su samu damar zuwa gasar Zakarun turai ta badi ba

Wenger, mai shekara 68, ya ci wa kungiyar Kofin gasar Premier sau uku da kofin FA bakwai, da suka hada da wadanda ya dauka a lokaci daya a shekarun 1998 da 2002.

“Na ji dadin samun damar jan ragamar kulob din na tsawon wasu shekaru da ba zan manta ba,” a cewar Wenger.

“Na ja ragamar kungiyar da dukkan azama da mutunci.

“Ina kira ga duk masoyan Arsenal, ku kula da mutuncin kungiyar.”

Za mu kawo muku karin bayani nan ba da jimawa ba.

Cyril Ramaphosa ya katse taron Commonwealth saboda zanga zanga a kasarsa


Hakkin mallakar hoto
Reuters

Image caption

Mr Ramaphosa wanda ya karbi mulki a watan Fabrairu ya yi alkawarin kawo canji a kasar

Shugaban Afirka ta kudu, Cyril Ramaphosa ya katse taron kasashen Commonwealth da yake halarta a Burtaniya domin shawo kan rikice-rikice da ke gudana a kasarsa.

Shugaban kasar wanda ya karbi ragamar mulki hannun Jacob Zuma ya yi amfani da halartar taron ne don jawo hankalin masu zuba jari zuwa Afirka ta Kudu.

Mr Ramaphosa wanda ya karbi mulkin Afrika ta Kudun a watan Fabrairu ya yi alkawarin kawo canji a kasar.

Sai dai mai yiwuwa zai ji takaicin yadda ala tilas ya bar taron Commonwelath na farko da yake halarta don ya fuskanci halin da ake ciki a kasar sa.

Tun a ranar laraba ne dai rikici ya fara barkewa a lardin arewa maso yammacin kasar.

Masu zanga zanga na kokawa ne kan rashin ayyukan yi da gidaje tare da neman a kawo karshen aikata cin hanci da kuma sallamar Firimiyar ANC a lardin.

An kuma rufe hanyoyi inda wasu batagari suka rika kona motoci da kwasar ganima a shaguna.

Mr Ramaphosa ya yi kiran da a kwantar da hankula inda ya umurci ‘yan sanda da su yi taka-tsan-tsan a kokarin da suke yi na shawo kan zanga-zangar.

Najeriya: “An yi wa kalaman Shugaba Buhari kan matasa mummunar fahimta”


Hakkin mallakar hoto
Getty Images

Image caption

Shugaba Buhari na tsokaci ne a taron kasashen renon Ingila a Landan

A Najeriya, wasu mukarraban shugaban kasar sun ce an yi mummunar fahimta game da kalaman da shugaba Muhammadu Buhari ya yi cewa mafi yawan matasan kasar cima zaune ne.

Shugaba Buhari yana magana ne a taron kasashen renon Ingila dake gudana a birnin Landan.

Sai dai kalaman sa na ci gaba da tayar da kura a tsakanin matasan kasar musamman a kafafen sada zumunta na zamani.

Matasa da dama dai sun nuna damuwarsu kan kalaman da suka ce na zubar da kima ne.

Sai dai mai bai wa shugaban shawara kan kafafen watsa labarai Sha’aban Sharada ya ce matasa ba su fahimci kalaman shugaba Buhari ba.

Ya ce “duk wanda ya kalli bidiyon Shugaba Muhammadu Buhari zai ga cewa ya furta kalaman ne cikin raha”.

Sha’aban Sharada wanda ke cikin ‘yan tawagar shugaban kasar dake ziyara a Landan ya ce furucin da Shugaba Buhari ya yi hannunka mai sanda ne ga al’ummar kasar domin su tashi tsaye wajen neman na kansu.

Ya ce a kowane lokaci batun yadda za’a inganta rayuwar matasa shi ne babban abunda Shugaba Buhari ya sa a gaba.

Fyade da kisan yarinya Musulma ya tada rikici a Indiya


Hakkin mallakar hoto
Courtesy family of Asifa Bano

Image caption

Shekarar Asifa Bano takwas lokacin da aka kashe ta

Fyade da kuma kisan da wani gungun maza suka yi wa wata yarinya mai shekara takwas a Kashmir da ke karkashin ikon Indiya ya janyo zaman dar-dar a yankin.

Da safiyar ranar 17 ga watan Janairu, Muhammad Yusuf Pujwala na zaune a wajen gidansa da ke Kathau, lokacin da da daya daga cikin makwabbtansa ya zo da gudu ya fada masa cewa an gano gawar ‘yarsa mai shekara 8, Asifa Bano.

An ajiye gawarta a cikin daji a wani wuri mai nisan kilomita dari.

“Na san wani abu marar kyau ya faru da ita,” a cewar Mista Pujwala mai shekara 52 a hirar da ya yi da BBC.

Matarsa, Naseema Bibi na zaune kusa da shi tana kuka, tana kiran sunan ”Asifa”.

Mista Pujwala ‘na cikin al’ummar makiyaya musulmi da ake kira Gujjars ne wadanda suke tafiya a yankin Himalayas da akuyoyinsu da kuma baunarsu.

Al’amarin ya tayar da hankula sosai, kuma ya fito da abin da yake hadassa rikici tsakanin mabiya Hindu ma su rinyaje da ke Jammu da kuma musulmi masu rinjaye a Kashmir yankin da ke fama da rikici.

‘Yan sanda sun kama mutane takwas, ciki har da wani jami’in gwamnati da ya yi ritaya daga aiki, da wasu jami’an ‘yan sanda hudu da kuma wani matashi da shekarunsa ba su kai 18 ba wadanda ake zagin suna da hannu a kisan Asifa.

Sai dai kamen ya janyo zanga-zanga a Jammu, kuma ministoci biyu daga jam’iyyar BJP ta mabiya addinin Hindu sun halarci gangamin nuna goyon bayan da aka yi wa wadanda ake zargi.

Jamiyyar BJP ce ta ke mulki a jihar tare da hadin gwiwar jam’iyyar Peoples Democratic Party( PDP ) .

Shin ya aka yi Asifa ta bata?

Hakkin mallakar hoto
Getty Images

Image caption

Kisan ya fito da abubuwan da ke kawo matsala a jihar da ke fama da rarabuwar kawuna

A lokacin da ta bata a ranar 10 ga watan Janairu, iyalinta na zama ne a wani kauye mai nisan kilomita 72 da garin Jammu.

Mahaifiyata ta ce a wannan ranar Asifa ta je daji ne domin ta dawo da dawakai gida, amma sai aka ga dawakan sun dawo ba tare da Asifa ba.

Naseema ta fadawa mijinta abin da ya faru, sai shi da wasu makwabtansa suka fara nemanta a cikin daji amma ba su ganta ba.

Bayan kwana biyu da aukuwar lamarin, sai iyalinta suka shigar da kara a gaban hukumar ‘yan sanda.

Amma a cewar Mista Pujwala, ‘yan sandan ba su taimaka ma su ba, inda ya yi zargin cewa daya daga cikin ‘yan sandan ya fada ma sa cewa Asifa “ta gudu ne” tare da wani saurayi.

Sai dai yayin da wannan mummunan labarin ya bazu, al’ummar Gujjar sun yi zanga-zanga kuma inda suka datse wata babbar hanya da motoci suke bi, abin da ya tilastatwa ‘yan sanda tura jami’ansu biyu zuwa wurin da ake neman Asifa.

Deepak Khajuria na cikin jami’an ‘yan sanda da aka tura amma daga bisani an kama shi saboda ana zargin yana da hannu a cikin kisan.

Bayan kwanaki biyar aka gano gawar Asifa.

” An gallaza ma ta, an karya kafufuwanta” a cewar mahaifiyarta Naseema.

Shin menene masu bincike suke ganin ya faru?

Bayan kwanaki shida da gano gawar Asifa, gwamnan jihar Jammu da Kashmir, Mehbooba Mufti ya bada umurnin gudanar da bincike kan lamarin.

A cewar masu biciken, an kulle Asifa a wurin ibada na mabiya hindu har na tsawon kwanaki kuma an rika ba ta maganin da ya sa ta fita daga cikin hayyacinta.

Rahoton masu binciken ya yi zargin cewa an yi rika yi ma ta “fyade har tsawon wasu kwanaki,” tare da gallaza ma ta kafin daga bisani aka kashe ta.”

An kashe ta ne ta hanyar shakewa, kuma an buge ta a “ka” har sau biyu da dutse .

Sanji Ram, mai shekara 60, wanda tsohon ma’aikacin gwamnati ne, na cikin wadanda ake tuhuma da shirya kisan tare da taimakon wasu jami’an ‘yan sanda.

Hakkin mallakar hoto
Sameer Yasir

Image caption

Lauyoyi a Jammu sun yi kokarin hana ‘yan sanda shiga cikin kotu domin su shigar da kara

Ana kuma zargin dan Mista Ram da wani dan uwansa da abokinsa da kuma wani matashi da shekarunsu ba su kai 18 da yin fyade da kuma kisa.

Masu binciken sun yi zargin cewa Mista Khajurai da jami’an ‘yan sanda suke cikin tawagar da suka rika neman Asifa, sun wanke tufafin Asifar da suka yi jina-jina kafin suka tura su dakin da ake binciken kwa-kwaf.

Sun yi ammanar cewa wadanda ake zargi suna son su firgitar da alummar Gujjar domin su bar garin Jammu.

Makiyayan na amfani da filin jama’a da kuma daji da ke Jammu domin yin kiwo kuma dabbobinsu su ci abinci, lamarin da janyo tashe-tashen hankula tsakaninsu da wasu mazauna mabiya addinin Hindu da ke yankin.

“Abu ne da ya shafi fili ,” a cewar Talib Hussain, mai fafitukar kare hakkin kabilu kuma lauya.

Mista Hussain, wanda shi ne ya jagoranci zanga-zangar da aka yi domin nuna goyon baya ga iyalin Asifa, ya yi zargin cewa ‘yan sandan karamar hukuma sun kama shi kuma sun yi ma sa barazana.

Ankur Sharma, wanda yana cikin lauyoyin da suka yi zanga zangar goyon bayan mutanen da ake tuhuma, ya yi zargin cewa musulmi makiyaya na kokarin sauya yawan alummar Jammu inda mabiya Hindu suka fi rinjaye.

” Suna keta haddin dajinmu da kuma albarkatun ruwan sha,” kamar yadda ya shaidawa BBC.

Sai dai yayin da kisan bai ja hankalin mutane sosai ba a Jammu, amma jaridu a Srinagar babban birnin Kashmir sun buga labarin a gaban shafukan jaridunsu.

Shin mene ya faru a janaizar Asifa?

Kabilar Gujjars makiyaya sun so su a binne Asifa a cikin makabartar da suka saye fili a cikin shekarun da suka gabata inda suka binne mutane biyar .

Sai dai lokacin da suka iso wurin, Mista Pujwala ya ce masu tsatsauran ra’yin adinin Hindu sun yi barazanar tada da zaune-tsaye idan suka ci gaba da jana’izar.

“Sai da muka yi tattakin mil bakwai domin mu binne ta a wani kauye,” a cewar Mista Pujwala.

Ya rasa ‘ya’yansa mata biyu a cikin wani hadari, bayan da matarsa ta nace, ya dauki Asifa a matsayin ‘yar reno daga wurin surukinsa.

Matarsa ta bayyana Asifa a matsayin yarinya mai ‘kazar-kazar’, Idan sun yi tafiya ita ce take kula da awakai.

Kyawawan hotunan da aka dauka a shekara 50


Kungiyar masu daukar hoto ta duniya na bikin cikar shekara 50 da kafuwa inda ta baje kolin hotonan wasu fittatun masu daukar hoto na duniya.

Hakkin mallakar hoto
Rory Carnegie

Image caption

Jaririn karkanda da aka haifa kuma kwanansa daya a duniya, da ake kira Alan, wanda Rory Carnegie ya dauki hotonsa a shekarar 2013. Alan shi ne karkanda na hudu da aka haifa a wurin kare namun daji na Cotswold Wildlife Park tun bayan da aka bude wurin a shekarar 1970.

Hoton mai talar kayan kawa Twiggy wanda Barry Lategan ya dauka a shekarar 1966Hakkin mallakar hoto
Barry Lategan

Image caption

Twiggy ita ce mace ta farko da ta fara tallata kayan ‘kawa a duniya, kuma Barry Lategan ne ya dauki hotonta a shekarar 1966. Ya ce: “Da na kalli kamerata sai na ga wannan fuska tana kallona, sai na juya na kalli Leonard mai gyaran gashi sai na ce ‘Kai, gwanin kyau.”

Wasu daga cikin hotunan da za a yi baje kolinsu, sun hada da na zane-zanen da wadanda aka dauka domin tallace-tallace da hotunan da aka dauka lokacin yaki da yunwa da kuma bayan aukuwar bala’i.

Hoton Nelson Mandela da Jillian Edelstein's ta dauka a shekarar 1997 a fadar shugaban kasa.Hakkin mallakar hoto
Jillian Edelstein

Image caption

Jillian Edelstein ta shafe shekara hudu tana daukar hoton mambobin kwamitin sulhu na kasar Afirka Ta Kudu. Ta dauki hoton Nelson Mandela a shekarar 1997 a wani zaman mintuna 10 da aka yi a fadar shugaban kasa.

Wasu maza a cikin kanana jiragen ruwa na cikin tekun da ya yi jina- jina da jini a ranar farautar manyan kifayen Whale da ake yi a kowace shekara a tsibirin FaroeHakkin mallakar hoto
Adam Woolfitt

Image caption

Mazauna tsibirin Faroe kan tura manyan kifayen whale zuwa wurin da ba shi da zurfi sosai a cikin teku inda suke yankasu a bikin da suke yi ko wacce shekara da ake kira Grindadrap. Hoton da Adam Woolfitt ya dauka, wanda aka wallafa a cibiyar bayanin kasa a shekarar 1966 kuma ya janyo ce-ce-ku-ce.

Taron baje kolin zai kuma nuna hotunan Nadav Kander da Duffy da Tim Flach da Tessa Traeger da kuma John Claridge.

Hoton daskararen tafkin Abraham da ke Alberta, kasar Canada, mai tsaununaka wanda Paul Wakefield ya dauka a shekarar 2011.Hakkin mallakar hoto
PAul Wakefield

Image caption

Hoton tafkin Alberta da ke Canada da ya daskare, wanda Paul Wakefield ya dauka a shekarar 2011.

Hoton wni namiji da ya rike cikinsa mai juna biyu a wata tala da aka shirya domin fadakar da mutane akan muhimanci amfni dahayoyin kayade iyali . Alan Brooking ne ya dauki hoton a shekarar 1970 .Hakkin mallakar hoto
Alan Brooking

Image caption

Hoton wani namiji mai dauke da juna biyu da Alan Brooking ya dauka wanda aka yi amfani da shi a wata talla da kungiyar kayyade yawan iyali ta shirya domin fadakar da maza kan hadarin da ke tatare da yin cikin da ba a so da kuma muhimmacin amfani da hanyoyin kayade iyali a shekarar 1970.

A shekarar 1968 ne wasu masu daukar hoto a bangaren tallace-tallace da talar kayan kawa suka kafa kungiyar.

Biri na kallon kamera na mai daukar hoto, Tim Flach. ( da aka yi lakabi da Monkey Eyes, 2001)Hakkin mallakar hoto
Tim Flach

Image caption

Hoton idon biri da Tim Flach ya dauka a shekarar 2001, ya nuna yadda birin ya zura ido yana kallon kamera. Hoton Flach’s ya yi nazari kan tasirin da bil’adama ya ke yi a duniyar namun daji.

Hoton kayan lambu da Tessa Traeger ta dauka (1989).Hakkin mallakar hoto
Tessa Traeger

Image caption

Mai daukar hoto ‘yar Birtaniya Tessa Traeger ta yi fice wajan daukar hoton zane-zane da kuma abinci. A nan ta sake daukar hoton zanen da ake kira Monet’s Bridge Over A Pond Of Water Lilies painting, da aka yi amfani da kayan lambu

Hoton wani mai zane da aka dauka a gidan kaso na Centro Preventivo y de Cumplimiento de Penas Ciudad Barrios wanda Adam Hinton ya dauka a shekarar 2013.Hakkin mallakar hoto
Adam Hinton

Image caption

Adam Hinton ya dauki hoton wani fursuna da aka yi a zane jikinsa a gidan kaso na Centro Preventivo de Cumplimiento de Penas Ciudad Barrio a shekarar 2013. Ana rike da mambobin kungiyar masu aikata miyagun laifuka ta Mara Salvatrucha a gidan kason, daya daga cikin kungiyoyin masu aikita miyagun laifuka mafi girma a El Salvador. Babu masu gadi a gidan kason, fursonin ne suke cin karensu babu babaka.

Gimbiya Margaret, da Lord Snowdon da kuma 'yayansu David da Sarah a cikin wata budaddiyar mota a hoton da Tom Murray ya dauka a 1969Hakkin mallakar hoto
Tom Murray

Image caption

Tom Murray shi ne mai daukar matashi da aka bai wa aikin daukar hoton iyalin masauratar Birtaniya. A nan ya dauki hoton Gimbiya Margaret, da mjinita Lord Snowdon da kuma ‘ya’yansu David da Sarah a shekarar 1969.

Hoton'yanuwa Hattie da Charlotte sun tsaya a gaban dawakai a wani aikin da ake yi kan halitar bil'dama wanda Paul Wenham-Clarke ya dauka a shekarar 2017.Hakkin mallakar hoto
Paul Wenham-Clarke

Image caption

Aikin da Paul Wenham-Clarke ya yi, kan yanayin jikin bil’adama ya tattara bayanai akan abubuwa masu kyau da kuma mara sa kyau na bil’adama, kuma ya yi nazari kan dangantakar da ke tsakanin ‘yan uwa. Hattie da Charlotte ‘yan uwana ne kuma an dauki hotunsu a shekarar 2017.

Dukkan hotunan hakkin mallakar Kungiyar Masu Hoto ta Duniya ce.

An rantsar da Díaz-Canel a matsayin sabon shugaban Cuba


Hakkin mallakar hoto
AFP

Image caption

An dai rika tsamanin cewa Miguel Díaz-Canel shi ne zai gaji Raúl Castro

An rantsar da Miguel Díaz-Canel a matsayin shugaban kasar Cuba kuma zai maye gurbin Raúl Castro wanda ya karbi mulki daga hannun dan uwansa mai fama da rashin lafiya Fidel a 2006.

Wannan ne karon farko da ake samun wani wanda ba dangin Castro bane a matsayin shugaban kasa tun bayan juyin juya halin da aka yi a shekarar 1959 .

Mr Díaz-Canel shi ne mataimakin shugaban kasa shekaru biyar da suka gabata.

Duk da cewa bayan juyin-juya-hali ne aka haifi Mr Díaz-Canel, yana da kusanci sosai da Raúl Castro kuma ana kyautata zaton cewa ba zai aiwatar da wani gagarumin sauyi ba.

Gaba dayan ‘yan majalisar dokokin kasar 605 da aka zaba a watan Maris ne suka zabe shi, bayan da ya tsaya takara shi kadai ba hamayya.

Ana dai sa ran cewa Mista Castro zai cigaba da yin tasiri a harkokin siyasar kasar a matsayinsa na jagoran jami’yyar kwaminisanci ta Cuba.

A jawabin da ya gabatar, Mr Díaz-Canel ya ce manufarsa ita ce ya ci gaba da daukar ranar juyin-juya-halin Cuba a matsayin rana mai tarihi, kuma ya tabbatar wa yan majalisr dokoki da cewa ” za a ci gaba da bin turbar juyin-juya-halin”.

Ya ce ba zai sauya manufofin kasar kan harkokin kasashen waje ba, kuma duk wani sauyin da za a yi game da haka, toh ‘yan Cuba ne za su dauki wannan mataki.

Mista Diaza-Canel ya kuma ce gwamnatinsa ba za ta rungumi masu fafitukar sake dawo da tsarin jari hujja ba.

A cikin jawabin na sa ya yabawa Raúl Castro da ya gaji mulki daga wurinsa inda ya ce “Cuba na bukatarka”. Wannna ya sa mambobin ‘yan majalisar su 600 suka tashi tsaye suna tafi domin karama mutumin mai shekara 86.

Sai dai duk wani sauyin da Mista Díaz-Canel zai kawo, za a yi shi ne a hankali kuma tare da yin la’akari da sauye-sauyen da Raúl Castro ya kawo tun bayan da ya karbi mulki daga hannun’yayansa Fidel.

Dole ne sabon shugaban kasar ya yi nazari a kan yadda zai shawo kan matsalolin da durkushewar tattalin arziki ta haifar a Venezeula wacce abokiyar Cuba ce da kuma irin dangantakar da kasarsa za ta yi da Amurka karskashin shugabancin Donald Trump.

Hakkin mallakar hoto
AFP

Image caption

‘Yan Cuba zasu so su ga yadda sabon shugaban kasar zai inganta rayuwarsu

A bara ne dai sabon shugaban kasar Amurkan ya sake aiwatar da dokar hana tafiya da kuma kasuwanci wanda gwamnatin Barack Obya ta yiwa sassauci, sai dai be dakatar da yin huldar diplamasiya tsakninsu ba.

‘Yan Cuba da dama za su zuba ido su ga kamun ludayin sabon shugaban kasarsu a kan yadda zai inganta rayuwarsu.

An dakatar da farfesa saboda ‘yunkurin lalata’ da daliba


Hakkin mallakar hoto
OAU

Image caption

Kawu yanzu malamin da ake zargi bai ce komai ba

Jami’ar ta Obafemi Awolowo ta ce an dakatar da farfesan ne bayan tabbatar da cewa muryar da aka nada ta malamin ce da ya nemi yin lalata da dalibarsa.

Mr. Abiodun Olanrewaju, babban jami’in hulda da jama’a na jami’ar ya fadawa BBC cewa an dakatar da farfesan har zuwa lokacin da za a kammala bincike kan zargin.

“Shugaban jami’ar Obafemi Awolowo ya karbi rahoton farko da aka gabatar bayan fara gudanar da bincike, kan wadda ake zargi da neman yin lalata da wata dalibar makarntar”, In ji Abiodun.

Farfesa Richard Akindele na koyarwa ne a sashin harkokin kasuwanci da hada-hadar kudi na jami’ar ta OAU.

An kuma gano cewa muryar da aka nada da waya ta wata daliba ce Monica Osagie da ake zargi farfesan ya yi yunkurin yin lalata da ita domin ya kara mata maki.

Duk da cewa kwamitin da ke gudanar da binciken ya gayyaci mutanen biyu, to amma farfesa Akindele ne ka dai ya gurfana.

Jam’iar ta ce Monica ba ta halarci gayyatar da kwamitin ya yi mata ba, sannan ba ta tura da wakilci ko wani uzuri ba

A yanzu kwamitin na jiran Osagie ta gurfana a gabansa domin bayar da na ta bahasin, kafin a fitar da rahoton karshe.

Matukar an same shi da laifin yunkurin yin lalata da dalibar, to farfesa Richard Akindele zai iya fuskantar kora daga jami’ar ta Obafemi Awolowo.

Cin zarafi ta hanyar lalata laifi ne a Najeriya, amma duk da haka ana ci gaba da samun aukuwar lamura irin wannan a jami’oin Najeriya.

Hakkin mallakar hoto
Getty Images

Image caption

Ana yawan samun dalibai da ke zargin cewa malamansu sun nemi yin lalata da su

Wajan yawon shakatawa da masu laken asirin Israila suka bude


Image caption

Hoton Gad Shimron a wurin yawon bude ido na Arous

Arous wurin yawon bude ido ne da ke bakin tekun Maliya da ke cikin hamadar .

Sai dai wannan wuri mai ban sha’wa , ya kasance wani sansani na jami’an leken asirin Isra’ila, wadanda aka turosu domin yin aiki na musamman.

A cikin hotunan da aka wallafa an nuna kananan gidaje da aka gina kusa da bakin teku ,inda aka nuna wasu ma’aurata sanye da kayan ninkaya suna murmushi , akwai kuma kifaye iri -iri , kuma ruwan tekun na cikin ruwan teku mafi ya kyau a duniya.

An dai wallafa dubban kananan takardu da aka raba wa masu kula da harkokin tafiye-tafiye na musaman a turai.

An bude wani ofishi a birnin Geneva inda masu aniyar yin tafiyar yawon bude ido ke zuwa wurin su zabi rana da kuma lokacin da zasu yi tafiya.

Daga bisani kuma an samu daruruwan baki da suka rika zuwa hutu daga wannan wuri.

Hukumar kula da masu yawon bude ido ta Sudan ta yi farin ciki da aka bude wannan waje.

Ta bayar da hayar wajen ne ga wasu mutane da suka ce su ‘yan kasuwa ne daga kasashen turai, wadanda suka yi sanadin kawo masu yawon bude ido daga kasashen waje na farko zuwa kasar.

Sai dai abinda baki da kuma hukumomi basu sani ba, shi ne cewa wurin yawon shakatawa da ke bakin tekun Maliya na bogi ne.

Wuri ne da jami’an leken asirin Isra’ila wato Mossad, suka bude kuma sun yi fiye da shekara hudu suna tafiyar da harkokinsu a farkon shekarun 1980.

Sun rika amfani da wurin ta bayan fage a matsayin wurin gudanar da ayyukan jinkai – domin ceto dubban yahudawa ‘yan Habasha da suka makale a cikin sansanonin Sudan, inda suke kwashesu domin su mai da su Israila.

Sudan dai kasar Larabawa ce da bata kaunar Isra’ila, a kan haka aikine da aka yi, ba tare da sanin kowa ba.

“Aikin sirri ne, ba bu wani da ya yi magana akansa ,”a cewar Gad Shimron, daya daga cikin jami’an leken asiri da suka yi aiki a cikin kauye. ” Ko iyalina ba su san da maganar ba .”

Hakkin mallakar hoto
Gad-Shimron

Image caption

Gad yana cikin jirgin ruwan roba da ake hura wa iska a wani wuri kusa da kauyen Arous

Yahudawa ‘yan Habasha sun fito daga cikin wata al’umma da ake kira Beta Israel ( gidan Israila), wadanda ba a tabbatar da asalinsu ba.

Wasu sun yi ammanar cewa suna da dangantaka da kabilu 10 da suka bata a masarautar Israila wadanda suka yi wa dan sarauniya Sheba da kuma sarki Solomon rakiya zuwa Habasha a shekarar 950 kafin wanzuwar Annabi Isa.

Wasu na ganin sun gudu ne bayan da aka lalata wurin ibada na yahudawa a shekarar 586 kafin wanzuwar Annabi Isa.

Sun rika amfani da litafin Torah kuma sun rika addu’oi a wuraren ibada na yahudawa, sai dai sun shafe shekaru aru- aru basu yi mu’amala da ‘yan uwansu yahudawa ba, sun yi amanna cewa su ne yahudawan karshe da suka rage a duniya.

Sai dai manyan limaman yahudawa sun tabbatar da sahihancin yahudawa ‘yan kabilar Beta a farkon shekarun 1970.

A 1977, daya daga cikin mambobinsu , Ferede Aklum, ya shiga cikin wasu ‘yan gudun hijira ‘yan Habasha wadanda ba yahudwa bane da suka tsallaka iyaka zuwa Sudan domin tsere wa yakin basasa da kuma matsalar karancin abincin da ake fuskanta.

Hakkin mallakar hoto
AAEJ Archives Online

Image caption

Ferede Aklum (ta hagu ) da kuma jagoran yahudawa yan Habasha Baruch Tegegne

Ya aikewa cibiyoyin jin kai da wasika , inda ya rika neman taimakonsu, kuma daya daga cikin wasikunsa ta fada hannun hukumar leken asirin Israilar watau Mossad.

Fira ministan Israila na wancan lokaci , Menachem Begin – wanda shi ma dan gudun hijira ne a lokacin da ‘yan Nazi suka mamaye turai- ya ce an kafa Israila ce domin ta kasance tudun mun tsira ga yahudawan da suka bazu a duniya, kuma ya umuurci hukumar a kan ta dauki mataki.

A wannan lokaci yahudawa Beta dubu 14,000 suka yi tattaki mai nisan km800 tare da wasu ‘yan Habasha fiye da miliyan da suke neman mafaka a iyakar Sudan .

Hakkin mallakar hoto
AAEJ Archives Online

Image caption

Yahudawan Habasha a Sudan , 1983

Yahudawa ‘yan gudun hijira 1,500 suka hallaka lokacin da suke kan hanya ko kuma suka bata a cikin sansanonin da ke Gedaref da kuma Kassala, ko kuma aka yi awon gaba dasu .

Image caption

Wasu yahudawan Habasha a cikin jirgin ruwa

Aikin ceto yahudawan Habasha

Ba tare da bata lokaci ba , aka fara ayyukan ceto yahudawan Habasha, inda wasu suka fice daga Sudan domin zuwa turai zuwa Isra’ila, amma sun yi amfani da takardun tafiye- tafiye na bogi.

“Mun nemi taimakon wani jirgin ruwan yaki na Israila”, a cewar wani babban jami’i da aka yi aikin da shi wanda ya nemi a sakaya sunansa.

” suka ce toh , kuma daga nan wasu jami’an Mossad suka je Sudan domin neman bakin teku da za a iya amfani da shi.

Sai suka gano wani kauye da ba bu kowa da ke bakin teku .

Wurin yawon bude ido na bogi

Sun shafe shekara guda suna akin gyara wurin kuma sun cimma matsaya da wasu ‘yan kasar a kan su rika samar musu da ruwan sha da kuma man fetur.

Sun kuma dauki ma’aikata 15 ciki har da masu shara da goge-goge da direba da kuma mai girki daga wani otel.

“Mun ninka masa abinda ake biyansa a wurin da ya yi aiki a baya” a cewar jami’in da baya son a bayyana sunansa.

Ba bu wani daga cikin ma’aikatan da ya san dalilin da yasa aka kafa wurin yawon bude ido ko kuma farar fata da suke aiki tare da su, jami’an leken asirin Israila.

Hakkin mallakar hoto
Gad Shimron

Image caption

Gad da wani dan Israila a cikin motar kwashe kaya a Sudan

Daga wannan wurin ne tawagar manyan motocin masu dauke da yan gudun hijira ta yi tafiyar yini biyu , inda ta rika kaucewa wuraren gudanar da bincike ta hanyar bada toshiyar baki ko kuma wuce su da karfin tsiya.

Idan sun tsaya domin su huta, suna kokarin kwantar da hanklin fasinjojin da suka tsorata.

Idan sun iso bakin teku da ke arewacin kauyen yawon bude ido, sojojin Israila za su zo bakin teku da jirgen ruwan roba da ake hura wa iska domin su kwashe ‘yan gudun hijira inda zasu sake yin tafiyar awa daya da rabi zuwa wani babban jirgin ruwan yaki da ake kira, INS Bat Galim.

Jirgin kuma zai wuce da su zuwa Israila.

Image caption

Wasu yahudawa Habasha na cikin jirgin ruwa da ya kwashe su daga bakin teku domin ya kai su jirgin ruwa yaki

“Aiki ne mai hadari sosai ,” a cewar jami’in da be amince a bayanna sunansa ba. ” Mun san cewa idan aka capke mu toh mun san kashemu za a yi ta hanyar rataya a Khartoum.”

Sai dai saura kiris da an kamasu a watan Maris na shekarar 1982, lokacin da sojojin Sudan suka hango wani ayari da ke dauke da ‘yan gudun hijira a bakin teku.

Watakila sun dauka masu safarar mutane ne inda suka rika harbin gargadi, sai dai sojojin Isra’ilan, sun samu wucewa da ‘yan Habashan da ke cikin jirgin.

Bayan wannan lamarin ne aka yanke shwarar cewa akwai hadari a aikin kwashe mutane a cikin jragen ruwan yaki kuma aka bullo da wani tsarin.

An dora wa jami’an leken asirin alhakin nemo fili a cikin hamada da jiragen sama samfurin C130 Hercules zasu iya sauka..

Za a kwashe ‘yan gudun hijira da jirgin sama cikin sirri .

Jigilar kwashe yahudawan Habasha a cikin jirgi.

An dai rika jigilar kwashe ‘yan gudun hijirar a cikin jiragen sama .

Gad da kuma tawagarsa, sun samu wani sako da ya ce akwai wani fiin da Birtaniya ta yi amfani da shi a yakin duniya na biyu da ke kusa da gabar teku. kuma a watan Mayu na shekarar 1982 jirgin sama samfurin Hercules, da ke dauke sojojni Israila ya sauka da tsakar dare.

Hakkin mallakar hoto
Getty Images

Image caption

Jirgin saman Israila samfurin C130 Hercules

A cikin jerin jigilar jiragen sama da aka yi har sau 28 da wani jirgin kamfanin wasu yahudawa dake Belguim, an kwashe yahudawan Habasha dubu 6,380 zuwa Brussels, daga nan kuma aka wuce da su zuwa Israila.

An yi wa aikin lakabi da Operation Moses.

Hakkin mallakar hoto
Getty Images

Image caption

Wasu yahudawa Habasha a cikin jirgin saman yakin Israila da ya tashi daga Addis Ababa a 1991

An fasa kwai

Jarindu a sassa daban-daban na duniya, sun wallafa labarin a ranar 5 ga watan janairu na shekarar 1985, kuma Sudan ta dakatar da aikin jigilar ba ta tare da bata lokaci ba.

Ta kuma musanta zargin da ake yi cewa ta hada kai da Israila inda ta ce wani shiri ne da “Israila da Habasha suka kitsa”

Sai dai a ranar 6 ga watan Afrilu na shekarar 1985, aka kifar da gwamnatin janar Nimeiri sakamakon juyin mulkin da sojoji suka yi .

Hakkin mallakar hoto
Getty Images

Image caption

Janar Nimeiri

Sabuwar gwamnatin sojin ta mai da hankali ne wajan daukar matakin korar jami’an leken asirin Israila, domin ta karfafa kimarta a idanun kasasahen Larabawa.

Shugaban hukumar leken asirin Isra’ila ya kuma bada umarnin barin wurin yawon shakatawar.

An dakatar da Marcos Alonso na kulob din Chelsea


Hakkin mallakar hoto
Getty Images

Image caption

Alonso ya bai wa abokin wasansa Olivier Giroud kwallo da ya zura a ragar Southampton

Dan wasan baya na Chelsea, Marcos Alonso ba zai buga wa kungiyar wasan dab da karshe da za tayi da Southhamton a filin wasan Wembley a ranar Lahadi ba, bayan da aka hana shi yin wasa uku.

Hukumar kwallon kafa ta Ingila ce ta samu dan wasan na Spaniya mai shekara 27 da laifi bayan ketar da ya yi wa Shane Longa a karawar da suka yi a ranar Asabar, inda Chelsea ta yi nasara da ci 3-2.

Alonso ba zai kuma kara ba a wasanin firimiya da za ta yi da Burnley a ranar Alhamis da kuma Swansea a ranar 28 ga watan Afrilu.

Sai dai ‘dan kwallon ya musanta zargin ketar da aka ce ya yi kuma ya ce ba a yi masa adalci ba game da matakin da aka dauka a kan sa.

Amma kuma an yi watsi da bayyaninsa a bincike da wani kwamiti mai zaman kansa ya yi a ranar Laraba.

Matasan Najeriya sun fusata da kalaman Buhari


Hakkin mallakar hoto
Getty Images

Matasa a Najeriya suna ta ce-ce-ku-ce tare da mayar da martani kan kalaman da Shugaba Buhari ya yi cewa mafi yawan matasa kasar ba suyi karatu ba, kuma ba su da aikin yi, sannan suna jira gwamnati ta samar musu ababen more rayuwa da kudin mai.

Shugaba Buhari ya bayyana haka ne a wajen taron kasuwanci na kungiyar kasashe rainon Ingila da aka yi a Westminster.

Ya ce, Najeriya na da yawan mutanen da suka haura miliyan 180, kuma kaso 60 cikin 100 na adadin wadannan mutane, matasa ne ‘yan kasa da shekara 30.

Buhari ya ce, ‘Da damansu ba su suyi makaranta ba, sannan suna cewa ai Najeriya kasa ce mai albarkar mai, don haka suna zaune ba sa komai suna jira gwamnati ta samar musu ilimi, da gida, da kula da lafiya kyauta’.

Matasan dai sun yi ta mayar da martani a kan wannan kalamai na shugaban kasar a kafofin sada zumunta, inda wasuunsu suka ringa yiwa shugaban ba’ar cewa ai matasan ne suka yi tsaiwar-daka har ya zama shugaban kasa.

Wannan batu dai na daga cikin abubuwan da suka fi daukar hankalin matasan kasar, musamman ma da ya ke Shugaba Buhari ya fi farin jini a wajen matasa a sama da masu shekaru da yawa.

To sai dai duk da haka akwai wasu matasan da suke ganin babu aibu a maganar shugaban, domin kuwa bai hada matasan ya yi musu kudin goro ba, ya dai ce da dama daga cikinsu ne suka da wannan matsala.

Haka kuma wasu na da ra’ayin cewa gaskiya ce zalla shugaban ya fada, don haka babu wani abin tada jijiyar wuya.

Firai ministar Birtaniya ta shawarci Najeriya ta halasta luwadi


Hakkin mallakar hoto
Getty Images

Firai ministar Birtaniya, Theresa May, ta bukaci dukkan kasashen da ke karkashin kungiyar Commonwealth da su sake tunani a kan dokar auren jinsi.

Misis May, ta sanar da hakan ne a birnin Landan, a lokacin da take bayani a wajen taron kungiyar ta Commonwealth.

A shekarar 2014 tsohon Shugaban Najeriya Goodluck Jonathan ya sa hannu a kan kudurin dokar da ta haramta auren jinsi guda; watanni kadan bayan nan kuma aka fara aiki da dokar bayan Majalisar Dokoki ta Kasa ta amince da ita.

A karkashin dokar, duk wanda kotu ta samu da laifin duk wata hulda ta luwadi ko madigo ko auren jinsi guda ko zaman dadiro a tsakanin jinsi guda, to za a daure shi shekara 14 a gidan yari.

Sai dai Firai Ministar Burtaniya ta tsaya a kan cewa bai kamata wani ya ayyana wata doka da za ta takura wa wani ko ta nuna wariya a gare shi ba saboda irin mutanen da ya zabi ya yi soyayya da su.

Misis May ta ce Burtaniya za ta goyi bayan duk wata kasa da ke a shirye ta soke dokokinta da suka haramta auren jinsi guda.

Firai ministar ta ci gaba da cewa, “yanzu duniya ta sauya daga abubuwan da suka faru shekara 50 da ta wuce, inda ake tsarawa mutane yadda za su tafiyar da rayuwarsu.”

Ta ce yanzu matasa suke tsara yadda za su tafiyar da rayuwar da suke so.

Theresa May, ta ce a taron karshe da shugabannin kungiyar ta Commonwealth suka yi, an amince za a samar da wata hukuma da za ta rinka tallafawa ‘yan madigo da luwadi da kuma ‘yan daudu.

Masu lura da al’amura dai na ganin kafin kungiyar kasashen Commonwealth ta ci gaba da wanzuwa, wajibi ne a cika alkawuran da aka dauka a zahiri ba kawai a fatar baka ba a tsawon kwanaki biyu da shugabannin za su shafe suna wannan taron.

A baya dai wasu manyan kasashen Commonwealth kan tura mukarraban gwamnati ne don halartar taron da ake shirya wa.

Sai dai a wannan karon kusan daukacin shugabannin kasashen da Firai ministoci ne da kansu za su saurari jawabin sarauniyar a fadar, wanda ake hasashen cew shi ne jawabi na karshe da za ta gudanar a taron Commonwealth, ganin halin lafiyarta da kuma yadda ake daukar tsawon lokaci ba a yi taron ba.

An tsinci gawar yarinya ‘yar shekara 3 da aka yi wa fyade a Kano


Hakkin mallakar hoto
Getty Images

‘Yan sanda a jihar Kano sun ce sun kama malaman wata makaranta su tara bayan da aka samu gawar wata yarinya da aka yi wa fyade.

An dai gano gawar yarinyar ne a cikin ajin makarantar kwanaki hudu bayan da iyayenta suka sanar da bacewarta.

An ce dai an gano gawar, wadda har ta fara rubewa kwance a cikin jini kuma tsirara.

Kakakin ‘yan sandan jihar SP Magaji Musa Majiya, ya tabbatar wa da BBC faruwar lamarin, inda ya ce iyayen yarinyar wadda ba ta fi shekara biyu zuwa uku ba ne suka kai korafi ofishin ‘yan sanda da ke unguwar Hotoro, suka ce ‘yarsu da suka tura makarantar islamiyya ba ta dawo gida ba.

Daga nan ne sai ‘yan sandan suka fara neman yarinyar, kuma bayan kwana hudu sai aka gano gawar yarinyar a cikin wani aji da ke wata Islamiyya a Hotoron arewa a cikin wani yanayi.

SP Majiya, ya ce ya zuwa yanzu an tantance mutum uku daga cikin malaman makarantar ciki har da shugaban makarantar na bangaren boko da kuma malaman islamiyya biyu wadanda suke da makullin ajin da aka gano gawar yarinyar.

Kakakin ‘yan sandan ya ci gaba da cewa, ana ci gaba da gudanar da bincike a kansu har sai an gano wanda ya aikata wannan laifi ko kuma wanda ke da hannu akai.

Me ke jawo yi wa kananan yara fyade?

Matsalar fyade dai matsala ce da ta addabi al’ummar duniya baki daya, musamman fyaden da ake yi wa yara kanana wadanda ba suji ba su gani ba.

Likitoci dai sun ce wannan matsala na faruwa ne sakamakon ciwon ƙwaƙwalwar da ke damun mutanen da ke aikata fyaɗe.

Dr Attahiru Muhammad Bello, wani likitan ƙwaƙwalwa ne a hukumar kula da lafiya a matakin farko ta jihar Adamawa, ya taba shaida wa BBC cewa matsalar gagaruma ce.

“Yawancin masu yi wa ƙananan yara fyade suna fama da cutar da a Turance ake kira paraphilia, wato jarabar bukatar yin jima’i, ko da kuwa da wani abu kamar ƙarfe ne ko kuma ƙananan yara.”

Ya ce a kasashen da aka ci gaba ana sanya musu ido idan aka ga suna nuna irin wannan ɗabi’u tun suna yara ta yadda za a rika yi musu magani da ba su shawarwari.

‘Tsattsauran hukunci’

Sai dai Malaman addini na ganin ana samun yawaitar fyaɗe musamman a kan kananan yara ne saboda neman abin duniya.

Dr Abdullahi Pakistan, wani Malamin addinin musulunci a birnin Kano ya ce abu uku ne ke haddasa wannan matsala:

“Tsananin neman duniya, inda za ka ga boka ko matsafi ya bukaci mutum ya aikata fyade ko ya cire agarar wani, ko kuma ya tono gawa domin biyan bukatunsa.

Sai kuma shaye-shaye da ke batar da hanakalin mutane ta yadda ba sa sanin abin da suke aikatawa, da kuma tasowa cikin rashin tarbiyya.

Mutane ba su san abin da ake kira tausayi ba. Duk mutumin da bai samu tausayi ba, ba zai tausayawa wani ba,” a cewar babban malamin Islamar.

Hakkin mallakar hoto
Getty Images

Image caption

‘Yan Hisbah da ‘yan sanda na jajircewa wajen kawo karshen fyade a Kano

Malamin ya ƙara da cewa ya kamata hukumomi su rika yanke tsattsauran hukuncin kan duk mutumin da aka samu da laifin fyaɗe, sannan a gefe ɗaya kuma iyaye su duƙufa wajen yi wa ‘ya’yansu tarbiyya baya ga wa’azi da Malamai za su mayar da hankali wajen yi wa al’umma kan illar wannan matsala.

Da alama dai wannan batu zai ci gaba da jan hankalin mutane a Najeriya, kuma zai ci gaba da kasancewa babban ƙalubale ga ‘yan ƙasar da ma hukumomi, wadanda ake buƙatar su ɗauki matakai ƙwarara domin shawo kansa.

Nigeria: An gano sandar Majalisa da aka sace


Hakkin mallakar hoto
Senate

Image caption

An gano sandar ne a wani wuri dake kusan da kan gadar kofar gari wato City Gate da ke Abuja.

Rundunar ‘yan sandan Nigeria ta ce an gano sandar girmar Majalisar da wasu ‘yan daba suka sace.

Haka kuma rundunar ta ce an tsaurara matakan tsaro a ciki da wajen Majalisar dokokin tarayya.

Wannan na kunshe cikin wata sanarwa da mataimakin jami’in hulda da jama’a na rundunar SP Aremu Adeniran ya aikewa manema labaru.

Sanarwar ta ce an gano sandar ne a wani wuri dake kusa da gadar kofar shigowa gari wato City Gate da ke Abuja.

Rundunar ta kara da cewa wadanda suka sace sandar sun jefar da ita ne sakamakon tsaurara matakan tsaro da ‘yan sanda suka yi a Abuja.

Hakan na zuwa ne bayan da Mataimakin shugaban Nigeria Farfesa Yemi Osibanjo ya gana da mataimakin shugaban Majalisar dattawan kasar Sanata Ike Ekweramadu.

Sanata Ike Ekweramadu ya shaidawa manema labaru cewa ya je fadar gwamnatin ne don yiwa mataimakin shugaban kasar karin bayani kan abun daya faru a Majalisar.

Mece ce Sandar Majalisa?

  • Sandar Majalisa da ake kira ‘Mace’ ta sha bamban da sauran alamun majalisar
  • Sandar tana da matukar muhimmancin gaske, inda majalisa ba za ta taba zama ba sai da ita
  • Sandar ita ce alamar iko a dukkan majalisun dokokin kasar na tarayya da na jihohi
  • Ana tafiya da Sandar a gaban shugaban majalisa a duk lokacin da zai shiga ko fita daga majalisar
  • Wani Sajan na Majalisar ne yake da alhakin daukarta a kafadarsa ta dama.

Jaruman Indiya maza da suka fi daukar kudi a 2018


1. Salman Khan

Hakkin mallakar hoto
Getty Images

Bayan ya yi manyan fina-finai da suka samu karbuwa kamar Sultan da Bajrangi Bhaijaan, yanzu Salman Khan na cajin kudi 55-60 crore a kowanne fim, kwatankwacin dala miliyan fiye da takwas.

Hakan ya sa ya zamo jarumin da ya fi sauran jarumai karbar kudin fim a 2018.

Fina finan Salman da suka yi fice sun hadar da Maine Pyaar Kiya da Saajan da kuma Hum Aapke Hain Kaun.

2. Aamir Khan

Hakkin mallakar hoto
Getty Images

Jarumin da ke son ganin anyi komai tsari. Aamir Khan na cajar kudi 50 crore a kowanne fim, kwatankwacin dala miliyan fiye da shida.

Lagaan da Dil da Qayamat Se Qayamat Tak.

3. Shahrukh Khan

Hakkin mallakar hoto
Getty Images

Jarumin Bollywood din da har yanzu ake ya yi. Abinda ya ke samu a kan kowanne fim shi ne crore 45, kwatankwacin dala miliyan shida da 100,000.

Yawancin mutane daga kasashen duniya na son fina-finansa.

Manyan fina-finan sa sun hadar da Dilwale Dulhania Le Jayenge da Dil Toh Pagal Hai da kuma Kuch Kuch Hota Hai.

4. Akshay Kumar

Hakkin mallakar hoto
Getty Images

Jarumin da ake yi wa lakabi da Khiladin Bollywood. Ya na taka muhimmiyar rawa a fina-finan kasar India a tsawon shekara 27 da ya yi yana fim.

Wasu daga cikin manyan fina-finansa sun hadar da Rowdy Rathore da Main Khiladi Tu Anari da kuma Mohra.

Yana cajar crore 40 a kowanne fim, kwatankwacin dala miliyan biyar.

5. Hrithik Roshan

Hakkin mallakar hoto
Getty Images

Jarumin da aka sanshi da iya rawa. Ya yi fina-finai da suka yi fice a Bollywood kamar Kaho na Pyar Hai da Koi Mil Gaya da kuma Kabhi Khushi Kabhie Gham.

Yana karbar crore 35-40, kwatankwacin dala miliyan fiye da hudu ke nan.

6. Ajay Devgan

Hakkin mallakar hoto
Getty Images

Ya yi suna wajen yin fina-finan fada da na soyayya. Ya yi fina-finai da suka hadar da Phool Aur Kaante da Diljale da kuma Singham.

Yana karbar 22-25 crore, kwatankwacin dala miliyan uku da dubu dari uku.

7. Ranveer Singh

Hakkin mallakar hoto
Getty Images

Yana daga cikin matasan jaruman India da ke tashe a yanzu, saboda fina-finan da ya yi da suka yi fice kamar Ram-Leela da Bajirao Mastani da kuma Padmaavat.

Ya na karbar 20 crore a kowanne fim, kwatankwacin kusan dala miliyan uku ke nan.

Kun san sau nawa aka dauke sandar majalisa a Najeriya?


Hakkin mallakar hoto
Nigerian Senate

Image caption

Sandar iko ta majalisar dattijai

Da safiyar Laraba ne aka wayi gari wasu ‘yan daba sun yi wa majalisar dattijan Najeriya dirar mikiya, inda ido na ganin ido suka dauke sandar majalisar suka yi gaba da ita.

An zargi Sanata Sanata Ovie Omo-Agege da jagorantar ‘yan daban da suka sace sandar zuwa majalisar.

Majalisar ta dakatar da Sanata Omo-Agege ne a makon da ya gabata saboda ya nuna adawa da sauya fasalin dokar zabe.

Yana wakiltar Jihar Delta ta Tsakiya daga jam’iyyar LP.

Hakkin mallakar hoto
Senate

Image caption

Sanata Momo Agege

Tuni dai rundunar ‘yan sandan Najeriya ta kama sanatan bayan umarnin da majalisar ta bawa hukumomin tsaro da a kamo wadanda suka sace sandar, sannan a dawo da ita cikin sa’o’i 24.

To amma ba wannan karon ne aka fara fara dauke sanda a majlisun kasar ba.

Mun yi waiwaye adon tafiya domin duba irin wasau lokutan da aka taba dauke sandar majalisa a Najeriya.

1965 Majalisar Wakilan Jihar Yamma

Hakkin mallakar hoto
Getty Images

Image caption

An samu sabani tsakanin Obafemi Awolowo da Samuel Akintola abinda ya raba kan majalisar jihar yamma

Sace sandar majalisa a Najeriya ya samo asali ne tun a a jamhuriya ta farko, yayinda da wani rikici ya barke a majalisar dokokin Jihar Yamma 1965.

Rikicin ya samo asali ne daga sabani da rashin jituwa da suka kunno kai a jam’iyyar AG tsakanin shugaban jam’iyyar Chief Obafemi Awolowo da primiyan jihar yamma Chif Samuel Akintola.

Hayaniya ta barke a majalisar lokacin da aka yi zama domin tabbatar da tsige Akintola da gwamnan jihar ta yamma ya yi, inda Mista Ebubedike da ke wakiltar yankin Badagry ta Gabas ya dauke sandar majalisar yayin da rikici ya barke tsakanin wakilan majalisar.

Chuba Okadigbo 2000

Hakkin mallakar hoto
The Sun Nigeria/Facebook

Image caption

Chuba Okadigbo ya taba dauke sandar majalisar dattawa ya tafi da ita kauyensu.

Shekara 35 bayan rikicin majalisar dokokin jihar yamma, wani rikicin ya barke a majalisar dokokin Najeriya da ke Abuja.

Dangantaka ta yi tsami tsakanin shugaban Najeriya na lokacin Chif Olusegun Obasanjo da shugaban Majalisar Dattijai Chuba Okadigbo, lamarin da har ya kai an samu yamutsi a majalisar dattijan kasar a watan Aprilun 2000.

Rikicin ya barke ne bayan da wasu sanatoci da ake zargi suna goyon bayan shugaban kasa suka yi yunkurin tsige Chuba Okadigbo daga shugabancin majalisar.

Okadigbo ya dauke sandar majalisar zuwa gidansa, daga baya kuma ya tafi da ita kauyensu Ogbunike a jihar Anambara domin dakile tsige shi.

Majalisar Dokokin Jihar Rivers 2013

Hakkin mallakar hoto
TVC/NEWS

Image caption

Majalisar dokokin jihar Rivers

A matakin jihohi jihar Rivers ce ta kafa tarihi inda a watan Yuli na 2013 wata hayaniyar ta kunno kai a majalisar dokokin jihar.

An fafata ne a lokacin tsakanin ‘yan majalisa 27 da ke goyon bayan gwamnan jihar na lokacin Chibuike Rotimi Amaechi da kuma wasu takwarorinsu biyar da ke goyon bayan karamin ministan ilimi na lokacin Nyesom Wike.

Su dai ‘yan majalisar biyar sun bada sanarwar tsrige kakakin majalisar Otelemabama Amachree, sai dai mafi rinjaye daga cikinsun sun maida martani ta hanyar amfani da sandar majalisar wajen farwa ‘yan majalisar biyar.

An ji wa uku daga cikinsu ciwo, inda har sai da aka Garza da su asibiti.

Majalisar Dokokin Jihar Kaduna 2013

Hakkin mallakar hoto
Information Nigeria

Image caption

An samu tsohon shugaban majalisar dokokin jihar Kaduna da laifin dauke sandar majalisar

A ranar 24 ga watan Satumbar 2013 sandar majalisar dokokin jihar Kaduna ta yi batan-dabo.

An sace sandar ne yayin wata hatsaniya a majalisar da ta kai ga tsige shugaban majalisa na lokacin Alhaji Usman Gangara da sauran shugabannin majalisar.

Wani kwamtin majalisar ya samu tsohon shugaban majalisar Alhaji Usman Gangara da laifin sace sandar, inda aka dakatar da shi daga majalisar tsawon wata uku.

A lokacin, an ci gaba da amfani da wata tsohuwar sanda ne a zaman majalisar, kafin a maido da wacce aka sace.

Majalisar Dokokin Anambara 2017

Hakkin mallakar hoto
Newsinnigeria

Image caption

Misis Rita Maduagwu ta dauke sandar majalisar dokokin jihar Anambara domin ta dakile yunkurin tsige ta.

A ranar 30 ga watan Mayun 2017, shugabar majalisar dokokin jihar Anambar Misis Rita Maduagwu ta yi gaba da sandar majalisar lokacin da wasu ‘yan majalisa suka yi wani zama na yunkurin tsige ta.

Gabanin ta tsere da sandar, sai da gwamnan jihar Willie Obiano ya je majalisar domin shawo kan ‘yan majalisar su dakatar da matakin, amma suka yi kunnen kashi.

Bayan duk wani yunkuri ya ci tura ne, shugabar ta yi awon gaba da sandar majalisar.

Sauran ‘yan majalisar sun dau dogon lokaci suna jiran shigarta zauran majalisar, amma shiru.

Daga karshe dai an dage zama majalisar saboda rashin sandar iko.

Mece ce Sandar Majalisa?

Sandar Majalisa da ake kira ‘Mace’ ta sha bamban da sauran alamun majalisar

Sandar tana da matukar muhimmancin gaske, inda majalisa ba za ta taba zama ba sai da ita

Sandar ita ce alamar iko a dukkan majalisun dokokin kasar na tarayya da na jihohi

Ana tafiya da Sandar a gaban shugaban majalisa a duk lokacin da zai shiga ko fita daga majalisar

Wani Sajan na Majalisar ne yake da alhakin daukarta a kafadarsa ta dama.

Hakkin mallakar hoto
NIgerian senate

Sarauniyar Ingila Elizabeth zata bude taron shugabannin kasashen Commonwealth


Hakkin mallakar hoto
Getty Images

Image caption

Bana shekarar Sarauniya Elizabeth 92 a duniya

A ranar alhamis ne Sarauniyar Ingila Elizabeth zata bude taron shugabannin kasashen Commonwealth da zai gudana a fadar Buckingham.

A na sa ran shugabanni da Firai Ministocin kasashe Commonwealth 53 tare da iyalan gidan saurautar Burtaniya ne za su halarci taron.

Mai yiwuwa dai wannan shine taron shugabannin kasashen Commonwealth na karshe da Sauraniyar zata bude da kanta.

Saboda a halin yanzu ba ta iya yin doguwar tafiya, kuma zai dauki dogon lokaci kafin shugabanni da Firai ministocin kasashen Commonwealth su sake taruwa a Landan.

A don haka taron zai kasance mai sosa rai kasancewar sarauniya ce ta rika lura da al’amuran kungiyar ta Commonwealth na tsawon shekaru– a don haka kungiyar ke da matukar muhimmanci a gareta.

A baya dai wasu manyan kasashen Commonwealth kan tura mukarraban gwamnati ne don halartar taron da ake shirya wa.

Sai dai a wannan karon kusan daukacin shugabannin kasashen da Firai ministoci ne da kansu za su saurari jawabin sarauniyar a fadar.

Taken taron dai shi ne “domin cimma kyakkawar makoma na bai daya a nan gaba”, koda yake akwai batun makomar kungiyar ita kanta, saboda yadda lalitar ta ke ci gaba da raguwa, kuma manufofinta ba’a cika fito da su fili ba.

Masu lura da al’amura dai na ganin kafin kungiyar kasashen Commonwealth ta ci gaba da wanzuwa, wajibi ne a cika alkawuran da aka dauka a zahiri ba kawai a fatar baka ba a tsawon kwanaki biyu da shugabannin zasu shafe suna wannan taron.

Nigeria: An gano sandar Majalisa da aka sace


Hakkin mallakar hoto
Senate

Image caption

An gano sandar ne a wani wuri dake kusan da kan gadar kofar gari wato City Gate da ke Abuja.

Rundunar ‘yan sandan Nigeria ta ce an gano sandar girmar Majalisar da wasu ‘yan daba suka sace.

Haka kuma rundunar ta ce an tsauran matakan tsaro a ciki da wajen Majalisar dokokin tarayya.

Wannan na kunshe cikin wata sanarwa da mataimakin jami’in hulda da jama’a ta rundunar SP Aremu Adeniran ya aikewa manema labaru.

Sanarwar ta ce an gano sandar ne a wani wuri dake kusan da kan gadar kofar gari wato City Gate da ke Abuja.

Rundunar ta kara da cewa wadanda suka sace sandar sun jefar da ita ne sakamakon tsaurara tsaro da ‘yan sanda suka yi a Abuja.

Hakan na zuwa ne bayan da Mataimakin shugaban Nigeria Farfesa Yemi Osibanjo ya gana da mataimakin shugaban Majalisar dattawan kasar Sanata Ike Ekweramadu.

Ganawar dai ta biyo bayan kutsawa cikin zauren majalisar da wasu suka yi a daidai lokacin da Majalisar ke zama a Jiya Laraba, inda suka haddasa rudani a zauren majalisar kana kuma suka yi awon gaba da sandar girma ta majalisar.

Sanata Ike Ekweramadu ya shaidawa manema labaru cewa ya je fadar gwamnatin ne don yiwa mataimakin shugaban kasar karin bayani kan abun daya faru a Majalisar.

Mece ce Sandar Majalisa?

  • Sandar Majalisa da ake kira ‘Mace’ ta sha bamban da sauran alamun majalisar
  • Sandar tana da matukar muhimmancin gaske, inda majalisa ba za ta taba zama ba sai da ita
  • Sandar ita ce alamar iko a dukkan majalisun dokokin kasar na tarayya da na jihohi
  • Ana tafiya da Sandar a gaban shugaban majalisa a duk lokacin da zai shiga ko fita daga majalisar
  • Wani Sajan na Majalisar ne yake da alhakin daukarta a kafadarsa ta dama.

‘Yan sanda na amfani da karfi a kan ‘yan shi’a – Amnesty


Hakkin mallakar hoto
Getty Images

Image caption

‘Yan shia na yawan zanga -zanga don neman a saki shugabansu

Kungiyar kare hakkin bil-Adama ta Amnesty International ta zargi ‘yan sandan Najeriya da amfani da karfi fiye da kima wajen tunkarar mabiya mazahabar Shia da ke zanga-zanga a birnin Abuja

Masu zanga-zangar na neman a sako jagoransu, Sheikh ibrahim el-Zakzaky lokacin da suka yi arangama da ‘yan sanda.

Kungiyar Amnesty International ta bayyana yadda ‘yan sanda ke tunkarar masu zanga-zangar da harsasai na gaske, da mesar feshin ruwa da kuma hayaki mai sa hawaye, a matsayin mummunan ganganci.

A cikin wata sanarwa, kungiyar ta kare hakkin bil’adama ta ce wani abin damuwar kuma shi ne yadda jami’an tsaro ke kama dumbin mutane a yayin zanga-zangar.

Kungiyar ta ce kamata ya yi hukumomin Najeriya su mutunta doka kana a saki jagoran na kungiyar ‘yan uwa musulmi, kuma ka da su tsangwami masu zanga-zangar lumana.

Arangama da aka yi ta yini biyu tsakanin mabiya shia masu zanga-zangar neman a sako jagoranmsu, da kuma jami’an tsaron kasar, ta yi sanadiyyar raunata gwammman mutane daga bangarorin biyu.

Hakkin mallakar hoto
Getty Images

Image caption

‘Yan sanda sun yi amfani da hayaki me sa hawaye da mesar ruwa wajan tarwatsa masu zanga-zanga

Rundunar ‘yan sandan Najeriya dai ta zargi masu mazahabar da soma tayar da fitina ta hanyar jefar farar hula wadanda ba su ji ba su gani ba, da kuma jami’an tsaro da duwatsu.

Mabiya mazahabar Shi’ar sun bayyana cewa za su ci gaba da zanga-zangar har sai an sako shugabansu Sheikh ibrahim el-Zakzaky, to amma ya zuwa yanzu dai koma ya lafa.

Shi dai Sheikh ibrahim el-zakzaky an kama shi ne a 2015 lokacin wani samamen soji da ya yi sanadiyyar kashe mabiyansa fiye da 300 a birnin Zaria.

Sojoji sun zarge su da tare hanya da kuma yunkurin kashe shugaban rundunar sojin kasa na Najeriya.

Mabiya shi’ar dai na musanta zargin.

Kawo yanzu dai ba a tuhumi malamin addinin a gaban kotu ba

Haka kuma tun bayan kama shi, sau daya aka ganshi a bainar jama’a a cikin watan Janairun bana, lokacin da jami’an tsaro suka fito da shi ya gana da manema labarai, inda ya bayyana cewa ya yi fama da bugun jini.

An kama Sanatan da ‘ya sace’ sandar majalisar dokokin Najeriya


Hakkin mallakar hoto
Senate

A ranar Laraba da rana ne jami’an ‘yan sanda suka kama Sanata Ovie Omo-Agege, a harabar majalisar dokokin kasar, wanda ake zarginsa da tura ‘yan daba don sace sandar majalisar dattawa.

Da safiyar ranar Larabar ne wasu da majalisar ta yi zargin ‘yan daba ne karkashin jagorancin Sanata Omo-Agege, wanda aka dakatar da shi a makon da ya wuce, suka kutsa zauren majalisar yayin da ake zama, suka ‘sace’ sandar.

Sai dai har i zuwa yanzu Sanata Omo-Agege, bai ce komai ba game da zargin da majalisar ta yi masa na shiga da ‘yan daba.

‘Yan sandan sun kama shi inda suka sa shi a bakar mota suka yi gaba da shi.

Mr Omo-Agege was whisked away in a black hilux van at about 1:54 p.m.

Dama tun da fari majalisar ta bai wa Sufeto Janar na ‘yan sanda da shugaban hukumar tsaro ta farin kaya DSS, umarnin su nemo sandar a cikin sa’a 24, sannan su kamo wadanda suka sace sandar.

Zuwa yanzu dai ba a san hukunci da jami’an ‘yan sanda za su dauka a kan Sanata Omo-Agege ba.

Wata sanarwa da mai magana da yawun majalisar Sanata Aliyu Sabi Abdullahi ya fitar, ta bayyana wannan al’amari da cin amanar kasa, “don hakan tamkar kokari ne na kawar da wani reshe na gwamnatin tarayya da karfin tuwo, don haka dole a dauki duk matakin da ya dace.

Tuni dai an kawo wata sandar ta wucin-gadi an ajiye.

Sanata Sabi Aliyu ya kuma ce wannan abu ci fuska ne ga majalisar, kuma tuni shugabannin majalisar suka yi Allah-wadai da hakan.

‘Yan majalisar dattawan sun yi wani taro na sirri inda suka tattauna lamarin, kafin daga bisani su dawo su ci gaba da zamansu kamar yadda suka tsara.

Mece ce Sandar Majalisa?

  • Sandar Majalisa da ake kira ‘Mace’ ta sha bamban da sauran alamun majalisar
  • Sandar tana da matukar muhimmancin gaske, inda majalisa ba za ta taba zama ba sai da ita
  • Sandar ita ce alamar iko a dukkan majalisun dokokin kasar na tarayya da na jihohi
  • Ana tafiya da Sandar a gaban shugaban majalisa a duk lokacin da zai shiga ko fita daga majalisar
  • Wani Sajan na Majalisar ne yake da alhakin daukarta a kafadarsa ta dama.

Wane ne Sanata Ovie Omo-Agege

Hakkin mallakar hoto
Senate

Image caption

Sanata Momo Agege

  • Sanata ne mai wakiltar Jihar Delta ta Tsakiya
  • Shekararsa 54
  • An dakatar da shi daga majalisar a makon da ya gabata saboda ya nuna adawa da sauya fasalin dokar zabe
  • Ya ci zabe karkashin jam’iyyar Labour LP
  • Ya taba aiki da hukumar ‘yan sanda a shekarar 1987 zuwa 1988
  • Ya taba zama sakataren gwamnatin jihar Delta a 2007

Karin labaran da za ku so ku karanta:

”Yan daba sun sace’ sandar majalisar dokokin Najeriya


Hakkin mallakar hoto
PremiumTimes

Majalisar dattawan Najeriya ta ce wasu ‘yan daba sun shiga zauren majalisar a ranar Litinin suka kuma sace sandar majalisar.

Wata sanarwa da mai magana da yawun majalisar Sanata Aliyu Sabi Abdullahi ya fitar, ta ce ‘yan dabar sun shiga majalisar ne karkashin jagorancin Sanata Ovie Omo-Agege, inda suka sace sandar, wadda ita ce alamar da ke nuna kimar majalisar.

Sanarwar ta bayyana wannan al’amari da cin amanar kasa, “don hakan tamkar kokafri ne na kawar da wani reshe na gwamnatin tarayya da karfin cin tuwo, don haka dole a dauki duk matakin da ya dace.

“Dole ne dukkan hukumomin tsaro su kawo dauki da gaggawa tare da tsara yadda jami’ansu za su dawo da sandan, su kuma gurfanar da wadanda suka aikata hakan don daukar mataki a kansu,” a cewar sanarwar.

Jaridar intanet ta Premium Times ta ruwaito cewa al’amarin ya faru ne ‘yan dakiku bayan da Sanata Ovie Omo-Agege wanda aka dakatar, ya shiga majalisar, inda ‘yan dabar da yawansu ya kai 10 suka sace sandar suka kuma tsere.

Jaridar ta ce daga bisani ‘yan dabar sun fice daga majalisar a wata bakar mota kirar Jip.

Sanata Sabi Aliyu ya kuma ce wannan abu ci fuska ne ga majalisar, kuma tuni shugabannin majalisar suka yi Allah-wadai da hakan.

Tuni dai ‘yan majalisar dattawan suka shiga wani taro su-i-su, inda suka ce za su sanar da abun da suka tattauna bayan sun fito.

Karin labaran da za ku so ku karanta:

Bishiya ta kashe daliban Najeriya uku a Kamaru


Hakkin mallakar hoto
Getty Images

Image caption

Lamarin ya faru ne bayan daliban tare da wasu takwarorinsu suka nemi fakewa a karkashin wani tanti a lokacin da ruwan sama yake sauka

Wata bishiya ta yi sanadiyyar mutuwar wasu dalibai uku ‘yan asalin Najeriya a yayin da wasu 16 kuma suka ji rauni a Jamhuriyyar Kamaru.

Wannan lamarin ya faru ne a gidan ajiye namun daji na Bouba Ndjidda da ke arewacin Kamaru, bayan wata guguwa da kuma iska mai karfi sun kayar da bishiyar sanadiyyar saukar ruwan sama.

Wata sanarwar da Gwamnan Lardin Arewa Jean Abate Edi’i ya fitar, ta tabbata da rasuwar daliban uku ‘yan asalin Najeriya a gidan ajiye namun dajin.

Lamarin ya faru ne bayan daliban tare da wasu takwarorinsu sun nemi fakewa a karkashin wani tanti a lokacin da ruwan saman ya sauka.

Wata guguwa da ta rinka kadawa ta kai ga tumbuke wata bishiya ta yi jifa da ita a kan tantin da wadannan dalibai suka fake.

A nan take uku daga cikinsu suka mutu, yayin da wasu 16 kuma suka ji rauni.

Tuni sanarwar ta Gwamnan ta kara da cewa a take aka aika wani jirgi ya kwaso wadanda suka ji rauni da kuma gawawwakin wadanda suka mutu aka kai su asibitin birnin Garoua, inda a yanzu haka aka ajiye gawawwakin kuma ana kula da wadanda suka ji raunin.

Baya ga haka kuma Gwamnan ya bayar da umurnin kwashe sauran daliban da suke gidan ajiye namun dajin da kuma malaman da suke horar da su, a maida su Garoua.

Rahotanni sun ce a ranar 13 ga watan Afrilun nan ne wasu dalibai 50 na jami’ar jihar Taraba a arewacin Najeriya tare da malamansu shida suka kai wata ziyarar bincike a gidan ajiye namun dajin na Bouba Ndjidda da ke garin Rey-Bouba, inda wasu suka gamu da ajalin nasu a can.

Rikicin Mali ya raba mutum 3,000 da matsugunansu


Image caption

Sabbin ‘yan gudun hijira da ake gani a halin yanzu bakaken fata ne ‘yan kasar Mali

Hukumar kula da ‘yan gudun hijira ta Majalisar Dinkin Duniya ta ce rikicin da ake fama da shi a Mali ya haddasa karuwar mutanen da ke gudun hijira zuwa wasu kasashe.

Hukumar ta ce ya zuwa yanzu kimanin mutum 3,000 daga kasar ta Mali suka tsere zuwa kasar Burkina Faso mai makwabtaka.

Hukumar ta UNHCR ta ce Sanarwar da fitar dai manuniya ce na irin mawuyacin halin da ake ciki a Mali da kuma yadda rikicin kabilanci ke haddasa gungun jama’a tserewa don neman mafaka.

‘Yan gudun hijira na farko daga Mali a shekarar 2012, fararen fata ne ‘yan Tuareg da kuma larabawa da suke tsere daga arewaci, kuma suna zaune ne a tsakanin Mauritania da Burkina Faso da kuma jamhuriyar Niger.

Amma sabbin ‘yan gudun hijira da ake gani a halin yanzu bakaken fata ne ‘yan kasar Mali da suka tsere daga tsakiyar kasar tsakanin kabilun Fulani da ‘yan kabilar Dogons, a yankin da ba’a girke dakarun wanzar da zaman lafiya ta MDD ba.

Garuruwan da ke tsakiyar kasar Mali sun hada ne da garin Djenne da kuma Mopti, inda kungiyoyin kare hakkin bil’adama suka ce sojojin na cin zarafi tare da kashe ‘yan kabilar Fulani.

Hukumar UNHCR ta ce sabbin ‘yan gudun hijiran daga Mali na tserewa zuwa wasu yankunan kasar Burkina Faso da ake karancin abinci.

A shekarar 2012 ne aka fara rikici a Mali bayan da mayakan kungiyar Al-Kaida suka yi amfani da burin neman ballewa da ‘yan aware suka yi saboda rashin shugabanci nagari.

Fitila mai siffar Mo Salah ta bazu a Masar


Hakkin mallakar hoto
Mohamed Gamal Mohamed

Image caption

Fitilun ana amfani da su ne wajen murnar shigowar azumin watan Ramadan

Fitaccen dan wasan Liverpool Mohamed Salah ya bayyana a kasar Masar, amma ba a filin wasa ba.

Dan wasan ya bayyana ne a matsayin wata fitilar azumin watan Ramadan a fadin kasar.

Yayin da al’ummar Masar ke shirye-shiryen watan azumin Ramadan wanda za a fara a tsakiyar watan Mayu, wata fitila da ake raba wa lokacin watan azumin ta dauki sabon salo – wato fuskar shahararren dan wasan kasar.

Hotunan fitilu masu dauke da fuskar Salah sun karade kafafen sada zumunta da shafukan Intanet a duk fadin kasar.

Kafar yada labarai ta Al-Watan a shafinta na Intanet ta rawaito cewa masu kantuna suna murna da zuwan azumin Ramadan da kuma nasarar samun gurbin zuwa gasar Kofin Duniya wanda za a fara a watan Yuni.

Kasar China ce take kera fitilar kamar yadda Al-Watan ta ruwaito, kodayake an taba hana shigo da fitilar a baya.

Jaridar Al-Masry al-Youm ta rawaito cewa kantuna sun fara samun kudi daga sayar da fitilun.

Dan wasan Masar din Mohamed Salah ya burge ‘yan kasar ne tun daga watan Oktoban 2017, lokacin da kasar ta samu gurbin zuwa gasar Cin Kofin Duniya ta 2018 – a karon farko tun shekarar 1990.

A watan Maris, Salah ya kafa tarihi na kasancewa dan wasan da ya fi zura kwallo a raga a gasar Premier a kakar 2017/2018.

Hakkin mallakar hoto
Laurence Griffiths/Getty Images

Image caption

Salah yayin da ya ci wa Liverpool kwallo

Barbara Bush matar tsohon shugaban kasar Amurka ta rasu tana da shekaru 92.


Hakkin mallakar hoto
Reuters

Image caption

Barbara ita ce matar George Bush Babba, kuma uwar Bush karami

Barbara Bush, matar tsohon shugaban kasar Amurka, ta rasu tana da shekaru 92.

Barbara, matar George Bush Babba, kuma uwar Bush karami, ita ka dai ce matar da aka rantsar da mijinta da danta a idonta a matsayin shugabanin kasa a Amurka.

Misis Bush ta sha fama da rashin lafiya na dan wani lokaci, kafin a cikin karshan mako a sanar da cewa ba ta bukatar kulawar asibiti.

A zamaninta a fadar white house a farkon shekarar 1990 zuwa 2000, ayyukanta sun wuce na matar dan siyasa da aka sani a bisa al’ada.

Barbara ta kaddamar da gidauniyar ilimin iyali da ke bada taimako ga iyaye da yara.

Haka kuma ta sha nuna adawarta kan nuna ban-banci da adawarta kan wasu manufofin mijinta a jami’iyyar Republican.

Da gaske ne Shehu Ibrahim Nyass ya bayyana a Maulidin Abuja?


Hakkin mallakar hoto
Usman S Nafaransa/Facebook

Image caption

Maulidin ya samu halattar jama’a da dama ciki har da Ministan Ilimi Malam Adamu Adamu wanda ya wakilci Shugaba Muhammadu Buhari

Batun bayyanar Shehu Ibrahim Nyass ko akasin haka a lokacin da aka yi bikin tunawa da ranar haihuwarsa a wasu biranen Najeriya na ci gaba da haifar da zazzafar muhawara a tsakanin wasu al’ummar Musulmi.

Wasu da dama daga cikin wadanda suka halarci bikin maulidin a Abuja, babban birnin Najeriya da kuma Kaduna, sun ce sun yi ido biyu da babban malamin na darikar Tijjaniya, wanda ya rasu kimanin shekara 43 da ta gabata.

Irin wadannan mutane sun ce sun ga Shehin nasu a siffar da suka sanshi ko kuma kamar yadda ya saba bayyana a hoto.

Dubun dubatar mutane ne, maza da mata suka halarci bikin wanda ake yi duk shekara daga sassan kasar daban-daban.

Wani da ya yi ikirarin cewa ya yi tozali da Sheikh Nyass a Abuja, ya shaida wa BBC cewa wani haske ya gani, “sannan sai hoton Shehu ya bayyana”.

“Kawai sai na ji gabana ya fadi… kamar inuwar hoto ce take juya wa, ba ya motsi,” a cewar Alkasim Tanimu Dutsan Kura da jihar Katsina.

Ya kara da cewa “wallahi shi na gani… a maulidin Katsina ma na ganshi da irin wannan kwagirin nasa”.

Na’urarku na da matsalar sauraren sauti

Yadda na ga Shehu Ibrahim Nyass da idona a Abuja

Ko da gaske ne an ga Shehu a wurin maulidin?

Ba yau aka fara cewa an ga Shehu a wurin Maulidi ba a Najeriya. Kuma bayanan da Alkassim ya yi cewa ya ganshi bara a Katsina sun kara tabbatar da haka.

Sheikh Dahiru Bauchi, shi ne “Halifan” Shekh Ibrahim Nyass, kuma ya shaida wa BBC cewa bayyanar Sheikh Nyass a wurin maulidin “karama ce” wacce Allah ya ke bai wa waliyyansa.

Ya kara da cewa hakan ba wani abin mamaki ba ne domin a nuna wa mutane cewa karamar waliyyai gaskiya ce.

Shehin malamin, wanda shi ne ya jagoranci maulidin da aka yi a Abuja, ya ce “ana iya ganinsa a ko’ina. A daki ma wadansu sun sha ganinsa, ya kan bayyana haka kawai, wannan ba abin mamaki ba ne, karama ce kawai”.

Ya kara da cewa su waliyyai suna iya yin abubuwan da sauran mutane ba za su iya yi ba.

Na’urarku na da matsalar sauraren sauti

Tabbas ana ganin Shehu Ibrahim – Dahiru Bauchi

Wasu na da ja kan yiwuwar ganin Shehu

Jama’ar Musulmi musamman a Arewacin Najeriya sun rinka tafka muhawara a shafukan sada zumunta kan wannan batu da ma sauran batutuwan da suka faru a wurin wannan maulidi.

Kuma babu shakka wannan lamari zai ci gaba da jawo ce-ce-kuce musamman ganin cewa akwai wasu manyan malaman addinin Musulunci da ke da ra’ayin cewa babu yadda mutumin da ya mutu zai tashi ballantana har ya sake bayyana a duniya.

Da dama daga cikin mabiya tafarkin Salaf na da irin wannan ra’ayi, kuma sun dade suna fafatawa da ‘yan darika a kan batun.

Sai dai wasu mabiya darikar ta Tijjaniya na cewa ba wai Shehun ne yake zuwa da kansa ba, illa dai kawai haskensa ake gani.

Yayin da wasu kuma ke jaddada cewa su ma hakika Shehin suke gani, domin matsayinsa na walittaka ne ya ba shi wannan daraja.

Image caption

Tijjaniya na da mabiya sosai a Najeriya

Bayani kan darikar Tijjaniya

Hakkin mallakar hoto
Getty Images

  • An kafa darikar ne a kasar Aljeriya a shekarar 1784.
  • Sheikh Ahmad ibn Muhammad al-Tijjani ne ya kafa ta.
  • Ta yadu zuwa sassan duniya daban-daban, inda ta ke da mafi yawan mabiyanta a Arewaci da kuma yammacin Afirka.
  • Tana kuma da karin mabiya a Afirka ta Kudu, da Indunisiya da kuma sauran sassan duniya.
  • Akwai sauran dariku na Sufaye a addininin Musulunci amma Tijjaniya ta fi kowacce girma.
  • Sun ce suna da muhimman ayyukan ibada guda uku a kowace rana:
  • Neman gafarar Allah; yin salati ga Annabi Muhammad (SAW) da kuma kadaita Allah.
  • Sai dai ana zarginsu da wuce gona da iri wurin nuna soyayya ga Shehunnansu, lamarin da wasun su ke musanta wa.
  • Ana alakanta Sheikh Ibrahim Nyass da farfado da darikar a karni na 20 bayan ta kwanta dama.
  • An haife shi a kasar Senegal. Jama’a kan yi tattaki daga sassan nahiyar da dama domin ziyartar kabarinsa.
  • Darikar Tijjaniya ta kasu kashi-kashi musamman a kasashe irinsu na Najeriya inda suke da mabiya sosai.

Yadda iyalan Shugaba Bashar al-Assad ke yawon shakatawa a Rasha


Hakkin mallakar hoto
AFP

Image caption

Shugaba Assad da matarsa Asma a birnin Damascus a 2010

Shugaban kasar Syria ya bayyana cewa a bara ‘ya’yansa sun yi hutu a shahararen wurin yawon bude ido na matasa da ke Artek a Rasha .

Bashar al-Assad da matarsa Asma na da ‘ya’ya maza biyu – Hafez me shekara 16 da Karim mai shekara 13 da kuma ‘ya mace, Zein mai shekara 14.

Artek alama ce ta ta’addun kwaminisanci a lokacin tsohuwar Tarayyar Soviet, kuma har yanzu yana ci gaba da jan hankalin mutane.

Garin na kusa da yankin Kirimiya na kasar Ukraine wanda Rasha ta kwace a shekarar 2014.

Goyon bayan da sojojin Rasha suke nuna wa gwamnatin Assad, ya sake farfado da dangantaka mai karfi da ke tsakanin kasashen biyu a lokacin tsohuwar Tarayyar Soviet.

“Yarana sun je Artek a bara. Sakamakon baluguron da suka yi sun kara fahimtar Rasha yadda ya kamata,” in ji shugaba Assad, a cewar dan Majalisar dokokin Rasha Dmitry Sablin, wanda suka gana da shi a birnin Damascus a ranar Lahadi.

Ganawar da suka yi da ‘yan Majalisar dokokin Rasha ta biyo bayan harin makamai masu linzami da kasashen yamma suka kai wa kasar, yayin da kasashen yamman suka dora allhaki a kan sojoji Assad game da zargin harin makamai masu guba da aka kai.

Shugaban wurin yawon bude na Artek Alexei Kasprzhak, ya shaidawa sashen Rasha na BBC cewa bai san lokacin da yaran Assad suka zo wurin yawon bude ido na matasa ba.

“Yaran da ke zuwa wurinmu ba su cika ba mu sunnayen iyayensu ba,” a cewarsa.

Image caption

Artek alama ce ta ta’addun kwaminisanci a lokacin tsohuwar Tarayyar Soviet, kuma har yanzu yana ci gaba da jan hankalin mutane.

Sai dai sunan Assad ya ja hankalin mutane a wurin, in ji shi,” kuma sai ya kasance cewa ‘ya’yan Assad ne”.

‘Ya’yan Assad na cikin yaran Syria 44 da suka je hutu a Artek a bara, karkashin wani shiri da aka bullo da shi domin yaran sojojin Rasha.

Jiragen saman yaki na Rasha sun yi luguden wuta a wuraren da ‘yan tawaye suke da iko a Syria, tun bayan da kasar ta shiga cikin yaki a watan Satumba na shekarar 2015, abin da ya bai wa sojojin gwamnatin Assad damar sake kwato wuraren da ‘yan tawaye suka kwace.

Jakadan Syria a Moscow, Riad Haddad, a shekara dayar da ta gabata ya ce yaran Mr Assad na koyon harshen Rasha, kuma yanzu shi ne harshen kasashen waje da aka fi koyar wa a makarantun Syria.

Ya kuma ce iyaye da dama a Syria na bai wa ‘ya’yansu maza suna “Putin” domin a girmama shugaban kasar Rasha.

Zamanin Buhariyya: Wa ya karya tattalin arzikin Najeriya?


Hakkin mallakar hoto
Getty Images

Farfado da tattalin arzikin kasa na cikin manyan abubuwa uku da Shugaba Muhammadu Buhari na Najeriya ya yi alkawarin bai wa fifiko a lokacin da yake yakin neman zabe a shekarar 2015.

Sai dai a shekara uku da ta gabata, tattalin arzikin Najeriyar ya fuskanci kalubale da dama, kama daga durkushewa, zuwa faduwar darajar naira da mummunar hauhawar farashi.

A ranar Litinin din makon jiya (9 ga watan Afrilun 2018) Shugaba Buhari ya bayyana aniyarsa ta sake tsayawa takara – a zaben 2019 ke nan.

Zaben 2019: Me Buhari ya gaya wa Tinubu a Landan?

Saraki ko Kwankwaso: Wa zai iya ja da Buhari a APC?

Abin da ya sa na nemi tazarce – Buhari

Nazari: kan halin da tattalin arzikin ya shiga a shekaru uku na mulkin Buhari: Muhammad Kabir Muhammad

Alkaluma na baya-bayan nan da hukumar kididdiga ta Najeriya (wato National Bureau of Statistics ko NBS a takaice) ta fitar sun nuna cewa a watan Maris, kimar hauhawar farashin kayayyaki ta ragu a Najeriya idan aka kwatanta da watan Fabrairu, daga kashi 14.33 cikin 100 zuwa kashi 13.34 cikin 100.

Wannan ne kuma wata na 14 a jere da kimar hauhawar ke raguwa.

“Wannan raguwar, a karo na 14 a jere tun daga watan Janairun 2017, ta nuna hauhawar ta ragu da kashi 0.99 cikin dari idan aka kwatanta da watan Fabrairun bana”, in ji NBS.

Hauhawar farashi a Najeriya

Daga watan Fabrairun 2016 ne dai kimar hauhawar ta fara tashin gwauron zabi (lokacin da ta tashi daga kashi 9.62 cikin dari a watan Janairu zuwa kashi 11.38 cikin dari) har ta kai matakin da aka yi shekara shida ba a kai makamancinsa ba a watan Janairun 2017, lokacin da ta kai kashi 18.72 cikin 100 (duba hoton da ke kasa).

Hauhawar farashi tashin gwauron zabi

Tun dai da farashin danyen man fetur ya fadi warwas a kasuwannin duniya – daga dala 115 ko wacce ganga a watan Yunin 2014 zuwa kasa da dala 35 ko wacce ganga a watan Fabrairun 2016 – tattalin arzikin Najeriyar ya shiga rudani.

Kasar ta dogara ne da danyen man fetur don samun akasarin kudin shigarta, lamarin da Shugaba Buhari ya sha alwashin sauyawa ta hanyar muhimmantar da wasu bangarorin tattalin arziki, musamman noma.

Faduwar farashin man dai ta jawo kasar ta rasa kudin shiga mai dimbin yawa, har ta kai wasu jihohi ma ba sa iya biyan albashin ma’aikata, sannan babban bankin kasar ya kasa samar da kudin musaya da kamfanoni ke bukata don shigo da kayan da za su sarrafa, daidaikun jama’a kuma suka kasa biya wa ‘ya’yansu da ke karatu a kasashen waje kudin makaranta.

Tun da farashin mai ya fadi, wasu masana suka yi kira ga gwamnati da ta karyar da darajar Naira, amma Shugaba Buhari ya ce ba za ta yiwu ba, yana cewa shi bai ga amfanin yin hakan ga talakan Najeriya ba.

Ya kara jaddada wannan matsayi a watan Fabrairun 2016 a wajen wani taro a kan tattalin arzikin kasashen Afirka a Masar, inda ya ce, “Kasashen da suka ci gaba suna gasa a tsakaninsu ta hanyar karya darajar kudadensu, lamarin da ke taimaka musu ya habaka masana’antunsu su fitar da karin kaya zuwa waje.

“Amma mu ba abin da muke fitarwa; hasali ma komai shigo da shi muke yi hatta tsinken sakace. Don haka me zai sa mu karya farashin kudinmu?”

Hakkin mallakar hoto
Getty Images

Wasu dai na ganin wannan matsayi na Shugaba Buhari ya kara jefa tattalin arzikin cikin matsala.

A karshe dai Babban Bankin Najeriya, wato CBN, ya dan saki marar Naira a watan Yunin 2016, bayan ya yi kusan wata 16 yana ayyana farashin a kan N197 ko wacce dala.

Wannan matakin ya sa darajar Naira ta fadi da kashi 40 cikin dari nan take. Zuwa karshen shekara kuwa darajar kudin na Najeriya ta fadi da kashi 87 cikin 100.

Bayan haka, Kasuwar Hannayen Jari ta Najeriyar ta tafka asarar da aka jima ba a ga irinta ba, inda a rubu’i na farkon 2016 ta yi asarar sama da Naira tiriliyan daya.

Haka dai tattalin arzikin Najeriya ya yi ta dingisawa har dai a watan Agustan 2016 Hukumar NBS ta bayar da sanarwa cewa, a hukumance, ya durkushe.

Ko da yake hukumomi sun dora alhakin faruwar haka a kan faduwar farashin danyen mai da gazawar gwamnatin da ta gabata wajen daukar matakin ko ta kwana don kare kasar, da ma almubazzaranci da dukiyar kasa, wasu masana tattalin arziki cewa suka yi idan bera na da sata, to daddawa ma na da wari.

A ganinsu, a maimakon gwamnatin ta yi abin da ya dace don a kalla taka wa kasar birki yayin da ta gangara za ta fada ramin karayar tattalin arziki, angiza ta ma hukumaomi suka yi.

Misis Oby Ezekwesili, wadda tsohuwar mataimakiyar shugaban Bankin Duniya ce, na cikin masu wannan ra’ayi, kuma a wata hira da BBC kwanan baya ta bayyana cewa:

“Alal misali, gwamnati ta aiwatar da wasu manufofin tattalin arziki wadanda ba su dace ba a shekarun 2015 da 2016. Me kuma ka ke tunanin hakan ya haifar?

“Ya kara dagula matsalar tattalin arzikin da gwamnatin ta gada. Ta kara dagula al’amura ta yadda kimar hauhawar farashi ta yi tashin gwauron zabi. Karuwar kimar hauhawar farashin kuma ta kashe talaka murus.

“Sai yanzu ne suke kokarin su daidaita manufofinsu na tattalin arziki, amma duk da haka, sun bar wata kafa da wasu mutane kalilan ke amfani da ita don arzuta kansu, ba tare da sauran al’umma sun amfana ba”.

Ita ma jam’iyyar PDP wadda aka kada ita a zaben da ya gabata, ta sha musanta zargin cewa ta illata tattalin arzikin kasar tana zargin gwamnatin APC da kasa rike amanar ‘yan Najeriya da aka danka mata.

Hakkin mallakar hoto
Getty Images

A yanzu dai hukumomin Najeriyar na kafa hujja da raguwar kimar hauhawar farashi da kuma ficewar kasar daga halin ni-‘ya-sun da ta shiga na koma-bayan tattalin arziki don nuna cewa manufofin gwamnati na aiki.

A watan Satumba na 2017 ne dai hukumar NBS ta sanar da cewa kasar ta fice daga yanayin koma-bayan tattalin arziki.

A ganinsu gwamnatin ta taka rawar gani wajen karfafa wasu bangarori na tattalin arziki, da yaye kasar daga dogaron da ta yi a kan danyen man fetur.

A cewar Malam Garba Shehu, daya daga cikin masu magana da yawun Shugaba Muhammadu Buhari:

“{Tun} bayan fitar mu daga wannan mawuyacin hali da tattalin arzikinmu ya shiga, kusan {a} ko wanne bangare na tattalin arzki ana ganin karuwa.

“Yanzu kamar bangaren hakar ma’adinai, a shekarar da ta wuce an samu karuwar kashi 7 cikin dari; idan ka duba harkar noma, {ita} ma an karuwar kashi 7 cikin dari.

“Yanzu da nake maka magana kashi 90 zuwa 95 cikin dari na shinkafar da muke shigowa da ita an jingine ta – mu muke noma ta…”

Hakkin mallakar hoto
Getty Images

Image caption

Najeriya kasa ce mai dumbin jama’a da albarkatun kasa

Ya kuma kwatanta tattalin arzikin Najeriya da wata budurwa mai farin jini, yana mai cewa, “Kasashen duniya da yawa suna ta turo jari ana ta zubawa…

“Ka san cewa bankin duniya a ‘yan kwanakin nan ai har wani sakamako suka ba da na wani bincike cewa yanzu fa Najeriya tana cikin kashi 10 cikin dari na kasashen duniya da suka fi gyara da ci gaban tattalin arziki”.

Manufofin tattalin arzikin da gwamnatin Buhari ke aiwatarwa a yanzu dai na cikin wani kundi ne na tsare-tsaren farfadowa da bunkasa tattalin arziki daga shekarar 2017 zuwa 2020 wanda aka kaddamar a watan Afrilun bara.

Sai dai kuma yayin da gwamnatin ke bayyana ci gaban da ka samu zuwa yanzu, wasu bangarori na al’ummar Najeriya cewa suke har yanzu fa ba su gani a kas ba.

Wasu daga cikin muhimman abubuwan da suka faru da tattalin arzikin Najeriya a shekara uku da suka wuce

  • Mayu 2015: Shugaba Muhammadu Buhari ya sha rantsuwar kama aiki
  • Fabrairu 2016: Farashin danyen man fetur ya fadi warwas zuwa kasa da $35 daga $115 a watan Yunin 2014
  • Fabrairu 2016: Kimar hauhawar farashi ta yi tashin gwauron zabi zuwa kashi 11.38 cikin dari daga kashi 9.62 cikin dari a watan Janairu
  • Afrilu 2016: A rubu’i na farko na 2016 kasuwar hannayen jari ta Najeriya ta yi asarar sama da tiriliyan daya na Naira. Zuwa karshen shekarar kuma jimillar abin da ta yi asara ya tashi naira biliyan 604.
  • Yuni 2016: CBN ya karyar da darajar Naira
  • Agusta 2016: Tattalin Arzikin Najeriya ya durkushe a hukumance
  • Satumba 2017: Tattalin arzikin Najeriya ya farfado

Ana zargin R Kelly da sanya wa wata mata ciwon sanyi


Hakkin mallakar hoto
Getty Images

Image caption

An zargi R Kelly da munanan dabi’u

Fitaccen mawakin nan na Amurka R Kelly na fuskantar sabuwar tuhuma kan zargin lalata, daga wata tsohuwar budurwarsa wadda ta yi zargin cewa ya sanya mata ciwon sanyi da gangan a birnin Dallas.

A cewar lauyanta, matar, wadda ba a fadi sunanta ba, ta shiga tsaka mai wuya a lokacin da suka yi mu’amala da mawakin ta tsawon wata 11.

An yi zargin cewa R Kelly mai shekara 51, ya yi kokarin sanya matar a wata kungiyar asiri ta wadanda ake yin lalata da su, wacce yake tafiyar da ita.

Hukumar ‘yan sanda ta birnin Dallas ta ce tana bincike kan zargin.

A wata sanarwa da aka fitar gabanin taron manema labarai a ranar Laraba,lauyan matar Lee Merritt ya yi zargin cewa shekarar matar 19 a lokacin da suka fara mu’amalar lalata da Kelly.

Mr Merritt ya ci gaba da zargin mawakin da wasu munanan dabi’u da tursasa wa masu kananan shekaru shan barasa da mugayen kwayoyi.

Hakkin mallakar hoto
Getty Images

Image caption

Tun shekarun 1990 ake zargin mawakin da batun lalata

Kelly, wanda ya yi fice saboda wakokinsa da dama da suka hada da “I Believe I Can Fly,” ya sha fuskantar tuhume-tuhume kan lalata, da yada hotunan batsa na yara da sauran laifuka makamantan haka.

A bara ne mawakin, wanda cikakken sunansa Robert Kelly, ya yi watsi da zarge-zargen cewa yana da kungiyar asiri da ke da ‘yan mata da dama.

Jaridar The Washington Post ta ambato wani wakilin mawakin yana cewa “ya yi watsi da dukkan zarge-zargen.”

An yi wa wani mutum dashen fuska sau uku a Faransa


Hakkin mallakar hoto
AFP

Image caption

Mr Hamon har yanzu yana murmurewa a wani asibiti da ke Paris, tun bayan da aka yi masa dashen fuskar a farkon shekarar nan

Mutum na farko a duniya da aka yi wa dashen fuska har sau biyu watanni uku da suka shude, ya ce yana samun sauki sosai.

A bara aka cire wa Jérôme Hamon fuskar farko da aka dasa masa bayan da alamu suka nuna jikinsa ya ki karbar fuskar sakamakon shan wani maganin kashe kwayoyin cuta da ya yi na mura.

Mutumin dan shekara 43 ya kasance a wani asibiti a Paris ba tare da fuska a jikinsa ba har tsawon wata biyu, a lokacin ana neman wanda zai bayar da gudunmuwar fuska.

Ya ce da farko jikinsa ya karbi fuskar farko, yanzu ma haka, fuskar da aka sanya masa wa jikin nasa ya karbeta.

Mista Hamon na fama ne da wata larura mai haddasa kulayen da ke bata fuska wacce ake kira neurofibromatosis type 1.

Dashen da aka yi masa na farko a 2010 ya yi nasara, amma a 2015 mura ta kama shi aka kuma bashi maganin kashe kwayoyin cuta (wato antibiotics).

Sai dai maganin bai dace da magungunan da ake ba shi ba, don haka kwayoyin halittar jikinsa su ka ki karbar dashen da aka yi masa.

A nan ne aka cire fuskar da aka dasa masan, ya kuma zauna tsawon wasu lokuta kafin a dasa masa wata inda ya kasance a asibiti ba ya ji ba ya gani.

Mista Hamon ya rayu babu fuska a wani daki a asibitin Georges-Pompidou na birnin Paris – inda a lokacin ba ya iya gani, ko magana ko jin sauti har zuwa watan Janairu – lokacin da aka sami wanda ya bayar da fuskarsa ga mai bukata.

A lokacin ne aka dasa masa fuskar bayan da aka yi wani aikin tiyata, domin ka da jikin Mista Hamon ya ki karbar sabuwar fuskar da aka dasa masa, an gudanar da wani aiki na musamman domin tsaftace jinin jikinsa wanda kafofin watsa labarai na Faransa suka lakaba wa sunan “mutum mai fuskoki uku”.

‘Aikin ya yi kyau’

Kawo yanzu sabuwar fuskar tasa sumul ta ke, kuma ba ta motsi, kana kasusuwansa da fatar jikinsa ba su gama daidaituwa da juna ba. Amma duk da haka yana ganin za a sami nasara a kan aikin.

“Da ban amince da wannan sabuwar fuskar ba, da ban san yadda zan kasance ba.

Wannan batu ne na ba mutum alamar da za a gane shi… Amma kawo yanzu aikin ya yi kyau”, kamar yadda ya fadawa kamfanin dillancin labarai na AFP daga asibitin da yake murmurewa.

Hakkin mallakar hoto
AFP

Image caption

Farfesa Lantieri shi ne ya yi aikin dashen fuskar

Farfesa Laurent Lantieri shi ne ya yi aikin dashen fuskar da aka shafe sa’oi ana yi, kwararre ne wajen dashen hannu da fuska.

Ya ce ‘ A yau mun gano cewa aikin dashen fuska rubi biyu abu ne mai yiwuwa’.

Ya ce ya ji dadi game da yadda marar lafiyar ya nuna juriya da karfin hali duk da yanayin da ya shiga, hakan ne ya kara ba shi kwarin gwiwa a kan aikin dashen fuskar.

Tun bayan da aka yi wa Mr Hamon dashen fuska a Faransa, yanzu haka an yi wa mutum kusan 40 dashen a sassan duniya.

Kalli hotunan ‘yan wasan Madrid da za su fafata da Athletic


Hakkin mallakar hoto
Real Madrid

Image caption

Real Madrid za ta nemi karbe matsayi na biyu a teburin La liga idan ta samu maki uku a wasanta da Athletic Bilbao a Santiago Bernabeu

‘Yan wasan Real Madrid na ci gaba da yin horo a shirn da suke yi na kece raini da kungiyar Athletic Club a ranar Laraba a gasar La Liga.

Mun zabo muku wasu daga cikin hotunan ‘yan wasan da za su fafata a wannan wasa a lokacin da suke atisaye:

Hakkin mallakar hoto
Real Madrid

Image caption

Cristiano Ronaldo da ke kan ganiyarsa a yanzu, ana sa ran shi zai jagoranci tawagar ‘yan wasan gaba na Madrid bayan Zidane ya ajiye shi a wasansu da Malaga

Hakkin mallakar hoto
Real Madrid

Image caption

Sau uku akwai aka doke Real Madrid a dukkanin wasanni 15 da ta buga a gidanta a jere a bana

Hakkin mallakar hoto
Real Madrid

Image caption

Real Madrid ta ci akalla kwallo biyu a ragar Athletic Bilabo a haduwa 13 da suka yi a baya

Hakkin mallakar hoto
Real Madrid

Image caption

Ana hasashen Zidane zai sake ajiye wasu manyan ‘yan wasansa domin gasar zakarun Turai da Bayern Munich

Hakkin mallakar hoto
Real Madrid

Image caption

Idan Madrid ta samu nasara a karawarta da Bilbao, zai kasance maki daya tsakaninta da Atletico Madrid da ke matsayi na biyu a La Liga

Hakkin mallakar hoto
Real Madrid

Image caption

Ana sa ran Zidane zai ajiye Nacho saboda bai gama murmurewa ba daga raunin da ya samu a wasansu da Las Palmas

Hakkin mallakar hoto
Real Madrid

Image caption

Ronaldo shi ne na biyu da yawan cin kwallaye a raga a La liga inda ya ci 23.

‘Yan sanda sun kama ‘yan Shi’a 115 a Abuja


Image caption

‘Yan Shi’a sun musanta zargin da ‘yan sanda suka yi musu na tayar da husuma

Rundunar ‘yan sandan Najeriya ta ce ta kama mutum 115 a wurin zanga-zangar da ‘yan Shi’a suka yi bayan da jami’anta suka yi arangama da su a Abuja, babban birnin kasar.

‘Yan sandan sun kuma ce masu zanga-zangar sun lalata motocin jami’an tsaro tare da ji wa ‘yan sanda 22 rauni.

Mabiya Shi’a, wandanda ke gangami domin neman a sako shugabansu Sheikh Ibrahim El-Zakzaky, sun ce ‘yan sanda sun yi amfani da hayaki mai sa hawaye (Tear gas) wurin korarsu, sannan an harbi mambobinsu da dama.

Babu wata kafa mai zaman kanta da tabbatarwa da BBC ikirarin bangarorin biyu, amma wani wakilin BBC da ya ziyarci wurin ya ga gwangwanayen hayaki mai sa hawaye a warwatse.

Haka kuma rundunar ‘yan sandan ta ce ta samu kayayyaki kamar su gwafa da rodi da duwatsu da kuma jajayen kyallayen da ake daurawa a ka.

Ta kara da cewa za ta gurfanar da mutanen da ta kama a gaban kuliya bayan ta kammala bincike.

Wata sanarwa da rundunar ‘yan sandan ta fitar, ta kuma gargadi mabiya shi’ar da su daina tsare hanya a zanga-zangar tasu.

A ranar Litinin ne jami’an tsaro suka yi amfani da karfi wurin tarwatsa mabiya Shi’a da ke zanga-zangar da suka saba yi akai-akai a dandalin Unity Fountain da ke Abuja.

Wadanda suka shaida lamarin sun ce ‘yan sanda sun yi amfani da hayaki mai sa hawaye (Tear gas) wurin korar masu gangamin.

Abun da ya faru tsakanin ‘yan sanda da ‘yan shi’a a Abuja

Wakilin BBC da ya ziyarci wurin ya ga gwangwanayen hayaki mai sa hawaye a warwatse a wurin da lamarin ya faru.

Wasu hotunan bidiyo da aka wallafa a wasu shafukan sada zumunta sun nuna mabiya Shi’a suna jifan motar ‘yan sanda wacce ita kuma ta rinka watsa musu ruwa.

Mabiya Shi’ar na wannan zanga-zangar ne a ci gaba da yunkurinsu na tilastwa gwamnati ta sako jagoransu na Kungiyar ‘Yan Uwa Musulmi Sheikh Ibrahim El-Zakzaky.

Hakkin mallakar hoto
Getty Images

Image caption

Tun bayan kama shugabansu ‘yan Shi’a suke yawan zanga-zanga don neman a sakes hi

Wani mabiyin Shi’a ya shaida wa BBC cewa an harbe shi tare da wasu ‘yan Shi’ar da dama, sannan ya musanta cewa sun jefi jami’an ‘yan sanda.

Ya kara da cewa jami’an tsaro sun yi awon-gaba da wasu daga cikin mabiyan nasu, sai dai babu wata majiya mai zaman kanta da ta tabbatar wa da BBC hakan.

Wannan lamari shi ne na baya-bayan nan a taho-mu-gamar da ake yi tsakanin jami’an tsaron da mabiya Shi’ar.

A ranar Juma’ar da ta gabata ma ‘yan sanda sun kama wani mutum da suka bayyana a matsayin wanda yake shirya zanga-zangar da ‘yan Shi’ar suka dade suna yi a dandalin Unity Fountain da ke Abujar.

Wani da ya shaida lamarin ya wallafa hotunan hargitsin a shafinsa na Twitter yana mai cewa: “Masu zanga-zanga da yawa na sake taruwa”.

Sannan ya wallafa bidiyo yana mai cewa: “Hayaki mai sa hawaye da karar bindiga kawai ka ke ji”.

Image caption

‘Yan sanda sun yi amfani da hayaki mai sa hawaye wurin tarwatsa masu zanga-zangar

Image caption

‘Yan Shi’a sun musanta zargin da ‘yan sanda suka yi musu na tayar da husuma

Syria ta harba bindigogin kakkabo jirgin sama


Hakkin mallakar hoto
Associated Press

Image caption

Shugaba Assad na amfani da wannan lokaci ya nuna musu cewa yana nan da karfinsa

Kafar watsa labarai ta Syria ta bayar da rahoton cewa an harba bundugogin kakkabo jirgin sama a wani martani na harin makamai masu linzami da aka kai sansanin sojin sama na Shayrat wanda ke kusa da birnin Homs.

Akwai kuma rahotannin da ba a tabbatar ba da ke cewa an tare wasu makaman masu linzami da aka harba sansanin sojin sama na Dumair wanda shi kuma yake kusa da Damascus.

Dukkanin waddannan rahotanni na hare-haren na makamai masu linzami da aka nufa kan cibiyoyin sojin na Syria babu wani tartibin bayani na daga inda aka harba makaman ya zuwa yanzu.

Hedikwatar tsaron Amurka, Pentagon, wadda ta jagoranci kai hare-haren hadin gwiwa na makamai masu linzami kan Syriar tsakaninta da Faransa da Birtaniya a matsayin hukuncinta na kai hari da makamai masu guba, Amurkar ta ce ba wani hari da ta kai a wannan lokacin a wadannan yankuna.

A makon da ya gabata an zargi Isra’ila da kai hari na makami mai linzami kan sansanin sojin sama na T-4 na Syriar.

A wannan karon, Israila ba ta ce komai ba, ballantana a san ita ta kai su wadannan hare-haren na yanzu.

Yayin da duk ake wannan ma’aikatar harkokin waje ta Rasha ta sanar da cewa za a bar jami’ai masu duba makamai masu guba daga hukumar hana amfani da makaman ta duniya su shiga birnin Douma a ranar Laraba.

Jami’an wadanda suke zaman jiran a ba su damar shiga domin gudanar da aikinsu tun ranar Asabar da suka hallara za su tattara abubuwan da za su iya gano samfurin makami mai gubar da aka yi amfani da shi a harin na Douma.

Kuma a ranar Talatar nan ne Syriar ke bikin ranar samun ‘yancinta wadda ta kawo karshen mulkin Faransa a kanta a shekarar 1946.

Tunawa da wannan rana ta zo daidai da lokacin da manyan kasashen duniya uku, Amurka da Faransa da Birtaniya suka kai wa Syriar hari.

Shi ma Shugaba Assad na amfani da wannan lokaci ya nuna musu cewa yana nan da karfinsa, domin kusan kullum tun bayan harin na kasashen uku magoya bayansa sukan tattaru a tsakiyar Damascus su kewaye tutar kasar tasu suna tsine matakin na kasashen uku da cewa bai yi tasiri ba.

Kalli ‘yan wasan da suka fitar da Manchester City kunya


A ranar Lahadi ne Manchester City ta lashe kofin Premier bayan Manchester United ta sha kashi a gidanta a hannun West Bromwich Albion.

City ta zama zakara a Ingila ne da tazarar maki 16 tsakaninta da Manchester United da ke matsayi na biyu.

Kofin Premier na uku ke nan da City ta lashe a shekara bakwai, kuma na biyar a tarihin kungiyar.

Manchester City ta lashe kofin ne ana saura wasa biyar a kammala gasar, tarihin da Manchester United ta taba kafawa a kakar 2000-01.

Idan kuma City ta samu maki tara daga sauran wasa biyar da ya rage, zai kasance ta samu maki 95, tarihin da Chelsea ta kafa a kakar 2004-05.

BBC ta yi nazari kan ‘yan wasan da suka fi taka rawa ga samun nasarar Manchester City a bana.

Kevin De Bruyne

Hakkin mallakar hoto
Getty Images

Image caption

Pep Guardiola ya ce De Bruyne ne ya taimaka wa City zama “gagara gasa.”

Ana ganin Kevin De Bruyne na iya lashe kyautar gwarzon dan wasan Premier na bana, duk da yana hamayya da Mohammed Salah na Liverpool.

De Bruyne ne ya fi yawan taimakawa a ci kwallo a gasar ta bana.

Amma rawar da dan wasan na Belgium yake takawa a Manchester City ta zarce haka, kamar yadda wasu ke kiran shi “zuciyar Manchester City.”

A lokacin da yake yabonsa, kocinsa Pep Guardiola ya ce De Bruyne ne ya taimaka wa City zama “gagara gasa.”

David Silva

Hakkin mallakar hoto
Getty Images

Image caption

Silva ya dade yana nuna bajinta a City

Samun De Bruyne da David Silva a tsakiyar fili ya kara wa Manchester City karfi tsakaninta da abokan hamayya.

David Silva na cikin ‘yan wasan da ke nuna kansu a manyan wasannin Manchester City.

Silva ne ya fara bude raga a karawar hamayya da Manchester United a Old Trafford.

A kakar bana Silva ya taimaka an ci kwallo 11 a Premier, kuma shi ne na uku a jerin ‘yan wasan da suka fi bada kwallo a ci.

Raheem Sterling

Hakkin mallakar hoto
Getty Images

Image caption

Wannan ce kaka mafi kyau ga matashin dan kwallon a tahirin rayuwarsa

Raheem Sterling bai taba nuna kwazo ba kamar kakar bana.

Wasu na ganin Guardiola ne ya sauya dan wasan na Ingila mai shekaru 24.

Sterling ne dan wasan City na biyu da ya fi yawan cin kwallaye a raga bayan Sergio Aguero, kuma kwallayensa na cikin wadanda suka yi tasiri ga nasarar lashe kofin Premier.

Raheem Sterling ya ci kwallo biyu a kwanaki uku ana dab da tashi wasannin da Manchester City ta doke Huddersfield da Southampton 2-1 a watan Nuwamba.

Sergio Aguero

Hakkin mallakar hoto
Getty Images

Image caption

Sergio Aguero ya zama abin da Hausawa ke cewa “a dade ana yi sai gaskiya”

Sergio Aguero ya yi zamani da ‘yan wasa da kuma masu horar da ‘yan wasa da dama a zamanin da Manchester City ta fara tashe.

Amma duk da haka dan wasan ya ci gaba da zama dodon raga a kulub din.

Dan wasan na Argentina da ya koma City a 2011, kuma yanzu shi ne wanda ya fi yawan cin kwallaye a tarihin kungiyar.

A bana ma Sergio Aguero ne kan gaba da yawan cin kwallaye inda ya ci wa Manchester City kwallo 21.

Dan wasan ya kafa tarihi a bana duk da ya fuskanci kalubale bayan zuwan Gabriel Jesus da Guardiola ya sayo a watan Janairu.

Ederson Santana de Moraes

Hakkin mallakar hoto
Getty Images

Image caption

City ta kafa wani sabon Tarihi a Premier inda ta buga wasa 18 tana yin nasara a jere

Ederson golan da Manchester City ta sayo a kan fam miliyan 35 ana dab da kammala kakar da ta gabata, yana cikin ‘yan wasan da suka taka muhimmiyar rawa.

Golan ya saje da irin salon kwallon da Guardiola yake so, inda ya kwace gurbin Claudio Bravo.

Guardiola ya fi son ana taba kwallo da gola, kuma Ederson ya iya take kwallo da yanka.

Sannan yana taimakawa ‘yan wasan gaba da doguwar kwallo domin kai farmaki ga abokan hamayya, tsarin da Guardiola ya fi so.

Pep Guardiola

Hakkin mallakar hoto
Getty Images

Image caption

Pep Guardiola ya burge masu sharhi da sha’awar kwallon kafa da dama saboda yadda City ke murza-leda

Guardiola ya lashe kofin Premier ne a kakarsa ta biyu a Manchester City.

Ana ganin cefanen sabbin ‘yan wasa da Guardiola ya yi sun taimaka ma sa, musamman Gabriel Jesus da Leroy Sane da John Stones da Benjamin Mendy da Bernardo Silva da kuma Ederson.

Kuma salon tsarin kwallon tsohon kocin na Barcelona da Bayern Munich shi ne ya yi tasiri a Manchester City.

An kirkiro sinadari mai narkar da roba a cikin dan Adam


Hakkin mallakar hoto
Stefan Venter/UPIX Photography

Image caption

Ana sa rai dai wannan sinadari zai taimaka wajen yaki da gurbatar muhalli da ake samu saboda yawan tara roba a muhallai.

Masana kimiyya a Amurka da Burtaniya sun kirkiro wani sinadari mai iya narkar da roba a cikin dan adam, inda ake sa ran wannan sinadari zai taimaka wajen yaki da gurbatar muhalli da ake samu saboda yawan tara roba a muhallai.

Masu bincike a jami’ar Portsmouth da ke aiki da masu nazari a Amurka da Brazil ne suka gano cewar tsarin narkar da abinci a cikin dan adam na dogaro ne a kan wani sinadari wanda su ka yi bincike a kai sannan suka inganta shi domin ya yi aiki fiye da yadda yake yi kafin binciken.

Gwaje-gwaje sun nuna cewa sinadarin na iya narkar da daya daga cikin nau’o’i na roba mafi shahara mai suna Polyethylene terephthalate- PET, wanda a ka fi amfani da shi a masana’antun abinci da abubuwan sha.

Wannan nau’in na roba dai wanda ake iya sake amfani da shi ne, sai dai idan aka zubar da shi a shara, ya kan dade bai lalace ba.

Ce-ce ku-ce kan aniyar Buhari ta sake yin takara a 2019


Wasyu ‘ya’yan jam’iyyar APC mai mulki na ganin ya kamata Shugaba Muhammadu Buhari ya sake yin takara saboda cimma nasarori a wa’adinsa na farko.

To amma wasu ‘yan APC da kuma jam’iyyar PDP mai adawa suna ganin babu wani abun a zo a gani da Shugaban ya yi a wa’adinsa na farko.

Bisa Haka ne BBC Hausa ta tattauna a kan batun a cikin shirin Ra’ayi Riga da ake yi duk mako.

Da gaske ne Mo Salah zai koma Real Madrid?


Hakkin mallakar hoto
Getty Images

Image caption

An fara rade-radi kan makomar Mo Salah

Rahotanni a Spaniya na nuna cewa Real Madrid za ta yi kokarin sayen dan wasan Liverpool Mohammed Salah a kokarin da suke yi na taka wa barcelona birki a badi.

Jaridar Express ta rawaito cewa Madrid na shirin yin tankade da rairaya a ‘yan wasanta bayan mummunar rawar da suka taka a bana.

Wasu kafafen yada labarai na cewa kocin Madrid Zidane ya shaida wa shugaban kulob din cewa yana sha’awar a sayo masa dan kwallon na Liverpool.

Dan wasan na Masar ya koma Liverpool daga Roma a kan kudi fan miliyan 37.

Sai dai ana ganin darajarsa ta karu saboda rawar da ya taka tun komawarsa Liverpool.

Wasu na ganin ya kara kusan dala miliyan 100 a kan farashinsa na asali.

Dan wasan ya zura kwallo 40 a kakar bana, inda ya jagoranci Liverpool ta kai wasan dab da na karshe a gasar Zakarun Turai a karon farko cikin shekara 11.

Kuma jaridar Diario Gol ta ce Zidane ya shaida wa Perez cewa yana son dan kwallon ya jagoranci ‘yan wasan gaban kulob din a badi.

Sai dai ana ganin duk da wannan matsayin Liverpool ba za ta sauya ba game da dan wasan.

Hakkin mallakar hoto
Getty Images

Image caption

Mo Salah ya zura kwallo 40 a kakar bana a Liverpool

Hakkin mallakar hoto
Getty Images

Image caption

Kocin Real Madrid Zidane na fuskantar matsin lamba saboda rashin taka rawar gani a bana

Barawo ne kawai yake zama shugaban Najeriya – Balarabe Musa


Hakkin mallakar hoto
Sahara Reporters Youtube

Image caption

Alhaji Balarabe Musa ya mulki tsohuwar jihar Kaduna a lokacin Jamhuriya ta biyu

Tsohon gwamnan jihar Kaduna a arewacin Najeriya Alhaji Balarabe Musa ya ce barawo ne kawai zai iya zama shugaban kasar.

Balarabe Musa ya bayyana hakan ne a yayin da mawallafin jaridar Sahara Reporters Omoyele Sowore, wanda ke son tsayawa takarar shugabancin Najeriya a zabe mai zuwa, ya kai masa ziyara.

“Babu wanda zai zama shugaban Najeriya sai dai idan shi barawo ne ko kuma barayi ne suke goyon bayansa… kashi 99 cikin 100 na mutanen da ke rike da madafun iko duk barayi ne.”

“Ta yaya mutum zai zama shugaban Najeriya in har bai fara zama barawo ba tukunna? Gaskiyar a bayyane take karara, idan ba haka ba waye zai iya kashe biliyoyin kudi a yakin neman zabe,” a cewar Alhaji Balarabe.

Sai dai babu wata shaida da ya bayar da ta karfafa kalaman nasa.

Alhaji Musa ya ce sai dai a baya an samu shugabannin da suka yi mulkin kasar nan wadanda ba barayi ba inda ya ba da misali da jamhuriyya ta biyu, “Shagari ya mulki Najeriya kuma bai yi sata ba, amma a yanzu ba za a iya samun irin haka ba.”

Ya kara da cewa dalilin da ya sa Najeriya ba ta samu ci gaban da ya kamata ba duk kuwa da irin dumbin arzikin da Allah ya yi mata shi ne, “rashin kyawawan tsare-tsaren tattalin arziki da na siyasa.”

“A duk lokacin da aka kasa samun kyakkyawan tsari, to dole a samu kai a yanayin da Najeriya ke ciki a yau na bakin talauci da rashin hadin kai duk kuwa da dumbin arzikinta.

“Kuma idan ba a yi hankali ba sai abun ya fi haka muni nan gaba,” in ji tsohon gwamnan.

Tsohon gwamnan na Kaduna ya dade yana sukar al’amuran gwamnatocin Najeriya da kuma yadda suke tafiyar da al’amuransu.

A baya ma ya sha sukar Shugaba Buhari da tsohon Shugaban kasar Olusegun Obasanjo.

Karanta wasu karin labarai:

‘Yan sanda sun tarwaza taron ‘yan Shi’a a Abuja


Hakkin mallakar hoto
Getty Images

Image caption

Tun bayan kama shugabansu ‘yan Shi’a suke yawan zanga-zanga don neman a sakes hi

Jami’an tsaron Najeriya sun yi amfani da karfi wurin tarwatsa mabiya Shi’a da ke zanga-zanga a Abuja, babban birnin kasar.

Wadanda suka shida lamarin sun ce ‘yan sanda sun yi amfani da hayaki mai sa hawaye wurin korar masu gangamin.

Mabiya Shi’ar na wannan zanga-zangar ne a ci gaba da yunkurinsu na tilastwa gwamnati ta sako jagoransu na Kungiyar ‘Yan Uwa Musulmi Sheikh Ibrahim El-Zakzaky.

Wannan lamari shi ne na baya-bayan nan a taho-mu-gamar da ake yi tsakanin jami’an tsaron da mabiya Shi’ar.

A ranar Juma’ar da ta gabata ma ‘yan sanda sun kama wani mutum da suka bayyana a matsayin wanda yake shirya zanga-zangar da ‘yan Shi’ar suka dade suna yi a dandalin Unity Fountain da ke Abujar.

Kawo yanzu rundunar ‘yan sandan ba ta ce komai ba kan wannan batu.

Wani da ya shaida lamarin ya wallafa hotunan hargitsin a shafinsa na Twitter yana mai cewa: “Masu zanga-zanga da yawa na sake taruwa”.

Sannan ya wallafa bidiyo yana mai cewa: “Hayaki mai sa hawaye da karar bindiga kawai ka ke ji”.

Trump ya gayyaci Buhari White House


Hakkin mallakar hoto
FACE BOOK PRESIDENCY

Shugaba Amurka Donald Trump, zai gana da Shugaban Najeriya Muhammadu Buhari a fadar White House karshen watan Aprilu.

Wata sanarwa da fadar shugaban kasar ta Amurka ta fitar ta ce, shugabannin za su tattauna ne a kan yadda za a bunkasa tattalin arziki da yaki da ta’addanci da kuma yadda Najeriya za ta zama jagora a bangaren mulkin dimokradiyya a nahiyar yammacin Afirka.

A cikin watan Janairun da ya wuce, Shugaba Trump ya bayyana cewa ‘Kasashen Afirka wulakantattu ne’, kalaman daga bisani Mista Trump ya musanta.

Sai dai kawo yanzu babu tabbas a kan ko Shugaba Buhari zai amsa gayyatar Mr Trump.

A shekarar 2015, tsohon shugaban Amurka Barack Obama ya taba gayyatar Buhari fadar White House.

Karin bayani

A kwanakin baya, shugaban Amurkan, ya kori sakataren harkokin wajensa Rex Tillerson daga kan mukaminsa a lokacin yana ziyara a Najeriya, inda har ya gana da Shugaba Muhammadu Buhari, ya kuma jaddada aniyyar kasarsa wurin taimakawa Najeriyar kan yaki da ta’addanci.

Sannan Mr Tillerson din ya kuma yi alkawarin cewa Amurkan za ta taimaka wajen ceto ragowar ‘yan matan sakandaren Chibok da Boko Haram ta sace su 112, alkawarin da Shugaba Buhari ke son Mr Trump ya cika.

Zaben 2019: Me Buhari ya gayawa Tinubu a Landan?


Hakkin mallakar hoto
Bashir Ahmed Twitter

Image caption

Bola Tinubu bai halarci manyan tarukan da jam’iyyar ta yi ba na baya-bayan nan

Shugaban Najeriya Muhammadu Buhari ya yi wata ganawa ta musamman da jagoran jam’iyyarsu ta APC Asiwaju Bola Ahmed Tinubu a birnin Landan.

Mai taimakawa shugaban na musamman kan kafofin sadarwa na zamani Bashir Ahmad ne ya wallafa batun ganawar tasu a shafinsa na Twitter.

Sai dai bai yi wani karin haske kan dalilin ganawar tasu ba, wacce aka yi ranar Lahadi da daddare.

Amma wasu na hasashen cewa ganawar ba za ta rasa nasaba da zaben 2019 ba da kuma aniyar da shugaban ya bayyana ta neman tazarce.

Har ila yau ana ganin shugaban zai yi yunkurin shawo kan dattijon jam’iyyar kan wasu batutuwa da ake ganin ba ya jin dadin yadda suke gudana, musamman wadanda suka shafi batun shugabancinta.

Hakazalika akwai yunkurin dinke barakar da ke kunno kai a jam’iyyar APC ba a jihohi daban-daban na kasar, gabannin babban taron APC din, wanda Tinubu ke jagoranta.

Rashin jituwa na sake tasowa a jam’iyyar a daidai lokacin da babban zaben kasar ke kara karatowa.

A watan Fabrairu ne shugaban Buhari ya sanya Tinubu, a matsayin mutumin da zai jagoranci yunkurin da ake yi na dinke barakar da ke jam’iyyar APC.

Wasu masana harkokin siyasa suna kallon batun a wani gagarumin aiki da ba a taba yi ba a kasar ta fuskar rikicin siyasar cikin gida.

Hakkin mallakar hoto
Getty Images

Image caption

Shugaba Buhari ya zabi Tinubu don sasanta rikicin jam’iyyar APC a jihohi

A ranar Lahadin ne dai kuma APC ta fitar da jerin sunayen wadanda za su shirya babban taron jam’iyyar, karkashin jagorancin Gwamna Badaru Abubakar na jihar Jigawa.

A ranar 8 ga watan Afrilu ne Shugaba Buhari ya tafi Birtaniya don fara wata ziyarar aiki, inda ake sa ran zai gana da Frayi Ministar kasar Theresa May da shugannnin wasu kamfanonin hakar mai.

Karin labaran da za ku so ku karanta:

Ana taro kan zazzabin cizon sauro a kasar Senegal


Image caption

Hukumar lafiya ta duniya WHO ta ce sama da kashi 95 cikin dari na ‘yan Najeriya ne ke fuskantar barazanar kamuwa da cutar

Dubban masu bincike kan zazzabin cizon sauro na wani babban taro a kasar Senegal inda za su tattauna a kan cigaban da aka samu, na kawo karshen cutar baki daya.

A wani bincike da hukumar lafiya ta duniya WHO ta gudanar, ta ce za a iya kawo karshen zazzabin cizon sauro a cikin ‘yan shekaru a kasashe irin Senegal da Gambia da Zimbabwe da Algeria da Comoros da kuma Madagascar.

A kowa ce shekara zazzabin cizon sauro na sanadin mutuwar mutane 4,000, yawancinsu kuma yara kanana ne ‘yan kasashen Afirka.

A wasu kasashen Afirka mata masu juna biyu na yawan mutuwa saboda zazzabin cizon sauro, duk kuwa da cewa gwamnati, da ‘yan siyasa da kungiyoyi masu zaman kansu, da hukumar lafiya ta duniya na kokarin bai wa mata masu juna biyun tallafin gidan sauro mai magani da kuma allurar riga kafi.

Amma har yanzu ana nuna damuwa, a kan yadda mutane ke ci gaba da mutuwa sakamakon kamuwa da mutane ke yi da zazzabin cizon sauron a kasashe kamar Najeriya da Ivory Coast da Sudan ta Kudu da kuma Jamhuriyar tsakiyar Afirka.

PSG ta dauki kofin Ligue 1 bayan doke Monaco 7-1


Hakkin mallakar hoto
Getty Images

Image caption

Wannan ne karo na biyar da Paris St-Germain ta ci kofin gasar Ligue 1 a kaka shida

Paris St-Germain ta dauki kofin gasar Faransa, Ligue 1 bayan da ta lallasa masu rike da kofin Monaco 7-1 a filin Parc des Princes.

Yadda ‘yan wasan kungiyar mallakar Qatar suka nuna iyawa da bajinta ya sa suka yi wannan nasara ta yankan shakku wadda ta sa suka ba wa Monacon ta biyu a tebur tazarar maki 17, kafin kammala gasar da wasa biyar.

Giovani lo Celso da Angel di Maria kowanne ya ci bibbiyu, yayin da Edinson Cavani da Julian Draxler kowa ya saka daidai a raga.

Hakkin mallakar hoto
AFP

Image caption

Angel di Maria ya ci wa PSG bal 14 gaba daya a kakar nan, biyu daga ciki ya zura a ragar Monaco

Radamel Falcao na Monaco shi ya ci kansu ta bakwai din, yayin da Rony Lopes ya ci musu ladan-gabe, guda daya a wasan da za a ce bangare daya ne ya yi rawar-gani.

Kofin shi ne na biyar na gasar ta Faransa, Ligue 1 da PSG ta ci a cikin kaka shida.

PSG ta dawo da karfinta ke nan.

Monaco ta dauki kofinta na farko ne a cikin shekara 17 a kakar 2016-17, bisa jagoranci ko kokarin Falcao da kuma zuwan matashin dan wasan Faransa Kylian Mbappe.

Falcao ya ci gaba da zama a Monaco, amma Mbappe – wanda ya koma PSG a kan fam miliyan 166, farko a yarjejeniyar aro, da kuma wasu manyan ‘yan wasan kamar dan baya Benjamin Mendy sun bar kungiyar a bazarar da ta wuce.

Wannan tafiya ta tarin gwanayen ‘yan wasan ta raunana Monaco wadda ita ce mafi karfi cikin abokan hamayyar PSG.

Wannan ne ya sa kusan a ce ba makawa kungiyar ta Paris za ta sake zama zakara a Faransa.

PSG ta doke Monaco 3-0 a wasan karshe na cin kofin kalubale na lig na Faransa ( French League Cup), a karshen watan da ya gabata, sai kuma ga shi a wannan karon lallasawar ta ma fi waccan.

Mece ce makomar kociya Unai Emery da Neymar yanzu a PSG?

PSG ta dauki tsohon kociyan na Sevilla Unai Emery a matsayin sabon mai horas da ‘yan wasanta tsawon shekara biyu a watan Yuni na 2016, kuma cikin kaka daya yanzu ya dauki kofi.

To amma takaicin fitar da su da Real Madrid ta yi daga gasar Zakarun Turai ta sa ake tababar ci gaba da zaman kociyan a kungiyar.

Har ma ana ganin Emery zai bar kungiyar a karshen kakar nan, kuma tsohon kociyan Borussia Dortmund Thomas Tuchel shi ake rade-radin zai maye gurbinsa.

Neymar fa?

Shi ma Neymar ana ta maganganu kan yuwuwar ci gaba da zamansa a PSG din a ‘yan watannin da suka gabata.

Neymar ya koma PSG ne daga Barcelona a kan kudin da ba a taba sayen wani dan wasa ba a duniya har fam miliyan 200 a watan Agusta, kuma daga zuwansa ya ci musu kwallo 28 a wasa 30 da ya yi.

Dan wasan mai shekara 26 ba ya cikin tawagar kungiyar da ta doke Monaco ta dauki kofin saboda raunin da yake can yake jinya, wanda ya ji a watan Fabrairu, a idon sawunsa.

Duk da irin bajintar da ya nuna a kakarsa ta farko ana rade-radin cewa dan wasan ba ya jin dadin zamansa a kungiyar ta Paris.

Yanzu kusan a duk mako ana danganta shi da tafiya kungiyar La Liga Real Madrid.

Real Madrid ta zama ta uku bayan doke Malaga 2-1


Hakkin mallakar hoto
Getty Images

Image caption

Kusan Isco ya tausaya da bayar da hakuri ga magoya bayan tsohuwar kungiyarsa Malaga lokacin da ya ci su. Kungiyar da ya yi kaka biyu kafin ya koma Real a 2013

Real Madrid ta koma ta uku a teburin La Liga da maki 67 bayan da ta bi ta karshe Malaga har gida ta doke ta da ci 2-1.

A wasan na Lahadi Real ta ajiye da dama daga cikin manyan ‘yan wasanta na yau da kullum da suka hada da Cristiano Ronaldo da Gareth Bale, bayan tsallake rijiya da baya da ta yi a gasar Zakarun Turai a hannun Juventus da ci 4-3 jumulla.

Isco ya fara ci a minti na 29 inda ya zura kwallo a ragar tsohuwar kungiyar tasa, da wani kyakkyawan bugun-tazara.

Bayan an dawo daga hutun rabin lokaci ne kuma a minti na 69 Isco din ya ba wa Casemiro bal din da ya zura ta biyu.

Ana dab da tashi bayan minti 90 na ka’ida Diego Rolan ya ci wa Malaga dayar bayan kukuren da Jesus Vallejo ya tafka.

Masu masaukin bakin wadanda wasan La Liga hudu kawai suka ci a bana, maki 14 ne tsakaninsu da tsira daga gasar yayin da ya rage wasa shida a kammala.

Real kuwa wadda ta wuce saman Valencia a tebur da wannan nasara, maki hudu ne tsakaninta da ta biyu Atletico Madrid, wadda ita kuma ta doke Levante 3-0 a ranar Lahadin.

Wasan Atletico Madrid da Levante

Hakkin mallakar hoto
Getty Images

Image caption

Fernando Torres ya ci wa Atletico bal takwas a kakar nan, uku daga ciki a La Liga

Fernando Torres ya ci bal dinsa ta 100 a La Liga a wasan da Atletico ta doke Levante 3-0, a makon da aka sanar dan wasan zai bar kungiyar a bazaran nan.

Tsohon dan wasan na Liverpool da Chelsea mai shekara 34, wanda ba safai ake sa shi akai akai a kungiyar ba a bana, ya maye gurbin Antoine Griezmann ne a wasan inda ya ci wa Atletico bal ta uku a minti 77.

Angel Correa ne ya fara ci musu a minti na 33, yayin da shi kuma Griezmann ya ci ta biyu a minti na 48.

Atletico wadda za ta yi wasan kusa da karshe na kofin Turai na Europa da Arsenal ranar 26 ga watan Afrilu da kuma 3 ga watan Mayu, ta ci gaba da zama ta biyu a teburin La Liga da maki 11 tsakaninta da Barcelona.

Kungiyar ta ci wasanta10 na gida na karshen nan a gasar ta Spaniya, inda sau daya kawai aka zura mata kwallo a raga.

Sakamakon sauran wasannin na La Liga na Lahadi

Eibar 0- 1 Alavés

Getafe 1-0 Espanyol

Jaruman Indiya 11 da suka Musulunta


1. AR Rahman

Hakkin mallakar hoto
Jason Merritt

An haife shi a matsayin wanda ke bin addinin Hindu, daga bisani kuma ya karbi musulunci.

Ya sauya sunansa daga Dileep zuwa Rahman. Mawakin Indiya ne wanda ya lashe kyautar Oscar. Mutum ne kuma da tunaninsa ya karkata zuwa kin wanzuwar Allah, da farko, amma daga baya sai ya karbi musulunci ya kuma zama mai karfaffan imani da Allah.

Abin da ya ce game da komawarsa musulunci ba abin mamaki ba ne kamar yadda ake nunawa.

“Mutanen gidanmu sun kadaita saboda haka lokacin da wasu karance-karance na Sufanci suka yi tasiri a kaina sai na musulunta”.

Daga cikin wakokinsa da suka yi fice akwai Maa Tujhe Salaam.

2. Kamala Surayya

Hakkin mallakar hoto
ASWAJITH ONLINE

Ta fito ne daga cikin iyalai na kololuwa a kasar. Marubuciya ce, ta kuma musulunta ne a 1999. Ta sauya sunanta daga Madhavikkutty zuwa Kamala Surayya, bayan ta musulunta.

Ta musulunta ne bayan karanta wani littafi mai suna “The love Queen of Malabar”. Littafin dai ya janyo ce-ce-ku-ce a kasar.

3. Dharmendra

Hakkin mallakar hoto
STR

Shahararren jarumin fina-finan Bollywood, kuma mahaifin Sunny Deol, Bobby Deol, Esha Deol da Ahana Deol. Ko da yake ya karbi musulunci, amma majiyoyi sun ce ba ya dabbaka shi.

Dalilin musuluntarsa shi ne, saboda ya auri jaruma Hema Malini, a al’adarsu mabiya addinin Hindu, ba a auren mata biyu, to sai kuma soyayya ta shiga tsakaninsa da Hema har suka shirya auran juna a wancan lokacin, to sai ya duba ya ga ai addinin musulunci ya bayar da damar auren mata fiye da daya.

Sai ya musulunta, sannan suka yi aure tun a 1980. Ya fito a fina-finai kamar Sholay da Jugnu.

4. Yuvan Shankar Raja

Hakkin mallakar hoto
ASWAJITH ONLINE

Mawaki kuma mai rubuta waka. Da ne a wajen shahararren mawakin nan Ilayaraja. Bai jima da karbar musulunci ba. Shekarunsa a 2018, 38.

Ya bayyana dalilin da ya sa ya musulunta. Ya ce “Mahaifina rikakken mabiyin addinin Hindu ne, kuma ya yi nisa wajen camfe-camfe ta yadda ko da gilashi ne ya fashe sai ya kira malamin duba.

Dukkan iyayena sun yi imani da camfi, to wata rana sai mahaifiyata ta mutu a hannuna bayan gajeriyar rashin lafiya, nan na yi tunani na ce ya aka yi haka, yanzu fa take numfashi, to yanzu tana ina?

Anan na fahimci cewa ba wanda zai karbi numfashinta face Allah (SWA)”.

5. Mamta Kulkarni

Hakkin mallakar hoto
ASWAJITH ONLINE

Ta taka muhimmiyar rawa a fina-finan Bollywood. Mijinta Vicky Goswami ya fara musulunta, da za ta aure shi, sai ta musulunta ita ma.

Yanzu haka suna zaune a Nairobi, babban birnin kasar Kenya. Ta fito a fina-finai kamar Karan Arjun da kuma Beqabu.

6. Mahesh Bhatt

Hakkin mallakar hoto
PUNIT PARANJPE

Furodusa ne kuma daraktan fina-finan Bollywood. Ya musulunta ne saboda ya auri matarsa ta biyu Soni Razdan, kasancewar a addinin Hndu ba a auren mace fiye da guda.

To sai dai kuma rahotanni sun ce duk da ya musuluntan ba ya dabbaka addinin. Mahesh Bhatt, mahaifine ga jaruma Pooja Bhatt da Alia Bhatt. Daga cikin fina-finan da ya shirya akwai Gumrah da Duplicate.

7. Hema Malini

Hakkin mallakar hoto
Kristian Dowling

Shahararriyar jaruma ce a fina-finan Bollywood. Matar Dharmendra, mahaifiyar jaruma Esha Deol.

Hema sun yi aure da Dharmendra a 1980, amma kafin su yi aure sai da ta musulunta saboda mijin nata ma ya musulunta.

To amma Hema, har yanzu ta na bin addinin Hindu ne. Hema ta fito a fina-finai kamar Dream Girl da kuma Seeta Aur Geeta.

8. Sharmila Tagore

Hakkin mallakar hoto
FRANCOIS GUILLOT

Sharmila Tagore, ta musulunta ne sakamakon auran mijinta Mansoor Ali Khan a shekarar 1969.

Ta sauya sunanta daga Sharmila Tagore zuwa Ayesha Sultana bayan musuluntarta.

Ita da mijinta, sun haifi ‘ya’ya uku, Saif Ali Khan da Saba Ali Khan da kuma Soha Ali Khan.

Sharmila Tagore ta fito a fina-finan Bollywood da dama da suka yi fice kamar Aradhana wanda suka fito tare da Rajesh Khanna.

9. Monica

Hakkin mallakar hoto
ASWAJITH ONLINE

Fitacciyar jaruma ce a fina-finan kudancin India. Ta sanar da Musuluntarta ne a 2014, amma tun a 2010 ta karbi Musulunci. Ta sauya sunanta zuwa MG Rehima.

Mahaifinta Hindu ne, mahaifiyarta kuma kirista ce.

10. Amrita Singh

Hakkin mallakar hoto
ASWAJITH ONLINE

Amrita Singh ta taka muhimmiyar rawa a fina-finan Indiya. Tsohuwar matar Saif Ali Khan ce inda suka haifi ‘ya’ya biyu, wato Sara Ali Khan da Ibrahim Ali Khan.

Ta taso a matsayin mai bin addinin Sikh daga bisani ta Musulunta. Cikin fina-finanta da suka yi tashe akwai Mard da Aaina.

11. Hans Raj Hans

Hakkin mallakar hoto
ASWAJITH ONLINE

Hans Raj Hans, mawaki ne a Indiya. Ya musulunta ne a lokacin da ya ke kan hanyarsa ta zuwa Pakistan.

A da yana bin addinin Sikh ne, daga bisani kuma ya Musulunta.

Yawan shan barasa na rage yawancin rai – Bincike


Hakkin mallakar hoto
Getty Images

Wani bincike ya ce shan giya fiye da kima na iya rage yawan shekarun rayuwar mutum.

Binciken da aka gudanar a kan ma su shan barasa 600,000 ya nuna cewa shan kofin barasa sau 10 zuwa 15 a mako zai iya rage rayuwar mutum daga shekara daya zuwa biyu.

Haka kuma mutanen da ke shan barasa sama da kofi 18 a mako za su iya hasarar shekaru hudu zuwa biyar na rayuwarsu kamar yadda binciken wanda wasu masana kimiya suka gudanar a Birtaniya ya nuna.

Kundin tsarin shan barasa na Birtaniya na 2016 ya bayar da shawarar cewa kada a wuce shan kofin barasa bakwai a mako daya.

Masanan sun ce sakamakon bincikensu ya tabbatar da shawarwarin da ke cikin kundin tsarin shan barasar na Birtaniya.

Amma masanan sun ce ba su samu karin hadarin mutuwa sakamakon shan barasa a bincikensu ba.

Masana kimiyar wadanda suka kwatanta dabi’un lafiyar masu shan barasa a kasashe 19, sun diba yawan rayuwar da mutum zai iya hasara idan ya ci gaba da shan barasa daga shekara 40 har zuwa karshen rayuwarsa.

Hakkin mallakar hoto
Getty Images

Image caption

Masana kimiyya sun ce bincikensu ya kalubalanci ra’ayin cewa shan barasa yana da kyau ga lafiya.

Bincikensu ya gano cewa mutanen da suka sha kofin barasa daga biyar zuwa 10 a mako daya za su iya rage watanni kusan shida na rayuwarsu.

Sakamakon binciken ya kuma gano cewa yawan shan barasa na haifar da cututtukan da suka shafi bugun zuciya da mutuwar sassan jiki da kuma hawan jini.

Ana alakanta shan barasa da rage hadarin kamuwa da cututtukan da suka shafi zuciya, amma masana kimiya sun ce wasu nau’in cututtuka da ake kamuwa da su sakamakon shan barasa sun kawar da amfaninta ga ciwon zuciya.

Manchester City ta lashe kofin Premier


Hakkin mallakar hoto
Getty Images

Image caption

West Brom ta doke Manchester United

Manchester City ta lashe kofin Premier bayan West Bromwich Albion ta doke Manchester United 0-1 a Old Trafford.

City ta lashe kofin ne da maki 87, inda ta ba abokiyar hamayyarta Manchester United da ke matsayi na biyu tazarar maki 16.

Rodriguez ne ya ci wa West Brom kwallo a ragar United ana minti 73 da wasa.

Kofin Premier na farko ke nan da City ta dauka tun wadanda ta lashe a 2014 da kuma 2012.

Kocin kungiyar Pep Guardiola wanda ya samu nasarori a Barcelona da Bayern Munich ya ce nasarar lashe kofin Premier a Manchester City shi ne mafi girma a rayuwarsa.

Samun nasara a kan Tottenham ci 3-1 a ranar Asabar ne ya taimakawa City lashe Premier a karshen makon nan bayan Man United ta kasa cin West Brom a karawar mako ta 34.

Hotunan abubuwan da suka faru a makon nan


Wasu daga cikin hotuna mafi kyau na abubuwan da suka faru a Afrika da wasu wurare a makon nan.

Hakkin mallakar hoto
AFP

Image caption

Wasu mata ‘yan Afrika ta kudu suke sarawa yayin da suke maci a ranar Juma’a kusa da gidan marigayayi Winnie Madikizela Mandela mai fafitukar kawar da mulkin wariyar launin fata , wadda ta rasu a ranar 2 ga watan Afrilu.

Wasu mata dalibai na cin abinci ya yinda wasu mata da ke sanye da rigunan jam'iyyar ANC sun tsaya a filin wasa na Orlando da ke Soweto a birnin Johannesburg a ranar 11 ga Afrilu , 2018.Hakkin mallakar hoto
Getty Images

Image caption

A ranar Laraba , mutane sun taru a filin wasa na Orlando da ke Soweto domin halatar taron adu’oin tunawa da Winnie Madikizela-Mandela

Wata da ke goyon jam'iyyar ANC a taron adu'oi na Winnie Madikizela-Mandela a filin wasa na Orlando a garin Soweto da ke Johannesburg a kasar Afrika ta kudu a ranar 11 ga watan Afrilu 2018.Hakkin mallakar hoto
REUTERS

Image caption

Magoya bayanta da dama sun dauke ta a matsayin ‘uwa kuma suna kiranta” Mama Winnie”.

Clementine Meukeugni Noumbissi a zagayen karshe na gasar daukar nauyi na kilo 90 na mata a wasannin Commonwealth da ake yi a Gold coast a ranar 9 ga watan Afrilu 2018.Hakkin mallakar hoto
AFP

Image caption

‘Yar kasar Kamaru Clementine Meukeugni Noumbissi ta yi murna a ranar Litini bayan ta sami tagulla a gasar daukar nauyi na mata na kilo 90 a wasannin Commonwealth da ake yi a Ostreliya .

Grace Legote na fafatawa a wasan lankwasa jiki na karshe a gasar wasannin commonwealth da ake yi a Gold Coast a ranar 12 ga watan Afrilu 2018Hakkin mallakar hoto
Getty Images

Image caption

Grace Legote ‘yar kasar Afrika ta kudu a wasan masu lankwasa jiki na karshe a ranar Alhamis. Ta sha kaye a hannun Cyprus da Canada da kuma Malaysia wadanda suka samu lambobin zinari da azurfa da kuma tagulla.

Isaac Makwala 'dan kasar Botswana ya rika murna lokacin da ya tsallake layi na karshe bayan ya yi nasara a wasanin guje-guje na maza na mita 400 a gasar Commonwealth da ake yi Gold coast a filin wasa Carrara a ranar 10 ga watan Afrilu .Hakkin mallakar hoto
AFP

Image caption

Isaac Makwala dan kasar Botswana ya lashe wasan guje -guje na mil 400 a ranar Talata kuma yana farin ciki da yin haka.

Masu fafatawa sun kai zagaye na uku a gudun famfalaki karo 33 tsakanin Rich Mbirika da Nord El Maharch a kudancin Morroco a cikin sahara a ranar 10 ga watan Afrilu , 2018Hakkin mallakar hoto
AFP

Image caption

A wannan rana a Morroco, aka yi gasar gudun famfalaki na kwanakin shida a cikin sahara.

Wani matashi mai hakar ma'adinai a mahakar gwal ta Makala da ke kusa da garin Mongbwalu da ke lardin Ituri ,a gabashin jamhuriyar Dimukradiyar Congo, a ranar 7 ga watan Afrilu, 2018.Hakkin mallakar hoto
Reuters

Image caption

Wani ma’aikaci mai hakar ma’adinai ya rataya jaka mai nauyi a ranar Asabar a Mongbwalu da ke gabashin Jamhuriyar Dimukradiyar Congo.

Wata yarinya mai tabo a fuska a sansanin Bunia , da ke lardin Ituri,a gabashin jamhuriyar Dimukradiyar Congo a ranar 9 ga watan Afrilu na shekarar 2018.Hakkin mallakar hoto
Reuters

Image caption

A wannan yanki, akwai wata yarinya mai shekara biyu wadda mayakan sa-kai suka raunata, na zaman jira a sansanin da aka tilasta wa mutane barin gidajensu . Shaidu sun ce an kashe mahaifiyarta kuma an datse wa kanwarta hannu a harin da akai wa kauyensu.

Mutane sun taru a taron gangamin da aka shirya wa sabon fira ministan Habasha a garin Ambo mai nisan kilomita 120 da Addis Ababa a ranar 11 ga watan Afrilu 2018.Hakkin mallakar hoto
Getty Images

Image caption

‘Yan Habasha na dakun zaman jiran sabon firaministan kasar, Abiy Ahmed ya zo ya yi mu su jawabi a garin Ambo a ranar Laraba .

Maza a kan dawakai a garin Ambo da ke kasar Habasha a ranar Laraba 11 ga watan Afrilu 2018.Hakkin mallakar hoto
Reuters

Image caption

Wasu da suke halartar taron gangami na yankin Oromiya, wanda shi ne matattarar masu zanga zangar nuna adawa da gwamnati, sun iso akan dawakai.

'Yan Habasha sun rike kyandira ya yinda suke halatar taron adu'oi a cocin Holy Trinity Cathedral Orthodox da ke Addis Ababa - a ranar Asabar 7 April 2018Hakkin mallakar hoto
Reuters

Image caption

An gudanar da bikin easter na kiristoci mabiya darikar orthodox ta mazan-jiya. ‘Yan Habasha a birnin Addis Ababa sun hallara a coci a ranar Asabar domin yin adu’o’i.

Wata mata na nuna rashin jin dadinta a kusa da sojojin MDD lokacinda mazauna unguwar PK5 inda musulmi suka fi rinjaye suka yi zanga zanga a gaban ofishin MDD a Bangui, da ke jamhuriyar tsakiyar Afrika a ranar 11 ga waatan Afrilu, 2018.Hakkin mallakar hoto
AFP

Image caption

Wata mata tana zanga zanga a jamhuriyar tsakiyar Afrika a ranar Laraba, yayin da masu zanga zanga suka ajiye gawawwaki 17 a gaban ofishin MDD, inda mamatan fararen hula ne da suka rasa rayukansu a arangamar da aka yi.

Wata mata ta hau kan babur a kasuwar Wurukum da ke jihar Binuwe a ranar Laraba 11 ga watan Afrilu 2018Hakkin mallakar hoto
Reuters

Image caption

Wata mata ta hau kan babur tana tafiya a cikin wata kasuwa da ke garin Makurdi da ke Najeriya a jihar Benue.

Ma'aikata sun dibi kasa daga bakin kogin Binuwe a ranar Laraba 11 ga watan Afrilu, 2018.Hakkin mallakar hoto
Reuters

Image caption

Masu aikin kwadago a jihar sun dauki ‘kasa da ake amfani da ita wajan gine-gine wadda aka tono daga bakin kogin Benue.

Hotuna daga AFP, Getty Images da Reuters

Hotunan bikin Maulidin Shiekh Ibrahim Niass a Abuja


Hotunan bikin Maulidin Shiekh Ibrahim Niass a Abuja – BBC News Hausa

]]>

Hakkin mallakar hoto
@aminugamawa

Image caption

Dubun dubatar musulmi mabiya darikar Tijjaniyya daga kasashen Afrika daban daban ne suka halarci taron Mauludin Sheikh Ibrahim Niass a Abuja.

Hakkin mallakar hoto
@aminugamawa

Image caption

An gudanar da taron ne a dandalin Eagle Square da ke tsakiyar birnin Abuja.

Hakkin mallakar hoto
@aminugamawa

Image caption

Mauludin shi ne karo na 32 da aka gudanar a Najeriya domin tunawa da Sheikh Ibrahim Niass.

Hakkin mallakar hoto
Usman S Nafaransa/Facebook

Image caption

Babban malamin darikar Tijjaniya a Najeriya Shiekh Dahiru Bauchi tare da ministan Ilimi Malam Adamu Adamu wanda ya wakilci shugaba muhammadu Buhari.

Hakkin mallakar hoto
Emty hart/Facebook

Image caption

Maulidin ya kunshi bikin murnar zagayowar haihuwar Shiekh Niass shekaru 118.

Hakkin mallakar hoto
@meandmyearth

Image caption

Darikar wadda Wani malami Sidi Ahmad Tijjani ya assasa a shekarar 1784 a Algeria tana daya daga cikin darikun addinin musulunci mafi yawan mabiya a yammacin Afrika.

Hakkin mallakar hoto
@FCTWatch

Image caption

An toshe hanyoyi da ke zuwa Babban masallacin Juma’a a Abuja zuwa dandalin Eagle Square saboda maulidin.

Hakkin mallakar hoto
@kbadtweet

Image caption

Mabiya darikar Tijjaniya sun yi imani da yi wa waliyai hidima da nufin samun kusanci ga Allah da kuma neman samun ceton waliyan.

Hakkin mallakar hoto
@KwankwasoRM

Image caption

Tsohon Gwamnan Kano Sanata Rabiu Musa Kwankwaso na cikin manyan ‘yan siyasar Najeriya da suka halarci Maulidin da aka kammala a ranar Asabar.

Dogon Bahagon Sisco ya sha kasa


Kimanin wasanni 11 aka dambata a gidan wasa na Ali Zuma da ke unguwar Dei-Dei a Abuja, Nigeria a safaiyar Lahadi.

Mohammed Abdu ne ya hada rahoton

  • Damben da aka yi kisa shi ne wanda Shagon Shagon Alin Tarara daga Arewa ya buge Shagon Bahagon Sisco daga Kudu.
  • Shagon Shagon Lawwalin Gusau daga Arewa ya doke Garkuwan Ebola daga Kudu.
  • Bahagon Shagon Alabo daga Kudu ya yi nasara a kan Tetenus din Na Bachirawa daga Arewa.

Sauran wasannin canjaras aka yi.

  • Shagon Shagon Mada daga Kudu da Shagon Shagon Lawwalin Gusai daga Arewa.
  • Shagon Bahagon Balan Gada daga Arewa da Shagon Bahagon Dan Kanawa daga Kudu
  • Shagon Dogon Jafaru daga Kudu da Shagon Garba Dan Malumfashi daga Arewa.
  • Shagon Dan Digiri daga Kudu da Nuran Mahaukaci Teacher daga Arewa.
  • Bahagon Alin Tarara daga Arewa da Dan Yalo Autan Sikido daga Kudu.
  • Shagon Dan Shariff daga Kudu da Shagon Dogon Kyallu Guramada.
  • Dan Yalo Autan Sikido daga Kudu da Shagon Shagon Alin Tarara daga Arewa.
  • Dunan ‘Yar biyar Guramada da Dan Yalo Autan Sikido daga Kudu.

Matar alkalin wasa Micheal Oliver na fuskantar barazana


Hakkin mallakar hoto
Getty Images

Image caption

Michael Oliver ya kori mai tsaron raga Gianluigi Buffon daga wasan saboda ya yi korafi kan ba wa Real Madrid fanareti ana dab da tashi

‘Yan sanda a Ingila suna gudanar da bicike kan sakonnin waya na barazana da cin zarafi da ake aika wa matar lafirin gasar Premier wanda ya yi alkalancin wasan kofin Zakarun Turai tsakanin Real Madrid da Juventus Michael Oliver.

Oliver ya ba wa Real Madrid fanareti ana dab da tashi daga wasan, abin da ya ba ta damar fitar da Juventus daga gasar ranar Laraba.

Hukuncin ya sa mai tsaron ragar Juventus kuma kyaftin Gianluigi Buffon ya soki alkalin wasan, lamarin da ya sa ya kori golan a lokacin.

Haka kuma wasu kafafen watsa labarai na kasar Italiya su ma sun yi ta suka ga alkalin wasan.

BBC ta fahimci cewa an sanya lambar wayar matar Oliver mai suna Lucy wadda take alkalancin wasa a babbar gasar kwallon kafa ta mata ta Ingila, (Women’s Super League), wadda kuma take alkalancin a wasannin maza wadanda ba na gasar lig ba, a shafukan sada zumunta da muhawara (zumhawara), bayan wasan na Real Madrid da Juventus, abin da ya sa aka yi ta aika mata da sakonnin zagi.

Haka kuma ‘yan sanda na gudanar da bincike a kan rahotannin da ke cewa wasu mutanen ma suna zuwa suna buga kofar gidan lafirin da matar tasa, suna kwarara musu zagi ta akwatin sanya wasikarsu.

Yanzu dai ‘yan sanda sun tsayar da lambar wayar matar, ko da yake wasu magoya bayan wasan kwallon kafar suna zagin ta cin mutunci ta shafukanta na sada zumunta da muhawara.

Kasashen larabawa za su fara taron shekara a Saudiyya


Image caption

Sarki Salman ne zai karbi bakuncin sauran kasashen larabawa a taron na shekarar nan

Shugabannin kasashen Laraba za su fara taronsu na shekara-shekara a birnin Dhahran da ke gabashin kasar Saudiya, wanda ake saran batun yakin Syria ne zai mamaye shi.

Ana sa ran Saudiyya wadda ita ce ja gaba, kuma mai masaukin baki, za ta yi kira ga sauran kasashen larabawa su hada karfi da karfe dan magance tsoma baki da taimakawar da iran ke yi a yakin Syria.

Ana kuma sa ran wakilan sauran kasashen larabawan za su tattauna kan halin da kasashen Libya da Gaza da kuma uwa uba Yemen ke ciki.

Saudiyya dai na shan suka kan shiga rikicin da ake yi a makofciyar ta wato Yemen, inda ta ke jagorantar kawancen da ke kai hare-hare babu kakkautawa kasar.

Sai dai a nata bangaren Saudiyyar na cewa ta na yaki da ‘yan tawaye na kabilar Houthi kuma mabiya mazhabar Shi’a a kasar.

A watannin da suka gabata, tsohon shugaban Yemen Ali Abdallah Saleh ya yi alkawarin shiga tsakani dan sasanta gwamnatin shugaba AbdulRabu Mansur Hadi da ‘yan tawayen Houthi.

Hakan ba ta yi wu ba, dan a ranar da ya shiga kasar aka hallaka shi gabannin fara zaman tattaunawar. A shekarar 2011 kungiyar kasashen larabawan ta dauki matakin diplomasiyya kan Syria, inda ta dakatar da ita cikin kawancen kasashen na har sai yadda hali ya yi.

Abin da ya sa mata suke daina fim idan sun yi aure


Da dama daga cikin matan da ke fitowa a fina-finan Kannywood na daina fim da zarar sun yi aure ko da kuwa suna tsaka da tashe.

Yayin da wasu ke cewa ba za su hada fim da aure ba, wasu kuwa cewa suke yi ba bu abin da zai hana su hada biyun.

An kai mummunan hari kan sansanin MDD a Mali


Hakkin mallakar hoto
AP

Image caption

Kakakin rundunar tabbatar da tsaron ta Majalisr Dinkin Duniya a Mali ya ce, harin babba ne kuma mai daure kai

Majalisar Dinkin Duniya ta ce an hallaka wani sojinta na wanzar da zaman lafiya, tare kuma da raunta wasu da dama a wani gagarumin hari da aka kai a sansanin dakarunta da ke wajen garin Tambutu na Mali.

Wani mazaunin garin ya ce gidaje sun girgiza a garin na Tambutu, kuma an ji karar fashewar bama-bamai kusan goma daga nisan kilomita biyar kudu da birnin daga sansanin.

Mai magana da yawun rundunar sojin ta Majalisar Dinkin Duniya a Mali, Minusma a takaice, ya rubuta ashafinsa na tweeter cewa, harin babba ne sannan kuma mai daure kai, wanda aka kai shi da manyan makamai da ake harbawa daga nesa da musayar wuta ta fito-na-fito, sannan kuma da motocin kunar bakin-wake biyu.

Rahotanni da dama sun ce daya daga cikin motocin an yi mata fentin sojin Mali na kasa, sannan kuma dayar an yi mata fenti irin na motocin sojin na Majalisar Dinkin Duniya.

Daya daga motocin biyu ta tashi da bama-baman da ke cikinta a daidai wani wuri da masu gadin sansanin suke.

An kuma ruwaito cewa titin saukar jirgin sama na iyafot din sansanin ya yi mummunar lalacewa a sakamakon farmakin.

An tura dakarun tabbatar da zaman lafiya a arewacin kasar ta Mali tun shekara ta 2013 bayan da mayakan kungiyoyin masu ikirarin Jihadi irin su Al Qaeda suka karkata zuwa can.

Aikin wanzar da zaman lafiyar na Mali ya kasance mafi hadari a duniya.

Mohamed Salah ya kawar da bajintar Didier Drogba


Hakkin mallakar hoto
Getty Images

Image caption

Bal din ta 40 da ya ci a wasa 45 da ya yi wa Liverpool a kakar nan, ta sa kungiyar ta doke Bournemouth 3-0

Mohamed Salah ya kawar da tarihin da Didier Drogba ya kafa a gasar Premier na kasancewa dan wasan Afirka da ya fi cin kwallo a kaka daya, bayan da ya zura daya daga cin kwallo uku da Liverpool ta doke Bournemouth.

Drogba ya yi bajintar cin kwallo 29 a kaka daya a gasar ta Premier, to amma kuma bal din da Salah ya ci a karawar ta Asabar ta zama ta 30 da ya ci a kakar nan, abin da ya sa ya wuce tsohon dan wasan na Chelsea wanda ya yi tasa bajintar a kakar 2009/10.

Nasarar ta sa Liverpool ta ci gaba da zama a matsayi na uku a tebur amma yanzu maki daya ne kawai tsakaninta da ta biyu Manchester United.

Masu masaukin bakin sun fara wasan da kyau inda Sadio Mane ya fara daga raga minti bakwai da shiga fili.

Bayan an dawo daga hutun rabin lokaci ne a minti na 69 Salah ya ci ta biyu, wadda ta ba shi damar zama na daya a ‘yan wasan Afirka da suka fi cin kwallo a kaka dayar a Premier, kuma ta 40 da ya ci wa kungiyar a dukkanin gasa a kakar nan.

Bal din ta sa ya zama na farko da ya yi wannan bajinta a Liverpool tun bayan Ian Rush a kakar 1986-87. Inda shi ma ya ci wa kungiyar kwallo 40 a kaka daya.

Roberto Firmino ne ya ci wa kungiyar bal ta uku, wadda ta kasance ta 15 da ya ci a Premier a bana, kuma ta tabbatar da nasara ta biyar da kungiyar ke yi a jere a wasa shida.

Kociyan Liverpool Jurgen Klopp wanda ya ce yawan kwallon da suke ci a bana abin kamar hauka, ya ce duk wani korafi da ake yi a kan Salah da suka sayo daga Roma a bazarar da ta wuce a kan fam miliyan 34 a yanzu ya kau.

Maki uku ya rage Man City ta dauki Premier bayan doke Tottenham 3-1


Hakkin mallakar hoto
Reuters

Image caption

Manchester City na bukatar maki uku ne kawai a sauran wasanninta biyar ta dauki kofin

Manchester City na dab da daukar kofin Premier bayan da ta farfado daga fitar da ita daga gasar Zakarun Turai, ta doke Tottenham 3-1 a Wembley.

Kungiyar ta Pep Guardiola na bukatar maki uku ne kawai ta ci kofin na Premier, amma kuma za ta iya daukansa idan Manchester United ta biyu ta sha kashi a hannun West Brom ranar Lahadi ko kuma a hannun Bournemouth ranar Laraba.

Amma indai ba haka ba to ‘yan wasan na City za su zama zakarun gasar na bana idan kawai suka yi nasara a karawarsu ta gaba da Swansea ranar 22 ga watan nan na Afrilu.

Wasan ya karfafa wa City guiwa bayan takaicin da suka gamu da shi ranar Talata, inda Liverpool ta yi waje da su daga gasar Zakarun Turai a wasan dab da na kusa da karshe da ci 5-1 a karawa biyu.

Gabriel Jesus ne ya fara ci wa City kwallo a minti na 22, minti uku tsakani kuma sai golan Tottenham kuma na Faransa ya jawo fanareti bayan da ya yi wa Raheem Sterling keta, ko da yake daga baya hoton bidiyo ya nuna cewa ba a cikin da’irar gidansa ya yi ketar ba.

Ilkay Gundogan ne ya buga fanaretin inda ya ci wa Man City bal ta biyu, amma Tottenham ta farke daya a minti na 42 ta hannun Eriksen, kafin kuma Sterling ya ci ta karshe wato ta uku a minti na 72, bal din da ta dan kwantar da hankalin ‘yan City.

Rashin nasarar shi ne na farko da Tottenham ta gamu da shi a gasar ta Premier tun bayan da ta sha kashi 4-1 a gidan City din ranar 16 ga watan Disamba, kuma ya kawo karshen bajintarta ta wasa 14 ba tare da an doke kungiyar ba.

Kungiyar ta Mauricio Pochettino ta ci gaba da zama ta hudu a tebur, da tazarar maki shida tsakaninta da Chelsea ta biyar.

Sakamakon Sauran Wasannin Premier na Asabar:

Southampton 2-3 Chelsea

Burnley 2-1 Leicester

Crystal Palace 3-2 Brighton

Huddersfield 1-0 Watford

SWansea 1-1 Everton

Liverpool 3-0 Bournemouth

Barcelona ta buga wasanni 39 ba a doke ta ba a La liga


Hakkin mallakar hoto
Getty Images

Barcelona ta kafa sabon tarihi a La liga bayan ta doke Valencia a karawar mako na 32 inda ta buga wasa 39 ba tare an samu galabarta ba.

Luis Suarez da Philippe Coutinho ne suka ci wa Barcelona kwallo biyu a ragar Valencia, yayin da Dani Parejo ya rama wa Valencia kwallo daya a bugun fanareti ana mintinan karshe.

Barcelona ta shafe tarihin da Real Sociedad ta kafa na buga wasanni 38 ba tare da an doke ta ba a kakar wasa ta 1979/80.

Kocin Barcelona Ernesto Valverde ya yaba da rawar da ‘yan wasansa suka taka, musamman bayan Roma ta fitar da su a gasar zakarun Turai.

Yanzu Barcelona tana da maki 82 a saman teburin La liga, tazarar maki 14 tsakaninta da Atletico Madrid da za ta fafata da Levente a ranar Lahadi.

Barcelona na iya daukar kofin La Ligar bana kafin fafatawar hamayya da za ta yi da Real Madrid a ranar 6 ga Mayu.

Kuma ga alama abin da Barcelona ta sa a gaba a yanzu shi ne a kammala La liga ba tare da an doke ta.

A karshen mako mai zuwa ne Barcelona za ta kara da Sevilla a wasan karshe na Copa del Rey.

Sai an ba coci kudi ake shiga aljannah- inji Fasto a Najeriya


Hakkin mallakar hoto
PASTOR ADEBOYE/FACEBOOK

Image caption

Pastor Enoch Adeboye shugaban cocin Redeem a Najeriya

Jagoran daya daga cikin coci-coci mafi girma a Najeriya ya haifar da rudani a cikin wani wa’azinsa ga mabiya addinin Kirista.

Pastor Enoch Adeboye, wanda shi ne shugaban cocin Redeem na daya daga cikin fastoci ma su arziki a Najeriya.

A cikin wani hoton bidiyonsa da ya mamaye shafukan sada zumunta na intanet, Faston ya ce duk wanda ya ki bayar da kudin sadaka da ake kira baiko ba zai shiga aljanna ba.

Sannan ya bukaci sauran shugabannin rassan cocin su gabatar da sakon ga mabiyansu a lokacin da yake wa’azin.

Kalaman na Mista Adeboye sun haifar da cece-kuce tsakanin mabiya addinin kirista a Najeriya.

Wasu daga cikin mabiyan sun bayyana rashin jin dadi kan yadda ake kokarin mayar da addinin kirista na kudi.

Wasu kuma da ke goyon bayan kalaman na faston sun ce hakan yana cikin karantarwar littafi mai tsarki.

A Najeriya dai ana daukan addini da matukar muhimmanci, inda wasu ke ganin wajibi ne ga mabiya su bayar kudade da sunan sadaka.

Kudaden da ake bukatar mutum ya biya sun shafi ware kaso 10 ga cocin daga cikin kudaden da yake samu.

Wasu mabiya addinin kirista na sukan faston ne bisa tsawwala irin wannan kudi da ake karba a cocinsa, yayin da ake kallon irin dukiyar da shugabannin coci a Najeriya suka mallaka.

Akwai da dama daga cikin malaman coci da suka mallaki jirgin sama.

Sannan manyan coci a Najeriya da kan hada gangamin dubban mutane, wani lokaci da katin ATM ake biyan kudaden baikon.

Kun san fina-finan Bollywood da suka fi fice a 2018?


Padmavati

Hakkin mallakar hoto
Reuters

Image caption

Jaruman da suka fito a fim din sun hadar da Deepika Padukone da Ranvir Singh da kuma Shahid Kapoor

An saki fim din Padamavati a ranar 25 ga watan Janairun 2018. Sanjay Leela Bhansali ne ya bayar da umarninsa.

Fim ne da ya kunshi labarin wata kyakkyawar sarauniya daga bangaren mabiya addinin Hindu wadda aka taba yi a karni na 14, tare da wani sarki musulmi.

Fim ne da ya yi fice kwarai da gaske a shekarar domin ya kawo kudi kusan dala miliyan 90.

Jaruman da suka fito a fim din sun hadar da Deepika Padukone da Ranvir Singh da kuma Shahid Kapoor.

Pad Man

Hakkin mallakar hoto
SONY PICTURES

Image caption

Jarumi Akshay Kumar da Sonam Kapoor ne suka fito a ciki

An saki Fim din Pad Man a ranar 9 ga watan Fabrairun 2018. Fim ne wanda Twinkle Khanna ta shirya shi, R. Balki kuma ya bayar da umarninsa.

Fim ne da ya kunshi barkwanci kuma an yi shi ne da nufin wayar da kan mutane a kan su dai na kyamatar mata idan suna jinin al’ada.

An kuma yi nuni da yadda za a rinka samar da auduga mai sauki domin matan da ba su da halin siyan mai tsada ta yadda za a daina amfani da kunzugu idan mace na al’ada.

Wannan fim din ma ya yi fice kwarai da gaske saboda yadda aka gina labarin. Jarumi Akshay Kumar da Sonam Kapoor ne suka fito a ciki.

Hichki

Hakkin mallakar hoto
Reuters

Image caption

Fin din Hichki ya samu karbuwa a wajen jama’a sosai

Hitchki, fim ne wanda Maneesh Sharma ya shiya shi, Sidharth P Malhotra kuma ya bayar da umarninsa.

An sake shi a ranar 23 ga watan Maris na bana. Jaruma Rani Mukherjee ce ta fito a cikin fim din.

Fim din ya kunshi labarin wata mata mai fama da larurar Tourette’s (wata larura da kan shafi laka wadda alamominta su ne motsin wasu sassan jiki da fitar sauti ba da niyya ba).

Bayan ta yi ta cin karo da rashin nasara a yunkurinta na neman aiki, sai ta samu aiki a matsayin malama a wata makarantar ‘ya’yan masu hannu da shuni.

Ba ta jima ba ta fara gwagwarmayar nusar da dalibanta marasa ji don su gane irin baiwar da Allah ya yi musu. Shi ma wannan fim din ya samu karbuwa a wajen jama’a sosai.

Baaghi 2

Hakkin mallakar hoto
Getty Images

Image caption

Fim din Baaghi 2 ya mayar da hankali ne kan fada

Fim ne na fada sosai wanda jarumi Tiger Shroff da Disha Patani suka fito a ciki. Ahmed Khan shi ya bayar da umarninsa.

An saki fim din a ranar 30 ga watan Maris 2018. Fim din ya samu karbuwa sosai musamman a kasar India, ya kuma kawo kudi.

Baaghi labarin wani gwarzon jarumi wanda ya yi tsaiwar daka don kalubalantar masu safarar kwayoyi da wasu ‘yan gani-kashe-nin siyasa ‘yan kasar Rasha, don kubutar da tsohuwar budurwarsa da aka yi garkuwa da ita a birnin Goa na kasar India.

October

Hakkin mallakar hoto
Getty Images

Image caption

October ba labarin soyayya ba ne, amma labari ne game da soyayya.

Fim ne da aka sake shi a ranar 13 ga watan Afrilun 2018. Shoojit Sircar ne ya bayar da umarninsa.

Varun Dhawan da sabuwar yarinya Banita Sandhu suka fito a ciki. Labari ne na Dan (Varun Dhawan) da ke tafiyar da rayuwarsa kamar kowane matashi dan shekara 21 .

Yana tare da abokansa da abokan sanin makamar aiki a otel din da yake aiki, wadanda ke neman sanin halin da sauran ke ciki a kodayaushe.

Shiuli (Banita Sandhu) na daya daga cikin masu neman sanin makamar aiki a otel din, wadda a lokuta da yawa ke fuskantar halin Dan na fada wa rayuwa gaba-gadi ba tare da tunani ba.

Rayuwarsu ta ci gaba a haka har lokacin da wani sauyi ya zo musu kwatsam, sauyin da ya rikita rayuwarsu, ya saka su a cikin wani halin da masu shekara 21 basu taba fuskanta ba.

Wannan shakuwar da suka yi ta rika sauyawa har ta kai su ga wata irin soyayya da ba kasafai ake ganin irinta ba.

October ba labarin soyayya ba ne, amma labari ne game da soyayya.

‘Yan matan Chibok 15 ke raye cikin 112 da ke hannun BH’


Hakkin mallakar hoto
Getty Images

Image caption

Har yanzu Boko Haram na rike da ‘Yan Matan Chibok 112.

Dan jaridar nan na Najeriya da ya kware game da ba da rahotanni kan kungiyar Boko Haram Ahmed Salkida, ya ce ‘yan matan Chibok 15 kawai suka rage a raye daga cikin sama da 100 da har yanzu ke hannun kungiyar.

Salkida ya fadi haka ne a cikin jerin sakwannin da ya wallafa a shafinsa na twitter, a yayin da ake cika shekaru hudu da sace ‘yan matan.

Ana kallon Ahmad Salkida a matsayin wanda ke da kusanci da Boko Haram, kuma ya jima yana ba da rahotanni a kan ayyukan kungiyar tare da zama mai shiga tsakanin kungiyar da gwamnati a can baya.

Babu dai wata kafa mai zaman kanta da ta tabbatar wa da BBC da wannan ikirarin na Salkida game da makomar sauran ‘yan matan na Chibok.

BBC ta tuntubi kakakin shugaban kasa Malam Garba Shehu, kuma ya ce zuwa yanzu babu abin da za su ce kan ikirarin Salkida har sai sun kammala bincike a kai.

A cikin bayanansa, Salkida ya ce bincikensa ya tabbatar ma sa da cewa yawancin ‘yan matan sun mutu ne saboda barin wuta da ruwan bama-bamai ta sama da kasa da jami’an tsaro ke kai wa Boko Haram.

Sannan ya ce wasu majiyoyinsa sun tabbatar ma sa da cewa ‘yan matan 15 da ke raye sun auri ‘yan Boko Haram, kuma a yanzu mazajensu ke da hakki da su.

“Sun fita daga ikon shugaban Boko Haram Abubakar Shekau” a cewar Salkida.

Ya kara da cewa tun da har sun auri wasu ‘yan Boko Haram, yanzu Shekau ba ya da hakkin tattaunawa da gwamnati game da sakinsu.

Sai dai dan jaridar bai bayyana sunayen sauran ‘yan matan 15 da ya yi ikirarin suna raye ba, yana mai cewa hakkin gwamnati ne ta yi bincike.

Ahmad Salkida, ya sha ikirarin shiga tsakani domin sakin ‘yan matan a madadin gwamnati tun zamanin gwamnatin PDP ta Goodluck Jonathan, amma hakarsa ba ta cimma ruwa ba.

Salkida ya ce cikin shekara 18 da ya yi yana aikin jarida, ya shafe shekara 13 ne yana bibiyar ayyukan kungiyar Boko Haram.

Jami’an tsaron Najeriya sun taba kama Salkida bayan sun yi tallar suna nemansa ruwa a jallo a 2016.

A watan Agustan 2016 ne rundunar sojin kasa ta Najeriya ta yi zargi Salkida da cewa yana da dangantaka da kungiyar Boko Haram.

Jami’an tsaron Najeriya sun kama shi kafin da daga bisani suka sake shi.

A ranar 14 ga watan Afrilu ne mayakan Boko Haram suka shiga garin Chibok suka sace ‘yan mata 276, al’amarin da ya ja hankalin duniya.

Sai dai tun a lokacin ne wasu daga cikinsu suka tsere.

Sojojin Najeriya kuma sun ceto wasu daga cikinsu, bayan musayar wasu ‘yan Boko Haram da ke tsare a hannun jami’an tsaron kasar.

Yadda yoyon fitsari ke sauya rayuwar mata


Yoyon fitsari babbar matsala ce da ke shafar mata yawanci a Afrika.

Mata na samun matsalar ne bayan haihuwa.

Doguwar nakuda da auren-wuri da talauci na daga cikin matsalolin da ke haifar da yoyon fitsari.

Matan da matsalar ta shafa yawanci suna fuskantar kyama daga mazajensu da kuma jama’a saboda warin da ke fitowa daga jikinsu sakamakon matsalar ta yoyon fitsari.

Amma ana iya magance wannan matsalar idan al’umma ta sauya yadda ta dauki mata musamman ta fuskar wadatar da su da abinci mai gina jiki da kuma jinkirta daukar cikin fari.

Haka kuma samar da cibiyoyin kula da matsalar zai taimaka wajen kawo karshen lalurar.

Masu fama da matsalar na matukar bukatar taimako da fahimta daga mazajensu da kuma al’umma domin samun lafiyarsu.

Shirin a wannan makon ya tattauna ne da wasu mata da ke fama da matsalar yoyon fitsari.

Ko da yake matsalar ta fi samun ‘yan mata da suka yi aure da wuri, amma shirin ya zanta da wata uwa mai shekaru 40 da ta samu waraka daga cutar.

Amurka da Faransa da Birtaniya sun kai hari Syria


Hakkin mallakar hoto
Others

Image caption

Shugaba Trump ya ce sun kai harin ne domin ya zama gargadi na hana samarwa da kuma amfani da makamai masu guba

Amurka da Faransa da Birtaniya sun kai hare-hare ta sama a wurare uku a cikin Syria a matsayin martani na harin makamai masu guba da ake zargin Syria ta kai barin Douma a makon da ya wuce.

An ji karar fashewar bama-bamai da dama a babban birnin kasar ta Syria, Damascus da kuma birnin Homs.

A wata sanarwa da ya yi ta kai hare-haren Shugaba Donald Trump ya ce hare-hare ne da aka kai cikin tsanaki a kan cibiyoyin makamai masu guba na gwamnatin kasar.

Shugaban ya ce matakin zai kasance wani babban gargadi na samarwa da kuma amfani da makamai masu guba.

Mista Trump ya kuma dora alhaki kai tsaye a kan Rasha kan hare-haren makamai masu gubar da ake zargin Syria ta kai.

Ya ce Rashar ta kasa cika alkawarin da ta yi a 2013 na tabbatar da ganin cewa Syria ta lalata dukkanin makamanta masu guba.

Jakadan Rasha a Amurka ya mayar da martani a kan matakin na manyan kasashen uku da cewa, harin na hadin-guiwa ba zai taba kasancewa ba ba tare da wata illa ba.

Ko Cristiano Ronaldo karami na iya gadon mahaifinsa?


Hakkin mallakar hoto
Getty Images

Image caption

Shekarar Cristiano karami bakwai kacal amma har ya fara nuna bajinta

Idan har Ronaldo zai iya yin haka, to za a iya cewa dansa ma zai iya yin hakan.

Cristiano Ronaldo dai ya kasance dodon raga a rayuwarsa ta tamaula.

Dan wasan na Portugal mai shekara 33 yana cin kwallaye 50 duk kaka a Real Madrid a cikin shekara tara da ya shafe a kulob din, kwazon da wani bai taba yi ba.

A yayin da a yanzu ake ganin Ronaldo ya kai karshen ganiyarsa, mutane sun fara tunanin yadda duniyar tamaula za ta kasance ba tare da CR7 ba.

Ko yaya kwallon kafa za ta kasance ba tare da daya daga cikin ‘yan wasan da ba a taba ganin irinsu ba?

To sai dai da alama dan wasan da ya lashe Ballon d’Or har sau biyar yana kokarin ganin ya samu wanda zai gaje shi ta hanyar dansa, Cristiano karami.

Duka shekarunsa bakwai, amma matashin Ronaldon ya fara nuna alamun kwarewa da kwazo.

Kuma idan aka yi la’akari da cewa yana samun horo ne na musamman daga mahaifinsa, to ba abin mamaki ba ne.

Ku dube shi a nan a tsakanin masu tsaron baya inda ya kwanta ya cilla kwallo a raga a lokacin da suke fafatawa a Bernabeu.

An dauki hoton karamin Ronaldon a lokacin da ya kwaikwayi kwallon da mahifinsa ya yi tsalle ya daki kwallon ta baya (acrobatic) a wasan Real Madrid da Juventus a gasar zakarun Turai.

Hakkin mallakar hoto
Getty Images

Image caption

Cristiano Karami lokacin da ya raka babansa karbar kyautar Ballon d’Or

Duk da cewa bai yi nasarar cin kwallon ba da ganin yadda ya dake ta, amma duk da haka Cristiano karami na kokarin tabbatar da ya gaji yadda mahaifinsa ke cin kwallaye.

Kuma ko a yanzu Cristiano karami ya nuna yana samun kwarewar da sannu a hankali za ta iya yin daidai da ta mahaifinsa.

Cristiano Ronaldo karami yana da wasu halaye da kwazo da fasaha irin na mahaifinsa.

Yana motsa jiki da horo sosai. Kuma ya kan yi hakan tare da mahaifinsa.

“Baba, ina son na kasance kamarka,” kamar yadda Ronaldo ya taba rubutawa tare da wallafa hotonsa da na dansa a shafin Instagram suna nuna damatsa.

“Mun gama shan ice cream, yanzu sai kuma aiki,” kamar yadda Ronaldo ya wallafa a Instagram.

Ronaldo gwani ne a bugun fanareti a kwallon kafa, inda ya ci kwallo 100 a shekarun rayuwarsa a tamaula, don haka shi ne ya dace ya horar da dansa dabaru da koyon cin kwallo a raga.

Ronaldo ya shaida wa dansa cewa “Idan ka gaza cin kwallo, sai ka kara kwazo,” a yayin da yake koya ma sa dabarun cin fenareti.

Karamin Ronaldon ya barar da fanareti biyu daga cikin uku da ya buga a gaban mahaifinsa.

Bayan cin kwallo kuma, Karamin Ronaldo ya kwaikwayi yadda ake murnar cin kwallo a raga.

A kullum dai ‘yan wasan kwallon kafa suna nuna kimarsu ko a bayan fili, inda ake ganin suna saka tufafi masu tsada da motoci masu tsada.

Tuni Cristiano karami ya san dadin zama a cikin mota mai tsada da ta kai fam miliyan 2.15.

Kuma a kallum yana son yin hoto da mahaifinsa tare da sanin muhimmancin sanya tufafi masu tsada.

Yanzu kalubalen da ke gaban Cristiano karami kafin ya kamo mahafinsa, shi ne lashe kyautar Ballon d’Or sau biyar tare da girke mutum-mutuminsa kamar yadda aka karrama mahaifinsa.

Saraki ko Kwankwaso: Wa zai iya ja da Buhari a APC?


Hakkin mallakar hoto
JUSTIN TALLIS

Image caption

An zabi Muhammadu Buhari ne bisa alkawarin samar da tsaro da yaki da cin hanci da rashawa

Masu iya magana kan ce “sawun gwiwa ya take na rakumi” a duk lokacin da suka yi kokarin kwatanta karfin wani abu ko mutum kan abokan karawarsa, da kuma nuna yadda ya yi musu fintinkau ko kuma zai iya share su ya wuce ba tare da wata matsala ba.

Irin wadannan kalaman su ne suka rinka fitowa daga bakin wasu magoya bayan Shugaba Muhammadu Buhari jim kadan bayan da ya sanar da aniyarsa ta fito takara a zaben 2019 domin yin tazarce.

Masu irin wannan ra’ayi na ganin cewa ba wai kawai a jam’iyyar APC ba, har ma a sauran jam’iyyun kasar, babu wanda zai iya ja da shugaban, kuma duk wanda ya yi yunkurin hakan, to ba zai kai labari ba.

Wannan ya kara fitowa fili bayan da a hirarsa da BBC, Sakataren jam’iyyar na kasa, Alhaji Mai Mala Buni, ya ce sun yi farin ciki matuka da fitowar shugaban, kuma da ma abu ne da suka dade suna jira.

Ko ba komai, wasu za su fassara kalaman nasa a matsayin nuna son kai, da kuma hasashen cewa ba za a yi wa sauran ‘yan takara adalci ba. Duk da cewa kawo yanzu babu wanda ya bayyana aniyarsa ta tsayawa takarar a cikin ‘ya’yan jam’iyyar.

Sai dai an dade ana hasashen cewa akwai wadanda suke shinshina kujerar ta Shugaba Buhari. Kuma wasu na ganin za su iya yin kukan-kura su fito ko da kuwa za a dora musu karan tsana – kuma ba za su kai labari ba.

Irin haka dai ya taba faruwa ga tsohon mataimakin Shugaban kasar Alhaji Atiku Abubakar, wanda ya kalubalanci Goodluck Jonathan a jam’iyyar PDP a 2011, duk da cewa Mr Jonathan din shi ne shugaban kasa kuma yana samun goyon bayan shugabanni da gwamnonin jam’iyyar.

Wa zai iya kukankura a APC

Jam’iyyar APC dai jam’iyya ce ta hadaka – kuma akwai bangarorin da suke ganin ana mayar da su saniyar-ware a tafiyar da ake yi.

Alal misali ana ci gaba da takun-saka tsakanin ‘yan tsohuwar jam’iyyar PDP da kuma wasu ‘yan majalisun tarayya da gwamnati a gefe guda.

Abin da ya sa ake ganin ‘yan majalisar na kokarin sauya fasalin tsarin zaben kasar domin nema wa kansu mafita, amma sun ce suna yi ne domin inganta tsarin dimokuradiyya.

Sanata Bukola Saraki

Hakkin mallakar hoto
PIUS UTOMI EKPEI

Image caption

Wasu na ganin Bukola Saraki ka iya taka wa Buhari burki

Ana ganin Shugaban Majalisar Dattawa kasar Sanata Bukola Saraki zai iya kalubalantar Shugaba Buhari, ko da yake a halin yanzu ya musanta hakan.

Amma a baya sau biyu yana neman tsayawa takarar shugabancin kasar.

Gogaggen dan siyasa ne kuma yana da goyon baya a tsakanin ‘yan majalisun kasar na APC da kuma PDP.

Babban kalubalen da zai fuskanta shi ne irin bakin jinin da ya ke da shi a tsakanin magoya bayan Shugaba Buhari, wadanda suke ganinsa a matsayin wanda yake adawa da shugaban.

Duk da cewa Sanata Saraki ya sha musanta hakan.

Na kusa da shi na korafin cewa ba a tafiya da shi yadda ya kamata duk da rawar da ya taka wurin kafa jam’iyyar APC da kuma samun nasarar Shugaba Buhari.

A don haka ake ganin zai iya neman kujerar shugaban, ko kuma ya fice daga jam’iyyar.

Sanata Rabi’u Musa Kawankwaso

Har ila yau, a zauren majalisar dattawan kasar, akwai Sanata Rabiu Musa Kwankwaso wanda shi ma ya taba neman shugabancin kasar a 2015 amma Buhari ya kayar da shi a zaben cikin gida na APC.

Ko da yake a wannan karon bai bayyana aniyyarsa ba tukunna, amma alamu na nuna cewa har yanzu bai hakura ba, kuma watakila ya kara gwada sa’arsa.

Tsohon gwamnan jihar Kanon shi ne ya zo na biyu a zaben fidda gwani na ‘yan takarar neman shugabancin a jam’iyyar APC a zaben 2015.

Ya ci gaba da yada akidarsa ta Kwankwasiyya a ciki da wajen Kano. Sai dai ba shi da karbuwa sosai a Kudancin kasar, abin da ake ganin zai iya ba shi matsala.

Haka zalika rikicin da yake yi da mutumin da ya gaje shi, Gwamna mai ci Abdullahi Umar Ganduje, ya sa karfinsa ya ragu a jam’iyyar a jihar Kano.

Wasu na ganin zai iya yin kukan-kura ya kalubalanci Buhari ko dan ya nuna karfin imaninsa ga tsarin dimokuradiyya.

Ko za su kai labari?

Masana da dama na ganin fitowar Buhari ta rufe kofa ga sauran ‘ya’yan APC, ko kuma ba za su iya kai labari ba ko da sun fito.

Duk wani dan siyasa da yake neman takara a jam’iyyar APC yana bata wa kansa lokaci ne kawai matukar Shugaba Buhari ya fito, a cewar Malam Jafar Jafar, wani mai sharhi kan harkokin siyasar Najeriya.

Ya ce: “… babu makawa jam’iyyarsa shi za ta tsayar a zaben 2019.”

Malam Jafar ya ce zabin da ya rage masu muradin yin takara a jam’iyyar APC shi ne kawai su sauya jam’iyya.

Ya kara da cewa “Ga jam’iyyu nan da yawa. Idan dai ba a yi murdiya ba a zaben 2019, akwai yiwuwar jam’iyyar APC za ta iya faduwa zabe.”

“Saboda a gaskiya farin jinin jam’iyyar da na Shugaba Buhari ya ragu sosai.”

Mai fashin bakin ya ce abin da ya sa manyan ‘yan siyasar kasar ba su fito sun bayyana aniyarsu ta takara ba, “shi ne kamar wata dabara ce suke don su fito tashi guda idan lokacin fara yakin neman zabe ya yi.”

‘Yan kasar dai sun zuba ido su ga jerin mutanen da za su fito su bayyana aniyarsu ta neman kuri’unsu musamman bayan da Shugaba Buhari ya bayyana tasa aniyar.

Bayani kan Shugaba Muhammadu Buhari a takaice:

Hakkin mallakar hoto
Photoshot

Image caption

Wata mai goyon bayan Buhari na sumbatar hotonsa da aka manna

  • An zabe shi a matsayin shugaban kasa a zaben 28 ga Maris 2015
  • Ya yi shugaban mulkin sojan Najeriya daga 1984 zuwa 1985
  • An hambare shi a juyin mulki
  • Ya samu shaidar rashin kare hakkin dan adam
  • An yi amanna ba shi da cin hanci da rashawa
  • Mai ladabtarwa ne – a kan sa ma’aikatan gwamnati tsallen kwado idan suka yi lattin zuwa aiki
  • Musulmi ne daga arewacin Najeriya
  • Ya tsallake rijiya da baya a wani hari da Boko Haram ta kai masa

Najeriya: Shekara hudu da sace ‘yan matan Chibok


Image caption

A lokacin da Boko Haram ta fitar da hoton bidiyon wasu daga cikin ‘yan matan, hankalin iyayensu ya fara kwanciya musamman wadanda suka shaida ‘ya’yansu

A ranar 14 ga watan Afrilun shekarar 2014 ne mayakan Boko Haram suka sace ‘yan mata ‘yan sakandaren Chibok sama da 200 a garin Chibok da ke arewa maso gabashin Najeriya.

Sama da 100 daga cikin ‘yan makarantar da ake wa lakabi da ‘yan Matan Chibok ne wala’allah suka tsere daga ‘yan Boko Haram don radin kansu da wadanda dakarun kasar suka kubutar ta hanyar tattaunawar gwamnati da masu shiga tsakani.

Kungiyar Bring Back Our Girls na daga cikin wadanda suka fara gangamin matsin lamba ga gwamnnatin shugaba GoodLuck Jonathan da aka sace ‘yan matan a lokacin mulkinsa, dan kubutar da su.

To amma an dauki lokaci har bayan shudewar gwamnatin Jonathan din babu wata ko daya daga cikin ‘yan matan da aka kubutar.

A lokacin mulkin shugaba Buhari sojojin Najeriyar suka yi kicibis da daya daga cikin ‘yan matan mai suna Amina Nkeke dauke da jaririyar da ta haifa bayan auren da ta yi da daya daga cikin mayakan da suka sace su.

A iya cewa sannu a hankali, tun daga bayyanar Amina sai hanya ta bude kuma ba a jima ba sai kungiyar Boko Haram, ta dinga fitar da bidiyon da ke dauke da ‘yan matan na Chibok da kungiyar ta sace.

Bidiyon da ya fi daga wa gwamnati da iyayen yaran hankali, shi ne wanda ya nuna daya daga cikin matan sanye da shudin hijabi da farin nikabi, kewaye da wasu matan su kusan goma, tana magana.

Daya daga cikinsu, wacce ta yi jawabi a cikin bidiyon, ta ce ba za su koma wurin iyayensu ba. Ta yi kira ga iyayensu da su tuba, su yi mubaya’a ga kungiyar.

Sannu a hankali, adadin ‘yan matan da aka kubutar da wadda aka tsinta suka tasamma sama da 100, sai dai har yanzu da aka cika shekara hudu cif da sace su wasu da dama ba a kubutar da su ba.

Boko Haram tana kai hare-hare a arewa maso gabashin Najeriya ne tun shekarar 2009, kuma ta kai hare-hare kasashe masu makwabtaka.

Majalisar Dinkin Duniya ta ce mutane sama da 20,000 rikicin na Boko Haram ya hallaka, yayin da wasu dubbai suka yi hijira zuwa kasashe makofta. Wasu sama da miliyan daya ke jibge a sansanonin ‘yan gudun hijira a ciki da wajen Najeriya.

Ko dan Adam Zango zai gaji mahaifinsa a fagen waka?


Hakkin mallakar hoto
Instagram/Ali/Adam

Masu ruwa da tsaki da sauran jama’a da dama na ci gaba da bayyana ra’ayoyinsu kan aniyar da babban dan fitaccen jarumin Kannywood Adam Zango ya nuna ta zamowa mawakin hip-hop.

A makon da ya gabata ne yaron mai suna Ali Haidar Zango ya wallafa a shafinsa na Instagram cewa zai fitar da kundinsa na farko masu dauke da wakoki masu taken Godiya da Rayuwa.

Shi ma mahaifin yaron ya yi ta wallafa hotunan dan nasa yana mai nuna goyon baya tare da yi masa fatan alheri a wannan aiki da ya fara.

Haidar Zango wanda ake yi wa lakabi da “Star Boy” ya ce mahaifinsa ne ya gano basirar da yake da ita ta iya waka.

Yaron dai ya sha alwashin ba zai bai wa mahaifinsa kunya a wannan lamari ba, inda ya wallafa cewa “zan tabbatar da mahaifina ya yi alfahari da ni.”

Wani makusancin Adam Zangon a fagen shirya fina-finai, Tahir I Tahir, ya shaida wa BBC cewa tuni har an nadi waka ta farko daga cikin wakokin nasa.

Tahir ya kuma ce Zango ba zai taba yin wasa da lamarin karatun dansa ba, don a yanzu haka ma yana wata makarantar Arabiya mai hade da Boko inda yake haddar Al-Kur’ani.

“A yanzu haka hutu suke yi shi ya sa mahaifinsa ya bar shi har yake harkar wakar, amma da zarar an koma makaranta zai tafi,” in ji Tahir.


Wane ne Ali Haidar Zango

  • Yaro ne da bai gaza shekara 10 ba
  • Yana wata makarantar firamare ta kwana ta Farfesa Ango Abdullahi a Zariya
  • Kashi 80 na tsarin makarantar karatun Arabiya ne yayin da kashi 20 kuma ake Boko
  • Yana da haddar izu hudu daga Suratul Bakara
  • Yana da shafin Instagram mai mabiya kusan 28,000

Me mutane ke cewa?

Hakkin mallakar hoto
Instagram/Ali Haidar

Image caption

An ce Ali Haidar yana da haddar izu hudu daga Suratul Bakara

Wannan lamari dai ya jawo ce-ce-ku-ce musamman a wasu shafukan sada zumunta bayan da wannan labari ya bayyana.

Wasu dai na ganin hanyar da yaron ya dauko ba mai bullewa ba ce har ma suka yi ta zargin mahaifin nasa da cewa kamata ya yi ya bai wa dan ingantaccen ilimi maimakon zama mawaki.

Amma a bangare guda wasu suna ganin zama mawaki ga yaro ba wani abu ba ne tun da ita kanta waka baiwa ce da ba kowa Allah ke bai wa ba.

Don haka ne ma suka yi ta jinjina wa jarumin da cewa mara wa aniyar dan nasa baya wani abu ne mai kyau kwarai.

A baya-bayan nan dai ana yawan samun bullowar yara kanana da ke zama mawakan hip-hop a arewacin Najeriya, musamman tun bayan mutuwar Lil Ameer, wani yaro da ya shahara a wakokin hip-hop.

Rasha ta yi gargadin cewa za a yi barin wuta a Siriya


Hakkin mallakar hoto
Getty Images

Image caption

Rasha tana goyon bayan Siriya kuma tana taimakawa gwamnatinta

Rasha ta gargadi Amurka cewa kaddamar da hare-hare kan Siriya bisa zargin amfani da makami mai guba zai iya haifar da yaki tsakanin kasashen biyu.

“Babban abun da ke gaman mu shi ne kawar da yiwuwar yaki,” in ji jakadan Rasha a majalisar dinkin duniya Vassily Nebenzia.

Ya zargi Amurka da sa zaman lafiyar duniya cikin hadari, ya kara da cewa halin da ake ciki ya kasance “mai hadarin gaske”.

Ana tunanin kasashen Yamma su na shirya kai hare-haren sama kan Siriya, amma Rasha, wacce ta ke mara wa Siriya baya ba ta amince da matakin ba.

“Abin takaici shi ne hakika komai zai iya faruwa” kamar yadda Mr Nebenzia ya shaida wa manema labarai bayan ganawar sirri ta kwamitin tsaro na Majalisar Dinkin Duniya a birnin New York.

Ya ce akwai fargabar cewa abubuwa “za su cakude” saboda akwai sojojin Rasha a Siriya.

Hakkin mallakar hoto
Getty Images

Image caption

Shugabannin Kasashen Yamma suna shirin mayar da martani kan harin makamai masu guba da aka kai ranar Asabar

Manya jami’an Rasha ciki har da na soji, sun yi gargadin cewa za a harbo makamai masu linzami na Amurka da kuma wuraren da aka kaddamar da su idan har aka kai wa ma’aikatan Rasha hari.

Mr Nebenzia ya kuma bukaci kwamitin tsaro na Majalisar Dinkin Duniya ya sake ganawa a ranar Juma’a don tattauna yiwuwar farmakin sojin da kasashen Yammacin Turai ke shirn kaddamarwa.

Fadar White House ta ce tana ci gaba da duba bayanan sirri kuma tana magana da kawayenta a kan yadda za su mayar da martani a kan amfani da makami mai guba.

A gefe guda kuma, Hukumar da ke kula da hana bazuwar makamai masu guba (OPCW) ta ce masana za su je Siriya dan gudanar da bincike a ranar Asabar.

Real Madrid za ta kara da Bayern Munich


Real Madrid za ta kara da Bayern Munich a gasar zakarun Turai. yayin da Liverpool za ta kara da Roma.

Za a yi wasannin a ranakun 24/25 na watan Afrilu, sai zagaye na biyu a ranakun 1/2 ga watan Mayu.

Arsenal za ta kara da Atletico Madrid a wasan dab da na karshe na gasar Europa.

Za a buga wasan karshe na gasar zakarun Turai a birnin Kiev, na Ukraine, ranar 26 ga watan Mayu.

Yayin da za a yi wasan karshe na Europa a birnin Lyon, na Faransa, a ranar Laraba, 16 ga watan Mayu.

Arsenal za ta hadu da Atletico Madrid a gasar Europa


Hakkin mallakar hoto
Getty Images

Arsenal za ta kara da Atletico Madrid a wasan kusa da na karshe a gasar Europa, yayin da RB Salzburg za ta hadu da Marseille.

Arsenal za ta fara wasan farko ne a gida a ranar Alhamis 26 ga watan Afrilu, sai kuma ta je gidan Atletico a ranar 3 ga watan Mayu.

Za a yi wasan karshe na gasar ne a ranar 16 ga watan Mayu a birnin Lyon na kasar Faransa, inda duk kungiyar da ta lashe kofin za ta samu gurbin zuwa Gasar Zakarun Turai na badi.

Arsenal ta samu nasarar kai wa ga matakin wasan kusa da na karshe ne bayan ta doke CSKA Moscow da jumullar kwallo 6-3.

Kalli hotunan ‘yan wasan da ke shirin ceto Manchester City


Hakkin mallakar hoto
Manchester City

Image caption

Kevin De Bruyne yana wasa da kwallo a lokacin atisaye

‘Yan wasan Manchester City na ci gaba da yin atisaye ba kakkautawa a shirin da suke na tunkarar Tottenham bayan kashin da suka sha sau uku a jere a mako guda.

Idan City ta doke Tottenham ranar Asabar kuma United ta sha kashi a hannun West Brom ranar Lahadi, to City za ta daga kofin Firimiya na bana.

Wannan wasa na zuwa ne a lokacin da City ke fuskantar kalubalen da ba ta taba gamuwa da irinsa ba a bana bayan da ta sha kashi sau uku a jere.

Liverpool ta doke ta gida da waje a gasar zakarun Turai sannan abokiyar hamayyarta Manchester United ta samu nasara a kanta har gida a gasar Firimiya.

Kalli hotunan atisayen ‘yan wasan na City.

Hakkin mallakar hoto
Manchester City

Image caption

Bernardo Silva yana motsa jiki

Hakkin mallakar hoto
Manchester City

Image caption

Yaya Toure na fatan taka-leda a wasan. Tottenham na kokarin samun gurbin gasar zakarun Turai ne

Hakkin mallakar hoto
Manchester City

Image caption

Kevin De Bruyne ne dan wasan da ya fi kowa taka rawar gani a City a bana

Hakkin mallakar hoto
Manchester City

Image caption

Gundogan na murmushi – alamun da ke nuna cewa ya shirya wa wasan tsaf

Hakkin mallakar hoto
Manchester City

Image caption

Yaya Toure da Benjamin Mendy sanye da hulunan sanyi na City a lokacin atisaye

Hakkin mallakar hoto
Manchester City

Image caption

Kyle Walker da Gabriel Jesus lokacin da suke fitowa filin atisaye

Hakkin mallakar hoto
Manchester City

Image caption

Phil Foden na kokawar daukar kwallo da Zinchenko

‘Yan BH sun sace yara sama da 1000 a Najeriya – UNICEF


Image caption

An mayar da wasu makarantun da suka rage sansanonin ‘yan gudun hijira, lamarin da ya tilasta wa wasu yaran daina zuwa makaranta

Asusun kula da yara na Majalisar Dinkin Duniya UNICEF ya ce fiye da yara 1000 mayakan Boko Haram suka sace a yankin arewa maso gabashin kasar tun daga shekarar 2013.

Asusun ya ce sun gudanar da bincike kan wadanda aka kawo rahoton an sace su, amma kuma adadin ka iya fin haka.

A wani rahoto da UNICEF ta fitar, a wani bangare na taron tunawa da shekara hudu da sace ‘yan matan Sakandaren Chibok sama da 200 a jihar Borno, asusun ya ce an ci gaba da kai hare-hare kan yara da sace su.

Rahoton ya ce ‘yan Boko Haram sun kashe sama da malaman makaranta 2000, da kuma lalata sama da makarantu 1400 cikin shekara 10 da suka dauka suna kaddamar da hare-hare a Nigeria.

A lokacin da ya sha rantsuwar kama aiki a shekarar 2015, Shugaba Muhammadu Buhari ya yi wa ‘yan Najeriya alkawarin kawo karshen ayyukan masu tayar da kayar baya.

To amma har yanzu Boko Haram na ci gaba da kai hare-hare kan farar hula, da sojoji da ‘yan kato-da-gora a kasar.

Za a mayar da maboyar Ojukwu gidan tarihi


Hakkin mallakar hoto
AFP

Image caption

Laftanal Kanar Chukwuemeka Ojukwu ya rasu a ranar 1 ga watan Maris na shekarar 2012

Mahukunta a jihar Anambra da ke kudancin Najeriya sun ce za a ma ida wata maboyar karkashin kasa da tsohon madugun ‘yan aware na Biafra ya rika amfani da ita a lokacin yakin basasar kasar ta zama gidan tarihi.

A shekarun 1960 ne Laftanal Kanar Chukwuemeka Ojukwu ya jagoranci yakin basasar wanda ya jefa kasar cikin tashin hankalin da ba ta taba ganin irinsa ba.

Akwai kuma wadansu koguna da wani wurin da ruwa ke kwarara daga saman dutse da su ma za a mayar da su wuraren shakatawa domin masu yawon bude ido.

Mai magana da yawun da gwamnan jihar, Willie Obiano, ya ce: “Wadannan wuraren yawon bude idanu za a ba su muhimmanci sosai ta hanyar gina hanyoyin da za su rinka kai mutane wajen”.

Ana kallon wannan yunkuri a matsayin hanyar samar da aikin yi da kuma samar da kudin shiga ga yankin.

Ojukwu, ya ayyana kafa kasar Biafra a shekarar 1967, lamarin da ya janyo yakin basasa inda mutum fiye da miliyan daya suka rasa rayukansu galibinsu saboda yunwa da kuma cututtuka.

Marigayi Ojukwu yana daya daga cikin mutanen da ake tunawa da su wadanda suka yi fice a kudu maso gabashin Najeriya.

Kun san yadda Biafra ta samo asali?

Hakkin mallakar hoto
AFP

Image caption

Jagoran ‘yan awaren ya yi gudun hijira zuwa kasar Ivory Coast kafin a yi masa afuwa daga baya

Biafra wata kalma ce da masu fafutikar ballewa daga Najeriya a yankin Kudu maso Gabashin kasar suke amfani da ita wajen bayyana fatansu na ganin sun kafa kasar kansu – wadda su kai wa lakabi da “Jamhuriyar Biafra”.

Sunan Biafra ya samo asali ne da gabar mashigin tekun Atlantic da ke yankin Kudu maso Gabashin kasar.

Galibi mutanen da suke zaune a yankin ‘yan kabilar Igbo ne amma akwai wasu kabilu kamar Efik da Ibibio da Annang da Ejagham da Eket da Ibeno da kuma Ijaw.

Kokarin ballewar yankin daga Najeriya shi ne babban dalilin da ya jawo yakin basasar kasar wanda ya yi sanadiyyar mutuwar kimanin mutum miliyan biyu galibi saboda yunwa.

A shekarar 1960 ne Najeriya ta samu ‘yancin kai daga Birtaniya. Galibin jama’ar da ke yankin arewacin kasar Musulmi ne, yayin da mafi yawan Kiristoci suke zaune a kudanci.

A lokacin Najeriya ta kunshi shiyyoyi uku ne wato arewa (wadda Hausawa suke) da kudu maso yamma (yankin kabilar Yarabawa) da kuma kudu masoi gabas (na kabilar Igbo).

An samu sauyin gwamnati a kasar, bayan juyin mulkin watan Janairun 1966 inda aka kashe Farai Ministan farko Sir Abubakar Tafawa Balewa da Firimiyan Jihar Arewa Sir Ahmadu Bello da kuma sauran manyan jagororin arewa da na Yarabawa.

Jana’izar ban girma

Ana yi wa juyin mulkin kallon wanda ‘yan kabilar Igbo suka kitsa saboda yadda ba a kashe shugaban kasa na lokacin ba wato Nnamdi Azikiwe, wanda Igbo ne.

Daga nan ne sai Janar Aguiyi Ironsi ya zama shugaban mulki soji na farko a Najeriya.

Sai dai a watan Yulin shekarar 1966 wasu sojoji daga arewa suka kifar da gwamnatin Ironsi, inda Janar Yakubu Gowon wanda ya fito daga arewa ya zama shugaban mulkin sojan Najeriya.

Hakkin mallakar hoto
Getty Images

Image caption

Gawar marigayi Ojukwu lokacin da aka yi masa jana’izar ban girma a shekarar 2012

Juyin mulkin biyu sun kara ruruta wutar kabilanci a kasar.

An rika samun kashe-kashen kabilanci a arewa, inda ake kashe ‘yan kabilar Igbo hakazalika an kashe ‘yan arewa a matsayin ramuwa a wasu biranen gabashin kasar.

An yi tarurruka tsakanin manyan sojoji da jami’an ‘yan sandan kowane yanki da fatan ganin an warware matsalar cikin ruwan sanyi. Sai dai hakan bai yiwu ba.

A ranar 30 watan Mayun 1967 ne Gwamnan Soji na Yankin Gabashin Najeriya Laftanal Kanar Chukwuemeka Ojukwu ya ayyana yankin gabashin kasar a matsayin kasa mai cin gashin kanta wadda ta balle daga Najeriya kuma ya sanya mata suna “Jamhuriyar Biafra”.

Wata 30 aka kwashe ana yakin basasar wato daga ranar 6 ga watan Yulin 1967 zuwa ranar 15 ga watan Janairun 1970, inda Kanar Ojukwu ya ce ya mika wuya ga dakarun Najeriya.

Jagoran ‘yan awaren ya yi gudun hijira zuwa kasar Ivory Coast, inda ya kwashe lokaci mai tsawo a can kafin gwamnatin Shehu Shagari ta yi masa afuwa.

Ojukwu ya rasu a ranar 1 ga watan Maris na shekarar 2012.

Kalli hotunan tseren keken mata zalla na farko a Saudiyya


Hakkin mallakar hoto
Instagram/@jeddah_woman

Image caption

Masu tseren keke sun shirya tsaf don tseren keke ta mata ta farko a Saudi Arabia

An gudanar da tseren keken mata na farko a kasar Saudiyya, inda suka bai wa mutane da yawa mamaki a kasar ta masu ra’ayin mazan-jiya, musamman a shafukan sada zumunta.

Wannan na cikin sauye-sauyen da Yarima mai jiran gado Mohammed bin Salman yake bullowa da su a kasar, wanda suka hada da bude gidajen kallo, da kade-kade da raye-raye.

Haka kuma an bai wa mata izinin tuka mota a karon farko a kasar.

Kalli wadansu daga cikin hotunan tseren keken na mata zalla:

Hakkin mallakar hoto
Social Media

Image caption

Sun kimtsa kuma sun shirya tsaf domin shiga tseren keken mata na farko a kasar Saudiyya

Hakkin mallakar hoto
Al Arabiya

Image caption

Mata a wurin tseren keke na mata na farko a kasar Saudiyya. An rinka yada hotunan tseren a shafukan sada zumunta

Hakkin mallakar hoto
Instagram/@jeddah_women

Image caption

Mai shirya tsere Nadima Abu Al-Enein bayan da aka kammala tseren

Hakkin mallakar hoto
Reuters

Image caption

Ba ta shiga cikin tseren ba: Wannan matar na tuka kekenta a birnin Jeddah

Takarar Buhari : PDP ce ta firgita shi da APC – Sule Lamido


Hakkin mallakar hoto
Getty Images

Image caption

Sule Lamido ya ce wadanda suka mara wa Buhari baya ya ci zabe ‘yan PDP ne kuma yanzu sun bar APC sun koma PDP za su ga yadda zai sake cin zaben

Tsohon gwamnman jihar Jigawa Alhaji Sule Lamido ya ce taron da PDP ta yi a jihohin Jigawa da Katsina ne ya firgita APC har shugabannin jam’iyyar suka roki Shugaba Muhammadu Buhari ya fito ya ayyana cewa zai sake yin takara.

A wata hira da ya yi da BBC Sule Lamido ya ce : ”Ai taron da aka yi a Jigawa da na Katsina shi ya firgita su, suka ce ranka ya dade gara fa ka zo, domin yadda aka yi taron nan na Jigawa da Katsina, idan ba ka zo ka ce za ka yi takara ba mun shiga uku…”

Tsohon gwamnan ya kara da cewa APC da Buharin sun yi hakan ne domin su samu dan hutu na ”Tsunamin” da PDP ta yi a jihohin biyu a tarukanta.

Ya ce sai ma jam’iyyar tasu ta yi irin taron a Sokoto da Kaduna da Kebbi kafin kuma ta yi na Abuja lokacin da hankalin shugaban da jam’iyyarsa za su fi tashi.

Tsohon ministan harkokin wajen ya ce ba su da wata fargaba kan ayyanawar da Shugaban ya yi cewa zai sake yin takara, domin ai ‘yan PDP ne suka haife APC, saboda haka Buhari jikansu ne, kuma ”don zai yi takara mene ne abin damuwa?”

Sule Lamido ya ce tun da Buhari yake tsayawa takara sau uku ko hudu bai taba cin zabe ba sai da gwamnonin PDP biyar da wasu jiga-jiganta irin su Atiku da Wamakko da Goje da Abdullahi Adamu da Kwankwaso da Bukola da sauransu suka mara masa baya.

Kuma ya ce ko da ma Buharin zai sake takara ai wadanda suka mara masa baya ya ci zabe a yanzu sun bar APC sun koma gidansu PDP, don haka ba su da wata fargaba a kan takararsa, domin daman shi a karan-kansa bai taba cin zabe ba.

Kofin Europa: Arsenal ta kai gaba da kyar


Hakkin mallakar hoto
Rex Features

Image caption

Arsenal ta tsira a Moscow da canjaras 2-2, bayan da a wasan farko ta lallasa CSKA 4-1

Arsenal ta yi nasarar zuwa wasan kusa da na karshe na gasar cin Kofin Turai na Europa bayan da ta yi 2-2 a gidan CSKA Moscow, jumulla 6-3 gida da waje.

Gunners din sun shiga tsananin damuwa ganin cewa an fara zura musu kwallo biyu a wasan na Alhamis, ta hannun Chalov a minti 39 da kuma Nababkin a minti na 50, wanda da ba su farke ba da sun yi muguwar rawa irin ta Barcelona.

Ita dai Barcelona ta gamu da gamonta a hannun Roma ranar Talata, bayan da kungiyar ta Italiya ta kawar da nasarar da Barcelona ta yi a karawarsu ta farko da ci 4-1, ta kai wasan kusa da karshe na gasar ta Zakarun Turai ta Uefa.

Arsenal ta tsallake rijiya da baya bayan da Welbeck ya ci mata a minti na 75, sannan kuma Ramsey ya farke ta biyun bayan cikar minti 90 na wasan, aka tashi 2-2.

Wannan shi ne karon farko a cikin shekara tara da kungiyar ta Arsene Wenger ta kai wasan dab da na karshe na gasar Turai.

Kociyan ya shigo da ‘yan wasa bakwai da ba sa cikin wadanda ya yi nasarar doke Southampton da su 3-2 a gasar Premier ranar Lahadi, wadanda daman ya yi tanadi domin karawar ta Europa.

A karawar ta Moscow ya fara da manyan ‘yan wasansa da ya ajiye kamar su Mesut Ozil da Ramsey da kuma Wilshere.

Kungiyar ta Arsenal, wadda ta rasa Jack Wilshere saboda raunin da ya ji a wasan za ta kasance cikin kungiyoyi hudu wadanda za a fitar da jadawalin wasan dab da na karshe da su na gasar ta Kofin Europa, ranar Juma’a a birnin Nyon, na Switzerland.

Buhari ya ce Gaddafi ne ya bai wa makiyaya makamai, Amnesty ta ce an rage yanke hukuncin kisa


Buhari ya ce Gaddafi ne ya bai wa makiyaya makamai

Shugaban Najeriya Muhammadu Buhari ya zargi tsohon shugaban Libiya Mu’ammar Gaddafi da bai wa makiyaya makamai a yankin Yammacin Afirka.

Shugaba Buhari ya bayyana hakan ne a wata sanarwa da mai magana da yawunsa Femi Adesina ya aike wa manema labarai a ranar Laraba.

Hakkin mallakar hoto
Getty Images

An rage yanke hukuncin kisa – Amnesty

Kungiyar kare hakkin bil’adama ta Amnesty International ta ce adadin mutanen da a ke yankewa hukuncin kisa a duniya ya ragu a bara, idan a ka kwatanta da shekarar 2016.

Kungiyar ta ce hakan zai share fage wajen soke yanke hukuncin kisa kwata-kwata.

Hakkin mallakar hoto
Getty Images

An sace wani baturen Jamus a Nijar

Gwamnatin Jamhuriyar Nijar ta ce an sace wani Bajamushe da ke gudanar da ayukan jin-kai a kusa da iyakar Mali.

A cewar ministan shari’a kuma Antoni-Janar din kasar, ‘yan bindiga a kan babura ne suka sace mutumin mai suna, Joerg Lange, a garin Inates da ke yammacin kasar.

Hakkin mallakar hoto
Getty Images

Image caption

Shugaba Muhammadou Issufou na Jamhuriyar Nijar

Farfesa ya ‘nemi yin lalata da dalibarsa’

Hukumomin Jami’ar Obafemi Owolowo da ke garin Ile-ife ta ce ta kafa wani kwamitin domin bincikar sahihancin wata hirar waya da aka nada wadda aka ace tsakanin wani malamin jami’ar ne da wata daliba.

A cikin hirar an ji namijin ya nemi macen ta amince ya yi lalata da ita har sau biyar domin ya kara mata makin da zai sa ta ci jarrabawa saboda ta fadi.

Hakkin mallakar hoto
Getty Images

Image caption

Ana yawan samun dalibai da ke zargin cewa malamansu sun nemi yin lalata da su

Wanda ya lashe gasar cin attaruhu ya bige a asibiti

Wani mutum wanda ya ci attaruhun da ya fi ko wanne yaji a duniya a wajen gasar cin barkono ya samu kansa a gadon asibiti bayan da ya hadu da wani gigitaccen ciwon kai mai kamar saukar aradu a ka.

Mutumin mai shekara 34 ya ci attaruhun ne safurin Carolina Reaper a wajen agasar da aka yi a birnin New York na Amurka.

Hakkin mallakar hoto
Spl

Buffon ya ce alkalin wasa ne ya zalunce su

Kyaftin din Juventus Gianluigi Buffon ya ce alkalin wasa ya zalunce su a wasan da Real Madrid ta fitar da su daga gasar cin kofin zakarun Turai.

Alkalin wasan na Ingila Mark Oliver ya bai wa Madrid fanareti a mintin karshe bayan da Mehdi Benatia ya ture Lucas Vazquez, sannan kuma ya bai wa Buffon jan kati.

Hakkin mallakar hoto
Getty Images

Ronaldo ya ce gaban shi ya fadi kafin ya buga fanareti

Cristiano Ronaldo ya ce sai da ya kwantar da hankalinsa sosai kafin ya buga fanaretin da ya ci ana daf da tashi daga wasansu da Juventus.

Fanaretin da Ronaldo ya ci ne ya taimakawa Real Madrid kai wa zagayen daf da na karshe a gasar zakarun Turai.

Hakkin mallakar hoto
Getty Images

Image caption

Cristiano Ronaldo ya ci kwallaye 41 a kakar bana

Bidiyo: Ba ni da kawa a matan Kannywood – Umma Shehu

Na’urarku na da matsalar sauraren sauti

Ba ni da kawa a ‘yan fim din Hausa – Umma Shehu

Karanta karin wasu labaran

Domin samun karin bayani da kuma tofa albarkacin bakinku a kan wadannan labaran, sai ku garzaya shafinmu na BBC Hausa Facebook.

Gabana ya fadi kafin na buga fanareti – Ronaldo


Hakkin mallakar hoto
Getty Images

Image caption

Cristiano Ronaldo ya ci kwallaye 41 a kakar bana

Cristiano Ronaldo ya ce sai da ya kwantar da hankalinsa sosai kafin ya buga fanaretin da ya ci ana daf da tashi daga wasansu da Juventus.

Fanaretin da Ronaldo ya ci ne ya taimakawa Real Madrid kai wa zagayen daf da na karshe a gasar zakarun Turai.

“Faduwar gaba na ta karu, amma na kwantar da hankali, domin na san ni zan yanke hukunci,” a cewar Ronaldo.

Real Madrid ta samu fanareti ne a mintin karshe a Bernerbeu a yayin da Juventus ta rama kwallo ukun da ta zura ma ta a karawa ta farko a Italiya.

Ronaldo ya ce bai taba tunanin ba za su yi nasara ba a wasan.

Dan wasan na Portugal ya ci kwallo 41 a kakar bana, kuma wasa 11 ke nan a jere yana cin kwallo a raga.

A ranar Juma’a ne Real Madrid za ta san kungiyar da za ta hadu da ita a zagayen daf da na karshe tsakanin Roma da Liverpool da kuma Bayern Munich.

Jami’ar OAU za ta binciki farfesan da ya nemi dalibarsa


Hakkin mallakar hoto
OAU

Image caption

Kawu yanzu malamin da ake zargi bai ce komai ba

Hukumomin Jami’ar Obafemi Owolowo da ke garin Ile-ife ta ce ta kafa wani kwamitin domin bincikar sahihancin wata hirar waya da aka nada wadda aka ace tsakanin wani malamin jami’ar ne da wata daliba.

A cikin hirar an ji namijin ya nemi macen ta amince ya yi lalata da ita har sau biyar domin ya kara mata makin da zai sa ta ci jarrabawa saboda ta fadi.

An ce dalibar ce ta nadi hirar da malamin mai mukamin farfesa kuma ta yada ta a shafukan sada zumunta, wacce jama’a ke ta ci gaba da yada wa.

Kakakin Jami’ar Abiodun Olanrewaju ya BBC cewa sun gano ko wanene farfesa ne. Amm ba sa su fadi sunansa a kafar watsa labarai.

Kawo yanzu malamin da ake zargi bai ce komai ba.

“Lallai ni ma na saurari wannan hirar kuma mun iya tabbatar da wani abu a ciki. Amma ba mu son mu tafi gaba-gadi mu yanke hukunci.

Don haka tsangayar nazarin harkokin gudanarwa ta kafa wani kwamiti da zai duba batun kuma ya gano ainihin wadanda suka yi hirar” in ji Abiodun Olanrewaju.

Mr Olanrewaju ya ce hukumar jami’ar ta nemi farfesan ya yi bayani kan lamari, kuma zai bayar da amsa a kan rubutacciyar tambayar da aka aike masa.

Hakkin mallakar hoto
Getty Images

Image caption

Ana yawan samun dalibai da ke zargin cewa malamansu sun nemi yin lalata da su

Ya kara da cewa akwai kuma kwamiti da jami’a ta kafa na wasu sanannun masu gaskiya, wadanda za su duba wannan zargin da ake yi masa kamar yadda dokokinmu suka tanada.

Sai dai duk da cewa hukumomin jami’ar sun yi ikirarin cewa sun dauki mataki kan lamarin, akwai dalibai da yawa a shafukan internet da ke cewa wannan abin ba yau yake faruwa ba.

Daliban sun yi korfin cewa hukumomin jami’ar ba sa daukar matakan kare su.

Sai dai hukumomin sun ce suna daukar mataki idan wani ya zo ya fada mu su an ci zarafin wata.

Cin zarafi ta hanyar lalata laifi ne a Najeriya, amma duk da haka ana ci gaba da samun aukuwar lamura irin wannan a jami’oin Najeriya.

Mutumin da ya ci attaruhu a wajen gasa yana asibiti


Hakkin mallakar hoto
Spl

Wani mutum wanda ya ci attaruhun da ya fi ko wanne yaji a duniya a wajen gasar cin barkono ya samu kansa a gadon asibiti bayan da ya hadu da wani gigitaccen ciwon kai mai kamar saukar aradu a ka.

Mutumin mai shekara 34 ya ci attaruhun ne safurin Carolina Reaper a wajen agasar da aka yi a birnin New York na Amurka.

Ya fara mummunan ciwon kan ne kwanaki kadan bayan cin attaruhun.

An bayyana lamarin ne a wani rahoto na BMJ Case Reports saboda shi ne al’amari na farko da aka samu dangane da cin attaruhu mai zafi.

Likitan da ya duba shi ya gargadi duk wanda ke cin attaruhu mai zafi da cewa ya je ya ga likita da gaggawa tun kafin ya hadu da matsanancin ciwon kai.

Ciwon kai mai kamar saukar aradu na afkuwa ne idan jijiyoyin da jini ke bi ta kwakwalwa suka takure.

Jim kadan bayan lashe gasar sai mutumin ya fara jin juwa.

Bayan kwanaki kadan sai ya fara ciwon wuya da kuma ciwon kai.

Daga baya sai ciwon ya tsananta inda har aka kwantar da shi a dakin gaggawa, aka kuma yi masa gwaje-gwajen da suka shafi kwakwalwa, amma ba a ga komai ba.

Amma wani hoton kwakwalwasa da aka dauka sun nuna yadda jijiyon kwakwalwar suka kumbura, inda likitoci suka ce ya hadu da cutar reversible cerebral vasoconstriction syndrome (RCSV).

Attaruhun da ya fi ko wanne yaji a duniya

  • Attaruhun Carolina Reaper yana da tsananin yaji
  • A shekarar 2013 ne kundin mutane da al’amura mafiya shahara na duniya Guinness World Records ya ayyana shi a matsayin mafi yaji
  • Kamfanin Ed Currie from da Pucker Butt ne suka samar da shi a Kudancinh Carolina fiye da shekara 10
  • Ya fara shuka attaruhu ne bayan da ya gano cewa akwai wani sinadari mai yaki da cutar kansa a cikin attaruhun

Za a iya cewa ba wani takaimaimai abu da ke jawo cutar RCVS, amma ta kan faru idan an sha wasu kwayoyin magani da ba su dace ba.

Wannan ne karo na farko da aka alakanta cutar da cin attaruhu. Amma a baya an taba alakanta cin wani nau’in borkono da ciwon zuciya.

Dr Kulothungan Gunasekaran, na Asibitin Henry Ford Hospital da ke Detroit, wanda ya rubuta rahoton, ya ce akwai bukatar mutane su dinga kula da haduran da ke tattare da cin borkono.

Alkalin wasa ne ya zalunce mu – Buffon


Hakkin mallakar hoto
Getty Images

Image caption

An bai wa Gianluigi Buffon jan katinsa na farko a gasar zakarun Turai

Kyaftin din Juventus Gianluigi Buffon ya ce alkalin wasa ya zalunce su a wasan da Real Madrid ta fitar da su daga gasar cin kofin zakarun Turai.

Alkalin wasan na Ingila Mark Oliver ya bai wa Madrid fanareti a mintin karshe bayan da Mehdi Benatia ya ture Lucas Vazquez, sannan kuma ya bai wa Buffon jan kati.

“A zahiri take cewa fanaretin boge ne. Babu tabbas,” kamar yadda Buffon ya shaida wa kafar yada labaran Italiya.

Buffon ya kara da cewa kamata ya yi Oliver ya “zauna a cikin ‘yan kallo ya ci dankali saboda yadda ya lalata mana burinmu”.

Real ta samu nasara da ci 3-0 a wasan farko amma sai Juventus suka rama a wasa na biyu, inda Mario Mandzukic ya ci biyu sannan Blaise Matuidi ya ci ta uku.

Sai dai a lokacin da ake shirin tafiya karin lokaci, sai Oliver ya bai wa Madrid fanareti.

Kuma Cristiano Ronaldo ya narka kwallon a cikin raga a minti na 97.

Hakkin mallakar hoto
Reuters

Image caption

Cristiano Ronaldo ya zura kwallo 41 a Real Madrid a kakar bana

Buffon ya zake wurin nuna bacin ransa abin da ya sa aka ba shi jan katinsa na farko a gasar zakarun Turai a wasansa na 650 a Juventus.

Kyaftin din na Juventus ya ce babu yadda za a ce wannan fanaretin gaske ne.

Real Madrid da Liverpool da Roma da kuma Bayern Munich ne suka kai zagayen kusa da na karshe.

A ranar Juma’a ne za a raba kungiyoyin da za su kara da juna.

Gaddafin Libya ne ya bai wa makiyaya makamai – Buhari


Hakkin mallakar hoto
Getty Images

Shugaban Najeriya Muhammadu Buhari ya zargi tsohon shugaban Libiya Mu’ammar Gaddafi da bai wa makiyaya makamai a yankin Yammacin Afirka.

Shugaba Buhari ya bayyana hakan ne a wata sanarwa da mai magana da yawunsa Femi Adesina ya aike wa manema labarai a ranar Laraba.

Sanarwar ta kunshi bayanan da shugaban ya yi wa Archbishop na Canterbury Justin Welby ne, a kan dalilinsa na son sake tsayawa takara karo na biyu a ganawar da suka yi a birnin Landan.

Ya bayyana wa Mista Welby cewa rikicin manoma da makiyaya tsohon abu ne da aka dade ana fama da shi a kasar.

“Sai dai a yanzu ya yi muni ne saboda yadda ‘yan bindiga daga yankin kudu da hamadar sahara ke kara kutsawa cikin yankin Yammacin Afirka,” in ji shugaban.

Hakkin mallakar hoto
Getty Images

Image caption

Makiyaya da a baya mu ka san su da daukar sanda don gyara hanyar wucewarsu kawai, amma a yanzu su na daukar mugayen makamai in ji Buhari

Shugaba Buhari ya kara da cewa: “Mu’ammar Gaddafi na Libiya ne ya horar da wadannan ‘yan bindiga. Da aka kashe shi kuma sai suka tsere da makamansu.

“Mun ga ire-irensu a yakin da muke yi da Boko Haram. Makiyaya da a baya mu ka san su da daukar sanda ko lauje don gyara hanyar wucewarsu kawai, amma wadannan na yanzu su na daukar mugayen makamai.”

Shugaban Najeriyar ya kuma cewa Archbishop na Canterbury din matsalar rikicin manoma da makiyaya ba abun da ya shafi addini ba ne, lamari ne da ya shafi zamantakewa da tattalin arziki, ”amma muna aiki don samar da mafita.”

Ya koka da cewa “siyasa marar kan gado” ce ta jawo rikicin manoma da makiyaya, amma ya bayar da tabbacin samar da mafita ta din-din-din.

A bara, gwamnatin Najeriya ta sanya dokar hana kiwo a wasu yankunan kasar wacce ta jawo ce-ce-ku-ce, inda ta ce a dinga killace shanu a waje daya.

Sai dai kuma an yi biris da wannan doka kuma ana ci gaba da samun rikice-rikice tsakanin manoma da makiyaya a fadin kasar.

Rikicin manoma da makiyaya

Rikicin manoma da makiyaya dai a Najeriya ya yi sanadin asarar rayuka daga dukkan bangarorin biyu, al’amarin da ya jawo hankalin kusan daukacin ‘yan Najeriya.

Rikicin ya fi kamari ne a jihohin Filato da Benue da Taraba da Nassarawa da Kaduna.

Hakkin mallakar hoto
AFP

A baya gwamnatin tarayya ta yi kira ga gwamnonin jihohin da lamarin ya shafa su samar da wuraren kiwo.

Sai dai gwamnonin sun yi fatali da wannan kira, suna masu cewa ba su da isassun filayen da za su bayar domin kiwo.

Amma a watan Fabrairu Gwamna Abdullahi Ganduje na jihar Kano ya gayyaci Fulani makiyaya su koma jiharsa domin gudanar da kiyo ba tare da samun matsala ba.

Karanta karin wasu labarai:

An haifi jariri shekaru 4 bayan mutuwar iyayensa


Hakkin mallakar hoto
Science Photo Library

Image caption

Iyayen jaririn dai sun mutu ne a shekarar 2013, kuma an adana kwayayen haihuwar su a cikin kankara da fatan samun da.

Wasu kafofin watsa labarai a kasar China sun ce an haifi wani jariri shekaru hudu bayan mutuwar iyayen sa a hadarin mota.

Iyayen jaririn dai sun mutu ne a shekarar 2013, kuma an adana kwayayen haihuwar su a cikin kankara da fatan samun da.

Bayan abkuwar hadarin ‘yan uwan iyayen da suka mutu sun yi ta tafka shari’a don samun ikon amfani da kwayayen haihuwar.

Rahotannin sun ce an haifi jaririn ne a watan Disamba, inda a ka sanyawa wata mata ‘yar kasar Laos kwayayen haihuwar a mahaifarta.

Bayan haihuwar jaririn, kakannin sun gudanar da wasu gwaje-gwaje da su ka tabbatar da cewa jaririn jininsu ne kuma hakan zai ba su ikon rike yaron.