An sake kera mutum-mutumin Ronaldo


Hakkin mallakar hoto
AFP

Image caption

Ronaldo ya ce ya ji dadi lokacin da aka kaddamar da mutum-mutuminsa bara

Mutumin nan da aka muzanta a shafukan sada zumunta bayan ya kera mutum-mutumin tagulla na dan wasan kwallon kafa Cristiano Ronaldo bara ya sake kera wani mutum-mutumin dan wasan.

Mutum-mutumin da Emanuel Santos ya kera bara ya sa an rika yi masa shagube da muzantawa inda aka ce mutum-mutumin, wanda aka kaddamar a filin jirgin saman Madeira, bai yi kama da dana wasan ba.

Saidai shekara daya bayan hakan, Mr Santos ya sake tagazawa da zummar rufe bakin masu sukarsa, inda ya kaddamar da sabon mutum-mutumin Ronaldo a shafin intanet na Bleacher Report.

Da yake kare aikin da ya yi, ya ce: “Ni ba mutum ne irin wanda kafafen watsa labarai suka nuna ba; daban nake da yadda suka nuna ni.”

A wata hira mai cike da sosai rai da Mr Santos ya yi da Bleacher Report, ya ce muzantawar da aka yi masa baya ya kera mutum-mutumi na farko ta bata ran iyalinsa sannan ya ji tamkar ba a kaunarsa

Mr Santos ya ce ya sake kera mutum-mutumin dan wasan dan kasar Portugal ne ta yadda zai nuna shi cikin “kama da ke nuna tsayin daka.”

Na’urarku na da matsalar sauraren sauti

Mutum-mutumin Cristiano Ronaldo

Ya bayyana cewa kafin ya kera mutum-mutumin na biyu sai da ya rika nuna shakka da jin tosor saboda kada mutane su sake muzanta shi

Hakkin mallakar hoto
Reuters

Image caption

Emanuel Santos ya kaddamar da mutum-mutumin Cristiano Ronaldo ne a filin jirgin saman Funchal

Dino Melaye zai fitar da sabon kundin wakoki


Hakkin mallakar hoto
FACEBOOK/DINO MELAYE

Dan majalisar dattawan Najeriya Dino Melaye ya ce nan ba da jimawa ba zai fitar da sabon kundin wakoki.

Sanatan ya shaida wa BBC cewa “kowa yana da baiwar da Allah ya yi masa. Ni Allah ya yi min baiwar waka, da a ce na je na zage ka gara na yi maka gwalo. Saboda haka ina son waka. In Shallau kwanan nan zan fitar da sabon kundin waka.”

A cewarsa, yana matukar son hawa motoci na kece-raini saboda suna burge shi.

Da yake bayar da amsa kan zargin da ake yi masa na gudanar da rayuwa harholiya, Sanata Dino ya ce “Duk wanda ya ce ba zan ji dadin rayuwata ba karya yake yi; zan rika sa kaya masu kyau, zan hau motoci masu kyau, amma ba zan yi sata ba kuma tun kafin na zama sanata nake hawa motoci. Tun da na zama sanata ban sake sayen sabbin motoci ba”.

Dan majalisar dattawan ya ce ba zai yi shiru da bakinsa ba matukar ya ga wani abu da ake gudanarwa a gwamnati da bai dace ba.

Ya ce ba ya tsoron tsage gaskiya a duk inda ta kama a fade ta, ba kuma ya duba daga jam’iyyar da mutum ya fito indai batun gaskiyar ya kama ko dan jam’iyyar adawa ta PDP ne, ko kuma APC mai mulki.

”Ni ba na tsoron kowa, idan akai abin da ba daidai ba kuma na ga babu gaskiya a ciki sai na fada, ba na jin tsoron kowa indai ina da gaskiya.”

“A halin da ake ciki ni fa ko Shugaban kasa Muhammadu Buhari, ko Bukola Saraki, ko Dogara kai ko uban da ya haife ni idan ya yi ba daidai ba sai na fada, babu wanda ya isa ya hana ni fadar gaskiya sai dai a kashe ni,” in ji Dino Melaye.

Sai dai har yanzu gwamnatin jihar Kogi ba ta mayar da martani ba game da batutuwan da sanatan ya zarge ta a wannan hirar ba, amma a baya ta sha musanta su.

A ranar Laraba ne rundunar `yan sandan kasar ta ayyana dan majalisar dattawan a cikin mutanen da take nema ruwa-a-jallo, bisa tuhumar da wata kotu ke masa ta taimaka wa miyagun ayyuka, zargin da ya musanta.

Kazalika akwai kalubalen da yake fuskanta na kiranye daga al`ummar mazabarsa.

Hakkin mallakar hoto
FACEBOOK/DINO MELAYE

Ko shan ruwa da yawa yana da amfani ga fatarka?


Hakkin mallakar hoto
Getty Images

Maganar cewa fatarka za ta yi kyau idan kana shan ruwa sosai abu ne da ya zama gama-gari amma abin mamakin shi ne babu wata sheda da za ta tabbatar da gaskiyar hakan. Claudia Hammond ta bincika batun.

Idan kana hankoron ganin fatarka tana kyau da sheki kamar matashi a ko da yaushe, da alama a wani lokaci ka taba jin cewa shan ruwa da yawa yana fitar da guba da sauran abubuwan da jiki ba ya so kuma hakan zai sa fatarka ta yi kyau.

To sai dai wani abu shi ne yawan ruwan da ake cewa mutum ya sha ya bambanta daga wuri zuwa wuri, domin a Amurka shawarar ita ce ka sha kofin ruwa takwas a rana, yayin da a wuraren da suke da zafi da yawa ake shawartarka ka sha fiye da haka saboda gumin da kake yi.

To ko ma dai kofi nawa aka ce mutum ya sha, maganar daya ce, shan ruwa da yawa zai sa jikinka ya kasance da wadatar ruwa, wanda zai kasance laimar da za ta hana jikinka bushewa.

Za ka yi mamaki ganin cewa wannan wani abu ne da ya zama ruwan dare amma babu wata sheda da za ta tabbatar da gaskiyarsa.

Za ka yi tsammanin an yi bincike da dama a kan lamarin, inda aka kasa mutane gida biyu.

Kashi daya an sa su , su rika shan ruwa a kai a kai duk tsawon rana, ‘yan daya kashin kuwa an sa su sha ruwansu kamar yadda suka saba a rana.

Bayan wata daya ko sama da haka sai kuma a duba bambancin kyawun fatarsu, a tantance ko yawan shan ruwa yana gyara fata.

To a gaskiya da wuya a ce an yi irin wannan bincike, ta wani fannin watakila saboda ruwa abu ne da ba wata doka da za ta takaita ikon amfanin da shi ga wani kamfani, wanda hakan zai sa babu wani kamfani da zai dauki

nauyin irin wannan bincike, inda zai mayar da kudinsa har ma ya samu riba ta hanyar sayar da ruwa idan ya yi karanci.

Binciken da likitan fata Ronni Wolf wanda ke asibitin Kaplan Medical Centre da ke Isra’ila ya yi, ya gano nazari daya ne kawai da aka yi, wanda ya duba tasirin shan ruwa na tsawon lokaci a kan fata. Duk haka ma kuma sakamakon ya kasance mai rudani.

Sakamakon ya kasance ne, bayan sati hudu, rukunin mutanen da suka sha karin ruwa(wanda ba a tace shi da sinadarai ba wato ruwan da ke fitowa daga dutse ko wata kafa ta Allah) fiye da yadda suka saba sha, lemar jikinsu

ta ragu, abin da wasu ke ganin jikinsu ya rike lemar ne, yayin da wadanda suka sha ruwan famfo kuwa, aka ga karin lema a jikinsu.

To amma duk da irin ruwan da kowanne kashi na mutanen ya sha, babu wani bambanci a jikin fatar tasu kan abin da ya shafi santsinta ko kyau.

Wanda hakan ke nuna cewa babu wani tasiri ko illa da rashin ruwa a jikin mutum zai yi wa fata.

Za mu iya auna tasirin hakan ne ta hanyar tsaurin fatar. Hanyar ita ce yawan lokacin da fatar mutum za ta dauka ta koma yadda take daidai, idan aka mintsini mutum aka ja fatar sama.

Idan ba ka da ruwa a jikinka sosai fatarka za ta dan dade kafin ta dawo daidai.

To amma fa ba wai cewa idan shan ruwa kadan abu ne maras kyau ga fata, shansa da yawa kuma a ce yana da amfani ba.

Hakan zai zama kamar a ce tun da rashin cin abinci zai jawo wa mutum cutar yunwa, cin abinci da yawa kuma a ce yana da kyau ba.

Harwayau kamar yadda Wolf ya nuna shi kuma, kamar ace ne tun da mota tana bukatar fetur, hakan na nufin yawan man fetur din da aka zuba mata zai inganta yawan kyawun aikinta.

Wani abin da mutane suka yarda da shi kuma dai shi ne, cewa, idan ka sha ruwa da yawa jikinka zai adana shi.

Amma wai ya danganta da a lokacin da ka sha ruwan, misali, idan ka sha kofin ruwa da yawa a cikin mintina 15 za ka fitsarar da ruwan.

Idan kuma ka sha yawan wannan ruwan a cikin sa’oi biyu jikinka zai rike wannan ruwa.

Akwai binciken da ya nuna cewa shan ruwa mai yawan 500ml yana kara tafiyar jini a hanyoyin da ke cikin fata.

To amma ganin minti 30 bayan haka aka yi nazari, a kan fatar, abin da ba mu sani ba, shi ne ko hakan ya kara hasken fatar.

Wata muhawarar kuma ita ce, kashi 30 cikin dari na abin da fata take dauke da shi ruwa ne, wanda hakan yake sa, ta zama bulbul.

Wannan zai iya zama gaskiya, amma, sabuntar fata ya danganta ne da abubuwan da suka hada da kwayar halitta da zafin ranar da ke samunta da kuma illar shan taba.

To abin da ke daure kai a nan, shi ne, ina maganar cewa shan ruwa kofi takwas a rana yana da amfani, ta samo asali.

Ba tantama, ruwa shi ne sinadari mafi muhimmanci a jiki, wanda idan ba shi za mu mutu cikin ‘yan kwanaki, kuma ba shakka akwai karin amfanin da ke tattare da isasshen ruwa a jikin mutum.

A wani bincike da aka yi a 2010 an gano kyakkyawar shedar da ke nuna cewa ruwa yana rage yawan tsakuwar cikin koda a jikin wadanda daman tuni suke da ita.

Amma kuma babu wata sheda mai kwari ta wasu alfanun da aka danganta da ruwan a jiki.

Ana jayayya a kan ka’idar shan kofin ruwa takwas a rana, inda ake ja-in-ja a game da yawan ruwan da ake bukata da zai wanke guba daga cikin koda da kuma ko ruwa yana taimaka wa, ko ba ya taimakawa sha’awar cin abinci ta mutum.

Komai dai ya dangana ne ga yadda yanayin zafi yake, da kuma yadda kake aikata kanka.

Wata al’mara kuma ita ce, yadda ba a ma la’akari da muhimmancin sauran abubuwa na ruwa a jikin.

Ba wai sai abu ya kasance ruwan na zahiri ba, domin ai hatta kayan abinci suna dauke da yawan ruwan da ba ka tsammani.

Yawan ruwan da muke samu a kayan abinci ya dogara ne da inda muke zaune.

A Amurka kashi 22 cikin dari ne, amma a Girka, inda mutane suka fi cin ‘ya’yan itace da ganyayyaki abin ya fi haka.

Matsalar dai gaba daya ita ce, rashin wata cikakkiyar sheda ta tabbatar da cewa shan ruwa da yawa yana kawo wani sauyi mai kyau a fatarka.

Ba za mu iya cewa tabbas babu ba, amma dai babu shedar cewa yana yi.

Wanda wannan ya kawar da maganar yawan ruwan da ya kamata ka sha a kullum.

Tun da dai abin ya dogara ne ga yanayin zafi ko sanyi da kuma abin da kake yi, saboda haka akwai kyakkyawan tsari na jikinmu da zai taimaka. Wannan ba komai ba ne illa kishirwa.

Idan kana son karanta wannan a harshen Ingilishi latsa nan Is drinking extra water good for your skin?

Kun ga sunayen ‘yan PDP da ‘suka saci’ kudin Najeriya?


Hakkin mallakar hoto
Getty Images

Image caption

APC ta ba da hujja a kanmu – PDP

Gwamnatin Najeriya ta fitar da jerin sunayen jami’an jam’iyyar PDP mai hamayya wadanda take zargi da satar kudin kasar.

Ministan watsa labaran kasar Lai Mohammed ne ya fitar da sunayen wadanda ta ce “somin tabi ne” bayan PDP ta kalubalanci gwamnatin Shugaba Muhammadu Buhari ta fadi ‘yan PDPn da suka saci kudin kasar.

A cewar Lai Mohammed, ‘yan PDPn sun hada da shugabanta na yanzu Uche Secondus, ranar 19 ga watan Fabrairun 2015, ya karbi N200m daga ofishin mai bai wa shugaban kasa shawara kan sha’anin tsaro.

Kazalika sakataren kudi – ranar 24 ga watan Oktoban 2014, ya karbi N600m daga ofishin mai bai wa shugaban kasa shawara kan sha’anin tsaro.

Sauran ‘yan PDPn da gwamnatin Shugaba Buhari ta zarga da satar kudin kasar su ne: kakakin jam’iyyar na wancan lokacin Olisah Metuh, wanda yake fuskantar tuhuma kan karbar N1.4bn daga ofishin mai bai wa shugaban kasa shawara kan sha’anin tsaro.

Haka kuma, ana zargin wani jigo a jam’iyyar, mai gidan talabijin na AIT Dr. Raymond Dokpesi, wanda ke gaban kotu bisa zargin karbar N2.1bn shi ma daga ofishin mai bai wa shugaban kasa shawara kan sha’anin tsaro.

Alhaji Lai Mohammed ya ce mai bai wa tsohon shugaban kasa Good luck Jonathan shawara, Dudafa Waripamo-Owei, na cikin barayin da suka saci kudin kasar inda aka gano ya ajiye N830n a asusu hudu, yayin da ake zargi wani dan uwan tsohon shugaban Robert Azibaola, da karbar $40m daga ofishin mai bai wa shugaban kasa shawara kan sha’anin tsaro.

Ministan watsa labaran ya ce “wadannan sunaye da muka fitar somin tabi ne kuma ba mu ne muka kirkiro labarin satar da suka yi ba. Akasarin wadannan mutane na gaban kotu; wasu daga cikinsu ma suna so kotu ta yarda su ba da wani kaso na kudin domin ta sake su.”

Sai dai PDP ta ce an wallafa sunayen ‘ya’yanta ne kawai da zummar bata musu suna, tana mai cewa “babu daya daga cikin mutanen da aka wallafa sunansa da kotu ko wata hukumar bincke mai zaman kansa suka samu da laifi.”

Wata sanarwa da ta wallafa a shafinta na Twitter ta ce, “jerin sunayen da ministan watsa labarai Alhaji Lai Mohammed ya wallafa na nuna cewa APC da shugaban Najeriya ba su da wata hujja da ke nuna PDP na da laifi.”

Masana harkokin siyasa na ganin irin wannan jayayya da ke faruwa tsakanin APC da PDP za ta hana aiwatar da ayyukan ci gaban kasar, inda za a mayar da hankali kan harkokin siyasa.

Hakkin mallakar hoto
NIGERIA MINISTRY OF INFORMATION

Image caption

Lai Mohammed ya ce PDP munafuka ce

Ga karin labaran da za ku iya karantawa:

Hayakin da jiragen ruwa ke fitarwa na kara dumamar yanayi


Hakkin mallakar hoto
Getty Images

Image caption

Hayakin jiragen ruwa na taimakawa wajen dumamar yanayi a duniya

Fannin safarar jiragen ruwa na duniya na fuskantar karuwar bukatar kara kaimi wajen rage hayaki domin taimakawa wajen magance matsalar sauyin yanayi.

Kwararru sun yi hasashen cewa hayakin da jiragen ruwa ke fitarwa, zai iya samar da kaso akalla daya bisa biyar na hayaki mai haddasa dumamar yanayi nan da shekarar 2050.

Saboda yadda harkar sufurin ta ke a kasashen duniya, fannin sufurin na jirgin ruwa ba a sanya shi a tsare-tsare na kasa wajen rage hayakin da ke haifar da dumamar yanayi.

Gwamnatoci da yawa da suka hada na India da Saudi Arabia, sun kin yarda da ka’idar da ake tsarawa ta hayakin da jiragen ruwa yakamata su rinka fitarwa, inda suke cewa hakan zai iya kawo nakasu ga harkar kasuwanci ta duniya.

Ana zagaye na 2 na zaben shugaban kasar Saliyo


Hakkin mallakar hoto
Getty Images

Image caption

Mutum miliyan uku ne ake sa ran za su kada kuri`a a rumfunan zabe fiye da dubu 11, daga cikin al`ummar kasar sama da miliyan 7

Masu kada kuri’a a Saliyo na zaben sabon shugaban kasar a zabe zagaye na biyu wanda aka daga shi a farkon makon da muke ciki.

Za a yi zaben ne karo na biyu sakamakon rashin samun kuri’un da ya kamata daga wajen ‘yan takarar shugabancin kasar su 16 a zaben farko da aka yi.

Jagoran ‘yan hamayya Birgediya Julius Maada Bio mai ritaya shi ne ya samu nasara a kan dan takarar shugabancin a karkashin jam’iyya mai mulki, Samura Kamara a zaben da aka yi na farko.

Wakilin BBC a kasar ya ce, wannan shi ne zaben shugaban kasa mafi daukar hankali tun bayan komawar kasar kan tafarkin dimokuradiyya a cikin shekara 22.

An dage zaben ne na karo na biyu wanda a da aka shirya gudanarwa a ranar Talatar da ta wuce, sakamakon umarnin kotu wanda ya biyo bayan karar da aka gabatar ta magudi a zaben farko.

Ana sa ran samun sakamakon zaben a mako na gaba.

‘Yan kunar-bakin-wake sun kai hare-hare Maiduguri


Hakkin mallakar hoto
Getty Images

Image caption

Ba wanda ya mutu a hare-haren sai wadanda suka kai shi su uku, amma dai wasu mutane sun ji raunuka

An kai wasu hare-haren kunar bakin-wake a yankin Muna Garaj da ke birnin Maiduguri na jihar Borno, ranar Juma’a da almuru, lamarin da ya yi sanadin jikkatar mutane da mutuwar maharan uku.

Sai dai rahotanni sun ce ba wanda ya hallaka in banda ‘yan kunar bakin-waken guda uku, ko da yake wasu mutane sun samu raunuka.

Ko da yake ba wanda ya dauki alhakin kai harin kawo yanzu, amma wasu na ganin ya yi kama da irin wanda ‘yan kungiyar Boko Haram ke yawan kaiwa a wannan wuri.

Tsohon shugaban hukumar bayar da agajin gaggawa ta jihar Borno, SEMA, shugaban kwamitin da ke kula da ayyukan agaji a jihar ta Borno a yanzu Injiniya Satomi Ahmad ya sheada wa BBC cewa hare-haren an kaisu ne daban-daban har uku.

Ya ce jami’an agaji da na tsaro sun kai dauki ga wadanda suka samu raunuka inda aka tafi da su asibiti.

Jami’in ya ce abin ya faru ne da kusan karfe tara da rabi na dare, ko da yake kafin sannan da wajen misalin karfe bakwai, lokacin sallar Magariba, an rika jin kararraki, wadanda ake gani ko na makaman atilare ne na soji.

Rahotanni sun ce bayan kai harin abubuwa sun lafa, mutane suka ci gaba da gudanar da harkokinsu, kafin zuwa lokacin dokar hana fita ta dare wadda ke aiki daga karfe goma da rabi na dare a birnin, ko da yake yankin da abin ya faru suna da lokacinsu na dokar daban, kasancewar yankin na bayan gari ne.

Wannan dai shi ne karo na kusan 13 da ake kai harin kunar bakin-wake a yankin na Muna Garaj, kuma na biyar a cikin wannan shekarar ta 2018.

Gwamnan Zamfara ya ce a kashe duk wanda aka gani da bindiga a jihar


Hakkin mallakar hoto
Getty Images

Image caption

Gwamna Abdul’aziz Yari, ya dauki matakin ne sakamakon ci gaba da mummunan kisa da ake zargin barayin shanu na yi wa jama’a a jihar ta Zamfara

Gwamnan jihar Zamfara a Najeriya, Abdul’aziz Yari, ya umarci jami’an tsaro da su bindige duk wani mutum da suka gani dauke da bindiga a jihar nan take, a zaman hanyar maganin barayin shanu da suka hallaka gomman mutane a jihar a makon nan.

Gwamnan ya bayyana haka ne a ranar Juma’a a yayin wata hira da manema labarai a garin Mafara bayan wani taron da ya yi da shugabannin hukumomin tsaro a jihar.

Alhaji Abdul’azizi Yari ya ce, a hare-haren baya-bayan nan da wasu ‘yan bindiga suka kai kauyen Bawandaji da ke karamar hukumar Anka da kuma harin da aka kai a karamar hukumar Zurmi, an yi jana’izar mutum 34 sabanin yadda kafafan yada labarai suka bayyana cewa sama da mutane 60 aka kashe.

Gwamnan ya ce, bisa la’akari da irin abubuwan da ke faruwa a wasu kauyuka na jihar, gwamnatinsa ta zauna tare da jami’an tsaro da sauran mahukunta inda aka dauki mataki don ganin irin haka ba ta sake faruwa ba.

Abdul’aziz Yari, ya ce, matakin da aka dauka shi ne, gwamnatin jihar ta bayar da umarnin cewa duk wanda aka kama na rike da bindigar da ake aika-aika da ita, idan soja ko dan sanda ya gan shi, to ba bukatar a bar shi ya sake kwana a doron kasa.

Saboda a cewar gwamnan, wanda aka kaman shi ma ya kashe mutane ba adadi, don haka zamansa a cikin al’umma masifa ne.

Ya ce, an dauki wannan mataki ne bisa la’akari da umarnin Allah (SWT), don haka babu wani da-na-sani a kan wannan mataki.

Kazalika gwamnan ya ce, daga yanzu duk wanda aka kama yana taimaka wa irin wadannan mutane da ke kashe jama’a a jihar da wanda ke karbar kudi kamar na fansa ya kai musu idan sun yi garkuwa da mutane duk hukunci iri daya za a yi musu.

Gwamnan ya ce ba bu wani zancen zuwa kotu idan an kama irin wadannan mutanen, hukunci kawai za a dauka a kansu na kashe su ba tare da bata lokaci ba.

Karin bayani a kan hare-haren jihar Zamfara

Jihar Zamfara na cikin jihohin arewacin Najeriya da ke fama da matsalar sace-sacen mutane da kisa domin neman kudin fansa.

Sama da mutum 1000 suka rasa rayukansu a cikin hare-haren ‘yan fashin a jihar cikin shekaru bakwai.

An dade ana fama da kashe-kashen mutane a jihar Zamfara, al’amarin da ya addai mazauna yankin.

Sai dai duk da kokarin da hukumomi ke cewa suna yi har yanzu lamarin bai sauya ba.

A baya ma wani dan majalisar dattawa da ke wakiltar jihar ya zargi Gwamna Abdul’aziz Yari da cewa ya san masu kai hare-haren, zargin da gwamnatin jihar ta musanta.

A ranar 10 ga watan Maris din nan ma, gwamnatin jihar ta tabbatar da kashe Buharin Daji, wanda shi ne jagoran barayin shanun da suka addabi jihar da hare-hare.

Amma ga dukkan alamu kisan nasa bai sa an daina kashe mutane ba.

Falasdinawa sun yi mummunar zanga-zanga a Gaza, An kama wanda ya ‘watsa wa’ budurwa Acid


Dino Malaye ya ce ko Buhari bai isa ya hana shi fadar gaskiya ba

Dan majalisar dattawan Najeriya mai jawo ce-ce-ku-ce, Sanata Dino Melaye ya ce ba zai yi shiru da bakinsa ba matukar ya ga wani abu da ake gudanarwa a gwamnati da bai dace ba.

”Ni ba na tsoron kowa, idan akai abin da ba daidai ba kuma na ga babu gaskiya a ciki sai na fada, ba na jin tsoron kowa indai ina da gaskiya,” in ji shi.

Hakkin mallakar hoto
FACEBOOK/DINO MELAYE

Image caption

Rundunar `yan sandan Najeriya ta ayyana Sanata Dino Melaye a cikin mutanen da take nema ruwa-a-jallo

An kama wanda ya ‘watsa wa’ budurwa Acid

Rundunar ‘yan sandan Najeriya ta ce ta kama wani wanda ake zargi da watsa wa wata daliba ruwan Acid a garin Maiduguri.

Kakakin rundunar ‘yan sandan jihar Borno DSP Edet Okon ya shaida wa BBC cewa rundunar ‘yan sanda ta musamman da ke yaki da masu fashi da makami ne ta kama wanda ake zargin mai suna, Musa Faisal, a jihar Kano ranar Alhamis.

Hakkin mallakar hoto
Getty Images

Image caption

Kawo yanzu mutanen da ake zargin ba su ce komai ba kan batun

Falasdinawa sun yi mummunar zanga-zanga a Gaza

Dubban Falasdinawa sun fara zanga-zangar a kan iyakarsu da Isra’ila a ranar farko ta fara zanga-zangar da za su kwashe tsawon kwana shida suna yi.

Ma’aikatar lafiyar yankin Falasdinawa ta ce akalla mutum takwas ne suka mutu yayin da wadansu kimanin 750 suka ji raunuka bayan fara zanga-zangar a ranar Juma’a.

Hakkin mallakar hoto
Getty Images

Image caption

Falasdinawa sun kafa wadansu sansanoni guda biyar a kan iyakarsu da Isra’ila don yin zanga-zangar wanda suka wa lakabi da ‘Great March of Return’

Dan wasan Man Utd na son buga wa Najeriya

Dan wasan karamar kungiyar Manchester United Tosin Kehinde ya ce a shirye yake ya taka wa tawagar Najeriya leda.

Kehinde mai shekara 19, wanda yake wasa a karamar kungiyar United ‘yan kasa da shekara 23 yana da damar buga wa Najeriya, ko kuma Ingila wasa, amma ya ce shi ya fi son Najeriya.

Hakkin mallakar hoto
Getty Images

Image caption

An haifi Kehinde ne a Legas, amma ya tashi ne a Birtaniya

Karanta karin wasu labaran

Kalli bidiyonmu na yau

Na’urarku na da matsalar sauraren sauti

Yadda dakarun Isra’ila suka tarwatsa Falasdinawa

Na’urarku na da matsalar sauraren sauti

Ma’aikata na amfani da helkwafta wajen zuwa aiki a Brazil

Domin samun karin bayani da kuma tofa albarkacin bakinku a kan wadannan labaran, sai ku garzaya shafinmu na BBC Hausa Facebook.

Dan wasan Man Utd na son buga wa Najeriya kwallo


Hakkin mallakar hoto
Getty Images

Dan wasan karamar kungiyar Manchester United Tosin Kehinde ya ce a shirye yake ya taka wa tawagar Najeriya leda.

Kehinde mai shekara 19, wanda yake wasa a karamar kungiyar United ‘yan kasa da shekara 23 yana da damar buga wa Najeriya, ko kuma Ingila wasa, amma ya ce shi ya fi son Najeriya.

“A kodayaushe ina tare da Najeriya. An haife ni a can. Duka ‘yan gidanmu ‘yan Najeriya. Na fito daga gidan da suke da iko sosai akaina,” in ji dan kwallon.

A ranar Lahadin da ta gabata ne dan wasan ya gana da shugabannin hukumar kwallon kafa ta Najeriya (NFF) don fara bin matakan da za su ba shi damar yi wa Super Eagles wasa.

Dan kwallon ya gana ne da jami’an tare da rakiyar iyayensa a birnin Landan.

Kehinde ya ce yana so ne ya zama kamar dan wasan Arsenal Alex Iwobi wanda shi ma, a shekarar 2015, ya zabi yi wa Najeriya wasa a maimakon kasar Ingila.

An haifi dan wasan ne a birnin Legas amma ya tashi ne a Birtaniya.

Ya kuma koma karamar kungiyar United ne lokacin da yake da shekara 13, kodayake ya ce a yanzu yana da burin yi wa babbar kungiyar United wasa.

Karanta wadansu karin labarai

Na so Man Utd ta yi irin salon wasan Man City – Van Gaal


Hakkin mallakar hoto
Getty Images

Image caption

United ta sallami Van Gaal ne a shekarar 2016

Tsohon Kocin Manchester United Louis van Gaal ya ce ya so kungiyar ta yi irin salon wasan da Manchester City take yi yanzu karkashin jagorancin Pep Guardiola.

Dan asalin kasar Netherlands din ya sha suka lokacin da yake jan ragamar United saboda salon da yake amfani da shi, musamman lokacin da kungiyar ta samu nasara a wasanni hudu kacal cikin 16 da ta buga.

Sai dai an sallame shi ne a shekarar 2016, inda Jose Mourinho ya maye gurbinsa.

Ya ce ‘yan wasan Guardiola suna bukatar su samu nasara ne a wasanni biyu kawai gabanin su lashe gasar Firimiyar bana, saboda sun hada jumullar maki 81 yanzu daga wasanni 30 da suka buga.

“Pep Guardiola mutumi na ne, don a halin yanzu shi ne kocin da ya fi kowa a gasar Firimiya. Guardiola ya mayar da City wani inji, ” in ji Van Gaal.

“Yana irin salon wasan da na so yi a lokacin da nake United. Amma shi ya yi sa’ar samun kwararrun ‘yan wasa. Amma da ni ne da abin ya dauki dogon lokaci. Kodayake ban samu lokacin ba,” in ji shi.

Sai dai ya musanta zargin cewa ba sa jituwa da mutumin da ya maye gurbinsa a United.

Amma ya soki daya daga cikin manyan shugabannin kungiyar Ed Woodward wanda ya ce ya saba alkawarin da ya daukar masa bayan lashe kofin FA.

Karanta wadansu karin labarai

Jack Wilshere: Ko a kwai takaddama tsakanin Arsenal da Ingila


Hakkin mallakar hoto
PA

Image caption

Rabon da Jack Wilshere ya buga wa Ingila wasa tun gasar cin kofin Euro 2016

Arsenal ta ce ‘babu wata takaddama’ tsakaninta da Ingila bayan da Jack Wilshere ya samu rauni a lokacin da ya ke atisaye da tawagar kasar.

Wilshere, mai shekara 26, ka iya taka-leda a wasan Arsenal da Stoke ranar Lahadi duk da cewa bai buga wasannin sada zumuntar da Ingila ta yi da Netherlands da kuma Italiya ba.

Mataimakin manajan Arsenal Steve Bould, wanda ya yi magana a madadin Arsene Wenger, ya ce dawowar Wilshere rigakafi ne kawai saboda rashin lafiyar da ya yi fama da ita.

“Jack ya dan samu rauni a gwuiwarsa, ya dawo gida kuma ya samu sauki,” a cewar Bould.

“A iya sani na babu wata matsala [da Ingila].”

Bould ya kara da cewa dan wasan gaba na Faransa Alexandre Lacazette zai iya dawowa cikin tawagar a karawar da za su yi da Stoke bayan raunin da ya yi fama da shi.

Arsenal tana mataki na shida a teburin Firimiya, maki 13 a bayan Tottenham wacce ke mataki na hudu yayin da ya rage wasa takwas a kammala kakar bana.

An kama wanda ake zargi da watsa wa budurwa a Acid a Kano


Hakkin mallakar hoto
Getty Images

Rundunar ‘yan sandan Najeriya ta ce ta kama wani wanda ake zargi da watsa wa wata daliba ruwan guba na Acid bayan ta shiga Keke Napep ko a daidaita sahu a garin Maiduguri.

Kakakin rundunar ‘yan sandan jihar Borno DSP Edet Okon ya shaida wa BBC cewa rundunar ‘yan sanda ta musamman da ke yaki da masu fashi da makami ne ta kama wanda ake zargin mai suna, Musa Faisal, a jihar Kano ranar Alhamis.

Haka zalika rundunar ta ce ta kama wani Muhammad Babangida wanda shi kuma ake zargi da taimaka wa Faisal wajen kai wa budurwar harin.

Fatima Habu Usman, wacce daliba ce da ke karatu a sashen koyon aikin jinya a Jami’ar Maiduguri, tana cikin mayuwacin hali yanzu haka.

Wadansu mutum biyu ne ake zargi sun watsa ma ta ruwan guba na Acid bayan ta shiga Keke Napep ko a daidaita sahu a ranar 16 ga watan Maris.

Dangin dalibar sun shaida wa kafar yada labarai ta PRNigeria cewa, an sace ta ne a gaban wani banki da ta je domin cirar kudi.

Suka ce bayan ta shiga Keke Napep a hanyar Baga ne, ba ta sani ba, sai daya daga cikin mutanen da ke ciki ya fitar da wani kyalle fari ya shafa ma ta a fuska.

Daga nan ne ta fita hayyacinta, kuma sai ta tsinci kanta a kan kwangirin jirgin unguwar Bayan Quarters a Maiduguri misalin karfe daya na rana, kuma an yi ma ta lahani da ruwan guba a jikinta.

Dalibar dai tana shekarar karshe ne a jami’a.

Yanzu haka likitoci na gudanar da gwaje-gwaje a kan Fatima tare da duba yiyuwar ko za a yi mata tiyata a fuska.

Dole a hukunta wadanda suka wawashe dukiyar Najeriya – Osinbajo


Hakkin mallakar hoto
AHMED OUOBA/AFP/GETTY IMAGE

Image caption

Almundahanar shekara biyar baya ita ta lalata Najeriya in ji mataimakin shugaban kasar Farfesa Yemi Osinbajo

Mataimakin shugaban kasar Najeriya Farfesa Yemi Osinbajo ya ce dole ne a tuhumi wadanda suka wawashe dukiyar kasar.

Osinbajo ya bayyana hakan ne ranar Alhamis 30 ga watan Maris, a wurin taron gabatar da kasidu na masana karo na goma na girmama tsohon gwamnan jihar Legas kuma jagora a jam’iyyar APC Bola Ahmed Tinuba a Ikko.

Ya ce: ”Idan kana yaki da rashawa kamar yadda muke yaki da ita, to rashawa za ta yake ka. Amma kuma mun kudiri aniya ba gudu ba ja da baya.

”Idan ka saurari labarin wadannan matasa, idan ka saurari labarin masu rauni da nakasassu da sauran ire-irensu, mutanen da alhakinsu ya rataya a wuyanmu, wadanda suka zabe mu, to dole ne mu tashi mu kare hakkinsu.

A bisa wannan dalili ne za mu tabbatar da cewa wadanda suka rika debe dukiyar kasar nan sun fuskanci hukunci.”

Mataimakin shugaban na Najeriya ya kara da cewa gwamnatin Buhari tana iya kashe karin kudi saboda a cewarsa, ”idan ba ka saci dukiyar jama’a ba, za ka iya kashe kudi wajen gudanar da ayyukan da suka shafi jama’ar.

Osinbajo ya ce, lokacin da suka fara wannan tafiya a 2014 ta gwamnatinsu, jam’iyyarsu ta APC ta kuduri aniyar sauya yadda ake kallon al’amuran kasar.

Ya ce sun lashi takobin sauya yadda ake kallon kasar a matsayin mai arzikin albarkatun kasa da ma mafi yawan arzikin na al’umma, amma kuma a kullum ake bannata wannan arziki ta hanyar gagarumar rashawa ba tare da ana hukunta masu wawure wannan dukiya ta gwamnati ba, sai sun sauya hakan.

Farfesa Osinbajo ya ce game da yakin da suke yi da rashawa, sun gano cewa, kamar yadda Shugaba Buhari ya ce, ”idan ba mu kashe rashawa ba, rashawa za ta kashe mu.

Mataimakin shugaban na Najeriya ya ce daga abin da ya gani a gwamnati a sheakar uku da ta wuce, almundahanar da aka yi a kasar a cikin shekara biyar ta baya, ita ce ta lalata tattalin arzikin Najeriya.

Ya ce dalilin da ya sa suke magana a kan lamarin shi ne, farko, dole ne su nuna wa jama’a cewa ba za su iya ci gaba da wannan ta’ada ba.

Kuma babu wata kasa a duniya da za ta kyale ana bannata dukiyartsa kamar yadda bannata arzikin Najeriya kuma ta yi tsammanin dorewa da tattalin arzikinta.

Yadda ma’aikata ke amfani da helkwafta wajen zuwa aiki a Brazil


Zuwa aiki a birnin Sao Paulo na kasar Brazil na da matukar sauki, matukar kana da isasshen kudi.

Yanzu za ka iya biyan kudin helkwafta ko tasi ta hanyar amfani da wayarka.

A birnin da mutane kan shafe sa’oi suna zirga-zirga, wannan sabon tsarin sufuri na jan hankali jama’a, to amma mutum nawa ne za su iya biyan kudin jirgin?

Karanta wasu karin labarai

Abin da ya hada ni da Gwamna Yahaya Bello – Dino Melaye


Hakkin mallakar hoto
FACEBOOK/DINO MELAYE

Image caption

Rundunar `yan sandan Najeriya ta ayyana Sanata Dino Melaye a cikin mutanen da take nema ruwa-a-jallo

Sanata Dino Melaye na cikin mutanen da suka buwaya a Najeriya sakamakon yawan shiga takaddama, wanda kuma yake takon saka tsakaninsa da Gwamnan jiharsa ta Kogi wato Yahaya Bello.

A ranar Laraba ne rundunar `yan sandan kasar ta ayyana dan majalisar dattawan a cikin mutanen da take nema ruwa-a-jallo, bisa tuhumar da wata kotu ke masa ta taimaka wa miyagun ayyuka, zargin da ya musanta.

Haka zalika akwai kalubalen da yake fuskanta na kiranye daga al`ummar mazabarsa.

Sai dai ya ce har yanzu mutanensa na kaunarsa don haka zai ci gaba da wakiltarsu har zuwa shekarar 2019.

Har ila yau dan majalisar ya zargi Gwamnan jihar Yahaya Bello da hannu a yunkurin yi masa kiranye.

Amma gwamnan ya sha musanta hakan.

Tsakanina da Gwamnan jihar Kogi

“Wallahi, wallahi babu wani abu da ya hada ni da Gwamna Yahaya Bello. Ni dai na taba fitowa na ce ya biya ma’aikata albashi,” in ji Sanata Dino.

“Yahaya Bello ya yi kusan shekara uku bai hanya ko da ta Kilomita daya ba a jihar Kogi. An kulle makarantun Kogi kusan shekara daya,” in ji shi.

Jayya tsakanin majalisa da bangaren zartarwa

Sanatan ya kare majalisar dangane da rashin jituna da ke tsakaninsu da bangaren zartarwa, lamarin da ke haddasa jinkiri wajen aiwatar da ayyukan gwamnati, ciki har da batun kasafin kudin kasar.

Ya ce rashin bayyanar ministoci a gaban kwamitocin majalisar don su kare kasafin kudin ma’aikatansu shi ne dalilin da ya sa aka samu jinkiri wajen amincewa da shi.

  • Latsa alamar lasifikar da ke kasa don sauraron cikakkiyar hirar da Sanatan ya yi da Ibrahim Isa

Na’urarku na da matsalar sauraren sauti

Dino Melaye

Dino Melaye a takaice

  • Dan asalin jihar Kogi, amma an haife shi a Kano
  • Shekararsa 44
  • Ya yi karatun firamare a Kano
  • Ya yi digirinsa a Jami’ar Ahmadu Bello ta Zariya
  • Yana wakiltar Kogi Ta Yamma a majalisar dattawan Najeriya
  • Ya taba zama dan majalisar waklilan Najeriya har sau biyu
  • An san shi da tarar aradu da ka a harkokin siyasa
  • Ya taba karbar lamar yabo na dan majalisar wakilan da babu kamarsa daga wata kungiyar matasa

Karin labaran da za ku so ku karanta:

Ko shugaba Buhari bai isa hanani fadar gaskiya ba


Image caption

Dan minsitan man Najeriya, Uche Kachikwu ya ce ba domin matsayin babansa ne Dino Melaye ya fito a bidiyonsa ba.

Dan majalisar dattawan Nigeria mai cike da cece-kuce, Sanata Dino Melaye ya ce ba zai yi shiru da bakinsa ba matukar ya ga wani abu da ake gudanarwa a gwamnati da bai dace ba.

A na yi wa Senata Dino Melaye kallon ya na cikin mutanen da suka buwaya sakamakon yawan shiga takaddama, ana kuma jibanta shi da wani rukuni na `yan majalisa da ke hana-ruwa-gudu ga bangaren zartarwa.

Dan majalisar dattawan ya yi kaurin-suna wajen arangama da gwamnoni daban-daban a jihar Kogi, ciki har da gwamna mai ci.

Ya shaidawa BBC cewa baya tsoron tsage gaskiya a duk inda ta kama a fade ta, ba kuma ya duba daga jam’iyyar da mutum ya fito indai batun gaskiyar ya kama ko dan PDP, ko APC mai mulki.

”Ni ba na tsoron kowa, idan akai abin da ba daidai ba kuma na ga babu gaskiya a ciki sai na fada, ba na jin tsoron kowa indai ina da gaskiya. A halin da ake ciki ni fa ko shugaban kasa Muhammadu Buhari, ko Bukola Saraki, ko Dogara kai ko uban da ya haife ni idan ya yi ba daidai ba sai na fada, babu wanda ya isa ya hanani fadar gaskiya sai dai a kashe ni,” inji Dino Melaye.

Kan batun rashin jituwar da ba ya yi da gwamnan jiharsa Yahya Bello, ya ce babu wani abu da ya taba faruwa tsakaninsu. Sannan dama can ya saba kalubalantar tsofaffin gwamnonin PDP na jihar da suka gabata, kuma ba zai koma jihar Kogi ba har sai shekara mai zuwa ba kuma zai ce uffan kan batun sa da gwamna Bello ba saboda su na gaban kotu.

Senata Dino ya yi suna wajen rayuwar bushasha da facaka da kudi, inda a kwanakin baya ya fito cikin wata waka an nuna shi cikin motar alfarma ana ta watsa daloli sama.

Dino ya kare kan sa da cewa ba satar kudin wani ko gwamnati ya yi dan sayan motoci da rayuwar kasauta da ya ke yi ba, saboda daman can shi mutum ne mai son motoci da rayuwar jin dadi.

Ya kara da cewa ”Babu wanda ya isa ya hanani jin dadi, dan babu wani hadisi ko annabi da ya ce kar mutum ya ji dadin rayuwarsa. Ba kudin wani na sata ba bare ace ban yi daidai ba, sannan ni mutum ne mai son wake-wake kwanan nan ma zan fitar da sabbin wakokin da na yi.”

Ko da yake ana yawan kalubalantar a matsayinsa na wakilin al’uma bai kamata ya dinga haka ba, amma ya ce ya na yi wa al’umarsa aiki ko a yanzu shi kadai ne a cikin Sanatoci da ya mallaki gidan marayu.

MDD ta kawo karshen aikin wanzan da zaman lafiya a Liberia


Image caption

Akwai zarge-zargen dakaraun na MDD sun ci zarafin mata ta hanyar lalata da su

Bayan shafe shekara goma sha biyar ta na aikin tabbatar da zaman lafiya a kasar Liberia, Majalisar Dinkin Duniya ta kawo karshen wannan aiki.

Tsahon wannan lokacin kasar ta samu gagarumin ci gaba musamman na kawo karshen yakin basasa da dorewar zaman lafiya.

Akalla jami’an Majalisar Dinkin Duniya dubu goma sha shida, da suka fito daga kasashe sama da goma ne suka gudanar da wannan aiki da aka fi sani da UNMIL.

An yi kiyasin kusan farar hula dubu dari biyar aka hallaka a lokacin yakin basasar kasar tsakanin shekarar 1989 zuwa 2003, sannan kusan rabin al’umar kasar ne suka rasa muhallansu.

Wasu rahotanni kuma sun ce kusan kashi tamanin cikin dari na mata da yaran Liberia sun fuskanci wani nau’in cin zarafi ciki har da lalata da su a lokacin yakin.

Kuma bayan kawo karshen yakin, Liberia ta yi nasarar gudanar da zabukan shugaban kasa har sau uku.

Zabe na baya-bayan nan da aka yi a watan Oktoba ya kafa tarihi, inda tsohon zakaran kwallon kafa George Weah ya nasara bayan an tafi zagaye na biyu na zaben.

Sanatoci nawa ne ke goyon bayan Buhari, an yi ‘ruwan kudi’ a bikin ‘yar Dangote


An bai wa Buhari lambar yabo ta ‘boge’

Cibiyar The King Center, wacce ke adana tarihin fitaccen bakar fatar nan na Amurka, marigayi Martin Luther, ta nesanta kanta daga lambar yabon da aka bai wa Shugaba Muhammadu Buhari na Najeriya.

Ko lambar yabon ta gaske ce ko ta boge?

Hakkin mallakar hoto
Bashir Ahmed Twitter

An kashe fiye da mutum 60 a Zamfara

Mazauna wani kauye da ke jihar Zamfara a arewacin Najeriya sun ce barayin shanu sun kashe sama da mutum 60 a kwanaki biyu da suka wuce.

Sun shaida wa BBC cewa mutum 15 aka kashe a harin farko.

Hakkin mallakar hoto
zamfara government

Image caption

An kashe mutane da dama a sabbin hare-haren jihar Zamfara

An hana El-Rufai karbar bashin naira biliyan 126

Majalisar dattawan Najeriya ta yi watsi da bukatar da gwamnan jihar Kaduna Nasir El-Rufai ya gabatar mata ta cin bashin $350m (naira biliyan 126) daga Bankin Duniya.

‘Yan majalisarsun yi watsi da bukatar karbo bashin ne “saboda Kaduna ita ce jiha ta biyu da ta fi yawan bashin da ake bin ta”.

Hakkin mallakar hoto
KADUNA STATE GOVERNMENT

Image caption

Nasir El-Rufai na rigima da sanatoci biyu da suka fito daga Kaduna

Karanta karin wasu labaran

Kalli bidiyonmu na yau

Na’urarku na da matsalar sauraren sauti

Yadda ‘yan birne ke farfado da bukukuwan kauye

Na’urarku na da matsalar sauraren sauti

Takaddama

Domin samun karin bayani da kuma tofa albarkacin bakinku a kan wadannan labaran, sai ku garzaya shafinmu na BBC Hausa Facebook.

Ficewar Birtaniya daga EU: ‘Fargaba’ ta kama ma’aikatan kasar


Hakkin mallakar hoto
Getty Images

Image caption

Ma’aikata da dama na tofa albarkacin bakinsu akan kyawun aiki daga ‘yan Turayyar Turai

Sabon rahoton ya ce ma’aikata a kamfanonin Birtaniya na cewa ba su san yadda harkokin shige da fice za su kasance ba, bayan kasar ta fita daga Tarayyar Turai.

Wani kwamiti mai bayar da shawarwari akan harkokin shige da fice ya ce kamfanonin sun nuna damuwarsu kan yadda makomar daukar ma’aikata daga Tarayyar Turai za ta kasance bayan Birtaniya ta fita daga kungiyar (Brexit).

Ya kara da cewa ma’aikata a Birtaniya na kallon ma’aikatan da su ka fito dag Tarayyar Turai za su fi zama abin dogaro fiye da takwarorinsu na kasar ta Birtaniya.

Rahoton dai wani bangare ne na waiwayar yadda fitar Birtaniya za ta yi tasiri ga ma’aikatan kasar.

Karin labaran da za ku so ku karanta:

Da yawa daga ma’aikatan da ke a cikin Tarayyar Turai a shirye su ke su yi aiki fiye da tsawon wasu sa’oi idan an kwatanta da ‘yan kasar ta Birtaniya.

To amma kwamitin ya ce ba za a yi saurin amfani da wannan lamari ba.

Fitar Birtaniya daga Tarayyar Turai

Binciken da rahoton ya gudanar ya gano cewa ‘yan kasashen da su ka fito daga kungiyar Tarayyar Turai a Birtaniya, ana biyansu albashi da kashi 12 fiye da wadda ake biyan ma’aikata ‘yan kasar ta Birtaniya.

Hakkin mallakar hoto
Getty Images

Image caption

kwamitin yace raguwar ‘yan tarayyar turai shiga Birtaniya zai shafi ci gaban kasar

Wani hasashe ya nuna da yawa daga ma’aikatan ba sa neman aiki kamar sauran takwarorinsu.

To amma kuma sauran takwarorinsu da su ka nemi ayyukan su kan zama ma’aikata masu kwazo.

Akwai yiwuwar karancin ma su shiga Birtaniya ya janyo ci gaban kasar ya yi kasa.

Sai dai babu tabbacin hakan in zai shafi jin dadin al’ummar kasar.

Alkaluma na baya-baya sun nuna yawan gibi da aka samu a tsakanin shige da fice a Birtaniya, wadda ya zo da yawan mutane 90,000 – wani mafi karanci a cikin shekaru biyar.

Shin lambar yabon da aka bai wa Buhari ta ‘boge’ ce?


Hakkin mallakar hoto
Bashir Ahmed Twitter

Image caption

A ranar Litinin ne wasu da aka ce iyalin Martin Luther ne suka ziyarci fadar shugaban Najeriya inda suka ba shi lambar yabon

Cibiyar The King Center, wacce ke adana tarihin fitaccen bakar fatar nan na Amurka, marigayi Martin Luther, ta nesanta kanta daga lambar yabon da aka bai wa Shugaba Muhammadu Buhari na Najeriya.

Ranar 26 ga watan Maris ne wasu da aka ce iyalin Martin Luther ne suka ziyarci fadar shugaban Najeriya tare da rakiyar mai ba shi shawara kan harkokin ‘yan kasar mazauna kasashen waje, Abike Dabiri, inda suka ba shi lambar yabon da ake kira 1st Black History Month National Black Excellence and Exceptional African Leadership Award 2018.

Sun ce an ba shi lambar yabon ne saboda jajircewarsa wurin mulki na gari.

Sai dai a wani sako da cibiyar ta wallafa a shafinta na Twitter ranar 28 ga watan Maris ta ce “ba cibiyar The King Center ce ta bai wa Shugaba Buhari lambar yabo ba, kuma ba ‘ya’yan #MLK da #CorettaScottKing ne suka ba shi ba.”

Fadar shugaban kasa ta shaida wa BBC cewa lambar yabon ba ta boge ba ce kamar yadda wasu ke zata.

A cewarta, nan gaba kadan za ta fitar da sanarwa domin yin karin haske kan batun.

Wannan batu dai ya jawo zazzafar muhawara a shafukan sada zumunta, inda wasu ke caccakar shugaban kasar “saboda bai wa kasar kunya a irin karairayin da take yi da zummar boye gazawarta wurin gudanar da mulki”.

Wani mai amfani da shafin Twitter Donn Rolly ya rubuta cewa: “Amma mutane mu duba mana. Yaya za a damfari Shugaba Buhari irin haka da lambar yabon boge kamar wacce aka yi a Aba.”

Sai dai yayin da ‘yan kasar da dama ke kushe tare da ganin baiken gwmnatin Buharin kan wannan lambar yabo, wasu kuwa suna ganin lambar yabon ba ta boge ba ce, inda har suke nuna goyon bayan gwamnatin.

Hakkin mallakar hoto
Bashir Ahmed Twitter

Yadda ‘yan birni ke farfado da bukukuwan kauye


Ku latsa alamar hoton da ke sama don kallon shagalin bikin ‘Kauyen Day’

A kullum jama’a suna fito da nau’ikan bukukuwan musamman a lokacin bikin aure.

Ranar Kauye ko ‘Kauye Day’ na daga irin bukukuwan da suke kara samun farin jini musamman wajen mata iyayen biki a wasu yankunan arewacin Najeriya.

Ga dai daya dga cikin irin wadannan shagulgula a cikin bidiyon da ke sama.

Sojin Amurka sun hallaka babban dan Al-Qaeda a Libya


Hakkin mallakar hoto
AFP

Image caption

Harin shi ne na farko na sama da rundunar sojin Amurka a Afirka ta kai kan ‘yan Al-Qaeda a yankin kudu-maso-yammacin Libya shekara 2 bayan da ta gama da ISIS a can

Rundunar sojin Amurka da ke Afirka ta ce ta yi nasarar hallaka wani babban kwamandan kungiyar Al-Qaeda , Musa Abu Dawud, a hare-haren sama da ta kai a kudancin Libya a karshen makon da ya gabata.

Ana daukar wannan babban kwamanda Musa Abu Dawud a matsayin mai tsattsauran ra’ayi wanda ke barazana da kuma tsara kai hare-hare a kan muradun kasashen yammacin duniya a yankin Afirka ta Arewa.

A sanarwar da rundunar mai suna AFRICOM a takaice ta fitar, ta ce an tsara kai harin da ya yi sanadiyyar kashe babban jami’in ne da hadin guiwar gwamnatin Libya wadda kasashen duniya suka amince da ita.

A wannan harin sama da sojin na Amurka suka kai ranar Asabar sun yi nasarar hallaka mayakan masu tsattsauran ra’ayi da ke ikirarin Jihadi su biyu a wani sansanin kungiyar ta Al-Qaeda da ke garin Ubari mai dausayi a hamada.

Daya daga cikinsu shi ne Musa Abu Dawud wanda aka yi amanna shi ne ke jagorantar shirin daukar mayaka a yankin.

Yana da dadadden tarihin alaka da tsattsauran ra’ayi a yankin Afirka ta Arewa, tun daga farkon shekarun 1990.

Da farko Musa Abu Dawud dan kungiyar Salafiyya ta Algeria ne da ke da’awa da kuma yaki, wadda daga baya ta rikede zuwa reshen kungiyar Al-Quaeda a yankin Maghreb.

A shekara ta 2016 ne ma’aikatar harkokin wajen Amurka ta ayyana shi a matsayin dan ta’adda na duniya.

Jami’an Amurka sun yi amanna shi ya kitsa miyagun hare-hare da dama da kungiyar ta Al-Qaeda ke kaiwa a yankin, ciki har da wanda aka kai wani sansanin soji a Algeria, da wanda aka kai kan wasu dakarun Tunusia da ke sintiri a tsaunukan Chaambi na kasar.

Ba a san lokacin da wannan babban kwamanda na kungiyar ta Al-Qaeda Musa Abu Dawud ya koma Libya ba.

Ko da yake sai a karshen mako ne aka bayyana kai harin, ya dauki sojin Amurkar kwanaki da dama su tabbatar da mutuwar manyan jami’an na kungiyar, bayan abin da suka kira kammala nazarin illar da harin ya yi.

Shi dai yankin kudancin Libya yawancinsa babu doka da oda, kuma wannan gari na Ubari na karkashin ikon kungiyoyin mayakan sa-kai ne daban-daban.

‘Shugabannin al’umma za su taka rawa a zabe mai zuwa’


Image caption

Jihar Kano na daga cikin jihohin da ke kawo yawan kuri’u a arewacin Najeriya

Wata kungiyar fafutukar tabbatar da kyakkyawan shugabanci da cigaban jihar Kano ta fara gangamin yadda zaben shugabanni zai kasance a jihar a zaben shekarar 2019.

Kungiyar Kano LEADS a arewacin Najeriya ta ce in har ana so jihar ta bunkasa to sai an sauya tsarin da ake bi wajen zabo shugabannin al’umma.

Daga cikin masu wannan yunkuri dai akwai wadanda ke ganin ba a damawa da su yadda ya kamata a tsarin shugabanci a matakai daban-daban.

Farfesa Nazifi Darma na cikin wadanda suka kafa kungiyar, ya kuma shaida wa BBC cewa lokaci ya yi da ya kamata shugabannin al’umma kama daga masu unguwanni da dagatakai da matasa su hadu dan zabar wakilan da za su ciyar da al’umma gaba.

Farfesa Darma ya ce: ”Duk wanda yake son tsayawa takara, sai ya gabatar da kanshi ga wadannan wakilan al’umma, a zauna dan tattaunawa kan irin ayyukan da mazauna yankin suke bukatar dan takara ya yi musu idan sun mara masa baya ya ci zabe.”

Ya kara da cewa lokaci ya yi da jama’a za su daina turawa ‘yan siyasa mota suna bade su da kura, inda ya kara da cewa: ”Ba kai tsaye za a yi abun ba, za a yi komai a rubuce da kuma shaidu saboda guje wa rashin cika alkawari da wasu ‘yan siyasa ke yi da zarar sun samu biyan bukata.”

Saura kasa da wata 11 a gudanar da manyan zabukan shekara ta 2019 a Najeriya, amma tuni jama’a daban-daban a kasar suka fara daura damarar ganin sun kai ga biyan bukatunsu na shugabanci.

Fursunoni 68 sun mutu a tarzoma a Venezuela


Hakkin mallakar hoto
Reuters

Image caption

Dangin wadanda ake tsare da su a caji ofis din sun yi kokarin kutsawa ciki a lokacin da ya kama da wuta

Mutane akalla 68 ne suka mutu da dama suka samu raunuka a sakamakon tarzoma da fursunoni suka tayar a wani ofishin ‘yan sanda a birnin Valencia na kasar Venezuela.

Ana ganin an samu asarar rayukan mutane da yawa ne saboda gobarar da ta tashi bayan da tsararrun suka cinna wuta a katifu a kokarin da suka yi na tserewa.

Wani jami’in gwamnati a jihar Carabobo, inda garin da lamarin ya faru yake, ya ce jihar na cikin makoki.

Dangin fursunonin sun ce da dama sun mutu ne watakila a sanadiyyar hayakin da suka shaka.

Rahotanni sun ce ‘yan sanda sun yi amfani da hayaki mai sa hawaye domin tarwatsa ‘yan uwan wadanda ke tsare a caji ofis wadanda suka kewaye wurin suna kokarin shiga ciki a lokacin da lamarin ke faruwa.

Wani jami’in gwamnati ya ce an harbi wani dan sanda, sannan ‘yan kwana-kwana sun yi nasarar kashe wutar.

Sannan ya kara da cewa likitoci masu bincike na kokarin tantance yawan mutanen da suka mutu.

Rahotannin da ba na hukumomi ba wadanda kafafen watsa labarai ke bayarwa na cewa yawan mutanen da suka mutu ya kama daga 60 zuwa 78.

Wasu daga cikin ‘yan uwan wadanda ke tsare a caji ofis din sun bayyana wa manema labarai cewa sun zaku su san ainahin abin da ya faru da kuma halin da ‘yan uwansu ke ciki.

Wata mata da danta ke tsare a wurin ta ce, ”ba su gaya min komai ba. Ina son sanin halin da dana yake ciki. Ba ni da wani bayani a kansa, ban san komai ba. Muna son bayani a kan iyalanmu. Muna bukatar bayani. Duba yadda muka zaku.”

Gidajen yari a Venezuela na fama da cunkoso da matsalar satar shiga da makamai da miyagun kwayoyi da kuma kungiyoyin bata-gari.

Kasar na fafutukar yadda za ta rika tsare fursunoninta a yayin da take fama da matsalar tattalin arziki, abin da ke sa tsare masu laifi a wurare na wucin-gadi kamar wannan caji ofis din da aka samu asarar rayuka a Valencia.

Shugaban wata kungiyar nema wa jama’a ‘yanci, Carlos Nieto ya ce wasu ofisoshin ‘yan sandan suna dauke da tsararru linki biyar na yadda ya kamata a ce an sa.

Malala ta isa gida Pakistan


Image caption

Shekaru shida ta suka gabata, Malala na gdon asibiti a Birtaniya

A karon farko cikin shekara 6, matashiya Malala YousafZai da ta dauki lambar zaman lafiya ta Nobel ta isa kasar ta wato Pakistan.

Shekara 6 da ta gabata ne mayakan kungiyar Taliban suka harbi Malala a Ka da kawayenta a gundumar Swat Valley a lokacin da suke kan hanyar zuwa makaranta.

Malala mai shekara 20, ta samu gurbin karatu a jami’ar Oxford ta Birtaniya, kasar da ta ke zaune tare da iyayenta da kannenta.

Malala za ta halarci wani taro a kasarta, sannan su gana da firai minista Shahid Khaqan Abbasi.

A shekarar 2012 ta bar kasar Pakista cikin hlin rai kwa-kwai mutu-kwakwai, a lokacin reshen kungiyar Tehriki Taliban na Pakistan ne suka dauki alhakin kai harin.

Sun kuma tabbatar da Malala suka kai wa harin saboda nuna adawa da manufar Taliban, da karfafawa ‘ya’ya mata gwiwar yin karatu.

Wakiliyar BBC ta ce Malala Yousefzai ta dawo inda ya kasance mahaifarta, tun a watan Oktobar 2012 ne ta shiga Birtaniya a matsayin mara lafiya da aka har ba a kai.

Bayan daukar lokaci a asibiti, ta kamallama karatun sakandare, a yanzu ta samu gurbin karatu a jami’ar Oxford ta Birtaniya, ta na kuma halartar taruka da dama a duniya da ta ke karfafa ilimin ‘ya’ya mata.

An bai wa ‘yan sandan duniya umurnin kama Dino Melaye


Hakkin mallakar hoto
NPF

Image caption

Rundunar ‘yan sandan Najeriya ta bai wa hukumar ‘yansanda ta kasa da kasa umurnin kama Senata Dino Melaye

Rundunar ‘yansandan Najeriya ta ce ta ankarar da hukumar ‘yan sanda ta kasa da kasa watau INTERPOL cewa ta kama dan majalisar dattawan kasar Sanata Dino Melaye da wasu mutane bakwai.

A ranar Laraba ne dai aka tsara cewa dan majalisar da kuma sauran mutanen bakwai za su gurfana gaban wata kotu da ke jihar Kogi bisa tuhumarsu da hannun a wasu ayyukkan kisa da fashi da makami da kuma garkuwa da mutane amma sai ba su bayyana ba.

Sai dai babban Sufeton ‘yan sandan Najeriya Ibrahim K. Idris, ya sauke kwamishinan ‘yan sandan jihar Kogi, CP Ali Janga daga kan mukaminsa.

Wata sanarwa da mai magana da yawun rundunar ‘yan sandan kasar Jimoh Moshood ya aikewa manema labarai ta ce, an sauke shi ne saboda guduwar mutum shidan da aka tsare da su.

Sanarwar ta kuma ce ana tsare da wasu jami’an yan sanda 13 kuma ana bincike a kansu dangane da rawar da suka taka a guduwar mutanen su shida.

Babban sufeton ‘yan sanda ya umurci CP Esa Sunday Ogbu ya wuce jihar Kogi kuma ya fara aiki a matsayin kwamishinan yan sanda na jihar.

Ibrahim Idris ya tura da tawagar kwararu masu bincike zuwa jihar kuma tuni suka isa garin Lokoja domin su sake kama wadanda suka tsere.

Hukumar ‘yan sanda ta ce mutun shiddan da suka tsare tun farko sun bayar da shaidar cewa dan majalisar dattawan kasar Dino Melaye yana goyon bayan ‘yan fashi da makami suka yi.

Sai dai a hirar da ya yi BBC a baya-baya nan Sanata Melaye ya musanta zargin.

Hakkin mallakar hoto
FACEBOOK/DINO MELAYE

Image caption

Sanata Dino Melaye ya musanta zargin da ake yi masa

Sai dai Sanata Melaye ya ce rundunar ‘yan sandan karya take yi don ba a taba gayyatarsa zuwa kotu ba, sai a kafafen watsa labarai ya ji labari.

“Batun da aka ce wai sufeto janar na ‘yan sanda ya ce na je kotu ranar 20 ga wata, to ai ni a wannan rana ma ba na nan, ina Ghana tare da wasu sanatoci ‘yan uwana kan wani taro na harkar mai.

“Don haka ni ba wanda ya taba ba ni wata gayyata daga kotu, ko a wannan karon ma da suka ce ana nemana ranar 28 ga wata har yanzu ba wanda ya kawo takarda daga kotu cewa ana nemana.”

Sanata Melaye ya kuma ce a yanzu haka rayuwarsa na cikin barazana ta yadda ba zai iya zuwa garin Lokojo ba, inda can ne babban birnin jiharsa ta asali, saboda “sau biyu aka nemi a kashe ni a can,” in ji shi.

Nigeria: An kashe mutum 25 a sabbin hare-haren a Zamfara


Na’urarku na da matsalar sauraren sauti

Hira da wani ganau kan kisan Zamfara

Ku latsa alamar lasifikar da ke sama domin sauraron karin bayanin da wani ganau mazaunin garin ya yi wa BBC:

Rahotanni daga jihar Zamfara da ke arewacin Najeriya, na cewa wasu ‘barayin shanu’ sun kai hari kan wani kauye har sau biyu cikin kasa da sa’a 24, inda suka kashe mutane da dama.

‘Yan bindigar sun kai harin ne kauyen na Bawardaji da ke karamar hukumar Anka a jihar ta Zamfara.

Wani mazaunin kauyen ya shaida wa BBC cewa, ‘yan bindigar sun kashe mutum 13 ne a harin farko da suka kai a ranar Talata da rana.

Mutumin ya ce, ‘yan bindigar sun sake komawa kauyen a safiyar ranar Laraba inda suka bude wuta a kan mutanen da suka taru domin jana’izar wadanda aka kashe ranar Talata din.

A nan ne kuma suka sake kashe mutum 12, kuma ba a ga wasu da dama ba.

Hakkin mallakar hoto
zamfara government

Image caption

An kashe mutane da dama a sabbin hare-haren jihar Zamfara

An dade ana fama da kashe-kashen mutane a jihar Zamfara, al’amarin da ya addai mazauna yankin.

Sai dai duk da kokarin da hukumomi ke cewa suna yi har yanzu lamarin bai sauya ba.

A baya ma wani dan majalisar dattawa da ke wakiltar jihar ya zargi Gwamna Abdul’aziz Yari da cewa ya san masu kai hare-haren, zargin da gwamnatin jihar ta musanta.

A ranar 10 ga watan Maris din nan ma, gwamnatin jihar ta tabbatar da kashe Buharin Daji, wanda shi ne jagoran barayin shanun da suka addabi jihar da hare-hare.

Amma ga dukkan alamu kisan nasa bai sa an daina kashe mutane ba.

Ba zan koma Real Madrid ba — Marcos Alonso


Hakkin mallakar hoto
Getty Images

Image caption

Marcos Alonso ya ce zai yi zamansa a Stamford Bridge

Marcos Alonso ya ce ba zai koma Real Madrid da taka-leda ba, idan an kammala kakar bana, zai ci gaba da zamansa a Chelsea.

Alonso mai tsaron baya ya koma Stamford Bridge daga Real Madrid a shekarar 2016.

Dan kwallon mai shekara 27, ya buga wa Spaniya wasan sada zumunta da ta shararawa Argentina kwallo a ranar Talata.

Wasu rahotanni ne ke cewa Alonso zai koma Santiago Bernabeu da murza-leda idan an kare kakar wasannin ta bana.

Alonso ya ce ya buga wa Real Madrid wasan farko a kakar 2009/10 karkashin koci Manuel Pellegrini, sannan ya samu damar buga gasar Premier, zai kuma ci gaba da zamansa a Stamford Bridge.

Abun da ya sa matasa suka kafa jam’iyyarsu a Najeriya


Hakkin mallakar hoto
Maryam Laushi

Image caption

Wannan dai shi ne karon farko da aka kafa sabuwar jamiyya ta matasa zalla a Nigeria

A baya-baya nan ne hukumar zabe a Najeriya ta bai wa matasa damar kafa jam’iyyar Modern Democratic Party ta matasa zalla.

Wannan dai shi ne karon farko da aka kafa sabuwar jamiyya ta matasa zalla tun bayan da Najeriya ta koma kan tafarkin mulkin dimokradiya shekaru 19 da suka gabata.

Sakatariyar yada labaran jam’iyyar ta MDP, Maryam Laushi ta ce jam’iyyar tasu ba za ta tsayar da wadanda suka tsufa takara ba.

“Idan an zo maganar takara ka da ya zamanto cewa datijjai ne kawai suka cika wuri, wadanda suka tsufa da yawa ba za su iya aikin da ya kamata ba, ba su da irin tunanin da muke bukata,” a cewar Maryam.

Sai dai duk da cewa kafuwar jam’iyyar alama ce da ke nuna cewa matasa a kasar kan iya sanya zare da datijjai a zaben 2019 , amma tambayar anan ita ce ko jam’iyyar tasu za ta iya fafatawa da manyan jam’iyyun siyasa biyu da suka fi tagomashi a kasar

Ko da yake matasan sun ce fatansu shi ne jam’iyyar ta samu karbuwa daga wurin jama’a.

Hakkin mallakar hoto
Social Media

Image caption

Ahmed wani matashi ne da ke son tsayawa takarar shugaban kasa a 2019

“Game da dalilin da yasa bamu shiga manyan jam’iyyun kasar da suka fi tagomashi ba, na farko shi ne ba dole bane saboda akwai wurare da yawa da mutane za su iya tsayawa takara, da ba sa kallo sai shugaban kasa”, a cewar Maryam Laushi.

“Muna son idan mu ka yi takara mu ci zabe amma kuma muna son mu sauya yadda mutane suke tunani da kuma yada suke abubuwa.”

Ta kuma ce tana son mutane su fahimci cewa ko da a yau ne suka kafa jam’iyya, nan gaba jam’iyyar tasu za ta kara girma.

Da wanne kudi za a tallafa wa MDP?

Game da harkar tara kudi kuwa matasan sun ce asusunsu a bude yake ga duk wanda ke son ya bayar da gudunmuwar komai kankantarta.

“Mun ware wani sashe a shafinmu na intanet inda mutum zai iya bayar da abin da bai fi karfinsa ba,” a cewar Maryam Laushi.

Mata a siyasa

Jam’iyyar ta MDP ta ce akwai gibi a yawan matan da ke Majalisar Dokokin Najeriya idan aka kwatanta da maza, amma ta ce daga cikin aniyar MDP ita ce ta gano abubuwan da suke kawo tarnaki ga matan da suka tsaya takara.

A makon da ya gabata ne hukumar zabe ta bai wa matasan lasisin kafa jam’iyyar MDP.

Hakan na zuwa ne a daidai lokacin da matasan ke jiran kudurin dokar da majalisa ta aikewa Shugaba Muhammadu Buhari ya sa hannu, domin cire dokar da ta iyakance yawan shekarun masu takara a dokokin zaben kasar.

Sharhi

A iya cewa dai wannan hobbasar da matasa suka fara wani gagarumin aiki ne suka dauko, ganin cewa a kasa irin Najeriya ba a faye bai wa matasa wata dama ta a dama da su ba a harkokin siyasa.

Wasu matasan ma dai da dama ayanzu haka sun fara kokawa kan yadda dattijai a al’umominsu, kamar yadda wani matashi da yake son tsayawa takara a 2019, wanda ba ya so a ambaci sunansa a ya shaida wa BBC.

Ya ce: “Dattijai ba su yarda cewa za mu iya jan ragamar shugabancin ba don haka suna gayawa sauran mutane cewa lallai ba za mu iya ba ka da a zabe mu.

“Ai kuwa wannan ba karamin ci baya ba ne a gare mu.”

A yanzu dai a iya cewa sai dai a zuba ido don ‘yar manuniya ta nuna abun da zai faru a 2019.

Wacece Maryam Laushi?

  • Shekararta 27
  • ‘Yar asalin garin Gombi ce a jihar Adamawa amma a Kaduna ta girma
  • Sune suka fara fafatuka a gangamin “Not young to run”.
  • Burinta a kafa Nigeriyar da matasa za su jagoranta
  • An taba ba ta lambar yabo ta SMES100
  • Tayi karatun digri kan tallace-tallace da aikin jarida a Jami’ar Coventry da ke Ingila
  • Tana karatun digiri na biyu kan aikin jarida a Jami’ar Toulouse da ke Faransa

Spaniya ta shararawa Argentina kwallaye


Hakkin mallakar hoto
Getty Images

Image caption

Wannan ne karon farko da Spaniya ta ci tawagar da ke da kofin duniya kwallaye da yawa

Tawagar kwallon kafa ta Spaniya ta doke ta Argentina da ci 6-1 a wasan sada zumunta da suka kara a ranar Talata.

Spaniya ta ci kwallayen ne ta hannun Diego Costa da Thiago Alcantara da Iago Aspas da kuma Isco wanda ya ci uku rigis a karawar.

Ita kuwa Argentina wadda Messi bai buga mata fafatawar ba, ta ci kwallo ne ta hannun Otamendi tun kafin a tafi hutu.

Spaniya tana rukuni na biyu a gasar cin kofin duniya da ya kunshi Iran da Morocco da kuma Portugal.

Argentina kuwa tana rukuni na hudu da ya hada da Iceland da Croatia da kuma Nigeria.

Za a rataye direba saboda kisan uban gidansa bature a Ghana


Hakkin mallakar hoto
PIUS UTOMI EKPEI

Image caption

‘Yan sanda sun kama direban ne bayan kisan ba Amurken

Wata babbar kotu a birnin Accra na kasar Ghana, ta yanke wa Kofi Seidu, wani direba hukuncin kisa ta hanyar rataya, bayan an same shi da laifin kashe wani ba-Amurke dan asalin kasar BIrtaniya Reverend Sydney Barnes.

Direban ya kashe mutumin mai shekaru 70 ne a wata tsohowar gona da ke Nsawam a shekara ta 2010.

Hakan ya faru ne bayan wasu masu taimaka wa alkalai su bakwai sun yanke hukunci game da laifin da ya yi a kan laifin kisan kai.

Kotun ta kuma wanke wasu mutum biyu da ake zargin suna da hannu a kisan.

Ba Amurken dai, ya kafa wata coci mai suna Crossroads Christian Mission a garin Kofridua da ke jihar Gabas, kuma Kofi Seidu shi ne direbansa.

A shekara ta 2010 ne, ya yi tafiya zuwa Amurka yayin da a ranar da zai dawo Ghana, direbansa Kofi Seidu ya dauko shi daga filin jirgin sama, kuma shi ne karshen ganin da aka yi wa Reveren Barnes.

‘Yan sanda sun kama direban wanda daga bisani ya fallasa cewar, an hada baki da shi ne a kan ya kashe Reveren Barnes, inda ya yi awon gaba da kudi dala 3,000, kudin da Mr Banes din yazo da su daga Amurka.

Ba kasafai ake yanke hukuncin kisa ta hanyar rataya a Ghana ba.

Yadda kuli-kuli ke kasuwa a Birtaniya da Kanada


Ku latsa alamar hoton da ke sama don kallon yadda sana’ar kuli-kuli ke kasuwa a Turai;

A yanzu kulikuli ya samu matsayi domin kuwa har kasashen waje ake kai shi kamar Birtaniya da Kanada da Malesiya.

Fatima wata matashiya ce da ta yi karatun digiri sannan ta kama sana’ar yin kulikuli da kuma sayar da shi a gida da kasashen waje.

Ta rungumi sana’ar ne saboda yadda aikin gwamnati ke ke wahala a Najeriya, kuma a yanzu ta ce ko ta samu aikin gwamnati ba za ta bar sana’ar kulikuli ba.

Kwatanta albashinku da na sanata a Najeriya a wannan kalkuletar


‘Yan Najeriya da dama sun kadu bayan da suka ji yawan kudin da ‘yan majalisar dattawa ke samu.

Sanata Shehu Sani ne ya bankada hakan inda ya ce sanatoci na karbar naira miliyan 13.5 duk wata, ya rubanya albashinsu na wata kusan sau 20.

Idan aka hada albashin da kudin da suke samu, ta yaya za ku kwatanta albashinku da na sanatan Najeriya.

Duba hakan ta hanyar amfani da kalkuletarmu.

Sanata a Najeriya na samun kusa naira miliyan 156 duk shekara.

Idan kana daukar mafi karancin albashi na (N18,000)

  • To cikin sa’a daya da minti daya sanata ke samun abun da ka ke dauka a wata.
  • Da irin albashin da ka ke dauka a yanzu, zai dauke ka shekara 722 da wata uku a kiyasce kafin ka samu abun da sanata ke samu a shekara.
  • Idan ka fara aiki tun shekarar 1296 to da sai a bana ne za ka kamo sanata.
  • Albashin sanata na wata daya, zai sayan buhun shinkafa 866, yayin da albashinka na wata zai iya sayen buhun shinkafa daya kacal.

Idan kana samun N50,000

  • Zai dauki sanata sa’a biyu da minti 49 ya samu abun da ka ke samu a wata.
  • A albashin da ka ke dauka yanzu, zai dauke ka shekara 260 a kiyasce kafin ka samu abun albashin sanata na shekara.
  • Idan ka fara aiki a shekarar 1758, to sai a yanzu ne za ka kamo su wajen samun abun da suke karba.
  • Albashin sanata na wata zai iya sayen buhun shinkafa 866, yayin da albashinka na wata zai iya sayen buhun shinkafa uku kacal.

Idan kana karbar N100,000:

  • Zai dauki sanata sa’a biyar da minti 37 ya samu albashinka na wata.
  • A albashin da ka ke karba yanzu, zai dauke ka shekara 130 a kiyasce kafin ka sanu abun da sanata yake samu a shekara.
  • Idan ka fara aiki a shekarar 1888, to sai a bana ne za ka kamo sanata a yawan abun da ka ke karba.
  • Albashin sanata na wata zai sayi buhun shinkafa 866 yayin da albashinka zai sayi buhun shinkafa shida

Idan albashinka ya kai N150,000:

  • Zai dauki sanata sa’a takwas da minti 26 ya samu albashinka da ka ke samu a wata.
  • A albashin da ka ke dauka yanzu, zai dauke ka tsawon shekara 86 da wata takwas kafin ka samu albashin sanata na shekara daya.
  • Idan ka fara aiki a shekarar 1931 to da sai a yanzu ne za ka kamo sanata a yawan abun da uake dauka.
  • Albashin sanata na wata zai sayi buhun shinkafa 866 yayin da albashinka zai sayi buhun shinkafa 10

Idan albashinka ya kai N200,000:

  • To sanata zai samu irin wannan kudin cikin sa’a 11 da minti 14.
  • A albashin da ka ke dauka yanzu, zai dauke ka tsawon shekara 65 da wata takwas kafin ka samu albashin sanata na shekara daya.
  • Idan ka fara aiki a shekarar 1953 to da sai a yanzu ne za ka kamo sanata a yawan abun da yake dauka.
  • Albashin sanata na wata zai sayi buhun shinkafa 866 yayin da albashinka zai sayi buhun shinkafa 13


kai/ke

kwana 30

Rarraba sakamakonka

Rarraba sakamakonka

Tun lokacin da ka ke kan wannan shafin


Wadanda suka yi aikin

Shiryawa: Olawale Maloma – Tsarawa: Manuella Bonomi

Yadda aka tsara

Abun da ake hasashen sanatoci na samu ya danganta da [kalaman da Sanata Shehu Sani ya yi ne] (http://www.bbc.com/hausa/labarai-43371101), wanda dan majalisa ne a majalisar dattawa a ranar 7 ga watan Maris, 2018. A yanzu dai an bayyanawa mutane yawan kudin da ‘yan majalisar ke karba..

An kiyasta musayar kudin a kan duk dalar Amurka daya kan naira 359 a ranar 20 ga watan Maris ta hanyar amfani da http://xe.com

Kwalkuletar ta dauka cewar ana sayar da buhun shinkafa a kan N15,000

‘Koriya ta Arewa za ta dakata da shirin nukiliya’


Hakkin mallakar hoto
AFP

Image caption

Ana ganin ganawar shugabannin biyu sharar fage ce ta haduwar Kim Jong-un da takwaransa na Koriya ta Kudu da kuma na Amurka

Gwamnatin China ta bar duniya tsawon kwanaki, tana jiran samun tabbacin cewa Shugaban Koriya ta Arewa Kim Jong-un zai ziyarci Beijing, a karon farko a wata kasar waje, inda aka ce ya ce zai yi watsi da shirinsa na kera makaman nukiliya.

To yanzu dai kamfanin dillancin labaran China ya fitar da bayanan wannan ziyara ta farko mai tarihi, ta shugaba Kim Jon-un tun da ya hau mulki shekara bakwai da ta wuce.

An ce a yayin ganawar Shugaba Xi Jinping ya gaya wa takwararn nasa na Koriya ta Arewa China na nan kai da fata ga shirin raba yankin Koriya da makaman kare dangi.

Shi ma a nasa bangaren Kim Jong-un an ce ya amsa da cewa watsi da shirin na mallakar makaman kare dangi matsaya ce da Koriya ta Arewa ta yi amanna da ita.

Ana ganin wadannan kalamai alamu ne na Koriya ta Arewa na neman wata dama da za ta yi watsi da shirin nata na kera makaman kare dangi salun-alun.

Tsohon mai shiga tsakani na Amurka a kan shirin mallakar makaman nukuliya na Koriya ta Arewa Christopher Hill, ya ce wannan ganawa tsakanin shugaban na Koriya ta Arewa da kuma na China tana da matukar muhimmanci.

Ya ce: ”Hukumomin China sun nuna wa Kim Jon-un karara cewa ba za su karbe shi ba har sai ya koma kan turbar aniyar watsi da shirinsa na kera makaman nukuliya.”

Christopher Hill ya ce a yanzu dai China tana da fatan cewa shugaban na Koriya ta Arewa lalle zai gabatar da batun watsi da makaman nukiliyar idan ya gana da Donald Trump.

Ziyarar ta Kim Jong-un a China kamar wata sharar fage ce ga ganawarda zai yi da shugaban Koriya ta Kudu Moon Jae-in da kuma Shugaba Donald Trump na Amurka

An kalubalanci matasan Ghana kan noman zamani


Image caption

Malam Bukar ya ce da gwamnatin kasar Ghana za ta bai wa matasa tallafin noman shinkafa kamar yadda gwamnatin Najeriya ta yi, za a samu alkahiranda za su ja hankalin matasan kan noman zamani

A kasar Ghana masana harkar noma sun kwadaitawa matasa rungumar noman rani da ake samun alkhairi mai tarin yawa a cikinsa.

Duk da ya ke noman tsohowar sana`a ce da magidanta ke amfani da ita wurin ciyar da iyali da samun kudaden shiga, hakan bai sa matasan zamani rungumar ta ba.

Mafi yawan matasa sun yi watsi da harkokin noma saboda kallon da suke yi mata na tsohon yayi, amma wasu masana na cewa akwai sirrin samun kudaden shiga.

Mallam Bukar Tijjani shi ne mataimakin shugaban hukumar abinci da harkokin noma na Majalisar Dinkin Duniya, a hira da ya yi da wakilinmu na Ghana Muhammad Fahd irin dabarun harkar noman zamani da ya kamata matasa su runguma.

Sai dai wani matashi Zakariya Adam Alafas da BBC ta zanta da shi, ya yi korafin rashin tallafin gwamnati kan harkar noman dalilin da ya sanya matasa ke baro kauyuka da dawowa birane don samun sana’o’in da suke ganin za su kawo musu kudaden shiga.

Ya yin da Shamsudden Muhammad Futua ya ce raggon taka ce ke sanyawa matasa ba sa sanya kan su a ayyukan da suka shafi noma, inda ya kara da cewa a wannan zamani matasa su na son budar ido su ga sun yi kudi cikin sauki ba tare da shan wata wahala ba.

Dr Abiy Ahmed na dab da zama sabon Fira ministan Ethiopia


Hakkin mallakar hoto
Others

Image caption

Idan majalisar hadakar ta amince da zaben nasa zai kasance sabon Fira ministan kasar ta Habasha ke nan

Bayan kwana da kwanaki na zazzafar muhawara da yarjejeniya, shugabannin hadakar jam’iyyun da ke mulki a Ethiopia, sun zabi Dr Abiy Ahmed ya zama sabon shugaban hadakar, wanda hakan zai sa ya zama sabon Fira ministan kasar.

An haifi Abiy Amed a ranar 15 ga watan Agusta na shekarar 1976 a kabilar Oromo mai rinjayen jama’a, kuma wadda take kan gaba wajen shiryawa da jagorantar zanga-zangar hamayya da gwamnati tun shekarar 2015.

Ya taso ne a iyalin da suke da al’ada da kuma addini daban-daban, inda mahaifinsa, Ahmed Ali ya kasance Musulmi dan kabilar Oromo yayin da mahaifiyarsa ta kasance Kirista.

A lokacin da yake matashi a shekarar 1991 ya shiga gwagwarmayar amfani da makamai ta yaki da gwamnatin Gurguzu ta kasar ta lokacin.

Kuma ya kasance daya daga cikin sojojin hadaka da suka yi sanadiyyar faduwar gwamnatin Gurguzun a shekarar 19991.

Bayan faduwar gwamnatin ne a wancan lokacin ya samu cikakken horon zama soja, kuma ya zama sojan kasar ta Ethiopia, a fannin tattara bayanan sirri da kuma sadarwa.

A lokacin da yake sojan ne Abiy ya yi karatun digirinsa na farko a fannin ilimin injiniya na kwamfuta a kwalejin Microlink Information Technology College, da ke Addis Ababa a 2001.

A yanzu za a gabatar da shi domin darewa kan mukamin Firai minista, bayan majalisar ta amince da saukar Firai minista Hailemariam Desalegn mai barin-gado.

Ana kallon Dr Ahmed a matsayin wani gwarzon dan siyasa wanda yake da kwarewa a fannin boko da kuma soji.

Yana da takardar shedar digirin-digirgir daga Jami’ar Addis Ababa, kuma ya yi digiri na biyu a Amurka da kuma Birtaniya.

A baya ya taba rike mukamin minista a kasar ta Habasha, kuma shi ne ya taimaka wajen kafa hukumar leken asiri ta kasar.

Sai dai kuma masu sukar lamirinsa suna ganin abu ne mai wuya a ba shi isasshiyar dama da kuma ikon ya kawo sauye-sauyen da masu zanga-zangar hamayya da gwamnatin ke bukata.

Daruruwan mutane sun rasa rayukansu sannan kuma an tsare da dama tun lokacin da aka fara zanga-zanga a kasar kusan shekara uku da ta wuce.

Za a bunkasa noman Zuma a Nigeria


Image caption

Bincike ya gano yawancin Kudan zumar kasashen turai sun gudo kasashen Afirka, kuma kashi 48 cikin 100 su na Niajeriya

Masu kiwon zuma a Najeriya sun gudanar da wani taro a Legas, babban birnin kasuwancin kasar wanda zai share fagen wani taron masu ruwa da tsaki kan kiwon zumar na nahiyar Afirka da za a yi a Abuja a watan Satumba.

Taron ya duba sabbin hanyoyi kiwon Zuma, da hanyoyin da za a bunkasa shi dan fitarwa zuwa kasashen ketare.

Daya daga cikin manufar taron shi ne yaki da masu sayar da zumar da akai wa algus.

Malam Ya’u Sarkin Baki, shi ne shugaban kungiyar ma su kiwon zuma a arewa maso yammacin Najeriya yace babbar matsalar da suke fuskanta a noman Zuma shi ne rashin kayan aiki.

Da kuma rashin shigar gwamnati cikin lamarin dan bunkasa shi ta hanyar samar da wadatattun kayan aikin da suke bukata.

”Wata matsalar da muke fuskanta ita ce ta masu saida baragurbin Zuma, hanyar da za mu magance matsalar ita ce ta bai wa mutane horo a kuma ba su kayan aiki, ya kuma kasance a kowacce jiha ta Najeriya muna da manoma Zuma 1,000 ta hakan ne za mu magance matsalar,” inji Malam Ya’u.

Ya kara da cewa ”Wani abu da zai bada mamaki shi ne kudan Zumar da ake da su a kasashen turai sun gudu, kuma kasashen Afirka suka kwararo. Bincike ya nuna kusan kashi 48 cikin 100 su na Najeriya, to ka ga idan ba a dauki matakin kara fadada noman ba dan ya bunkasa to babu wata riba da za a samu a ciki.”

Ana muryar mutuwar mai kamfanin MMM a Najeriya


Hakkin mallakar hoto
Getty Images

Image caption

Marigayi Sergei Mavrodi

Akan ce ba a murnar mutuwa, amma wannan karon ‘yan Najeriya da dama wadanda suka yi asarar miliyoyin kudadensu, suna ta bayyana murna dangane da mutuwar mutumin nan dan kasar Rasha, Sergey Panteleevich Mavrodi, wanda ya bullo da shirin nan na zamba da a takaice ake kira ”MMM”.

A karkashin shirin jama’a sukan saka jari da nufin a biya su ribar makudan kudi daga jarin da wasu mutanen suka sa daga bisani.

Mista Mavrodi, dan asalin kasar Rasha, ya mutu ne yana da shekara 62 a duniya.

An garzaya da marigayin zuwa wani asibiti ne daga wani wajen shiga mota a daren ranar Litinin, bayan da ya yi korafin wani ciwo a kirjinsa. Daga nan ya ce ga-garinku-nan da sanyin safiyar Talata.

Mutuwar wannan dan taliki ke da wuya, sai nan da nan labarin ya bazu kamar wutar daji a kafar sada zumunta da musayar ra’ayi ta intanet, inda jama’a daga sassa daban-daban na duniya suke ta tofa albarkacin bakinsu.

Sakamakon yadda mutuwar ta tunatar da dubban jama’a musamman ma kan yadda suka yi asarar miliyoyin kudin da suka saka jari a shirin na neman riba a bagas.

A Najeriya, wani kwararre a fannin harkar yada labarai da ke zaune a birnin Ikko, mai suna Joshua, ya shaida wa BBC cewa kudinsa sun salwanta ke nan a sakamakon mutuwar mutumin da ya bullo da shirin na saka jarin da a takaice aka fi sani da lakabin ”MMM”.

Mista Joshua ya ce ya saka jarin naira dubu dari shekara uku da suka gabata a waccan harka, bayan da wani dan uwansa ya kwadaitar da shi game da batunta.

Ya kuma yi wa marigayin fatan Allah-ji-kan-rai, duk da yake dai abin da ya yi a lokacin da yake raye ba mai kyau ba ne.

Shi kuwa wani, wanda ba ya so a ambata sunansa, cewa ya yi:

Wani abokina ne ya gabatar mani da wannan harka ta ”MMM”, kuma ya tabbatar mani cewa ana samun riba sosai a cikinta, sai na ji ina sha’awar shiga ni ma.

Sai na fara da sanya kudi naira dubu dari biyu, kuma da farko komai zakkyau.

Daga nan sai na kara zuba karin jari, ina kara zuba kudi sai aka fara samun matsala.

Na yi asarar dukkan kudina, kuma na rasa kudi kusan naira miliyan hudu.

An rika lasa wa jama’a zuma a baka, cewa za a ba su ribar kashi ashirin da biyar ko ma saba’in da biyar cikin dari na adadin jarin da suka saka.

Inda mutanen da suka saka jari da farko suka rika karbar kudadensu da ribarsu yayin da wasu sababbin masu saka saka jari suka biya kudi a kasashen Australia da Brazil da Ghana da Indiya da Kenya da Afirka ta Kudu da kuma Najeriya.

Mutane kimanin miliyan biyu da rabi ne suka shiga wannan harka mai kama da wala-wala, yayin da aka kaddamar da shafinta na intanet a Najeriya a cikin shekarar 2015.

Ko da yake kungiyoyi da hukumomin gwamnati da shugabannin addini sun ja kunnen wa jama’a hadarin da ke tattare da shiga waccan harkar, kafin daga karshe lamarin ya koma irin abin nan da akan ce ”Garin neman kiba an samo rama”, bayan da sababbin masu saka jari suka shiga nokewa.

Kimanin mutum miliyan goma ne suka yi asarar kudadensu, a karshe kuma kasashe da dama sun dakatar da gudanar da harkar ta ”MMM”.

Mavrodi dai, wani tsohon dan majalisar dokoki ne na kasar Rasha, wanda aka zartar wa daurin shekara hudu da rabi a gidan maza, bayan da ya damfari miliyoyin Rashawa.

Serbia ta doke Super Eagles da ci 2-0


Hakkin mallakar hoto
Getty Images

Image caption

Super Eagles za ta buga Gasar Cin Kofin duniya da za a yi a Rasha

Tawagar kwallon kafa ta Nigeria ta yi rashin nasara a hannun Serbia da ci 2-0 a wasan sada zumunta da suka buga a ranar Talata a Landan.

Serbia ta ci kwallayen ta hannun Aleksandar Mitrovic, inda ya ci ta farko bayan da aka dawo daga hutu, sannan ya kara na biyu saura minti 10 a tashi daga karawar.

Nigeria ta yi nasarar cin Poland a ranar Juma’a a wasannin da take yi domin tunkarar gasar cin kofin duniya da za a yi a Rasha a bana.

Nigeria tana rukuni daya da ya hada da Croatia da Iceland da kuma Argentina.

Buhari ya hana shugabannin APC yin tazarce


Hakkin mallakar hoto
Facebook/Buhari Sallau

Shugaban Najeriya Muhammadu Buhari ya bukaci Babban Kwamitin Zartarwar (NEC) jam’iyya mai mulki ta APC da kada ya sabunta wa’adin shugabannin jam’iyyar.

Lokacin babban taron jam’iyyar ne a watan jiya aka amince da aka kara wa shugabanni wa’adin shekara guda.

Sai dai wadansu daga cikin jagororin jam’iyyar ciki har Mista Bola Ahmad Tunubu sun nuna adawarsu ga hakan.

A jawabin da ya gabatar yayin babban taron jam’iyyar wanda aka yi jiya Litinin, Shugaba Buhari ya umarci dakatar da tsawaita wa’adin shugabannin saboda kaucewa ce-ce-ku-ce kuma yin hakan ya saba wa kudin tsarin jam’iyyar, a cewarsa.

Sai dai yayin da yake ganawa da manema labarai bayan taron,mai magana da yawun jam’iyyar Malam Bolaji Abdullahi ya ce an kafa wani sabon kwamiti wanda zai duba wannan batun.

Har ila yau ya ce ana saran kwamitin zai mika shawarwarinsa akalla zuwa gobe Laraba.

Jam’iyyar APC dai na fama da rikicin cikin gida, musamman a rassan jam’iyyar da ke jihohin kasar.

Kuma wadansu na ganin matakin da shugaban ya dauka ba zai rasa nasaba da karatowar zabukan shekarar 2019 ba.

Karanta wadansu karin labarai

Buhari ya sa Tinubu ya sasanta rikicin APC

Rikici ya barke a jam’iyyar APC

An gano wata giwa da ke tauna wuta a Indiya


Na’urarku na da matsalar sauraren sauti

Bidiyon yadda giwa ke tauna wuta tana fidda hayaki

Wani bidiyo da aka dauka a Indiya wanda ya nuna yadda wata giwa take fitar da hayaki daga wutar da ta tauna ya bai wa kwararru a harkar namun daji a kasashen duniya mamaki.

Masanin kimiyya Vinay Kumar, wanda wani dan kungiyar da ke kare namun daji ne a Indiya shi ne ya dauki hoton bidiyon mai tsawon dakika 48 lokacin da suka ziyarci dajin Nagaihole da ke jihar Karnaka a watan Afrilun shekarar 2016.

Ya shaidawa BBC cewa sai yanzu ya fitar da bidiyon saboda bai san “abu ne mai muhimanci ba.”

Masana kimiyya sun ce har yanzu ba su san dalilin da ya sa giwar take fitar da hayakin toka ba.

“Wannan shi ne bidiyo na farko kan wata giwa da ke daji, da ta nuna dabi’a irin wannan, kuma wannan ya bai wa masana kimiyya mamaki,” a cewar wata sanarwa da kungiyar kula da namun daji a Indiya ta fitar.

Tauna gawayin da ke ruruwa

Mr Kumar ya ce shi da tawagarsa sun kai ziyara daji ne da safe domin su duba kamarorin da suka saka domin daukar hoton damisa.

Ya kuma hango giwar ce daga wani wuri mai nisan mita 50 kuma ya fara daukar hoto da kamararsa.

Giwar na tauna gawayin da ke ruruwa wanda ya ke cikin wutar da aka bari inda take fitar da hayaki daga bakinta,” a cewar sanarwar.

“Abin da muka gani a wannan rana ya yi kama da giwar da take shan taba – za ta sa gawayi kusa da bakinta, inda take fitar da bakin hayaki,”a cewar Mr Kumar.

Masanin giwaye Varun R Goswami, wanda ya yi nazari kan bidiyon, ya yi amannar cewa “watakila giwar na son ta tauna gawayin ne, yayin da ta ke kokarin daukar wani abu daga kasa, inda take fitar da hayakin da ke tare da abin da ta dauka, tana hadiyyar sauran.

“Bakin gawayi na da sinadarin Toxin, sai dai duk da cewa ba shi da abubuwa masu gina jiki, amma yana jan hankalin namun daji saboda yana yi musu magani,” a cewarsa.

Shirin karawa tsakanin Super Eagels da Serbia


Tawagar kwallon kafa ta Super Eagles za ta buga wasan sada zumunta da ta Serbia a ranar Talata a Landan.

Hakan ya sa ‘yan wasan suke tattaki kafin su fafata da Serbia din, a shirin tunkarar gasar kofin duniya a Rasha.

Nigeria ta doke Poland 1-0 a wasan sada zumunta da ta buga a ranar Juma’a.

Super Eagles tana rukuni daya da Croatia da Iceland da kuma Argentina a gasar cin kofin duniya.

Barcelona za ta dauki Luke Shaw


Hakkin mallakar hoto
Getty Images

Image caption

Mourinho yana ta sukar Shaw kan yadda yake buga kwallo a United

Kungiyar Barcelona na duba idan za ta iya sayen dan kwallon Manchester United, mai tsaron baya Luke Shaw.

Dan wasan mai shekara 22, na shan suka a wajen Jose Mourinho kan rawar da yake takawa a wasannin da yake yi in ji Mirror.

Jaridar Mail kuwa ta wallafa cewar Monaco ta shiga jerin kungiyoyin da ke son sayen Maroune Fellaini daga Manchester United.

Yarjejeniyar da dan kwallon mai shekara 30 ya saka hannu da United, za ta kare a karshen kakar bana, kuma ana sa ran zai bar Old Trafford idan ta cika.

Mai tsaron ragar Liverpool, Simon Mignolet ya ce zai yi kokari ya karbi gurbin buga wa kungiyar wasanni akai-akai in ji The Sun.

Mai tsaron ragar mai shekara 30, ya ce ba zai bar kungiyar ba, zai ci gaba da murza-leda a Anfield.

Kocin Arsenal, Arsene Wenger ya ce yana son Jack Wilshere ya ci gaba da zama a kungiyar.

Wilshere dan wasan tawagar Ingila, bai amince da tayin da aka yi masa na rage masa albashi ba, idan har yana son zama a Gunners in ji Star.

PDP ku dawo da kudaden da ku ka sace – Gwamnatin Najeriya


Hakkin mallakar hoto
Getty Images

Gwamnatin Tarayya ta yi kira ga PDP da ta cika ladanta na neman afuwar ‘yan Najeriya ta hanyar dawo da dukkan kudin da aka sace daga baitil malin kasar a lokacin da take mulki tsawon shekara 16.

A wata sanarwa da gwamnatin ta fitar a ranar Talata a Abuja babban birnin kasar, Ministan Watsa Labarai da Al’adu Alhaji Lai Mohammed, ya kuma kalubalanci PDP da ta nuna lallai afuwar da take nema ta gaske ce ta hanyar sauya halayyarta.

Sanarwar ta ce: “PDP ta jagoranci wawushe lalitar gwamnati, irin wanda ba a taba yi ba a Najeriya ko kuma a ko ina a duniya.

“Don haka babban abun yi shi ne ba kawai ta dinga bayar da hakuri ba, dawo da kudin ya kamata ta yi. In ko ba haka ba to duk abun da take fada yaudara ce.”

Jam’iyyar PDP dai ba ta kai ga mayar da martani kan wannan batu ba tukunna.

Sai dai jam’iyyun biyu sun sha nunawa juna yatsa ta hanyar zargin juna da rashin tafiyar da kasar yadda ya kamata.

Amma sanarwar ta ci gaba da cewa: “Duk da matsalar rashin isassun kudade da take fuskanta, gwamnatin Buhari ta kashe makudan kudade wajen ayyukan more rayuwa da Shirin Tallafa Al’umma da sauran su.

“Dawo da kudaden da aka sace zai taimaka wajen aiwatar da wasu shirye-shiryen da kuma kyautata rayuwar ‘yan Najeriya. Babu wani ban hakuri da ya fi wannan,’ in ji sanarwar gwamnatin.

Alhaji Mohammed ya kuma tunasar da PDP da cewa: “Idan ka samu kanka a rami, to ka dakatar da tono,” yana mai cewa irin hakan ce ta faru da PDP a wannan lokaci.

Ministan ya kara da cewa: “PDP ki sauya taku. Ki daina yin kafar ungula ga ayyukan gwamnatin nan, wacce take gyara kwamacalar da ki ka yi a baya. Ki daina munanan kalamai da zarge-zarge marasa tushe.

Hakkin mallakar hoto
Getty Images

Image caption

APC ta sha zargin gwamnatin da ta gabata ta PDP da lalata kasara

“Ki adawa mai ma’ana. Ki sanya muradun ‘yan Najeriya fiye da son rai a lamuranki. Ki rage kwadayin son dawowa mulki. Ki ware lokaci na musamman wajen tuba, idan ki ka yi haka za a gafarta maki,” a cewar Mista Mohammed.

Wasu masana dai a Najeriyar na ganin wannan sa-toka-sa-katsi da ake ci gaba da yi tsakanin manyan jam’iyyun kasar biyu, wani abu ne da ke jawo tsaiko wajen hada kai don ciyar da kasar gaba.

Karin labaran da za ku so ku karanta:

UEFA ta yi sabbin gyare-gyare a dokokinta


Hakkin mallakar hoto
Getty Images

Image caption

Coutinho ya koma Barcelona, amma baya buga Gasar Zakarun Turai

Hukumar kwallon kafar nahiyar Turai ta yi garare-gyare a Gasar Zakarun Turai, wadda take gudanarwa, domin bunkasa wasannin.

Daga cikin gyare-gyaren, a yanzu an yarda dan kwallo ya buga wa sabuwar kungiyar da ta saye shi wasannin Gasar Cahmpions League da ta Kofin Europa ko da a kakar ya buga wa tsohuwar kungiyarsa.

Sai dai dokar za ta fara aiki ne a kakar badi, lokacin an kammala gasar Champions League da ta Europa na bana.

Haka kuma hukumar ta amince a yi sauyin dan kwallo a karo na hudu a maimakon uku da ake yi yanzu, amma a wasannin zagaye na biyu a gasar, kuma sai an kai ga karin lokaci, idan kungiyoyin sun kammala minti 90 babu ci.

Saboda haka kungiyoyi za su rika bayyana ‘yan wasa 23 a Champions League da Kofin Europa a maimakon 18, domin samun damar zabar dan kwallo na hudu da zai shiga karawar.

UEFA ta kuma ce za ta dinga gabatar da wadansu wasannin cikin rukuni da wuri wato da karfe 5.55 agogon GMT.

Me ya sa kasashen duniya ke korar jami’an diflomasiyyar Rasha?


Hakkin mallakar hoto
Getty Images

Image caption

An kori wasu jami’an diflomasiyar Rasha su 48 daga ofishin jakadancin Amurka da ke Washington

Rasha ta sha alwashin mayar da kakkausan martani kan matakin da kasashe fiye da 20 suka dauka na korar jami’an diflomasiyyarta domin mayar da martani ga sanya guba da aka yi wa wani tsohon jami’in leken asirin Rashan a Birtaniya.

Ma’aikatar harkokin wajen kasar ta ware Amurka kadai daga cikin kasashen don yin ramuwa bayan da ta kori jami’an diflomasiyyarta 60 ta kuma rufe ofishin jakadancinta.

Amma mataimakin ministan harkokin waje Sergei Ryabkov, ya ce Rasha ba za ta watsar da tattaunawar zaman lafiya da ta fara da Amurka ba.

Ana ganin korar jami’an leken asirin Rasha 100 da aka yi a matsayin mafi girma da ya taba faruwa a tarihi.

Wannan yana daga cikin gagarumin mayar da martanin da aka shirya kan Rasha, bayan da aka kai wa wani tsohon jami’in leken asirin kasar Sergei Skripal da ‘yarsa Yulia, harin gubar nerve a Birtaniya a farkon watan nan.

A makon da ya gabata ne shugabannin Kungiyar Tarayyar Turai da Birtaniya suka amince cewa Rasha ce ta kai wa Mista Skripal wannan hari.

Wanne martani Rasha ta mayar?

Ma’aikatar harkokin wajen Rasha ta kira wannan gagarumar kora da cewa “rashin kyakkyawar mu’amala” ce ta kuma ce za ta yi wani abu kan hakan.

Ma’aikatar ta ce za ta tsara jerin matakan mayar da martani a gabatar wa Shugaba Putin don neman amincewarsa.

An ambato wani dan majalisar dattawan Rasha Vladimir Dzhabarov, yana cewa “dole a yi ramuwar gayya” ga matakin na Amurka na korar jami’an diflomasiyyar Rasha 48 da ke birnin Washington, da kuma 12 da ke wakiltar kasar a Majalisar Dinkin Duniya da ke birnin New York.

Ofishin Jakadancin Rasha da ke Amurka ya wallafa martaninsa a shafinsa na Twitter kan rufe ofishin jakadancin da ke birnin Seattle.

Mr Ryabkov ya ce ana bukatar daukar kwararan matakai kan abun da Amurka ta yi, amma ya jaddada cewa Rasha ba za ta watsar da tattaunawar zaman lafiya da ta fara da Amurka ba, wanda aka fara a baya-bayan nan tsakanin Shugaba Putin da Shugaba Trump ta wayar tarho, kamar yadda kamfanin dillancin labarai na RIA Novosti ya ruwaito.

Wa ye yake korar jami’an diflomasiyya?

A farkon watan nan ne Birtaniya ta sanar da korar jami’an diflomasiyyar Rasha 23.

Wasu kasashen da dama su ma sun sanar da cewa suna daukar irin wannan mataki don nuna goyon baya a ranar Litinin. Kasashen sun hada da:

  • Amurka: Jami’an diflomasiyya 60
  • Kasashen Kungiyar Tarayyar Turai: Faransa (4); Jamus (4); Poland (4); Jamhuriyyar Czech (3); Lithuaniya (3); Denmark (2); Netherlands (2); Italiya (2); Sipaniya (2); Estoniya (1); Croatiya (1); Finland (1); Hungary (1); Latviya (1); Romaniya (1); Sweden (1)
  • Ukraine: 13
  • Canada: 4, da kuma kin amincewa da bukatar Rasha na wasu karin jami’an uku da ta nema
  • Albania: 2
  • Australiya: 2
  • Norway: 1
  • Macedoniya: 1

Kasar Iceland ma ta sanar da dakatar da wani taron koli na tattaunawa da hukumomin Rasha, kuma shugabanninta sun ce ba za su halarci Gasar Cin Kofin Duniya da za a fara a Rashan ba a watan Yuni.

A farkon watan nan ne Birtaniya ta ce ba za ta tura ministoci da mambobin gidan sarautar kasar Gasar Cin Kofin Duniyar ba.

Sakataren harkokin wajen Birtaniya Boris Johnson, ya yaba wa kawayen Birtaniyar kan hadin kan da suka nuna wajen mayar da martani irin wanda kasarsa ta dauka.

Na’urarku na da matsalar sauraren sauti

Boris Johnson na magana kan jami’an diflomasiyyar Rasha da aka kora

A wata hira da ya yi da BBC ya ce “Dole Rasha ta sauya halayyarta don duniya ta gaji da irin wannan hali nata,” amma kuma ya yi watsi da batun cewa ana dulmiya cikin fadan cacar baka, kuma ya jaddada cewa Burtaniya ba ta da matsala da jama’ar Rasha.

Kasashen Kungiyar Tarayyar Turai da suka ce ba su da aniyar korar jami’an diflomasiya sun hada da Austriya da Girka da Portugal, ko da yake sun ce suna goyon bayan Birtaniya kuma sun yi Allah-wadai da gurbar sa aka sanya wa tsohon jami’in leken asirin Rasha.

Fira ministar New Zealand Jacinda Arden, ta ce ba su da jami’an leken asirin Rasha a kasarsu, amma ta ce idan suna da su to ko shaka ba bu za su koresu.

Shin me yasa suka dauki wannan mataki?

A ranar Litinin ne Australiya ta bi sahun sauran kasashe duniya irin su Amurka da Kungiyar Tarayyar Turai wajan shelar cewa za ta kori wasu jami’an diflomasiyyar Rasha biyu da ake zargin cewa su jami’an leken asirin ne da ba a bayyanasu ba.

Firai Minista Malcolm Turnbull ya yi misali da kutsen da aka yi a zabe da kuma barazana da ake yi wa abokansu, kuma ya ce “harin da aka kai a Saliisbury hari ne da aka kai wa dukkaninmu”.

Shugaban Majalisar Tarayyar Turai Donald Tusk, ya ce kasashen Turai sun yanke shawarar korar jami’an diflomasiyyar Rasha ne sakamakon taron da suka yi a makon da ya gabata game da harin gubar da aka kai a Salisbury.

“Karin matakai sun hada da karin korar da za a yi a kasashen Turai a cikin kwanaki da kuma makwanni masu zuwa”, a cewarsa.

Ma’aikatar harkokin wajen Amurka a cikin wata sanarwa ta ce “a ranar 4 ga watan Maris, Rasha ta yi amfani da wata guba da ke yin illa ga lakar bil’adama domin kokarin kashe wani dan dan Birtaniya da kuma ‘yarsa da ke Salisbury.”

Wannan hari da aka kai wa abokiyarmu Birtaniya ya jefa rayuwar mutanen da ba su ji ba su gani ba cikin hadari, kuma ya raunata mutane uku ciki har da jami’in dan sanda.

Ta bayyana harin a matsayin tamkar keta hakkin yarjejeniyar kawar da makamai masu guba ne kuma abu ne da ya sabawa dokokin kasashen duniya.”

Nuna goyon baya da baa taba ganin irinsa ba a tarihi

SharhinJonathan Marcus, wakilin BBC kan harkokin diflomasiyya

Wannan na son ya koma rikicin diflomasiyya mafi girma da ake yi tsakanin Rasha da kuma kasashen yamma tun bayan da Rasha ta kwace yankin Crimea.

Sai dai duk da cewa Rasha ta musanta yin haka, kawayen Birtaniya sun amince da matsayinta akan cewa an yi amfani da guba da ke yin illa ga lakar jikin bil’adama a Salisbury kuma watakila Rasha na da hannu a ciki.

Korar da Amurka da kasashen Turai suka yi, nuna goyon baya ne da ba a taba ganin irinsa ba a tarihi kuma yana zuwa ne a dai dai lokacin da dangantaka tsakanin Birtaniya da kasashen Turai ke kara tsami, sakamakon tattaunawar da suke yi game da ficewarta daga Tarayyar Turai.

Bayanin da shugaban Majalisar Tarayyar Turai Donald Tusk, ya yi akan cewa za a dauki karin matakai, wata alama ce ga Rasha yayin da suke nazari akan matakin da za su dauka domin mayar da martani.

Wannan babbar nasara ce ta fuskar diflomasiya ga Firai Ministar Burtaniya Theresa May – kuma bayan matakin mai karfi da aka dauka kawayen Burtaniya sun kuma nuna goyon baya mai karfi.

Haka kuma wannan ya sa gwamnatin Shugaba Trump ta tsaurara matsayinta akan Rasha.

Gobara ta kashe mutum 9 a sansanin ‘yan gudun hijra a Borno


Hakkin mallakar hoto
EPA

Rahotanni sun ce wuta ta tashi a sansanin ‘yan gudun hijira da ke garin Rann, a jihar Borno da ke arewa maso gabashin Najeriya.

Wutar ta tashi ne da misalin karfe 10:30 na safe, a ranar Litinin, inda ta shafe sa’o’i kusan uku tana ci.

Shugaban hukumar bayar da agajin gaggawa ta jihar, Injiniya Satomi Ahmad, ya tabbatar wa da BBC faruwar lamarin, inda ya ce a kalla mutum tara sun rasa rayukansu sakamakon gobarar.

Ya kara da cewa wasu da dama kuma sun samu raunuka ciki har da yara.

Jami’in ya ce, gidaje da dama da ke garin da kuma tantunan da ‘yan gudun hijrar ke zaune sun kone.

Injiniya Satomi Ahmad, ya ce gobarar ta tashi ne sakamakon wutar da aka rura don dafa abinci a sansanin.

Tuni dai aka kai wadanda suka samu raunukan asibiti domin karbar magani, kuma hankulan mazauna sansanin ya dan kwanta, kasancewar an kashe wutar.

Shugaban hukumar ta SEMA, ya ce an tura wata tawaga da ta hadar da jami’an hukumar da jami’an kiwon lafiya da kuma jami’an mambobin wani kwamiti da gwamnan jihar ta Borno ya kafa wanda ke duba ayyuykan bayar da agaji a jihar.

Hakkin mallakar hoto
Getty Images

Image caption

Rundunar sojin Najeriya ta nemi afuwa kan harin da aka kai Rann bisa kuskure a bara

Kusan mutum 40,000 ne ke zaune a garin na Rann, kuma mafi yawancinsu, sun samu mafaka ne bayan da suka bar gidajensu saboda yanayin zaman dar-dar din da ake ciki a yankunansu, sakamakon rikicin kungiyar Boko Haram.

Ba wannan ne karo na farko da wani iftila’i ke afkawa sansanin ‘yan gudun hijira na Rann ba, ko a farkon watan nan ma, wasu ma’aikatan Majalisar Dinkin Duniya uku sun rasa rayukansu a yayin da masu tayar da kayar baya suka kai hari wani sansanin sojoji da ke garin.

Wannan lamarin dai ya sa majalisar ta dakatar da ayyukanta a sansanin, wanda kusan mutanen da ke zaune a garin, sun raja’a ne a kan ayyukan wannan kungiyar wajen kula da lafiyarsu.

Kazalika a watan Janairun 2017 ma, mutum 115 ne suka mutu a harin da jirgin yakin Najeriya ya kai bisa kuskure kan sansanin ‘yan gudun hijira na Rann din.

Garin Rann a takaice

  • Rann karamin gari ne a jihar Borno
  • Akwai dubban ‘yan gudun hijira a garin
  • Hukumomin agaji da dama suna ayyukan jin kai a garin
  • Iftila’i ya sha afkawa garin

Karin labaran da za ku so ku karanta:

Buhari ya kaddamar da majalisar wadatar da abinci


Shugaba Muhammadu Buhari na Najeriya ya kaddamar da majalisar shirin samar da yalwataccen abinci mai gina jiki, wadda shi da kansa zai shugabanta.

Majalisar tana da gwamnonin jihohin Kebbi da Taraba da Filato da Legas da Ebonyi da Delta.

Akwai kuma wakilan ministoci da ma’aikatun gwamnati masu ruwa da tsaki a lamarin.

Sai dai duk da babu wakilan manoma da makiyaya a majalisar.

Gwamnatin tarayyar ta ce wadannan bangarori biyu suna da damar da za su mika bayanan damuwarsu da shawarwarinsu ga majalisar.

Sabuwar majalisar za ta kula da batutuwan da suka jibanci wadata Najeriya da abinci ne.

An sayar da dukkan tikitin kallon Madrid da Juventus


Hakkin mallakar hoto
Getty Images

Image caption

Real ce za ta fara ziyartar Juventus a Gasar Zakarun Turai

A safiyar Litinin aka kammala sayar da tikitin kallon wasan da za a yi tsakanin Real Madrid da Juventus a Santiago Bernabeu.

Real Madrid wadda ke rike da Kofin Zakarun Turai, za ta karbi bakuncin Juventus a wasa na biyu na daf da na kusa da na karshe a ranar 11 ga watan Afirilu.

Ba wannan ne karon farko da aka sayar da dukkan tikitin kallon tamaula ba, illa yadda aka saye shi da wuri.

Jaridar Marca ta ce magoya bayan Juventus 4,000 ne za su halarci Bernabeu mai cin ‘yan kallo 80,000, inda za su zauna daga bangaren Arewacin Fili.

Sai dai kuma Real ce za ta fara jiyartar Juventus a ranar 3 ga watan Afirilu a Italiya.

Real Madrid da Juventus sun fafata sau 19 a tsakaninsu, inda Real ta ci fafatawa tara, Juventus ta yi nasara a wasa takwas, sannan suka yi canjaras a karo biyu.

‘Yan sandan Najeriya makaryata ne – Dino Melaye


Na’urarku na da matsalar sauraren sauti

Hirar Dino kan takun sakarsa da ‘yan sanda

Ku latsa alamar hoton da ke sama don jin martanin da Dino ya mayar kan artabunsa da ‘yan sanda:

Ana ci gaba da kiki-kaka tsakanin dan majalisar dattawan Najeriya Dino Melaye da rundunar ‘yan sandan kasar, wadda ta yi ikirarin cewa za ta ayyana shi a cikin jerin mutanen da take nema ruwa-a-jallo.

Rundunar ta yi ikirarin daukar wannan mataki ne, sakamakon zargin cewa an nemi ya gurfana gaban wata kotu a Lokoja bisa tuhumar da ake masa ta taimakawa wajen aikata miyagun ayyuka da suka shafi fashi da makami da satar mutane a jihar Kogi, ta hanyar bai wa wasu matasa bindigogi.

A halin da ake ciki dai, kotu ta tsayar da ranar Laraba mai zuwa don sauraron shari’ar.

Sai dai Sanata Melaye ya ce rundunar ‘yan sandan karya take yi don ba a taba gayyatarsa zuwa kotu ba, sai a kafafen watsa labarai ya ji labari.

“Batun da aka ce wai sufeto janar na ‘yan sanda ya ce na je kotu ranar 20 ga wata, to ai ni a wannan rana ma ba na nan, ina Ghana tare da wasu sanatoci ‘yan uwana kan wani taro na harkar mai.

“Don haka ni ba wanda ya taba ba ni wata gayyata daga kotu, ko a wannan karon ma da suka ce ana nemana ranar 28 ga wata har yanzu ba wanda ya kawo takarda daga kotu cewa ana nemana.”

Sanata Melaye ya kuma ce a yanzu haka rayuwarsa na cikin barazana ta yadda ba zai iya zuwa garin Lokojo ba, inda can ne babban birnin jiharsa ta asali, saboda “sau biyu aka nemi a kashe ni a can,” in ji shi.

Sai dai tun da fari rundunar ‘yan sanda ta yi watsi da wannan zargi na Sanata Melaye inda ta ce bayanan da ya bayar ba su da tushe.

Ku latsa alamar hoton da ke sama don sauraron hirar Sanata Dino Melaye ta kasance tsakaninsa da Ibrahim Isa kan abin da ya hana shi gurfana gaban kuliya da kuma wasan-buyan da yake yi da ‘yan sanda a matsayinsa na mai yin doka, inda ya musanta.

Hakkin mallakar hoto
Dino Facebook

Dino Melaye a takaice

  • Dan asalin jihar Kogi, amma an haife shi a Kano
  • Shekararsa 44
  • Ya yi karatun firamare a Kano
  • Ya yi digirinsa a Jami’ar Ahmadu Bello Zaria
  • Yana wakiltar Kogi Ta Yamma a majalisar dattawa
  • Ya taba zama dan majalisar waklilan Najeriya har sau biyu
  • An san shi a tarar aradu da ka a harkokin siyasa
  • Ya taba karbar lamar yabo na dan majalisar wakilan da babu kamarsa daga wata kungiyar matasa

Karin labaran da za ku so ku karanta:

Yadda za a rage tusa a jirgin sama


Hakkin mallakar hoto
Thinkstock

Image caption

Tusa a jirgin sama aba ce da ke damun mutane

Tusa a jirgin sama aba ce da ke damun mutane. Me yake jawo yawan tusar a jirgi? Ta yaya za mu yi maganin wannan abin kunya? David Robson ya tattauna da wani likita dan Denmark wanda ke da amsoshi na ban mamaki.

Sha’awar Jacob Rosenberg ta sanin yadda lamarin tusa a jirgin sama ta ke yawan damun mutane ta soma ne a lokacin da ya yi wata doguwar tafiya a jirgin zuwa New Zealand.

Ya duba cikinsa ne sai ya lura cewa ya kumbura tun lokacin da ya shiga jirgin. Lokacin da ya bude jakarsa ya dauko robar ruwansa sai ya ga ba ruwa sai ya fara fahimtar abin da ya faru.

Ya fahimci cewa lokacin da yake cikin jirgin saboda yanayin iskar da ke cikin jirgin robar ta kumbura, da jirgin ya sauka ta motse.

Rosenberg ya kwatanta iskar da ke cikinsa da abin da ya faru da wannan robar ruwa tasa.

”Tun daga wannan lokacin ne na fara lura da yawan tusar da mutum ke yi lokacin da ya hau jirgin sama, wadda tana da yawa sosai.” In ji shi.

Duk da cewa ba za ka iya hada iskar waje da ta cikin jirgi ba wajen baci, amma duk da haka mutane na korafi sosai da warin iskar cikin jirgin sama domin tana damun yawancin mutane.

”Idan ka yi wa mutane magana a kai, za ka ji kowa ya gaya maka cewa ya taba jin warin tusa a wani lokaci,” In ji Rosenberg wanda farfesa ne a Jami’ar Copenhagen.

To amma masanin bai tashi tunanin illar lamarin ba ta fannin kimiyya sai a lokacin da ya sauka daga jirgin, suna shan lemo da abokanan aikinsa daga nan ne ya fara tunani sosai a kan hakan.

Sakamakon abin da ya biyo baya ita ce wata takarda da za ta iya rage mana wannan abin damuwa da ke takura mana a jirgi.

Hakkin mallakar hoto
Thinkstock

Image caption

Mu kan toshe hanci saboda warin tusa

Ko a kasa ma ba a jirgi ba dukkan mu mukan yi tusa, mu fitar da iska mai yawan gaske da za mu yi mamaki.

Kamar yadda wani kiyasi ya nuna yawancin mutane mukan yi tusa sau goma a cikin sa’oi 24, inda muke fitar da kusan lita (liter) daya gaba daya.

Iskar da muke fitarwa (tusa) tana samuwa ne daga abincin da muke ci wanda bai narke, ya bi jikinmu ba,inda kwayoyin bakteriya (bacteria) suke rubar da abincin, daga nan sai ya samar da iskar nitrogen da carbon dioxide(iska mai dumi da muke fitarwa daga hancinmu ta numfashi) da hydrogen da sauran sinadaran sulphur( dangin farar wuta) masu wari.

Wannan abu ne da zai iya kasancewa a ko ina ana fama da shi, amma lokacin da Rosenberg, ya bincika littattafan kimiyya, sai ya gano cewa akwai abubuwa da yawa da aka yi musu bahuguwar fahimta a kan tusar da muke yi.

Duk da yadda mutane da yawa suka dauka, bincike ya nuna cewa maza ba su kai mata yawan yin tusa ba.

Kuma wannan nazari da aka yi a wuraren shekarun 1990 ya nuna cewa tusar mata ta fi ta maza wari, saboda yawan sinadaran farar wuta wadanda ke da wari a cikin ta matan.

Duk da yadda aka dauki wake a matsayin abincin da ke sa tusa (musical fruit), wani gwaji da aka yi kwanannan an gano cewa bai kai yadda yawanci mutane suke dauka ba wajen sa tusa, kuma tasirinsa ya dogara ne daga yanayin kowana mutum.

Kayan abincin da ke rage yawan tusa sun hada da kifi da shinkafa da kayan madara da ruwan lemo(juice), saboda sauransu ba sa raguwa a cikin mutum ta yadda za su rube.

Idan a kullum kana tusarka a kasa ba tare da kowa ma ya sani ba, ko kuma ba a damuwa da ita, a jirgin sama lamarin ba haka yake ba, domin aba ce mai damun mutane.

Yawan tusa a jirgi in ji Rosenberg kimiyya ce mai sauki, kamar yadda ya bayyana.

Idan jirgi ya tashi sama,” karfin iskar da ke dannowa kasa daga sama (pressure ) zai ragu, saboda haka ita kuma iskar da ke wuri sai ta fadada ta cika sauran wurare.”( wato ke nan

wadda take cikin mutum sai ta buda ta cika wa mutum ciki, inda ciki kuma ke rage ta ta hanyar tusa).

Idan ba a manta ba, a can baya mun ce mutum yana fitar da akalla lita daya ta iska (tusa) a sa’a 24.

To wannan lita daya, idan ka tashi a jirgi tana bukatar mazubi wato cikinka ke nan a nan ya kara girma da kashi 30 cikin dari, kafin ya iya daukarta, abin da ke sa cikinka ke nan ya kunbura.

Wannan matsala ce da yawancin masu tukin jirgin sama ke fama da ita, inda sama da kashi 60 cikin dari ke kukan yawan kumburin ciki fiye da galibin masu aikin ofis.

Za ka iya kokarin rike tusarka ba shakka, to amma hakan ba dabara ba ce, in ji Rosenberg; bayan takura da za ka yi, shi yana ganin akwai dan hadari.

Ya ce, ”idan kai matashi ne kuma kana da lafiya, rike tusar ba matsala ba ce, amma a wurin tsoho, hakan zai iya sa ta takura aikin zuciyarsa.”

Hakkin mallakar hoto
STR, GETTY IMAGES AFP

Image caption

Hukumar kula da samaniya ta Amurka, Nasa, ta taba damuwa kan fargabar illar tusar ‘yan sama jannati a cikin jirginsu

Sakin tusar ma a cikin jirgi yana da irin hadarinsa kamar yadda wani bincike da ke wata makala da aka gabatar a 1969, ya nuna cewa, wuta za ta iya tashi daga tusar ‘yan

sama jannati idan tusar ta yi tsanani a cikin jirginsu.

To sai dai kawo yanzu ba a taba samun wannan hadari ba. Kuma duk da haka ma wasu masana na hukumar ayyukan sama jannati ta kasar Canada, sun bayar da shawarar amfani da

kayan abincin da ya kunshi waken soya da aka riga aka ruba shi (wanda ba zai sake ruba ba a ciki), da cewa su ne suka fi dacewa a jirgin sama jannati.

Saboda su wadannan daman suna dauke da kwayoyin bakteriya da za su yi gogayya da kwayoyin bakteriyar da ke haifar da iska, wanda hakan zai rage kumburin cikin da ‘yan sama jannatin kan yi fama da shi.

Anfani da kamfai mai burbushin gawayi;

Duk da haka Rosenberg yana ganin akwai yadda ya fi dacewa a bullo wa matsalar.

Yana ganin za a iya amfani da gawayi a kujerun jirgi ( idan aka sarrafa gawayi yana hana bazuwar wari).

Ko da ike dai gwajin da aka yi a baya ya nuna cewa hakan ba ya tasiri sosai saboda tusar tana biyowa ta cikin wandon mutum ne ko fatarin mace ta watsu, saboda haka gawayin da aka

hada a kujerar jirgin ba zai iya hana tusar wucewa ba.

A kan hakan Rosenberg yake ganin kamfanonin jiragen saman za su iya samun barguna da aka sarrafa aka sanya musu gawayin a cikinsu da mutane za su iya amfani da su.

Ko kuma idan mutum ya damu sosai da warin tusar tasa sai ya samu kamfai na musamman da ake sanyawa gawayin, hakan zai iya hana warin tusar fita idan ya yi.

Mujallar kimiyya ta abubuwan da suka shafi iska da ruwan cikin mutum ta Amurka ( American Journal of Gastroenterology) ta ruwaito cewa kamfai na musamman da aka saka masa gawayi a ciki yana dauke kusan kashi dari bisa dari na wari idan aka kwatanta da kunzugun gawayi na musamman da ake sanyawa a cikin wando wanda yake hana warin kashi 70 cikin dari.

Hakkin mallakar hoto
Thinkstock

Image caption

Abincin cikin jirgi irin wanda ba zai bata cikin mutum ba ne

Rosenberg yana kuma da wasu shawarwarin hanyar maganin wannan matsala ta tusa a jirgin sama, amma fa wadanda ba lalle su samu karbuwa ba.

Masanin yana ganin wasu mutanen masu tusar za su iya fitar da wata iskar ta rubabben abincin ta makogwaronsu, ta biyo ta baki, wanda yana ganin domin maganin hakan sai kamfanonin

jiragen sama su samar da wata na’ura ta musamman ta duba iskar da mutum yake fitarwa ta baki saboda irin abincin da ya ci.

Idan aka samu fasinja yana da matsala sai a sa shi a wani bangare na musamman na jirgin, kusa da bandaki ko kuma ya ce kawai a hana shi shiga jirgin ma.

Ganin yadda tusa a cikin jirgi take damun mutane abu ne mai muhimmancin gaske mu yi kokarin samo mafita a kanta, abin da ba mu dauka da muhimmanci ba.

Ko kuma mu ce watakila abin da ya fi kawai shi ne mu rika sakin tusarmu a duk lokacin da ta zo mana. Kamar yadda Rosenberg ya ce, ”tusa ba wata matsala ba ce ta daban, amma kuma

muna kawar da kanmu a kanta ba ma yin magana a kanta.”

Mu yi fatan bincikensa ya samu karbuwa a wurin masu iya maganin lamarin.

Idan kana son karanta wannan a harshen Ingilishi latsa nan How to tackle the most embarrassing problem on planes

Barca da Valencia za su kara karo na hudu a bana


Hakkin mallakar hoto
Getty Images

Image caption

Barcelona tana ta daya a kan teburin La Liga

Hukumar kwallon kafa ta Spaniya ta tsayar da ranar 14 ga watan Afirilu, domin buga wasa na biyu a Gasar Cin Kofin La Liga tsakanin Barcelona da Valencia.

Wannan kuma shi ne karo na hudu da kungiyoyin biyu za su kara a kakar bana, bayan da suka hadu sau biyu a Copa del Rey da Gasar La Liga.

Valencia da Barcelona sun buga 1-1 a Gasar La Liga a ranar 26 ga watan Nuwambar 2017, shi ne wasan farko da suka yi a bana.

Barcelona ta karbi bakuncin Valenci a Camp Nou a Copa del Rey, inda Barca ta yi nasara da ci 1-0, kuma Luis Suarez ne ya ci kwallon a ranar 1 ga watan Fabrairun 2018.

Valencia ta karbi bakuncin Barcelona a wasa na biyu a Copa del Rey, inda Barcelona ta ci 2-0 a ranar 8 ga watan Fabrairu, inda Coutinho da Rakitic ne suka ci kwallayen.

Barcelona wadda har yanzu ba a doke ta ba a Gasar La Liga ta bana, tana ta daya a kan teburi da maki 76.

Ko kun san tusa ta gagari likitoci?


Hakkin mallakar hoto
Thinkstock

Tusa ba abar kunya ba ce kaɗai, za ta iya kasancewa wata alama ce mai muhimmanci ta yanayin lafiyar jikinka. Amma kuma har yanzu likitoci sun gagara fahimtar lamarinta.

Na tsani in fito fili in yi wannan magana amma ba shakka kam likitoci suna da matsala kan sanin al’amarin da ya danganci yadda tusa take faruwa.

Domin a yanzu dai abin kunya ba wani abin a-zo-a-gani da suka sani game da yadda iskar mai wari ke haduwa a cikinmu.

”Iskar da ke fitowa daga duburarmu, tana gaya mana abin da ya shafi dan taki ne (20cm) a cikinmu kawai,” in ji Peter Gibson na jami’ar Monash a Victoria ta Australia.

Gibson na son sanin abin da ke faruwa a can cikin cikinmu ( nisan 130cm), inda abinci ke narkewa, har a samu tusa a ƙarshe.

Sarrafa abincin da ciki ke yi, ya danganta ne ga mu’amullar da ake yi tsakanin kwayoyin halittarka da irin abincin da ka ci, da aikin samar da kuzari da kayan ciki ke yi, sannan kuma da irin ƙwayoyin halittar da ke jikinka, wanda duka wadannan abubuwa ne da kowanne za a iya samun wata alama tasa a cikin wannan iska (tusa).

Samun wani fitaccen sauyi kan yadda warin tusarka yake ka iya kasancewa alamar wata mummunar cuta da ta shafi wani daga cikin dukkanin wadancan abubuwa da muka bayyana a baya wadanda suke haifar da tusar.

Gibson ya ce, ” Mun san dan wani abu kadan game da ita, amma ya kasance abu mai wuyar gaske a san ainahin abin da ke faruwa game da tusa.

Saboda haka ne ayarin masanin suka duƙufa kan wani bincike a cikin ‘yan hanjinka, inda za su rika auna iskar tusarka daga wuri zuwa wuri a kowane mataki na narka abinci da kayan ciki ke yi.

Hakkin mallakar hoto
Getty Images

Image caption

Iskar da ke haduwa a cikinka na bin jininka, ta biyo numfashinka

Dan muhimmin abin da muka sani a kan tusa kawo yanzu ba shakka ya nuna mana cewa batun tusa muhimmin abu ne da ke buƙatar bincike.

Idan ya kasance jikinka na samar da iskar hydrogen da methane da yawa, to hakan na nuna ga alama akwai matsala da yadda cikinka ke sarrafa kayan abinci mai ba wa mutum karfi (carbohydrates).

Misali hakan na sa wasu daga cikin sinadaran wannan kayan abinci mai ba mutum karfi (starche, sugar) su rube a cikin ciki.

Yawan iskar methane ka iya kawo cikas ga yadda hanjinka ke motsawa, abin da ke nufin zai iya haifar maka da matsalar kasa yin bayan gida akai akai, musamman ga mutanen da suke da wata matsala ta hanji.

Sai dai kuma abin takaicin shi ne, takamaimai ba mu san inda wannan iska ta methane take samuwa ba a cikin mutum.

”Abin dai da aka ɗauka kawai shi ne, tana samuwa ne daga can ƙasan babban hanji, amma dai ba mu sani ba,” in ji Gibson.

Sinadarin hydrogen sulphide ne ke sa tusa ɗoyi ko wari kamar na rubabben kwai. Bayan damuwa da wannan iska ko wari ke haifar wa mutane idan wani ya yi tusa a wuri, idan mutum yana fitar da iskar da yawa to hakan zai iya kasancewa wata alama ce ta wani ciwo a bangon ‘yan hanji wanda zai iya bayar da wani muhimmin bayani,” in ji Gibson.

Wani babban abin mamaki kuma shi ne, har ya zuwa yanzu fitacciyar hanyar da aka fi iya bincike a kan tusar mutum, ita ce ta numfashi, wato ba ta kai tsaye ba ta dubura.

Tun da wata daga cikin iskar da kake fitarwa ta tusarka na shiga cikin jininka, kuma ka fitar da ita ta huhunka, zai iya kasancewa a samu ɓurɓushin tusarka ya biyo ta bakinka.

Sai dai kuma abin takaicin shi ne wannan ba zai nuna maka inda ainahi iskar ta samo asali ba. Sannan kuma wata iskar da jikinka ke fitarwa kamar wadda kwayoyin bakteriya da ke tsakanin haƙoranka ke fitarwa na iya jirkita sakamakon da za a samu.

Wani zabin kuma shi ne, a ruɓar da kashin mutum, to daga nan iskar da za a samu ta ruɓewar kashin za ta iya zama daya da warin tusarka. Ko da yake a nan ma, ba za a gane matsalolin da ke samuwa ba a farkon narkewar abinci.

Hakkin mallakar hoto
Getty Images

Image caption

Tusa babbar matsala ce ga masana harkar lafiya

To a nan ayarin Gibson na ganin akwai hanyar da za su yi maganin wannan ƙalubale, inda suka ƙirƙiro ‘yar wata mitsitsiyar na’ura wadda mutum zai haɗiye, kamar ƙwayar magani.

Yayin da take tafiya a cikin mutum daga nan zuwa can za ta rika aika wa wata kwamfuta bayanan irin iskar wurin da ta je, haka kuma za ta riƙa auna wasu abubuwan kamar yanayin zafin wurin da take da kuma guba ko sinadaran da ke wurin.

Gibson ya ce daga karshe na’urar za ta biyo kashi ta fito.

Ta wannan hanya likita zai iya samun cikakken bayani na duk wurin da wannan na’ura take. Kawo yanzu wadannan masu bincike sun jarraba wannan dabara a kan wasu aladu kuma nan da ‘yan watanni suke sa ran gwada ta a jikin mutum.

Idan aka ga cewa wannan ‘yar na’ura ba ta da wata illa a cikin mutum, Gibson ya ce, zai samar da matattarar bayanai ta irin iskar da ke cikin mutum wadda ta shafi cutuka daban-daban da kuma yanayin irin rayuwar mutum.

Daga nan za a iya sanin irin illa ko matsalar wani magani da ake yi wa mutum na irin wadannan cutuka.

To tun da an gano cewa iskar methane tana da alaƙa da matsalar rashin yin bayan-gida yadda ya kamata, Gibson yana fatan gano inda wannan iska (tusa) take haduwa da kuma lokacin da take samuwa.

A nan kuma, sai ya ce, ”Abin da kawai kake buƙata shi ne, abin da zai rage samar da wannan iska, wanda shi ne, sauyin abinci ko kuma wani magani da zai rage wannan matsala ta rashin yin kashi yadda ya kamata.

Wanda wannan kuma wata babbar matsala ce a duniya a yau.” Ya kara da cewa ”to amma ba za mu iya sani ba har sai mun auna mun gani.”

Ba shakka ba za a ga aibun Gibson na dagewa da ya yi a kan wannan lamari na tusa ba. Kamar yadda shi kansa ya ce, ”Abin sha’awa ne sosai, kana ƙara nitsawa a cikin binciken kana ƙara hangen irin hasken da ke tattare da shi.”

Fatanmu dai shi ne ya yi nasarar tabbatar da alƙawarin da ya yi, kada ɗokin ya ƙare da wata tarin iska(tusa) mai dumi kawai.

Idan kana son karanta wannan a harshen Ingilishi latsa nan. Why we need a better way to measure farts

‘Yan Madrid da Zidane ya fi amfani da su a wasa


Hakkin mallakar hoto
Getty Images

Image caption

Real za ta kara da Juventus a wasan daf da na kusa da na karshe a Zakarun Turai

Real Madrid ta nada Zinadine Zidane a matsayin kocinta, bayan da ta sallami Rafael Benitez a ranar a 4 ga watan Janairun 2016.

Zidane din ya jagoranci Madrid wasa 135, inda ya ci 97, sannan ya yi canjaras a wasa 24 aka doke shi sau 14, haka kuma ya ci kwallo 361, bayan da aka ci Real kwallo 142.

Haka kuma tun lokacin da aka bai wa Zidane ragamar Madrid, ya saka Lucas Vazquez da Cristiano Ronaldo da Isco da Marcelo da Kroos da kuma Benzema a wasa sama da 100.

Lucas Vazquez wanda ya buga wasa 41 a kakar bana, shi ke kan gaba, inda ya buga fafatawa 109 karkashin kocin Zidane.

Cristiano Ronaldo ya buga wasa 105 kuma shi ne na biyu a jeren wadanda suka buga wasanni da dama karkashin kocin.

Dan wasa Marcelo da kuma Kroos sun yi wasa 103 kowannen su, shi kuwa Benzema fafatawa 101 ya yi.

Real Madrid tana ta uku a kan teburin gasar La Liga da maki 60, za kuma ta ziyarci Las Palmers a wasan gaba da za ta buga a La Liga.

Abun da ya sa za mu yi sulhu da Boko Haram – Lai Mohammed


Hakkin mallakar hoto
Getty Images

Image caption

Ministan ya ce mutane da dama ba su san cewa sun dade suna tattaunawa da mayakan kungiyar kan tsagaita wuta ba

Ministan watsa labaran Najeriya Lai Mohammed ya ce gwamnatin kasar ta fara tattauna wa da kungiyar Boko Haram a kan yiwuwar tsagaita wuta, da fatan kawo karshen rikicin na dindindin.

A ranar Lahadi ne Mista Mohammed ya fadi hakan yayin wata ganawa ta musamman da ya yi da manema labarai a Legas, domin yi musu karin haske kan yadda aka ceto ‘yan matan Dapchi.

A wata sanarwa da ya aike don karin haske kan batun sakon yaran, Ministan ya ce: “Mutane da dama ba su san cewa mun dade muna tattaunawa da mayakan kungiyar kan tsagaita wuta ba.”

Mista Mohammed ya ce tun ranar 19 ga watan Maris ne aka cimma yarjejeniyar tsagaita wuta ta mako guda, domin a samu damar dawo da ‘yan matan.

Wannan ne karo na farko cikin shekaru 10 da suka gabata da gwamnati ta ce tana tattaunawa da Boko Haram kan tsagaita wuta, a rikicin tayar da kayar bayan da ya yi sanadin mutuwar dubban mutane tun shekarar 2009.

Gwamnatin kasar karkashin shugabancin Muhammadu Buhari dai ta sha nanata cewa a shirye take ta hau teburin sulhu da kungiyar.

Wannan ci gaba dai na zuwa ne jim kadan bayan dawowar ‘yan matan sakandaren Dapchi fiye da 100 da mayakan Boko Haram suka sace.

Hakkin mallakar hoto
Getty Images

Image caption

A karshen makon da ya gabata ne Shugaba Buhari ya gana da ‘yan matan Dapchi bayan dawo da su da mayakan BH suka yi

A ranar Lahadi ne aka mayar da ‘yan matan wajen iyayensu bayan sun gana da Shugaba Buhari a Abuja, bayan sun shafe wata guda a hannun Boko Haram.

Sai dai har yanzu akwai sauran yarinya daya a hannun mayakan kungiyar, wacce suka ce ba su dawo da ita ba ne saboda kin musulunta da ta yi, yayin da wasu ‘yan matan biyar kuwa suka hadu da ajalinsu a can.


Sharhi

A iya cewa wannan wani muhimmin ci gaba ne daga gwamnatin Najeriya. A baya Shugaba Buhari ya yi alkawarin cewa ba zai hau teburin sulhu da mayakan ba.

Amma a wani al’mari mai kama da sauya ra’ayi na farat daya, sai ga Ministan watsa labaran kasar ya ce gwamnati ta jima tana tattaunawa da su.

Sai dai kuma ministan bai yi karin haske kan da wanne bangare na kungiyar ake tattaunawa ba, bai kuma yi bayanain irin yarjejeniyar da ake kullawa ba.

Wani mai sharhi a Najeriya Antony Goldman, ya shaida wa kamfanin dillancin labarai na Reuters cewa, zai yi wahala a yi sulhu da kungiyar saboda rabuwar da ta yi bangare biyu.

Boko Haram dai ta balle ne a lokacin da kungiyar IS ta bayyana Abu Musab al-Barnawi, a matsayin shugaban kungiyar a watan Agustan 2016.

Daya bangaren kuma karkashin jagorancin Abubakar Shekau shi aka fi sani a msatyin shugaban kungiyar.

An san shi wajen fitowa a bidyo da yake kalubalantar hukumomin Najeriya, kuma bangarensa ne yake amfani da ‘yan mata don kai hare-haremn kunar bakin wake.

Goldman ya shaida wa Reuters cewa: “Akwai bangarori da dama wadanda ke aikata mugayen ayyuka kuma suna yi wa duniya kallo da wani tsari da ya sabawa tsarin dokoki da kuma dimokradiyya – amma kuma akwai wasu bangarori da ke shirye don yin sulhu da su.”


Boko Haram a takaice

Hakkin mallakar hoto
AFP

Image caption

Abubakar Shekau shi ne shugaban Boko Haram tun 2009

  • An kafa ta a shekarar 2002
  • Sunanta da Larabci shi ne, Jama’atu Ahlis Sunna Lidda’awati wal-Jihad
  • Ta fara aikinta ne da nuna kin jinin karatun boko
  • Ta kaddamar da kai hare-hare a shekarar 2009 da zummar samar da daular musulunci
  • Amurka ta ayyana ta a matsayin kungiyar ta’adda a 2013
  • Kungiyar ta ayyana wasu yankuna da ta kame a matsayin daulolin musulunci a shekarar 2014
  • A yanzu haka sojoji sun kwato mafi yawan yankunan
  • Suna ci gaba da kai hare-haren kunar bakin wake
  • Tana ayyukanta a Najeriya da Kamaru da Nijar da Chadi
  • Ta rabu biyu tsakanin bangaren Shekau da na Al-barnawi
  • Dukkan bangarorin biyu sun taba sace ‘yan matan makarantar sakandare na Chibok da Dapchi

Karin labaran da za ku so ku karanta:

Saudiyya ta harbo makaman Houthi da aka harba mata


Hakkin mallakar hoto
Reuters

Image caption

Hotonan talibijin sun nuna ma’aikatan kwana kwana a wurin da takarcen makamai masu linzami suka fada.

Dakarun Saudiyya sun ce sun harbo makamai masu linzami guda bakwai da mayakan ‘yan Houthi da ke Yemen suka harba a wani yankin kasar.

Jami’ai sun ce uku daga cikin makaman sun fada ne a Riyadh, babban birnin kasar, inda mutum guda ya hallaka.

A ranar Lahadin da ta wuce ne aka cika shekara uku da kawancen da Saudiyya ta ke jagoranta ya shiga cikin yakin basasar da ake yi a Yemen.

Mayakan ‘yan tawaye ‘yan Houthi sun ce sun so su kai hari a wurare da dama, ciki har da filin jirgin sama da ke Riyadh.

Kawancen na zargin Iran da bai wa mayakan Houthi makamai, sai dai zargi ne da Iran ta musanta.

“Wannan matakin takalar fada da mayakan Houthi da ke samun goyon bayan Iran suka dauka ya nuna cewa gwamnatin Iran na cigaba da taimaka wa kungiyar ‘yan tawaye da kayan yaki,” a cewar kakakin kawancen da Saudiyya ke jagoranta, Turki al Maliki.

Ya kuma kara da cewa makamai masu linzami da ake harbawa cikin birane babu kakkautawa abu ne da ke janyo damuwa.

Shaidu a Riyadh sun ce sun rika jin karar fashewar abubuwa kuma hayaki ya rika tashi.

Kamfanin dillancin labarai na kasar Saudiyya ya kuma ce an harba makamai masu linzami garin Najran da Jizan da kuma Khamis Mushait.

Mayakan Houthi sun kuma harba gomman makamai masu linzami a cikin Saudiyyar a watannin baya-baya nan.

Iran dai ta ce ba ta bai wa mayakan ‘yan tawayen makamai, wadanda suke fada da gwamnatin Yemen da kuma kawancen da Saudiyya ta ke jaogranta tun watan Maris na shekarar 2015.

Iran din ta kuma ce makamai masu linzami da aka harbo mataki ne da ‘yan tawayen suka dauka ba tare da taimakon wani ba, kuma suna mayar da martani ne kan hare-haren kawancen da Saudiyya take jagoranta.,

Zimbabwe: Ana tuhumar Grace Mugabe da fasakwauri


Hakkin mallakar hoto
Reuters

Image caption

Grace Mugabe da maigidanta Robert Mugabe a lokacin suna kan mulki

‘Yan sanda a Zimbabwe rahotanni sun tabbatar cewa matar tsohon shugaba Mugabe, Grace na da hannu a fasa kwaurin hauren giwa daga Zimbabwe.

Hukumar da ke kula da albarkatun dazukan kasar na tuhumar Misis Mugabe da laifin fitar da hauren giwan da darajarsu ta kai miliyoyin dalolin Amurka

An dai rika fitar da haramtattun kayan ne zuwa kasashen China da Hadaddiyar Daular Larabawa da Amurka.

Misis Mugaben ba ta ce uffan ba game da wannan batun.

Kakakin jami’an ‘yan sanda ya fada wa jaridar Sunday Mail ta Zimbabwe cewa tuni aka fara gudanar da bincike akan Grace Mugabe.

Shugaban hukumar da ke kula da albarkatun dazuzzukan kasar ya ce an kira shi ta wayar tarho daga fadar shugaban kasa a bara, inda aka umarce hi da ya bayar da takardun izini saboda a fitar da hauren giwa zuwa China.

Wani mi dauka hotunan namun daji, Adrian Steirn ya ce yana da hujjojin da suka tabbatar cewa masu fasakwaurin hauren giwa na da alaka da matar tsohon shugaban kasa Mugabe.

Ya ce ya shafe watanni yana gudanar na shi binciken a boye a cikin kasar ta Zimbabwe.

A bara ma Misis Mugaben ta fuskanci matakin shari’a a Afirka ta Kudu bayan da matar mai tallata kayan sawa ta shigar da kara cewa Misis Mugaben ta raunata ta da waya a goshinta.

Masar: An bude rumfunan zabe a fadin kasar


Hakkin mallakar hoto
EPA

Image caption

Abdul Fattah al-Sisi (Hagu) da dan takara Moussa Mustafa Moussa

An bude rumfunan zabe a Masar, kuma shugaba mai ci Abdel Fatah al-Sisi tare da wani mutum guda ne kawai zasu tsaya takara.

Kungiyoyin kare hakkin bil adama sun soki tsarin zaben saboda rashin kwarararan ‘yan takara.

Wasu ‘yan takarar kuma sun koka da yadda suka ce ana amfani da jami’an tsaro wajen tursasa musu da su janye daga takarar.

Motocin safa-safa dauke da amsakuwa na ta yawo a birnin Al Kahira suna rera wakokin da ke kira ga ‘yan kasar Masar su fito su kada kuri’unsu a zaben shugaban kasar.

Za dai a dauki kwanaki uku ana gudanar da zaben, kuma ana sa ran cewa shugaba mai ci, Abdel Fattah El-Sisi ne zai lashe zaben babu wata hamayyar a zo a gani.

Mousa Mostafa Mousa shi ne mutum guda tilo da yake takara tare da shugaba al Sisi kuma a ‘yan kwanakin baya ya rika ikirarin cewa yana goyon bayan shugaban kasar.

‘Yan takara masu yawa dai sun janye daga tsayawa a wannan zaben, bayan da suka yi kukan ana muzguna musu, yayin da wani dan takarar guda ke fuskantar tuhuma ta sharia’a cewa yana takara babu izini, bayan da ‘yan sanda suka kama shi.

Hakkin mallakar hoto
Reuters

Image caption

Allon talla na shugaba Abdel Fatah al-Sisi

Amma ofishin kamfen din shugaba El-Sisi ya musanta cewa an hana wasu ‘yan takarar tsayawa a wannan zaben. Amma ‘yan adawa sun rika kira ga magoya bayansu da su kauracewa zaben kwata-kwata.

Sa’o’i kadan kafin a fara zaben, rahotanni sun ruwaito cewa jami’an tsaron kasar sun kashe wasu ‘yan tawaye shida da ake tuhuma da kai wani harin bam na ranar Asabar a birnin Iskandiriyya, wanda suka ce an kai ne a cikin wani yunkuri na kashe wani babban jami’in tsaro a nan.

Sojojin Nigeria sun yiwa T.Y Danjuma raddi


Hakkin mallakar hoto
NIGERIAN ARMY TWITTER

Image caption

Rundunar sojin ta ce ita ce keda alhakin kare rayuka da dukiyoyin ‘yan kasar.

A Najeriya, rundunar sojin kasar ta yi alla-wadai da kalaman tsohon hafsan sojin kasar Laftanar Janar Theoplus Danjuma inda ya ce sojojin kasar ne ke mara wa Fulani makiyaya baya wajen kawar da al’ummu a jihar Taraba

Shi dai Janar Theoplus Danjuma mai ritaya ya yi kalaman ne yayin bikin yaye daliban jami’ar jihar Taraba da ke Jalingo ranar Asabar.

Ya shawarci al’ummar Najeriya da su tashi tsaye su kare kansu daga hara-haren makiyaya.

Janar Theoplus Danjuma mai ritaya ya ce “zaman lafiya a jihar Taraba na cikin wani hali kuma akwai kokarin shafe wata al’umma a jihar a don haka wajibi mu ta shi tsaye.”

Tsohon hafsan sojin ya ce idan jama’a suka zura ido suna jiran sojoji su kare su to za’a kashe su daya bayan daya.

Tuni dai rundunar sojin Najeriyar a wata sanarwa, ta mayar da martani ta bakin mai magana da yawunta, Birgediya Janar Texas Chikwu.

Rundunar ta yi alla-wadai da kalaman tsohon hafsan inda ta jaddada cewa rundunar sojin kasar ce keda alhakin kare rayuka da dukiyoyin ‘yan kasar.

Kwara ta samu maki uku a kan Kano Pillars


Hakkin mallakar hoto
@NPFL

Image caption

Kwara ce ta karshe a teburin gasar Nigeria bayan mako na 14

Kwara United ta ci Kano Pillars 2-1 a wasan mako na 14 da suka kara a Gasar Cin Kofin Firimiyar Nigeria a ranar Lahadi.

Kano Pillars ce ta fara cin kwallo ta hannun Junior Lokosa a minti na 26 da fara wasa kuma na 12 da ya zura a raga a wasannin shekarar nan.

Kwara ta farke ne ta hannun Sunday Okechukwu bayan da aka dawo daga hutu, sannan ta ci na biyu ta hannun Lukman Binuyo saura minti 20 a tashi daga wasan.

Ga sauran sakamakon wasannin mako na 14 da aka buga:

  • Heartland 2-1 Nasarawa United
  • Lobi 3-2 Rivers United
  • Akwa United 1-1 Abia Warriors
  • Wikki 3-0 El-Kanemi
  • Ifeanyui Ubah 3-0 Plateau United
  • Tornadoes 1-0 Sunshine Stars
  • Yobe Desert Stars 1-1 Enyimba
  • Go Round 2-2 Rangers
  • MFM 2-1 Katsina United

Kwallayen da Salah ya ci a kakar bana


Hakkin mallakar hoto
Getty Images

Image caption

Salah ne ya ci kwallon da Portugal ta doke su 2-1 a wasan sada zumunta

Mohamed Salah ya buga wasa 44 tun fara kakar shekarar tamaula ta 2017/18, inda ya ci wa Liverpooll da tawagar Masar kwallo 38.

Kuma cikin wasannin da ya buga har yanzu ba a bai wa Salah katin gargadi ba a shekarar nan.

Kwallo bakwai da ya ci wa Liverpool a Gasar Zakarun Turai

  • 23 Agusta 2017 Liverpool 4 – 2 Hoffenheim 1 goal 1
  • 13 Satumba 2017 Liverpool 2 – 2 Sevilla 1 goal 1
  • 17 Oktoba 2017 NK Maribor 0 – 7 Liverpool 2 goals 2
  • 1 Nuwamba 2017 Liverpool 3 – 0 NK Maribor 1 goal 1
  • 6 Disamba 2017 Liverpool 7 – 0 Spartak Moscow 1 goal 1
  • 14 Fabrairu 2018 Porto 0 – 5 Liverpool 1 goal 1

Kwallo 28 da ya ci wa Liverpool a Gasar Premier

  • 12 Agusta 2017 Watford 3 – 3 Liverpool 1 goal 1
  • 27 Agusta 2017 Liverpool 4 – 0 Arsenal 1 goal 1
  • 16 Satumba 2017 Liverpool 1 – 1 Burnley 1 goal 1
  • 23 Satumba 2017 Leicester 2 – 3 Liverpool 1 goal 1
  • 22 Oktoba 2017 Tottenham 4 – 1 Liverpool 1 goal 1
  • 4 Satumba 2017 West Ham 1 – 4 Liverpool 2 goals 2
  • 18 Nuwamba Liverpool 3 – 0 Southampton 2 goals 2
  • 25 Nuwamba 2017 Liverpool 1 – 1 Chelsea 1 goal 1
  • 29 Nuwamba 2017 Stoke 0 – 3 Liverpool 2 goals 2
  • 10 Disamba 2017 Liverpool 1 – 1 Everton 1 goal 1
  • 17 Disamba 2017 Bournemouth 0 – 4 Liverpool 1 goal 1
  • 22 Disamba 2017 Arsenal 3 – 3 Liverpool 1 goal 1
  • 30 Disamba 2017 Liverpool 2 – 1 Leicester 2 goals 2
  • 14 Janairu 2018 Liverpool 4 – 3 Man City 1 goal 1
  • 30 Janairu 2018 Huddersfield 0 – 3 Liverpool 1 goal 1
  • 4 Fabrairu 2018 Liverpool 2 – 2 Tottenham 2 goals 2
  • 11 Fabrairu 2018 Southampton 0 – 2 Liverpool 1 goal 1
  • 24 Fabrairu 2018 Liverpool 4 – 1 West Ham 1 goal 1
  • 3 Maris 2018 Liverpool 2 – 0 Newcastle 1 goal 1
  • 17 Maris 2018 Liverpool 5 – 0 Watford 4 goals 4

Kwallon daya da ya ci wa Liverpool a Kofin FA

  • 27 Janairu 2018 Liverpool 2 – 3 West Brom 1 goal 1

Kwallon da ya ci wa Masar a wasan zuwa Gasar Kofin duniya

  • 05 Satumba 2017 Masar 1 – 0 Uganda 1 goal 1

Kwallon da ya ci Masar a wasan da zumunta

  • 24 Maris 2018 Portugal 2 – 1 Masar

An mika ‘yan matan Dapchi hannun iyayensu


Image caption

‘Yan matan suna cikin nutsuwa, in ji iyayensu.

Gwamnatin Najeriya ta mika ‘yan matan makarantar Dapchi 106 da kuma namiji daya a hannun iyayensu ranar Lahadi.

Iyayen wasu daga cikin ‘yan matan sun shaida wa BBC cewa sun tarbi ‘ya’yan nasu cikin murna da annashuwa.

A cewar Malam Adamu Gashuwaram, ‘yarsa ta isa gida cikin nutsuwa sabanin lokacin da mayakan Boko Haram suka mayar da su garin.

Mahaifiyar daya daga cikin ‘yan matan ta gaya wa BBC cewa an tabbatar mata da zuwan ‘yarta cikin garin amma tana jiran isarta gida.

“Gida ya cika da murna inda kowa ke dakon shigowarta,” in ji ta.

Sai dai mahaifin Leah Sharibu, wacce ita kadai ce mai bin addinin Kirista da ‘yan Boko Haram suka ki saki, ya ce suna cikin tashin hankalin rashin ganin ‘yarsu har yanzu.

Ranar Asabar ne aka tabbatar wa Nathan Sharibu cewa a saki Leah kuma tana kan hanyar zuwa Dapchi domin saduwa da ‘yan uwa da danginta.

Ya yi kira ga gwamnatin Najeriya ta tabbatar an saki ‘yarsa sannan ta ba shi damar ganawa da ita “domin hakan ne kawai zai sa hankalina ya kwanta.”

Ranar Laraba ne aka saki ‘yan matan 106 da kuma namiji daya, amma aka ki sakin Leah Sharibu saboda ta ki amincewa ta karbi kalmar shahada.

Lamarin ya jawo wa Boko Haram suka sosai daga wurin ‘yan kasar, musamman Musulmi wadanda suka ce addinin Musulunci bai amince a tursasawa wani ko wata shiga cikinsa ba.

Da yake ganawa da ‘yan matan da aka saka ranar Juma’a, Shugaba Muhammadu Buhari ya sha alwashin yin bakin kokarinsa wurin ganin an saki Leah Sharibu.

A watan jiya ne mayakan kungiyar suka kai hari garin na Dapchi inda suka je makarantar matan suka kwashe su.

Da farko gwamnatin jihar ta ce dukkan matan sun kubuta amma daga bisani ta janye maganar sannan ta nemi afuwar iyayen yaran.

Shugaba Buhari ya bayyana sace matan a matsayin wani babban bala’i da ya aukawa kasar.

Hakkin mallakar hoto
Amsami Ali

Image caption

An kai matan Abuja a cikin motoci

  • A ranar 19 ga Fabrairu aka sace ‘yan matan
  • Dalibai 110 aka sace a makarantar Dapchi
  • An sace su kwana daya bayan sojoji sun fice
  • An shiga rudani kan sace ‘yan matan
  • Da farko an ce ‘yan matan sun shiga daji ne domin buya
  • Sai da aka dauki tsawon mako daya kafin gwamnati ta amince an sace su
  • Gwamnatin Yobe ta yi ikirarin ceto ‘yan matan, kafin daga baya ta nemi afuwa
  • Bangaren Abu Musab al-Barnawi ne ake tunanin sun sace ‘yan matan
  • Boko Haram ba ta fito ta yi ikirarin sace ‘yan matan ba
  • Sace ‘yan Matan Dapchi ya tuna wa duniya da ‘yan matan Chibok
  • Wannan ya nuna har yanzu Boko Haram barazana ce
  • Sun gana da Shugaba Buhari

Jam’iyyar PDP mai hamayya a kasar ta yi zargin cewa jam’iyyar APC da fadar shugaban kasa ne suka kitsa sace matan domin cimma burin siyasa.

Sai dai APC ta musanta zargin, tana mai cewa idanun PDP sun rufe ta kasa fahimtar irin nasarar da take samu a yaki da Boko Haram.

Hakkin mallakar hoto
Amsami Ali

Image caption

Sun kwashe sama da wata daya a hannun mayakan Boko Haram

Ana gudanar da zaben ‘yan majalisar dattawa a Kamaru


Ranar Lahadi ne ake gudanar da zaben ‘yan majalisar dattawa a Kamaru.

‘Yan takara daga jam’iyun siyasa tara ne, cikinsu da RDPC da take kan mulki, ke zawarcin kujera 70 na zababbun sanatocin wadanda kansaloli, 9,600 ne ke jefa musu kuri’u.

Wannan a karo na biyu kenan ake gudanar da zaben tun kafa mulkin dimokradiyya a Kamaru.

Daga bisani ne kuma Shugaban kasa zai nada wasu 30 da za su cika adadin sanatoci 100 da majalisar za ta kunsa.

Babbar jam’iyar adawa ta SDF – wadda itace ta biyu a majalisar da wa’adinta yake karewa nan gaba wasu ‘yan kwanaki – tana zawarcin kuri’un kansaloli a larduna biyar kawai.

Bayan kotun tsarin mulki ta soke jerin sunayen ‘yan takaranta a larduna biyu ita uwar jam’iyar ta janye ‘yan takaranta a lardi guda.

Hakan ya sa jam’iyar UNDP ce ta biyu wurin neman lashe kuri’un kansaloli bayan jam’iyar RDPC mai mulki wadda ta tsaida ‘yan takara a duk larduna 10 na kasa.

Su ma kansalolin da ke jefa kuri’a, jama’a sun zabesu ne karkashin jam’iyun siyasa.

Watakila Pogba ya bar Manchester United


Hakkin mallakar hoto
Getty Images

Image caption

Pogba yana buga wa tawagar kwallon kafa ta Faransa wasan sada zumunta

Manchester United tana shirin sayar da Paul Pogba dan kwallon tawagar Faransa da ta saya mafi tsada a tarihi.

United za ta yi amfani da kudin da ta sayar da Pogba, domin taya wasu ‘yan kwallon da ta ke son yin zawarci a badi.

Jaridar Mirror ta ce United din za ta yi zawarcin Raphael Varane mai tsaron bayan Real Madrid da Toni Kross dan kwallon tawagar Jamus.

Haka kuma jaridar ta ce United din za ta tuntubi mai tsaron bayan Paris St-Germain, Marquinho da Marco Verratti dan kwallon tawagar Italiya da kuma Alex Sandro mai tsaron bayan Juventus.

United tana ta biyu a kan teburin Premier, za kuma ta buga wasan daf da karshe da Tottenham a Gasar Cin Kofin FA a cikin watan Afirilu a Wembley.

Ronaldo na kara kafa tarihin cin kwallaye


Hakkin mallakar hoto
Getty Images

Image caption

Portugal ta doke Masar 2-1 a wasan sada zumunta a ranar Juma’a

Dan wasan tawagar kwallon kafar Portugal da Real Madrid, Cristiano Ronaldo na kara kafa tarihin cin kwallo a Portugal.

Dan wasan shi ne ya ci Masar kwallo biyu a wasan sada zumunta da suka yi nasara da ci 2-1 a ranar Juma’a.

Da wannan sakamakon Ronaldo ya ci wa tawagar kwallon kafa ta Portugal kwallo 81 jumulla, kuma shi ne na uku a kasar a yawan zura kwallo a raga.

Tun bayan da Portugal ta yi wasa 21, bayan da ta lashe kofin nahiyar Turai, Ronaldo ya buga karawa 15 daga ciki, inda ya ci kwallo 20, sannan ya taimaka aka ci hudu a raga.

Wasa biyu da Portugal ta buga da babu hannun Ronaldo a cin kwallo, shi ne wanda ta yi da Chile a Confederation Cup da na Switzerland a wasan neman gurbin zuwa gasar kofin duniya.

Paul Biya: Shugaban da ke ‘mulkin kasarsa daga kasashen waje’


Hakkin mallakar hoto
AFP

Shugaban kasar Kamaru Paul Biya ya shafe fiye da shekara 35 a kan mulki. Kuma a yayin da ‘yan kasar ke tattaunawa kan shekarun da ya kwashe yana mulki, a kasashen waje kuwa an fi mayar da hankali ne kan yadda ba ya zama a kasar- kamar yadda Paul Melly, wani manazarci a Chatham House, ya yi bayani.

Paul Biya yana shan suka kan yadda ake ganin yana wakilta wasu suna mulkin kasarsa maimakon ya gudanar da aikin da ke rataye a wuyansa.

Kwanakin baya dai ya jagoranci taron ministoci, karon farko cikin sama da shekara biyu.

A watan Oktoba za a gudanar da zaben shugaban kasa kuma ‘yan kasar ta Kamaru sun kasa kunne su ji ko Mr Biya, dan shekara 85, zai sake tsayawa takara. Sai dai ba a yi bayani kan hakan ba lokacin taron ministocin.

Tun shekarar 1982 ya hau kan mulki, abin da ya sa ya zama daya daga cikin shugabannin Afirka da suka fi dadewa a kan mulki. A lokacin mulkinsa, Kamaru ta fice daga kangin tabarbarewar tattalin arziki sannan ta sauya daga kasa mai jam’iyya daya zuwa mai jam’iyyu da dama.

Sai dai gwamnatinsa cike take da cin hanci da kuma kawo koma-baya, lamarin da ya sa a 2008 ta yi watsi da wa’adin mulkin da aka sanya a kudin tsarin mulki, abin da ya ba Mr Biya damar sake tsayawa takara a zaben 2011.

Hakkin mallakar hoto
AFP

Image caption

Shugaba Biya ya je China a makon jiya

Al’amura na sauyawa a Afirka. Ana samun raguwar shugabannin da kan kwashe shekara da shekaru a kan mulki. Talabijin da ke amfani da tauraron dan adam da kuma samuwar intanet sun nuna yadda ake samun sauyin mulkin dimokradiyya a kasashen Afirka, kudu da hamadar sahara.

Kashi 60 na ‘yan kasar Kamaru ‘yan kasa da shekara 25 ne don haka ba a haife su ba lokacin da Shugaba Biya ya soma mulki. Ana matukar bukatar ayyukan yi da bunkasar rayuwa a Kamaru.

Jam’iyyar hamayya ta Social Democratic Front ta fahimci halin da ake ciki. A farkon shekarar nan shugabanta, John Fru Ndi, mai shekara 76, ya sauka daga mukaminsa domin bayar da dama ga matasa, inda aka zabi wani dan kasuwa mai shekara 49 kuma tsohon matukin jirgin sama, Joshua Osih, domin ya tsaya wa jam’iyyar takara.

Otal din Switzerland

Wannan shi ne babban kalubalen da ke fuskantar Mr Biya a yayin da zai yanke hukunci kan ko zai sake tsayawa takara ko kuwa zai fasa.

Rashin zamansa a cikin kasar yana batawa ‘yan hamayya rai.

Tafiye-tafiyen da yake yawan yi su ne manyan batutuwan da aka jaridar gwamnati Cameroon Tribune da kungiyar masu yaki da cin hanci da rashawa ta The Organised Crime and Corruption Reporting Project (OCCRP suka fi tattaunawa a kai a shafukan intanet. Kungiyar na bayar da bayani a kullum kan adadin kwanakin da shugaban ya kwashe ba ya kasar.

The OCCRP ta kiyasta cewa shugaban kasar ya kwashe kusan kwana 60 yana ziyarar kasashen waje ta kashin kansa a shekarar da ta wuce.

Kungiyar ta yi zargin cewa ya kwashe kashi uku cikin hudu na shekarar 2006 da 2009 a kasshen waje. An yi amannar cewa Mr Biya ya fi zama a otal din The Intercontinental da ke Geneva.

Sai dai jaridar gwamnati ta Cameroon Tribune ta ce binciken da kungiyar The OCCRP ta yi “na cike da farfagandar neman cin zabe”.

Hakkin mallakar hoto
AFP

Acan kasarsa kuwa, Shugaba Biya ya zabi gudanar da mulki ta yi amfani da salon rashin fitowa bainar jama’a, inda wasu lokutan yakan tafi kauyensu.

Ya mika dawainiyar gudanar da mulki ta yau da kullum a hannun Fira Minista, Philemon Yang, wanda a kowanne wata yake gudanar da taron “majalisar ministoci”.

An bai wa Firai Ministan damar sanya ido kan ministoci, yayin da shugaban kasa ke ganawa da manyan jami’an gwamnati a kadaice cikin fadarsa da ke Yaoundé.


Gawasu karin labaran da za ku iya karantawa:


Mika jagorancin kasar da Mr Biya a hannun wasu mutane ya sa yana shan suka saosai a wurin ‘yan hamayya wadanda ke kiransa da suna “shugaban da ba ya zama a kasarsa”.

Wannan rashin zama ya kara fito da bambancin da ke tsakanin bangaren Kamaru da ke magana da turancin Ingilishi da kuma bangaren da ke amfani da Faransanci. Shugaba Biya, kamar mutumin da ya gada Ahmadou Ahidjo, ya fito ne daga yankin da ke amfani da Faransanci, yayin da ake nada Firimiya daga yankin da ke amfani da Ingilishi.

Wani mai sharhi a kasar ya ce ana kallon shugaban a matsayin wanda ke barin shugaban gwamnati yana gudanar da aiki.

Don haka ana ganin duk lokacin da ya kira taron majalisar zartarwa a matsayin wani taro na musamman.

Taron da ya gudanar kwanakin baya na musamman ne saboda an yi shi ne bayan yin garambawul ga majalisar ministoci. Ya yi kama da wanda aka gudanar a 2015, wanda aka yi jim kadan bayan gudanar da sauye-sauye kan majalisar gwamnatin kasar.

A wannan karon an yi tsammani Mr Biya zai sanar da aniyarta ta sake tsayawa takara a zaben da ke tafe ko kuma ya fasa tsayawar amma bai nuna wata alama ba.

Sai dai duk da haka taron abin tattaunawa a kansa ne.

Bambancin harshe

Yankunan Arewa maso yama da Kudu maso yammacin Kamaru da ke amfani da Ingilishi sun kwashe fiye da shekara daya suna tarzoma.

Lauyoyi da malaman makarantu ne suka soma zanga-zanga inda suka bukaci a inganta rayuwar mutanen da ke zaune a yankunan.

Na’urarku na da matsalar sauraren sauti

Zanga-zanga a yankuna da ke amfani da Ingilishi

Sai dai lamarin ya kazance har ta kai ga taho-mu-gama tsakanin jami’an tsaro da kuma toshe intanet na kwana 93 a yankuna da ke magana da turancin Ingilishi da kuma kafa kungiyar a-ware ta “Ambazonia”, inda aka yi kashe-kashe.

Gwamnati ta dauki matakin kawo karshen wannan matsala, sai dai cike take da hatsari. Burtaniya da Faransa sun yi kiran a sasanta.

Shugaba Biya ya mayar da martani ta hanyar yin garanbawul ga majalisar zartarwarsa ranar biyu ga watan Maris, abin da ke nuna cewa ya dauki matakin a-ciza-a-hura.

Damben Bahagon Musa da Dogon Washa


Sama dambe Bakwai aka yi a gidan wasa na Ali Zuma da ke unguwar Dei-Dei a Abuja, Nigeria a safiyar Lahadi.

Mohammed Abdu ne ya hada rahoton

Sai dai kuma dukkan wasannin da aka yi canjaras aka tashi, babu wanda ya dafa kasa a dambatawar da aka yi.

Sakamakon wasanni takwas da aka yi babu kisa:

  • Garkuwan Ebola daga Kudu da Shagon Dan Aguro daga Arewa
  • Shagon Buzu daga Arewa da Shagon Autan Na Dutsen Mari Guramada
  • Autan Faya daga Kudu da Shagon Sojan Kyallu Guramada
  • Dogon Washa Guramada da Shagaon Bahagon Musan Kaduna daga Arewa
  • Bahagaon Dan Kanawa daga Kudu da Shagon Bahagon Ayo daga Arewa
  • Shagon Shagon Alhazai daga Arewa da Bahagon Dan Sama’ila daga Kudu
  • Bahagon Sisco daga Kudu da Bahagon Shamsu Kanin Emi daga Arewa

An tsare shugaban ‘yan a-waren Catalonia Carles Puigdemont


Hakkin mallakar hoto
EPA

Image caption

Mr Puigdemont ya kai ziyara Finland tun daga ranar Alhamis

‘Yan sandan Jamus sun tsare tsohon shugaban ‘yan a-waren Catalonia Carles Puigdemont sakamakon umarnin da rundunar ‘yan sandan turai ta bayar a kama shi.

Mr Puigdemont, wanda Spain ke nema ruwa a jallo bisa zargin tunzura jama’a su yi bore, na kan hanyarsa ta tsallakawa daga Denmark zuwa Belgium, in ji lauyansa.

Mr Puigdemont ya kai ziyara Finland tun daga ranar Alhamis.

Ya yi gudun hijira na kashin kansa zuwa Belgium tun bayan da majalisar dokokin Catalonia ta ayyana samun ‘yancin kai daga Spain a watan Oktoba.

Zai iya shan daurin shekara 30 bisa zarge-zargen da ake yi masa na yin tawaye da tunzura jama’a.

Ya fice daga Finland ranar Juma’a kafin hukumomin kasar su kama shi.

Mai magana da yawunsa, Joan Maria Pique, ya shaida wa kamfanin dillancin labaran Reuters “Shugaban kasa yana kan hanyarsa ta zuwa Belgium domin mika kansa ga hukumomin shari’ar kasar.”

Rundunar ‘yan sandan Jamus ta ce jami’anta da ke suntiri a kan manyan hanyoyi a jihar Schleswig-Holstein, da ke kan iyaka da Denmark ne suka tsare Mr Puigdemont.

Kun san mutanen da ‘suka yi wa Buhari magudin zabe a 2007’?


Hakkin mallakar hoto
AFP

Image caption

Kamfanin ya yi ikirarin yin cuwa-cuwa a zaben Najeriya na 2007

Wasu takardu da BBC ta samu sun nuna cea kamfanin nan mai tattara bayanai kan zabuka Cambridge Analytica ya taba cika bakin cewa ya yi tasiri kan zabukan kasashen duniya.

Cambridge Analytica ya tsinci kansa a cikin ce-ce-ku-ce saboda ikirarin da aka yi cewa ya yi amfani da bayanan miliyoyin masu amfani da shafin Facebook domin cimma burin siyasa.

Kafar watsa labaran BBC ta ga wasu takardu da kamfanin SCL Elections da ke tattara bayanai da bincike kan zabuka, wanda uba ne ga Cambridge Analytica, ya tattaro gababin shekarar 2014.

Misali, a cikin bayanan, kamfanin ya yi ikirarin shirya zanga-zanga a Najeriya domin rage goyon bayan da ‘yan hamayya ke da shi a shekarar 2007.

Marigayi Umaru ‘Yar Adu ne ya lashe zaben, yayin da Janar Muhammadu Buhari ya zo na biyu kuma ya kalubalanci sakamakonsa a gaban kotu.

Ofishin harkokin wajen Burtaniya ya ce ba shi da masaniya kan wannan zargi kafin gwamnatin kasar ta bai wa SCL kwantaragi a shekarar 2008.

Cambridge Analytica ya ce yana duba zarge-zargen da aka yi kan SCL.

Takardun sun nuna ikirarin da SCL Elections ya yi cewa duk masu son ya yi hulda da su za su iya tuntubarsu ta hanyar amfani da “kowanne ofishin jakadancin Burtaniya”.

Ya kuma yi ikirarin cewa ma’aikatar tsaron Burtaniya ta amince da ayyukansa.

Takardun sun bayyana yadda SCL Elections ya shirya zanga-zangar “kin gudanar da zabe” domin rage goyon bayan da jam’iyyun hamayya ke da shi a 2007. Kungiyar tarayyar Turai da ta sanya ido kan zaben ta bayyana shi a matsayin daya daga cikin marasa inganci da aka gudanar a kasar.

Kazalika takardun sun nuna yadda SCL Elections ya yi amfani da bambancin kaliba da Latvia ke fama da shi wajen taimaka wa masu hulda da shi a zaben 2006.

SCL ya yi ikirarin cewa gabanin zaben 2010 a kasar Trinidad and Tobago ya kaddamar da “gagarumar farfagandar siyasa kan matasa” ta yadda suka amince cewa jam’iyyar da yake wa aiki tana son hada kansu.

Hankalinmu a tashe yake — mahaifin ‘yar Dapchi


Hakkin mallakar hoto
Reuters

Mahaifin ‘yar makarantar Dapchi Leah Sharibu, wacce ita kadai ce mai bin addinin Kirista da ‘yan Boko Haram suka ki saki, ya ce suna cikin tashin hankalin rashin ganin ‘yarsu har yanzu.

Ranar Asabar ne aka tabbatar wa Nathan Sharibu cewa a saki Leah kuma tana kan hanyar zuwa Dapchi domin saduwa da ‘yan uwa da danginta.

Sai dai ya shaida wa BBC cewa har yanzu ba a mika musu ‘yar tasu ba “kuma labarin da na ji ya tayar min da hankali.”

A cewarsa, gwamnati da jami’an tsaro ba su tuntube shi don sanar da shi halin da ‘yarsa ke ciki ba.

“Babu wanda ya tuntube ni, ban yi magana da kowa ba; babu wanda ya sanar da ni halin da take ciki”, in ji shi.

Ya yi kira ga gwamnatin Najeriya ta tabbatar an saki ‘yarsa sannan ta ba shi damar ganawa da ita “domin hakan ne kawai zai sa hankalina ya kwanta.”

Ranar Laraba ne aka saki ‘yan matan 106 da kuma namiji daya, amma aka ki sakin Leah Sharibu saboda ta ki amincewa ta karbi kalmar shahada.

Lamarin ya jawo wa Boko Haram suka sosai daga wurin ‘yan kasar, musamman Musulmi wadanda suka ce addinin Musulunci bai amince a tursasawa wani ko wata shiga cikinsa ba.

Da yake ganawa da ‘yan matan da aka saka ranar Juma’a, Shugaba Muhammadu Buhari ya sha alwashin yin bakin kokarinsa wurin ganin an saki Leah Sharibu.

A watan jiya ne mayakan kungiyar suka kai hari garin na Dapchi inda suka je makarantar matan suka kwashe su.

Da farko gwamnatin jihar ta ce dukkan matan sun kubuta amma daga bisani ta janye maganar sannan ta nemi afuwar iyayen yaran.

Shugaba Buhari ya bayyana sace matan a matsayin wani babban bala’i da ya aukawa kasar.

Hakkin mallakar hoto
Reuters

Image caption

An kai matan Abuja a cikin jirgin sama

  • A ranar 19 ga Fabrairu aka sace ‘yan matan
  • Dalibai 110 aka sace a makarantar Dapchi
  • An sace su kwana daya bayan sojoji sun fice
  • An shiga rudani kan sace ‘yan matan
  • Da farko an ce ‘yan matan sun shiga daji ne domin buya
  • Sai da aka dauki tsawon mako daya kafin gwamnati ta amince an sace su
  • Gwamnatin Yobe ta yi ikirarin ceto ‘yan matan, kafin daga baya ta nemi afuwa
  • Bangaren Abu Musab al-Barnawi ne ake tunanin sun sace ‘yan matan
  • Boko Haram ba ta fito ta yi ikirarin sace ‘yan matan ba
  • Sace ‘yan Matan Dapchi ya tuna wa duniya da ‘yan matan Chibok
  • Wannan ya nuna har yanzu Boko Haram barazana ce
  • Sun gana da Shugaba Buhari

Jam’iyyar PDP mai hamayya a kasar ta yi zargin cewa jam’iyyar APC da fadar shugaban kasa ne suka kitsa sace matan domin cimma burin siyasa.

Sai dai APC ta musanta zargin, tana mai cewa idanun PDP sun rufe ta kasa fahimtar irin nasarar da take samu a yaki da Boko Haram.

Hotunan abubuwan da suka faru a Afirka a makon jiya


Zababbun hotunan abubuwan da suka faru a Afirka da ‘yan Afirka a makon jiya.

Hakkin mallakar hoto
AFP

Image caption

Ranar Talata an hango wannan yaron dan kasar Congo a cikin sansanin ‘yan gudun hijirar Kalemie da ke Jamhuriyar Dimokradiyyar Congo. Rikicin kabilancin da ake yi a kasar ya tilasta wa sama da mutum 67,000 tserewa daga gidajensu.

Hakkin mallakar hoto
EPA

Image caption

Masu tallata kayan kawa sun baje kolinsu a gaban wakilin hukumar kula da kananan yara ta majalisar dinkin duniya a Afirka ta Kudu, mai tsara kayan kawa Gavin Rajah lokacin bikin nunin kayan kawa na duniya da aka yi a Cape Town.

Hakkin mallakar hoto
EPA

Image caption

Wani mutum yana gyara kaya a cikin kwale-kwalen da ke dauke da masu yawon bude ido yayin da rana ta kusa faduwa a tsibirin Lamu da ke Kenya.

Hakkin mallakar hoto
Reuters

Image caption

A nan kuma wasu daga cikin ‘yan matan makarantar Dapchi ne da aka sako suke shiga jirgi a sansanin sojin sama da ke Maiduguri, Nigeria.

Hakkin mallakar hoto
Reuters

Image caption

Tsoffin fursunoni ne a nan suka hau kan mota bayan an fitar da su daga gidan yarin Mpimba da ke Bujumbura, babban birnin Burundi bayan Shugaban kasar ya yi musu afuwa.

Hakkin mallakar hoto
AFP

Image caption

Shugabannin kasashen Afirka ne nan ke daukar hoto bayan kammala taron da kungiyar tarayyar Afrika ta shurya kan kafa harkar kasuwanci maras shinge a Kigali, Rwanda ranar Laraba. Kasashe goma, ciki har da Najeriya wacce ta fi kowacce kasa karfin tattalin arziki, ba su shiga yarjejeniyar ba saboda tsoron cewa hakan ka iya sa ‘yan kasashensu rasa aiki.

Hakkin mallakar hoto
AFP

Image caption

Magoya bayan Sfax na karkada tutoci lokacin wasan sada zumuntar da suka yi da tsoffin ‘yan wasan duniya na Faransa domin bikin cika shekara 90 na kulob din kwallon kafar Tunisia a filin wasan Mhiri da ke Sfax

Hakkin mallakar hoto
Reuters

Image caption

An ratayawa wannan ragon lambar yabo bayan ya yi nasara a gasar da aka yi a Misrata da ke Libya.

Hakkin mallakar hoto
AFP

Image caption

Sarauniyar kyau ta zabaya ta Zimbabwe Sithembiso Mutukura ta karbi furanni bayan an nada tana kan matsayin a Harare. ‘yar shekara 22 ta doke ‘yan takara 12 da suka fafata a gasar, wace aka shirya da zumma rage nuna kyamar da ake yi wa zabaya.

Hakkin mallakar hoto
AFP

Image caption

Wannan yaron masunci dan kasar Congo yana nade tarunsa a gefen kogin Tanganyika da ke Kalemie a Jamhuriyar Dimokradiyyar Congo.

Hakkin mallakar hoto
Reuters

Image caption

Bayan an sheka ruwan sama a kusa da Manambonitra da ke Madagascar ranar Lahadi.

Hakkin mallakar hoto
EPA

Image caption

Wannan matar tana zuba ruwa a cikin bokiti a Abidjan, babban birnin Ivory Coast, ranar Laraba kafin bikin ranar Ruwa ta Duniya.

Hakkin mallakar hoto
AFP

Image caption

Wani malamin coci dan kasar Sudan ta Kudu ya gudanar da taron ibada a wani sansanin ‘yan gudun hijira da ke Obo na Jamhuriyar Tsakiyar Afirka ranar Juma’a. Daga 2016 zuwa yanzu, fiye da mutum 2,000 suka tsallaka iyaka domin guje wa rikici a Sudan ta Kudu.

Mun samu hotunan ne daga AFP, Reuters, EPA da kuma Getty Images

Amurka: Ana asarar rayuka masu yawa ga makamai


Hakkin mallakar hoto
EPA

Dubban Amurkawa sun fita kan tituna a wasu biranen kasar don neman a rika daukar tsauraran matakai akan mallakar bindigogi.

Taken masu zanga-zangar shi ne “muna machi ne don rayuwar mu”.

Jagororin su sune wasu daga cikin mutanen da suka tsira a harin bindiga da aka kai watan da ya gabata a wata makaranta da ke Florida inda aka hallaka mutane 17.

Zanga-zanga mafi girma shi ne wanda aka gudanar a birnin Washington – baya ga wasu jihohin a fadin kasar.

Wasu shahararru mawaka kenan wadanda suka hadu da dalibai da malamai rike da kwalaye da aka yi rubuce-rubuce da ke cewa “a kare daliban mu ba bindigogi ba”.

Yakin Siriya: ‘Yan tawaye na ficewa daga gabashin Ghouta


Hakkin mallakar hoto
AFP

Image caption

Akan caje ‘yan tawayen kafin a saka su a motocin bas tare d abinci da ruwan sha

‘Yan tawayen Siriya sun cigaba da ficewa daga wasu garuruwa a gabashin Ghouta a daidai lokacin da gwamnatin kasar ke kara matsowa cikin yankin da ke kusa da Damaskus.

Motocin bas dauke da mayakan da iyalansu na ta ficewa daga yankin a yammacin Asabar, kuma birnin Douma ne ya rage a hannun ‘yan tawayen.

Wannan ficewar ta biyo bayan wata yarjejeniya da aka kulla ne tsakanin gwamnatin kasar da wata kungiyar ‘yan tawaye, Faylaq al-Rahman.

Kimanin kashi 70 cikin dari na yankin na Ghouta na karkashin ikon gwamnati a yanzu.

An kashe daruruwan mutane tun bayan da dakarun gwamnatin Siriya da suke samun goyon bayan sojojin Rasha suka farma yankin a watan jiya.

A karkashin wannan yarjejeniyar, za a kai ‘yan tawayen yankin Idlib dake hannun ‘yan tawaye. Ana sa ran wasu ‘yan tawayen za su fice cikin kwanaki biyu masu zuwa.

Moses ya kai Najeriya ga nasara, kamar yadda Morocco da Tunisia suka yi


Hakkin mallakar hoto
Getty Images

Ranar Juma’a Najeriya ta doke Poland da ci 1-0 a wasan tunkarar gasar cin kofin duniya inda dan wasan Chelsea Victor Moses ya samar mata fanaretin, bayan da aka yi masa keta, ya kuma buga ya ci.

Su ma kasashen Afirka biyu sun yi nasara inda Tunisia ta doke Iran da ci 1-0 yayin da Morocco ta buge Serbia da ci 2-1.

A bangare guda, Senegal ta da Uzbekistan sun tashi da ci 1-1, yayin da Masar ta sha kashi a hannun Portugal da ci 2-1.

Kwallon da Moses ya samar wa Najeriya za ta kara wa kasar kuzari, inda tawagar da ta doke ke matsayi na shida a duniya, wato tana gaba da Super Eagles da matsayi 46.

Wannan ne karo na biyu da Super Eagles suka yi bajinta bayan kashi da suka bai wa Argentina da ci 4-2 a shekarar da ta wuce.

Najeriya za ta fafata da Argentina da Croatia da kuma Iceland a wasan rukuni-rukuni na gasar cin kofin duniya da za a yi a Russia.

Hakkin mallakar hoto
Getty Images

Ita maMorocco ta ci nata wasan a Turai inda dan wasanta Khalid Boutaib ya ci kwallon da ta ba su nasara a minti na 40 suka tashi da ci 2-1 da Serbia a birnin Turin na Italiya.

Fanaretin da Hakim Ziyech ya buga ne ya sanya kungiyar Atlas Lions a gaba, sai dai Dusan Tadic ya farke wa Serbia kwallon, ko da yake ba su cancanci zuwa Russia ba.

Tunisia ta ba da damar buga wasa karon farko ga ‘yan wasa uku na kasar haifaffun Faransa – Ellyes Skhiri, Yohan Benalouane da Seif-Eddine Khaoui – inda ta doke Iran 1-0 a Rades.

‘Yan wasan sun cancanci buga wa kasar wasa saboda iyayensu ‘yan asalin Tunisia ne kuma jami’ai sun yi raddi ga sukar da aka yi cewa “tsuna baza komarsu domin tabbatar da cewa sun yi nasarar zuwa gasar cin kofin kwallon kafar duniya”.

‘Yar Dapchi ta karshe ‘na kan hanyar komawa gida’


Hakkin mallakar hoto
Reuters

Image caption

A watan Fabrairu aka sace yaran daga makarantarsu da ke Dapchi, a jihar Yobe.

Mayakan kungiyar Boko Haram sun saki ‘yar makarantar Dapchi guda daya da ta rage a hannunsu kuma yanzu haka tana kan hanyar komawa gida.

An saki Leah Sharibu, wacce ita kadai ce mai bin addinin Kirista da ‘yan Boko Haram suka ki saki, bayan sun sallami takwarorinta.

Mahaifinsa Sharibu Nathan ya tabbatar wa BBC cewa an ba shi tabbacin cewa ranar Asabar ‘yar tasa ke kan hanyar zuwa Dapchi domin saduwa da ‘yan uwa da danginta.

Ranar Laraba ne aka saki ‘yan matan 106 da kuma namiji daya, amma aka ki sakin Leah Sharibu saboda ta ki amincewa ta karbi kalmar shahada.

Lamarin ya jawo wa Boko Haram suka sosai daga wurin ‘yan kasar, musamman Musulmi wadanda suka ce addinin Musulunci bai amince a tursasawa wani ko wata shiga cikinsa ba.

Da yake ganawa da ‘yan matan da aka saka ranar Juma’a, Shugaba Muhammadu Buhari ya sha alwashin yin bakin kokarinsa wurin ganin an saki Leah Sharibu.

A watan jiya ne mayakan kungiyar suka kai hari garin na Dapchi inda suka je makarantar matan suka kwashe su.

Da farko gwamnatin jihar ta ce dukkan matan sun kubuta amma daga bisani ta janye maganar sannan ta nemi afuwar iyayen yaran.

Shugaba Buhari ya bayyana sace matan a matsayin wani babban bala’i da ya aukawa kasar.

Hakkin mallakar hoto
Reuters

Image caption

An kai matan Abuja a cikin jirgin sama

  • A ranar 19 ga Fabrairu aka sace ‘yan matan
  • Dalibai 110 aka sace a makarantar Dapchi
  • An sace su kwana daya bayan sojoji sun fice
  • An shiga rudani kan sace ‘yan matan
  • Da farko an ce ‘yan matan sun shiga daji ne domin buya
  • Sai da aka dauki tsawon mako daya kafin gwamnati ta amince an sace su
  • Gwamnatin Yobe ta yi ikirarin ceto ‘yan matan, kafin daga baya ta nemi afuwa
  • Bangaren Abu Musab al-Barnawi ne ake tunanin sun sace ‘yan matan
  • Boko Haram ba ta fito ta yi ikirarin sace ‘yan matan ba
  • Sace ‘yan Matan Dapchi ya tuna wa duniya da ‘yan matan Chibok
  • Wannan ya nuna har yanzu Boko Haram barazana ce
  • Sun gana da Shugaba Buhari

Jam’iyyar PDP mai hamayya a kasar ta yi zargin cewa jam’iyyar APC da fadar shugaban kasa ne suka kitsa sace matan domin cimma burin siyasa.

Sai dai APC ta musanta zargin, tana mai cewa idanun PDP sun rufe ta kasa fahimtar irin nasarar da take samu a yaki da Boko Haram.

‘Yan majalisar Ghana sun ki amincewa da dakarun Amurka


Hakkin mallakar hoto
Reuters

Image caption

Amurka dai tana so ta ci gaba da kai dakarunta yammacin Afirka

‘Yan majalisar jam’iyyun hamayyar Ghana sun ki amincewa da yarjejeniyar da kasar ta kulla domin Amurka ta aika da dakaru da kayan yaki kasar.

A zaman da majalisar ta yi ranar Juma’a, ta amince da bukatar bangaren zartawa domin a bar Amurka ta aika da dakarun kasar, yayin da ita kuma za ta ba da $20m sannan sojinta su samu horo.

Sai dai ‘yan majalisar jam’iyyun hamayyar sun yi fatali da bukatar inda suka fice daga zauren majalisar domin nuna rashin amincewarsu.

Sun kara da cewa yarjejeniyar za ta cutar da kasar da kuma sarayar da ‘yancinta na kasancewa kasa mai cin gashin kanta.

Amurka dai tana so ta ci gaba da kai dakarunta yammacin Afirka a yayin da mayakan da ke ikirarin jihadi ke mamaye yankin.

Congo ta yi watsi da taron agaji


Hakkin mallakar hoto
AFP

Image caption

Majalisar Dinkin Duniya ta ce fiye da mutum miliyan 13 ‘yan kasar ne ke matukar bukatar agaji

Jamhuriyar Demukradiyyar Kongo ta sanar da cewa ba zata halarci taron neman agaji da aka shirya yi a Geneva a wata mai zuwa ba.

An dai shirya taron ne da nufi tattara gudummuwar kusan dala biliyan biyu da Majalisar Dinkin Duniya ta ce domin a tallafa wajen shawo kan babban bala’i mafi muni na jinkai.

Sai dai Firai ministan kasar Jose Makila ya zargi Majalisar Dinkin Duniya da sauran hukumomin agaji da batawa kasar sa suna.

Ya ce duk da cewa kasar sa na cikin wani yanayi, ayyana bukatar neman agajin gaggawa na sanyaya guiwar masu son zuwa kasar don su zuba jari.

Majalisar Dinkin Duniya dai ta ce fiye da mutum miliyan 13 ‘yan kasar ne ke matukar bukatar agaji, inda kusan mutum miliyan hudu da rabi suka fice daga kasar, adadin daya rubunya wadanda suka fice a bara.

Amurka ta tuhumi Iran da ‘satar bayanan jami’o’i 320’


Hakkin mallakar hoto
Reuters

Image caption

Ana tuhumar kamfanin Mabna da satar bayanai daga jami’o’i 320

Kasar Amurka ta saka wa wani kamfanin Iran da wasu mutane 10 takunkumi domin tuhumar da take yi musu na yin kutse a na’urorin komfuta da suka hada da daruruwan jami’o’i.

Kamfanin Mabna Institute na fuskantar tuhumar cewa ya saci terabyte 31 na bayanai “masu daraja mallakin jami’o’in”.

Ma’aikatar Shari’a ta Amurka ta ce kamfanin ya yi wa jami’o’i 320 kutse a sassa daban-daban na duniya da suka hada da gomman kamfanoni da wasu ma’aikatun gwamnatin Amurka.

Tara daga cikin wadanda ake tuhuma na fuskantar wasu tuhume-tuhumen da ke da alaka da aikata irin wadannan laifukan.

Kuma mutane biyu da suka kafa kamfanin na cikin wadanda ake tuhumar, kuma Amurka na iya kwace kaddarorinsu.

An dai kafa kamfanin Mabna Institute ne a 2013, kuma masu shigar da kara na ganin an yi haka ne domin taimakawa Iran yin bincike da satar bayanai.

Ana tuhumar kamfanin da kai hare-hare ta yanar gizo zuwa jami’o’i 144 a cikin Amurka da 176 a wasu kasashen daban.

Kasashen sun hada da Birtaniya da Jamus da Kanada da Isra’ila da kuma Japan.

Fursunoni sun kammala digiri a gidan yari


Hakkin mallakar hoto
Getty Images

Image caption

Kimanin fursunoni dubu biyar ne a Uganda suka yi rijistar yin karatun a fannonin dabam dabam

A kasar Uganda wasu fursunoni uku sun samu shaidar digiri kammala karatun lauya daga wata jami’a dake London.

An dai ba fursunonin takardar shaidar kammala karatun su a wani kasaitaccen biki da aka gudanar a gidan yari dake birnin Kampala.

Daya daga cikin fursunoni uku mace ce, wacce aka yankewa hukuncin daurin rai da rai amma daga bisani ta yi nasarar kalubalantar hukuncin da aka yanke mata.

An dai bayyana cewa matar ta kammala karatun ta na digiri ne ba tare da taje aji an koyar da ita ba, inda a mafi yawan lokuta ta rika yin karatun ta karkashin bishiya a gidan yarin.

Kimanin fursunoni dubu biyar ne a Uganda suka yi rijistar yin karatun a fannonin dabam dabam, kuma ana kallon bangaren kula da gidajen yari na kasar a matsayin mafi ci gaba a nahiyar Afrika.

Buhari ya yiwa ‘yan Boko Haram tayin afuwa


Hakkin mallakar hoto
Getty Images

Image caption

Shugaban Najeriya Muhammadu Buhari

Shugaban Najeriya Muhammadu Buhari ya yi tayin afuwa ga mayakan Boko Haram idan suka amince za su ajiye makamansu.

Shugaban ya bayyana hakan ne ranar Juma’a lokacin da ‘yan gana da ‘yan matan sakandaren Dapchi da mayakan na Boko Haram suka sako a fadarsa.

Shugaban kasar ya ce tashin hankalin da kasar ke ganin ya ishe ta haka.

Shugaba Buhari ya kuma gargadi hukumomin tsaron kasar da su tabbatar sun samar da cikakken tsaro a duk makarantun da ke fuskantar barazanar harin daga masu tayar da kayar baya.

A wata hira da BBC ministan harkokin cikin gida na Najeriyar Abdurrahman Bello Dambazau ya ce za’a dauki kwararan matakai na ganin an aiwatar da umarnin shugaban kasar.

Gidan yarin da ake tarairayar fursunoni


Mutanen da ake tsare da su za su iya yin kida, suna koyon kafintanci, sannan su suke girka abincin da suke son ci, wanda hakan tamkar basu horo ne na irin rayuwar da ya kamata su yi idan sun fita waje.

Duk da sukar da ake yi cewa jin dadin da ake yi a gidan yarin ya yi yawa, a duniya Norway ita ce kasar da ta fi samun nasarar raguwar mutanen da suke komawa aikata laifuka idan sun fita daga gidan kaso.

Buhari ya gana da dalibai 107 da aka sako


Hakkin mallakar hoto
ISAAC LINUS ABRAK

Image caption

Wani mahaifin ‘yar makarantar Dapchi na share hawayen murnar sakin matan

Shugaban Najeriya Muhammadu Buhari ya gana da ‘yan matan makarantar sakandaren Dapchi da aka sako ranar Laraba.

Ya yi ganawar ce a fadarsa da ke Abuja, babban birnin kasar.

A jawabinsa lokacin ganawar, Shugaba Buhari ya ce “Ina farin cikin sanar da ‘yan Najeriya da abokanmu na kasashen waje da kuma wadanda muke hada gwiwa da su cewa an saki ba tare da sharadi ba dalibai 107, 105 daga cikinsu ‘yan matan makarantar Dapchi da kuma mutum biyu da a baya aka sace.”

Ya kara da cewa sakin matan – bayan da ya umarci jami’an tsaron kasar su tabbatar babu abin da ya same su – abin farin ciki ne.

Shugaba Buhari ya sha alwashin ganin an sako daliba daya da ta rage a hannun mayakan Boko Haram da kuma ‘yan matan Chibok da aka sace tun 2014.

Ranar Laraba aka sako ‘yan matan, wadanda aka sace a watan jiya.

Mahaifin daya daga cikin ‘yan matan, Kundili Bukar, ya gaya wa BBC cewa wasu mutane da ake tsammani ‘yan Boko Haram ne suka mayar da matan a motoci.

Abin da ya faru tun sace ‘yan Matan

Hakkin mallakar hoto
GGSS

  • A ranar 19 ga Fabrairu aka sace ‘yan matan
  • Dalibai 110 aka sace a makarantar Dapchi
  • An sace su kwana daya bayan sojoji sun fice
  • An shiga rudani kan sace ‘yan matan
  • Da farko an ce ‘yan matan sun shiga daji ne domin buya
  • Sai da aka dauki tsawon mako daya kafin gwamnati ta amince an sace su
  • Gwamnatin Yobe ta yi ikirarin ceto ‘yan matan, kafin daga baya ta nemi afuwa
  • Bangaren Abu Musab al-Barnawi ne ake tunanin sun sace ‘yan matan
  • Boko Haram ba ta fito ta yi ikirarin sace ‘yan matan ba
  • Sace ‘yan Matan Dapchi ya tuna wa duniya da ‘yan matan Chibok
  • Wannan ya nuna har yanzu Boko Haram barazana ce

A cewarsa, sun ajiye su ne kawai suka tafi kuma ‘yan matan sun nuna alamar matukar gajiya.

Jam’iyyar PDP mai hamayya a Najeriya ta yi zargin cewa jam’iyyar APC da fadar shugaban kasar ne suka kitsa sace matan domin cimma wata bukata ta siyasa.

Sai dai APC ta musanta zargin.

A watan jiya aka sace matan, lamarin da ya janyo mummunar suka kan gwamnati da jami’an tsaron Najeriya.

A wancan lokacin, shugaban Najeriya Muhammadu Buhari ya bayyana sace ‘yan matan a matsayin wani bala’i da ya shafi kasar baki daya.

Karin labaran da za ku so ku karanta:

Bayanan da ku ke bukatar sani kan ‘yan matan Dapchi


‘Yan Najeriya sun yi ta murna da farin ciki sakamakon sako ‘yan matan makarantar sakandaren Dapchi da Boko Haram ta sace, ta kuma dawo da su ranar 21 ga watan Maris.

An mayar da yaran garinsu ne a ranar Laraba da misalin karfe 3 na tsakar dare.

Sai dai har yanzu akwai sauran yarinya daya mai suna Leah Sharibu, da mayakan kungiyar ba su mayar da ita ba, tana hannunsu.

Amma kuna da labarin duk abun da ya faru tun farkon lamarin?

Kuna iya duba wannan kalandar da ke kasa tare da ci gaba da latsa gaba don samun cikkkun labarai da rahotannin yadda abubuwa suka yi ta wakana.

  • Wasu da ake zargin ‘yan Boko Haram ne suka kai hari a makarantar sakandaren mata ta kwana a Dapchi jihar Yobe da ke arewa maso yammacin Najeriya.

    Za ku iya karanta karin a nan.

  • Gwamnatin Yobe ta yi amai ta lashe inda ta nemi afuwa kan sanarwar da ta bayar cewa sojoji sun ceto ‘yan matan Dapchi.

    Za ku iya karanta karin a nan.

  • Shugaban Najeriya Muhammadu Buhari, ya bayyana sa ce ‘yan matan sakandaren Dapchi a matsayin wani bala’i da ya shafi kasa baki daya.

    Za ku iya karanta karin a nan.

  • Rundunar Sojin sama ta sanar da tura jiragen yaki da karin dakaru domin bincike da kuma ceto ‘yan matan da aka sace.

    Za ku iya karanta karin a nan.

  • An samu sa’insa tsakanin Sojoji da ‘Yan sanda kan wadanda alhakin tsaron Dapchi ya rataya a kan wuyansu, inda ‘yan sanda suka ce ba da saninsu sojoji suka fice ba.

    Za ku iya karanta karin a nan.

  • Majalisar wakilai ta kafa kwamiti domin gudanar da bincike game da yadda aka sace ‘yan matan sakandaren garin Dapchi.

    Za ku iya karanta karin a nan.

  • Shugaba Buhari ya ce gwamnatinsa ta zabi ta sasanta da Boko Haram maimakon yin amfani da karfin soja domin ceto ‘yan matan a raye.

    Za ku iya karanta karin a nan.

  • Kafar yada labarai ta Amurka ta Wall Street Journal, WSJ, ta ce ta samu bayanan da suka tabbatar mata da cewa bangaren Abu Musab Abu Musab al-Barnawi ne suka sace ‘yan matan 110.

    Za ku iya karanta karin a nan.

  • Amnesty International ta zargi sojojin Najeriya da yin biris da gargadin cewa ‘yan Boko Haram za su kai hari sa’o’i kalilan gabannin a sace ‘yan matan sakandaren Dapchi sama da 100, zargin da sojojin suka musanta.

    Za ku iya karanta karin a nan.

  • Gwamnatin Najeriya ta musanta cewa ta biya kudin fansa domin a saki ‘yan Matan makarantar sakandaren garin Dapchi da Boko Haram ta sace.

    Za ku iya karanta karin a nan.

Dan bindiga ya yi garkuwa da mutane a Faransa


Hakkin mallakar hoto
Google Maps

Wani dan bindiga ya yi garkuwa da mutane da dama a cikin wani babban kanti da ke Trèbes a kudancin Faransa.

Kafofin watsa labaran kasar sun ce tun da farko sai da mutumin ya bude wuta kan wasu ‘yan sanda da ke motsa jiki, inda ya yi musu rauni, ko da yake ba shi da girma.

‘Yan sanda sun garzaya babban kantin mai suna Super U da ke Trèbes kusa da Carcassonne.

Wanimai daukaka kara ya ce dan bindigar ya yi ikirarin cewa shi dan kungiyar Islamic State ne. A watan Janairun 2015 wani dan bindiga ya kashe mutum hudu a wani babban kanti da ke Paris.

Fira Minista Édouard Philippe ya ce lamarin na da “girma”. Kafofin watsa labaran kasar sun ce dan bindigar ya kashe mutum daya amma hukumomi ba su tabbatar da hakan ba.

An girke daruruwan ‘yan sanda a wurin sannan aka toshe hanyar da ke zuwa kantin.

An soma shirin tsige shugaban kasar Zambia


Hakkin mallakar hoto
AFP

Mambobin jam’iyyar hamayya ta Zambia sun gabatar da wani kudurin doka a zauren majalisar da zummar tsige shugaban kasar Edgar Lungu.

Kusan kashi uku cikin hudu na ‘yan majalisar karkashin jam’iyyar United Party for National Development ne suka sanya hannu kan kudurin dokar, wanda aka gabatar a gaban majalisar ranar Alhamis.

Wasu daga cikin mutanen da suka sanya hannu kan kudurin sun hada da tsofaffin ministoci Chishimba Kambwili da Harry Kalaba, wadanda mambobin jam’iyya mai mulki ne.

‘Yan majalisar sun ce sun dauki matakin ne saboda rashin iya aiki da kuma cin hanci da suke zargin shugaban kasar da aikatawa.

Sai dai kakakin shugaban ya yi watsi da zarge-zargen.

Tuni harkokin siyasar Zambia suka dauki dumi duk da yake ba za a yi zaben shugaban kasa ba sai 2021.

An takaita sadaki a Jamhuriyar Nijar


Hakkin mallakar hoto
Getty Images

Image caption

An kafa dokoki domin saukaka wa mutane aure a Nijar

A Jamhuriyar Nijar, masarautar Damagaram ta bi sahun takwararta ta Azbin tare da amincewar al’ummar yankin ta kafa wasu dokoki domin saukaka aure, wadanda suka hada da kayyade kudin sadaki, da hana anko da takaita gara da kuma jerin gwanon ababan hawa ana wasan ganganci wajen kai amarya.

Haka kuma masarautar ta Damagaram, ta hana shan tabar nan ta ruwa wato shisha da matasa ke yi a fadin jihar.

Sarkin garin mai martaba Alh. Abubakar Sanda, ya sanar da hakan a yayin wani taro da ya yi da masu ruwa da tsaki a jihar da ‘yan kasuwa da kuma kungiyoyin mata, inda ya ce an dauki wannan mataki ne bayan jama’ar garin sun kai kukansu ga masarautar, a kan a nema musu sauki a al’amuran da suka shafi aure da suna da kuma wasu bidi’oi da ake yi a jihar.

Mai martaba sarkin na Damagaram, ya ce sun yi nazari a kan wannan koke, don haka yanzu aka sanya doka saboda la’akari da cewa dukkan wadannan abubuwa da jama’ar garin suka mayar bidi’a, abubuwane da addini ya hana su.

Kazalika mai martaba sarkin ya ce, irin wadannan bidi’ar, kan sa idan ta zo kan mutum, wani lokaci sai an ci bashi domin a yi abin da zai faranta wa jama’a.

Yanzu haka, masarautar ta Damagaram ta kayyade sadakin aure daga jaka 20 na CFA zuwa jaka 50, kuma an hana kai amarya a cikin jerin gwanon motoci, sannan an takaita gara da ma hana ankon biki kwata-kwata.

A bangaren lafiya kuma, masarautar ta Damagaram, ta hana shan tabar shisha kwata-kwata bisa shawarwarin likitoci, saboda a cewar masarautar, likitoci sun ce yawanci matasa na kamuwa da cutukan da suka danganci huhu ko tari sakamakon shan shishar.

Matasan garin dai sun bayyana jin dadinsu ga wadannan sabbin dokoki, musamman dokar takaita kashe kudade a yayin aure,inda suka ce da yawa daga cikinsu na son suyi aure, to amma idan suka tuna irin kudin da za su kashe, jikinsu kanyi sanyi.

Masarautar Azbin ma dai a Jamhuriyar ta Nijar, ta dauki irin wannan mataki na hana bidi’a ya yin biki ko suna.

Europol sun kama masu safarar mata dan yin karuwanci


Image caption

Tun a watan Nuwamba aka fara gudanar da binciken da tattara bayanai, ba a fitar da rahoto ba sai a yanzu saboda gudun kawo cikas a binciken da suke yi

Hukumar ‘yan sandan turai Europol, sun ce jami’an tsaron kasa da kasa sun gano wasu gungun masu aikata laifi a Nigeria.

Mutanen dai na wata kungiya ne mai suna The EIYE brotherhood da ke safarar mutane a ciki da wajen kasashen turai.

Europol ta ce aikin hadin gwiwa da kasashen Birtaniya da Sifaniya da kuma Nigeria, ka na da hukumomin da lamarin ya shafa ne ta kai ga yin wannan nasara.

Tuni kuma aka cafke mutane kusan 90, ya yin da aka kubutar da wasu mata da ‘yan mata 39 da aka tilastawa yin karuwanci a kasashe irin Italiya da Sifaniya.

Matan dai sun bayyana sai da aka yi musu sihirin Voodoo a Najeriya dan su bada hadin kai.

Kuma tun a watan Nuwambar bara aka yi wannan samame amma bayanai ba su fito ba sai a dan tsakanin, hakan ta faru ne sakamakon gujewa yin katsalandan a binciken.

Jirgin India ya wuce sararin Saudiyya zuwa Isra’ila


Image caption

Wannan shi ne karon farko da wani jirgi ya yi amfani da sararin Saudiyya zuwa kasar Isra’ila

A wani mataki da ba safai ake gani ba, kuma mai cike da tarihi a karon farko jirgin sama mallakar India ya sauka a kasar Isra’ila da hanyar keta sararin samaniyar Saudiyya.

Ministan sufirin Isra’ila Yisrael Katz ya ce Air India ya taso ne daga birnin Delhi zuwa Tel Aviv, kuma shi ne na farko a hukumance ya fara sufuri daga kasarsa da Saudiyya wadda sam ba ta amince da Isra’ila ba.

Jirgin El Al dai ba ya sauka ko keta sararin Saudiyyar, dan haka ake ganin jirgin India zai bude sabuwar dangantaka tsakanin kasashen biyu.

Shi ma ministan yawon bude ido na kasar Yariv Levin ya ce amfani da sararin Saudiyya zai rage lokacin tafiya da sa’a biyu, da kuma rage kashe kudade.

Buhari ya lashi takobin kubutar da ‘yar Dapchin da ta rage


Hakkin mallakar hoto
Getty Images

Image caption

Shugaban Najeriya Muhammadu Buhari, ya sha alwashin kubutar da ‘yar Dapchin da ta rage

Shugaba Muhammadu Buhari na Najeriya, ya lashi takobin cewa zai dukufa wajen ganin an ceto yarinya daya tilo da ta rage daga cikin yammatan makarantar Dapchi 110 da aka sace, kamar yadda ya yi a lokacin da suke hannun ‘yan Boko Haram.

A cikin wata sanarwa da mataimakin shugaban na musamman a kan harkokin watsa labarai Malam Garba Shehu ya fitar, ta ce, gwamnatin shugaba Buhari, ba za ta yi kasa a gwiwa ba a kokarin ganin ta ceto tare da dawo da Leah Sharibu, gida wajen iyayenta lami lafiya, kamar yadda aka ceto sauran yammatan, bayan da ‘yan ta’addar suka rike ta kamar yadda aka rawaito cewa saboda ta ki yar da ta musulunta ne.

Sanarwar ta ce, shugaba Buhari, na cike da sanin nauyin da ya rataya a wuyansa, kamar yadda tsarin mulkin kasar ya tanadi ya kare dukkannin ‘yan Najeriya, ba tare da la’akari da bambancin addininsu ko kabilarsu ko kuma yankin da suka fito ba, kuma ba zai gajiya ba wajen sauke wannan nauyi.

Kazalika sanarwar ta ce, shugaban na sane da fadar cewa, dukkannin musulmai na gaskiya a fadin duniya, suna martaba ka’idar nan da ke cewa babu tilas a addini.

A dangane da haka, babu wani mutum ko wata kungiya da za ta tilasta addininta a kan wani.

Sanarwar ta ci gaba da cewa, shugaban na Najeriya, na cike da alhini ga iyayen wannan yarinya, wadanda za su rinka kallon sauran takwarorinsu da aka sako ‘ya’yansu na murna, yayin da su kuma ‘yarsu har yanzu ba ta tare da su.

Daga karshe sanarwar ta ce, shugaba Buhari, ya jaddada cewa ba za a yi watsi da wannan yarinya da ta rage ba, kuma nan bada jimawa ba, iyayenta za su kasance cikin murna tare da ‘yarsu.

A watan jiya ne dai aka sace yammatan, lamarin da ya janyo mummunar suka kan gwamnati da jami’an tsaron Najeriya.

A ranar Jumma’a ne ake kyautata zaton shugaba Buharin, zai karbi yammatan na Dapchi a fadarsa da ke Abuja.

‘Yan wasan da ke kan gaba a cin kwallo a Turai


Hakkin mallakar hoto
Getty Images

Image caption

Salah ne kan gaba da kwallo 28 a gasar Premier Ingila

Hukumar kwallon kafa ta duniya ta ware wannan makon a matsayin ranakun da kasashe za su buga wasannin sada zumunci a tsakanin su.

Hakan ne ya sa ake yin hutu a manyan gasar kasashen Turai, inda wasu ‘yan wasa ke kan gaba a cin kwallaye.

Mohammed Salah ne ke kan gaba a Premier da kwallo 28, bayan da aka yi wasa 31 a gasar, kuma shi ne na daya a Turai.

A spaniya kuwa, bayan da aka yi wasannin mako na 29, Lionel Messi na Barcelona ne da kwallo 25 ke kan gaba.

A kasar Italiya an kammala wasannin mako na 29 a gasar Serei A, inda Ciro Immobile na Lazio ne kan gaba da kwallo 24.

A jamus kuwa Robert Lewandowski ne na daya dan wasan Bayern Munich, bayan da ya ci 23, bayan da aka buga karawar mako na 27.

An buga wasannin mako na 31 a gasar cin kofin kasar Faransa, inda Edison Cavani ne ke kan gaba da kwallo 24 a raga.

APC ta mayar wa PDP da martani kan ‘yan matan Dapchi


Hakkin mallakar hoto
Reuters

Image caption

Buhari na shan suka da yabo kan ‘yan matan Dapchi

Jam`iyyar APC mai mulki a Najeriya ta mayar wa da babbar jam’iyyar adawa ta PDP da martani kan batun ‘yan matan Dapchi da aka sako bayan an sace su.

Jam’iyyar APC ta ce PDP ba za ta iya ganin duk wani abin kirkin da gwamnatinsu ke aikatawa ba saboda hamayya ta rufe mata ido.

Wannan dai martani ne ga furucin da PDP ta yi cewa APC ta shirya dodo-rido ne wajen sace `yan matan sakandaren Dapchi da kuma ceto su da nufin farfaganda, ganin babban zabe na karatowa.

Alhaji Maimala Buni sakataren jam`iyyar APC na kasa ya shaida wa BBC cewa wutar-ciki cce ke damun PDP, kasancewar APC ta yi abin da ya gagare su lokacin da suke mulki.

A ranar Laraba 21 ga watan Maris ne ‘yan Boko Haram suka shiga garin Dapchi suka mayar da ‘yan mata 105 da wani yaro daga cikin mutum 110 da suka sace a ranar 19 ga watan Fabrairu.

Har yanzu ba a san makomar sauran ‘yan matan biyar ba da ba a gani ba bayan sakin sauran. Ko da yake wasu daga cikin wadanda aka sako sun ce sauran mutuwa suka yi.

Tun sace ‘yan matan ne dai gwamnatin APC ta shugaba Muhammadu Buhari ta yi alkawalin za ta ceto ‘yan matan da ransu.

Bayan an sako ‘yan matan ne Jam’iyyar adawa ta PDP a Najeriya ta yi zargin cewa jam’iyyar APC da fadar shugaban kasar ne suka kitsa sace matan Dapchi 110.

Wata sanarwa da kakakin PDP Kola Ologbondinyan ya aike wa manema labarai ta ce “APC da wasu jami’an fadar shugaban kasar ne suka shirya sace matan domin cimma wani buri na siyasa.”

Amma a lokacin da yake mayar da martani, sakataren jam’iyyar APC ya ce, “borin kunya ne PDP ta ke domin a lokacin mulkinta ne aka soma rikicin Boko Haram.”

Ya kuma ce: “wannan wani batu ne da ya kamata jami’an tsaro su nemi karin bayani daga jam’iyyar PDP a kan me suke nufi da shiri ne aka yi”.

Ra’ayin ‘yan Najeriya dai ya sha bam-ban kan rawar da gwamnatin kasar ta taka wurin dawo da ‘yan matan sama da 100 da Boko Haram ta sace a Dapchi.

A yayin da wasu da dama ke yabon gwamnatin Shugaba Muhammadu Buhari da jajircewa wajen cika alkawarin da ta dauka na ganin ta ceto yaran, wasu kuwa a kasar shakku suka nuna a kan wannan lamari.

Wannan batu dai zai ji gaba da jan hankalin ‘yan Najeriya a ciki da wajen kasar har zuwa wani lokaci.